ኢሳያሳ ቲንቢቴ 14:27 - ጋሞ ማጻፋ

²⁷ ኡባፌ ዎልቃማ ጎዳይ ሃይሳ ቆፒዴስ፤ ሄሳ ኢዛ ኦኔ ዲጋናይ? ኢዚ ባ ኩሼ ዴንዴስ፤ ሄሳ ዛራናይ ኦኔ?

Geeshsha Maxaafa

²⁷ Ubbaafe Wolqqama GODAY hayssa qoppides; hessa iza oonee digganay? Izi ba kushe denththides; hessa zaaranay oonee?

ኢሳያሳ ቲንቢቴ 14:27 ပူးပေါင်းရင်းမြစ်များ

2ታሪኬ ማጻፋ 20:6

«ኣቤት ጎዳ ኑ ጾሳዉ! ሳሎን ዴኢዛ ጾሳይ ኔና! ሳኣን ዴኢዛ ካዎቴታ ኡባ ሃሪዛይ ኔና! ዎልቃይኔ ማታይ ኔስ ዲዛ ጊሻስ ኔናራ ኤቄታናስ ዳንዳይዛይ ዴና።

ኢዮቤ ማጻፋ 11:10

ጾሲ ዪዲ ቃቺኮ፥ ጌዴ ፒርዳ ኬ ሺሺዳኮ ኦኔ ኢዛ ዲጋናይ?

ኢዮቤ ማጻፋ 23:13

«ኢዚ ባርካ ባና ዳንዳይ ዴስ፤ ኢዛራ ኤቄታናይ ዴና፤ ኢዚ ባ ዶሲዳይሳ ኡባ ኦሶ ዳንዳዬስ።

ኢዮቤ ማጻፋ 40:8

ታና ፒርዳ ጌላሲዛዴ ኬሳዳ ኔና ጺሎ ኣስ ኬሳናስ ዳፌታይ?

ኢዮቤ ማጻፋ 42:2

«ታ ጎዳዉ! ኔኒ ኡባ ሚሽ ኦናስ ዳንዳይዛይሳ ታ ኤራዲስ፤ ኔ ቆፋካ ጲ ዲጋናይ ዴና።

ኢዮቤ ማጻፋ 9:12

ኢዚ ባ ኮዪዳይሳ ኤኪኮ ኦኒካ ኢዛ ዲጌና፤ ‹ኣይስ ሃይሳ ኦይ?› ጊዲ ኢዛ ኦይቻናስ ጻሊዛይ ዴና።

ዬ ማጻፋ 33:11

ጎዳ ሃልቾይ ሜርናስ ኤቂ ዳና፤ ኢዛ ዎዚና ቆፋይካ ዬሌታፔ ዬሌታ ጋካናዉ ዳና።

ሌሚሶ ማጻፋ 19:21

ኣሳ ዎዚናን ዳሮ ሃልቾይ ዴስ፤ ጊዶ ኣቲን ጎዳ ቆፋይ ፖሌቴስ።

ሌሚሶ ማጻፋ 21:30

ኣሲ ባ ኤራን፥ ኣኬካኒኔ ሃልቾን ጎዳራ ኤቄታናስ ዳንዳዬና።

ኢሳያሳ ቲንቢቴ 23:9

ኦቶሬቲዛይታ ኡባ ቦንቾ ካዉሻናስ ቃሴ ቢታ ቦላ ቁ ቁ ጊዳይታ ዚቂ ሂስታናስ ጎዳይ ኡባፌ ዎልቃማ ጾሳይ ሃልቺዴስ።

ኢሳያሳ ቲንቢቴ 43:13

ቤኒሶፌ ዶማዳ ታኒ ታና፤ ታ ኩሼፔ ኬሲ ኤካናይ ዴና፤ ታ ኦዛይሳ ላማናዉ ዳንዳይዛይ ኦኔ?» ጌስ ጎዳይ።

ኢሳያሳ ቲንቢቴ 46:11

ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኢሳያሳ ቲንቢቴ 8:10

ኦላስ ዞሬቲቴ፤ ጊዶ ኣቲን ኢንቴስ ሱሬና፤ ሃልቾ ኬሲቴ፤ ጊዶ ኣቲን ኢንቴስ ሚኔና። ጋሶይካ ጾሳይ ኑናራ ዴስ።

ኢሳያሳ ቲንቢቴ 9:12

ኣርሼይ ሞኪዛ ባጋፌ ኣራሜ ቢታ ኣሳቲኔ ኣርሼይ ዉሊዛ ባጋፌ ፊሊስጼሜ ቢታ ኣሳቲ ባንታ ዶና ሃንጊዲ ኢስራኤሌ ሚታና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 4:28

ሄሳ ጊሻስ ሳኣይ ዬካና፤ ሳሎይካ ማና። ኣይስ ጊኮ ታኒ ጋዲስ፤ ሄ ቆፋ ታ ላሞንታ ማላ ቃቻዲስ» ጌስ።

ኤርማሳ ቲንቢቴ 44:28

ጊዶ ኣቲን ኦላፔ ኣቲዳ ጉቲ ጊብጼፔ ሲሚዲ ዩሁዳ ጌላና፤ ሄ ዎዴ ጊብጼን ዳና ቢዲ ሄን ኣቲዳ ዩሁዳ ጫሻቲ ኡባይ ታ ቃላፔኔ ኢስታ ቃላፔ ኣዋይሲ ቱሙ ጊዳናኮ ኢስቲ ኤራና።

ኤርማሳ ቲንቢቴ 49:20

ሄሳ ጊሻስ ታኒ ጎዳይ ኤዶሜ ቦላ ፖላናስ ሃልቺዳ ሃልቾኔ ቴማኔን ዲዛይታ ቦላ ታ ቆፒዳ ቆፋ ሲዪቴ! ጉ ዉዴቲ ጎሼቲ ባና፤ ሄሳ ጋሶን ዉዴይ ሄሜቲዛሶ ሙሌራ ይሳና።

ኤርማሳ ቲንቢቴ 51:59

ዩሁዳ ካዎ ሴዴቂያሲ ካዎቲዳ ኦይዳን ላይን ካዎዛ ጊቤ ዛቤዚ ማኢሴያ ናዛ ኔሪያ ና ሳራያይ ካዎዛራ ባቢሎኔ ቢዳ ዎዴ ናቤ ኤርማሲ ኢዛስ ዮቲዳ ኪታይ ሃይሳ።

ሂዚቄላ ቲንቢቴ 26:14

ታ ኔና ካሎ ዲዛ ሎቻ ዛላ ኦና፤ ኔኒ ሞሌ ጊቴ ሚጪዛሶ ጊዳና፤ ናምኣን ሲማ ኦሴታካ፤ ሃይሲ ሃናናይ ታኒ ጎዳይ ዮቲዳ ጊሻሳ› ጌስ።

ኦሮሜ ኣሳስ 8:28

ጾሲ ባና ዶሲዛይታሲኔ ኢዛ ሼኔ ማላ ጼይጌቲዳይታስ ኡባስ ኦዛ ሚሽ ኡባካ ሎኦስ ኦዛይሳ ኑ ኤሮስ።

ኦሮሜ ኣሳስ 8:31

ሂስቲን ሄሳ ኑ ኣይ ጊኖ? ጾሲ ኑናራ ጊዲኮ ኑናራ ኤቄታናስ ዳንዳይዛይ ኦኔ?