ኢሳያሳ ቲንቢቴ 14:25 - ጋሞ ማጻፋ

²⁵ ታኒ ኣሶሬ ታ ቢታ ቦላ ሊቂሳና፤ ታኒ ኢዛ ታ ዙማ ቦላ ዬና፤ ኢዛ ቃምባራይ ታ ዴሬዛ ቦላፌ ዴንዳና፤ ኢዛ ቶሆይካ ኢስታ ሃሼፔ ኪቻና» ጊ ጫቂዴስ።

Geeshsha Maxaafa

²⁵ Tani Asoore ta biitta bolla liiqisana; tani iza ta zuma bolla yedhdhana; iza qambaray ta dereza bollafe dendana; iza toohoykka istta hasheppe kichchana» gi caaqqides.

ኢሳያሳ ቲንቢቴ 14:25 ပူးပေါင်းရင်းမြစ်များ

2ታሪኬ ማጻፋ 32:21

ሂስቲን ጎዳይ ኪታንቻ ዬዲዲ ኣሶሬ ካዎይ ዱንካኒዳሶን ዴኢዛ ኦላንቻታ፥ ኦላ ጋዳዋታኔ ሃላቃታ ይሲዴስ፤ ሄሳ ጊሻስ ኣሶሬ ካዎዚ ካዉዪዲ ባ ዴሬ ሲሚዴስ፤ ሂስቲዲ ባ ኤቃ ጾሳ ኬ ጌሊዳ ማላ ኢዛ ኣቱማ ናይቲ ኢዛ ጊ ማሻን ሲፊዳ።

ኢሳያሳ ቲንቢቴ 10:12

ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 14:5

ጎዳይ ኢታ ጻምኣኔ ሃሪዛይታ ካዎቴ ጉፌ ሜንዴስ።

ኢሳያሳ ቲንቢቴ 33:1

ኔስ ዮንታ ዳሼ ሃራ ይሲዛይሶ! ኔስ ኣዬ ኣና! ኔና ኣ ኢሞንታ ዲሺን ሃራ ኣ ኢሚዛይሶ! ኔስ ኣዬ ኣና! ኔኒ ይሶ ኣጊዳ ዎዴ ኔ ያና፤ ኔኒ ኣ ኢሞ ኣጊዳ ዎዴ ኔና ኣ ኢማና።

ኢሳያሳ ቲንቢቴ 52:2

ሃኔ ዬሩሳላሜ፥ ዴንዳ፤ ጉዱላ ፒታ፤ ኔ ኣራታን ኡታ። ዲኤቲዳ ጺዮኔ ናዬ፥ ኔ ቆን ቃሼቲዳ ሳንሳላታ ኬሳ ዬጋ።

ኢሳያሳ ቲንቢቴ 9:4

ካሴ ኔኒ ሚዲያሜ ቢታ ጾኒዳ ማላ ኢስታ ዴጺዛ ቃምባራ፥ ኢስታ ሃሼ ቦላ ዎዳ ዱርቃኔ ኢስታ ዋዪሲ ሃሪዳ ጉፌ ሜንዳሳ።

ሂዚቄላ ቲንቢቴ 32:22

«ኣሶሬይ ባ ኩሜ ኦላንቻታራ ዳዉስ፤ ኢዚፔ ማሻን ኩንዲዳይታኔ ሲፌቲዳይታ ዱፎን ዶዴታ ኡታዱስ።

ሂዚቄላ ቲንቢቴ 39:4

ኔኒ፥ ኔ ኦላንቻቲኔ ኔናራ ዲዛ ካዎቴቲ ኡባይ ኢስራኤሌ ዙማታ ቦላ ኩንዳና፤ ታኒ ኢንቴ ኣሾዛ ፑዚ ሚዛ ኣንኮታሲኔ ዎራ ዶኣታስ ማና ማላ ኣ ኢማና።

ሚኪያሳ ቲንቢቴ 5:5

ኢስታስ ሳሮቴ ኢዛ ጊዳና። ጎዳይ ኢስራኤሌ ኣሳ ኣሻናኔ ኢስታ ሞርኬታ ይሳና ኣሶሬ ኣሳይ ኑ ቢታ ዎራጂሺን ኑ ሚጻታካ ሜን ጌሊሺን ላፑን ሄሚዛይታ ሄሳፌካ ኦስፑን ሃላቃታ ኑ ኢዛ ቦላ ዴንና።

ሚኪያሳ ቲንቢቴ 5:6

ኣሶሬ ዴሬይ ማሻን ናሙሩዴ ዴሬይ ኮሆፔ ሾዴቲዳ ጊ ማሻን ሃሬታና፤ ኣሶሬ ኣሳይ ኑ ቢታ ዎራጂሺኒኔ ኑ ስ ቦቺሺን ኢዚ ኑና ኣሻና።

ናሆሜ ቲንቢቴ 1:13

ሃኢካ ታ ኢስታ ቃምባራ ኔ ሞርጌፌ ሜን ዲጋና፤ ኔ ኢዛን ቃሼቲዳ ሳንሳላታካ ዱ ዬጋና» ጌስ።

ዛካራሳ ቲንቢቴ 10:11

ኢስቲ ኣባ ጊዶራ ዋዬቲ ኣና፤ ኣባ ዳምባላይ ጮኡ ጋና፤ ጪማ ኣባይካ ዉሪ ሚጫና፤ ኦቶራንቻ ኣሶሬ ዴሬ ኣሳይ ካዉያና፤ ጊብጼ ካዎቴ ጻምኣይ ሜቃና።