ኢሳያሳ ቲንቢቴ 14:29 - ጋሞ ማጻፋ

²⁹ ኢንቴኖ ፊሊስጼሜ ኣሳቶ፥ ኢንቴና ሾጪዳ ጉፌይ ሜቂዳ ጊሻስ ኡባቲ ኡፋዬቶፍቴ፤ ሾሻ ጋርሳፌ ሃሶ ሾሺ ኬዛና፤ ኢዛ ዜሬካ ጾንጌቲዛ ማርዜራ ዲዛ ሃሶ ሾሽ ጊዳና።

Geeshsha Maxaafa

²⁹ Intteno Filisxeeme asatoo, inttena shocida guufey meqqida gishshas ubbati ufayettofte; shooshshaa garsafe haso shooshshi kezana; iza zereththika xongettiza marzera diza haso shoosh gidana.

ኢሳያሳ ቲንቢቴ 14:29 ပူးပေါင်းရင်းမြစ်များ

2ካዎታ ማጻፋ 18:8

ቢዲ ጋዛ ዛዋ ጋካናሲኔ ፊሊስጼሜ ኣሳይ ናጊዛ ሻኮይ ዲዛሶ ጋካናስ ጊምቤቲ ኡቲዳ ካታማዮ ጾኒ ኦይኪዴስ።

2ታሪኬ ማጻፋ 26:6

ኦዚያይ ፊሊስጼሜታራ ኦሌታናስ ኬዚዲ ጌቴ፥ ያቢኔኔ ኣሽዶዴ ካታማታ ዲርሳ ላሊዴስ፤ ሂስቲዲ ኣሽዶዴ ካታማ ማታኒኔ ፊሊስጼሜ ዴሬ ጊዶን ካታማታ ኤሲዴስ።

2ታሪኬ ማጻፋ 28:18

ፊሊስጼሜ ኣሳቲ ቃሴ ዩሁዳ ሻራ ሜንኒኔ ኔጌቤ ባዞን ዴኢዛ ካታማታ ዎራጂዲ ቤቲ-ሼሚሼ፥ ኣያሎኔ፥ ጋዴሮቴ፥ ሶኮ፥ ቴሚና፥ ጊሚዞኔ ኢስታ ዩሾን ዲዛ ሞታ ኡባ ኦይኪዲ ሄን ዴኢዳ።

ሌሚሶ ማጻፋ 24:17

ኔ ሞርኬይ ኩንዲዛ ዎዴ ኡፋዬቶፋ፤ ኢዚ ጴቲዛ ዎዴካ ኔ ዎዚናን፥ «ሃሹ!» ጎፓ።

ኢሳያሳ ቲንቢቴ 11:14

ኢስቲ ኣርሼይ ዉሊዛ ባጋራ ፊሊስጼሜታ ዱጉን ዎና፤ ናምኣይካ ኢሲፌ ጊዲዲ ኣርሼይ ሞኪዛ ዴሬዛ ቦንቃና፤ ኢስቲ ኤዶሜ ቦላኔ ሞኣቤ ቦላ ባንታ ኩሼ ዴንና፤ ኣሞኔ ኣሳይ ኢስታስ ሃሬታና።

ኢሳያሳ ቲንቢቴ 11:8

ሚዛ ናይ ኢታ ሾሻ ኦላን ካኣና፤ ን ዱንታ ናይ ባ ኩሼ ጎፔ ሾሻ ኦላን ዬዳና።

ኢሳያሳ ቲንቢቴ 14:31

«ኔኖ ፔንጌዞ! ዉ! ዉይ ጋ፤ ኔኖ ካታማዞ! ዋሳ፤ ኢንቴኖ ፊሊስጼሜ ኣሳቶ! ኢንቴ ኡባይካ ሂርጋን ሴሪቴ! ጋሶይካ ፑዴሃ ባጋፌ ጩዋይ ኢንቴ ቦላ ዪዴስ፤ ሄ ጪፍራፔ ዱጺ ኣታናይ ዴና።

ኢሳያሳ ቲንቢቴ 2:6

ጎዳዉ! ኔኒ ኔ ኣሳ ያቆቤ ዛሬታ ኣጋዳሳ። ኢስቲ ኣርሼይ ሞኪዛ ባጋራ ዲዛ ኣሳታ ማላ ቢታን ኩሚዳ፤ ፊሊስጼሜ ኣሳ ማላ ሙሬኔቴስ። ኢስቲ ኣላጋራ ኢሲፌ ዙፔቴቴስ።

ኢሳያሳ ቲንቢቴ 30:6

ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ ዎዳላ ጋሞቲኔ ማጫ ጋሞቲ ዲዛሶን፥ ማርዜራ ዲዛ ሾሻቲኔ ጾንጌቲዛ ሾሻቲ ዲዛሶን፥ ሜቶይኔ ጬጬይ ኩሚዳ ቢታራ ኣ ቢዲ፥ ኢስቲ ጎኦንታ ዴሬታኮ፥

ኤርማሳ ቲንቢቴ 47:1

ፓሮኔይ ጋዛ ኦሊ ኦይካናፔ ካሴ ፊሊስጼሜታ ጊሻስ ጎዳፔ ኤርማሳኮ ዪዳ ቃላይ ሃይሳፌ ካሊ ዲዛይሳ።

ኤርማሳ ዚላስ 2:17

ጾሲ ባ ቆፒዳይሳ ኦዴስ፤ ዳሮ ዎዴፔ ካሴ ዮቲዳ ቃላ ፖሊዴስ፤ ኢዚ ኔና ቃታይ ባይንዳ ላሊዴስ፤ ኔ ዋዬቲሺን ሞርኬይ ኡፋዬታና ማላ ኔ ሞርኬታ ቁ ቁ ሂስቲዴስ።

ሂዚቄላ ቲንቢቴ 25:15

«ኡባ ሃሪዛ ጎዳይ፥ ‹ፊሊስጼሜቲ ዎዚና ኢታቴን ዴንዲዲ ሃሎ ኬሲዳ ጊሻሲኔ ዩሁዳካ ካሴ ጋምኢዳ ሞርኬቴን ካዲ ይሳናሳ።

ሂዚቄላ ቲንቢቴ 26:2

«ሃይሶ ኣሳ ናዉ! ጺሮሲ ዬሩሳላሜ ጊሻስ፥ ‹ዴሬታ ፔንጌይ ሃሹ ሜቃዱስ፤ ኢዚ ፔንጌቲ ታስ ዋቂ ጊ ዶዬቲዳ፤ ሃኢ ኢዛ ላሌቲዳ ጊሻስ ታ ኢዞ ዱሬታና› ጊዴስ፥

ሂዚቄላ ቲንቢቴ 35:15

ኢስራኤሌ ኬ ጺንጾይ ቡላ ጊዲዳ ዎዴ ኔ ኡፋዬቲዳ ጊሻስ ታኒካ ኔ ቦላ ሄሳ ኦና፤ ሃይሶ ሴይሬ ዙማዞ! ኔኒኔ ኩሜ ኤዶሜይ ቡላታና፤ ሄሳፌ ጉዬ ታኒ ጎዳ ጊዲዳይሳ ኢስቲ ኤራና› ጌስ» ጊዴስ።

ሆሴኤ ቲንቢቴ 9:1

ኢስራኤሌ ኣሳዉ! ኡፋዬቶፍቴ! ሃራ ካዎቴታ ማላ ኡፋይስ ኖጮጩ ጎፒቴ! ኣይስ ጊኮ ኢንቴ ኢንቴ ጾሳስ ኣማኔቲቤኬታ ካ ባሌ ኡባን ላይማቴስ ኢሚዛ ዋጋ ዶሲዴታ።

ኢዩኤሌ ቲንቢቴ 3:4

ኢንቴኖ ጺሮሴ፥ ሲዶናኔ ፊሊስጼሜ ኣሳቶ! ኢንቴ ኣይ ኦሼ ዴቲ? ኢንቴ ታ ቦላ ሃሎ ኬሳና ቆፔቲ? ኢንቴ ሄሳ ማላ ቆፒኮ ታኒካ ካሴታዳ ኢንቴ ቦላ ሃሎ ኬሳና።

ኣሞጼ ቲንቢቴ 1:6

ጎዳይ ፊሊስጼሜስ፥ «ጋዛ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስታ ዴሬዛ ኡባ ዲኢ ኤፊዲ ኤዶሜስ ባይዚዳ።

ኣሞጼ ቲንቢቴ 1:8

ኣስቄሎና ዴሬ ካዎዛኔ ኣሽዶዴ ዴሬ ኣሳ ታ ፒታ ይሳና፤ ፊሊስጼሜን ዲዛይቲ ዉሪ ዉራና ጋካናስ ታኒ ታ ኩሼ ኣቃሮኔ ቦላ ዴንና» ጌስ።

ኣብዲዩ ቲንቢቴ 1:12

ዩሁዳ ዴሬን ዴኢዛ ኢሻታ ቦላ ጋኪዳ ሜቶን ኔኒ ኡፋዬታና ኮሼናሺን ኡፋዬታዳሳ፤ ቃሴ ኢስታ ዮኒኔ ሜቶን ኡፋዬታናኔ ኦቶሬታና ኔስ ቤሴናሺን ኦቶሬታዳሳ።

ሚኪያሳ ቲንቢቴ 7:8

ታ ሞርኬዞ! ታ ቦላ ጋኪዳዚ ኔና ኡፋይሶፎ፤ ኩንዲኮካ ታ ዴንዳና፤ ታ ማን ኡቲኮካ ጾሳይ ታስ ፖኦ ጊዳና።

ሶፎናሳ ቲንቢቴ 2:4

ጋዛይ ቡላ ቢታ ጊዳና፤ ኣስቄሎናይካ ላሌታ ኣታና። ኣዛጾኔይ ሴታ ጋላስ ካይዛና። ኣቃሮኔይ ሾዴታና።

ሶፎናሳ ቲንቢቴ 2:5

ኢንቴኖ ኣባ ኣቻን ዲዛይቶ! ኬሊቴ ዴሬ ኣሳቶ፥ ኢንቴስ ኣዬ ኣና! ፊሊስጼሜ ዴሬ ኣሳይ ዲዛ ካናኔ ቢታዬ! ኔ ቦላ ዮቴቲዳ ጎዳ ቃላይ ሃይሳፌ ካሊዛይሳ፤ «ታ ኔና ሙሌራ ይሳና፤ ኔናን ዲዛ ኣሳፔ ኣታና ኣሲ ዴና።

ሶፎናሳ ቲንቢቴ 3:11

ኢንቴ ታ ቦላ ፖሊዳ ቆሆ ኡባፌ ዴንዲዳይሳን፤ ሄ ጋላስ ዬላቴኬታ፤ ባ ኦቶሬቴን ኡፋዬቲዛይታ፥ ሃኖ ሃ ካታማይፔ ታ ዲጋና። ሄሳፌ ጉዬ ታ ጌሻ ዙማን፥ ኢንቴ ታ ቦላ ኦቶሬቴኬታ።

ዛካራሳ ቲንቢቴ 9:5

ኣስቄሎናይ ሄሳ ቤኢዲ ያያና፤ ጋዛይ ሜቶን ኡንኤታና፤ ሄሳካ ኣቃሮኔይ ሂዶታካ ቃንጻና፤ ጋዛይ ቃሴ ካዎይ ባይንዳሮ ጊዳና፤ ኣስቄሎናይ ቡላ ጊዳና።

ታይቦ ማጻፋ 21:8

ሄ ዎዴ ጎዳይ ሙሴስ፥ «ኔኒ ጻርቂማላ ሾሽ ቆጻ ኬሳዳ ቱሳ ማላ ኣዱሳ ሚ ቦላ ካቃ፤ ሾሺ ዱኪዳ ኣሲ ዉሪካ ሄሳ ቤኢዲ ኣታና» ጊዴስ።

ኢያሶ ማጻፋ 13:3

ጊብጼፔ ኣርሼይ ሞኪዛ ባጋራ ዲዛ ሺሆሬ ሻፋፔ ዶሚዲ፥ ፑዴሃ ባጋራ ዲዛ ኣቃሮኔ ዛዋ ጋካናስ ዲዛ ቢታቲ ዉሪ ካናኔ ቢታ ማላ ቆዴቴቴስ። ኢቻሽ ፊሊስጼሜ ካዎቲ ሃሪዛ ካታማቲ ጋዛ፥ ኣሽዶዴ፥ ኣስቄሎና፥ ጌቴኔ ኣቃሮኔ ጌቴቲዛይታ ጊዲሺን ሄይቲካ ኣዌታ ቢታ።