ኢሳያሳ ቲንቢቴ 13:19 - ጋሞ ማጻፋ

¹⁹ ካዎቴታስ ቦንቾ፥ ካላዳዌታስ ጬቆ ጊዲዳ ባቢሎኔ ጎዳይ ሶዶሜ ማላኔ ጋሞራ ማላ ኢዞ ሺሪ ዬጋና።

Geeshsha Maxaafa

¹⁹ Kawoteththatas bonchcho, Kaladaawetas ceeqo gidida Baabiloone GODAY Sodoome malanne Gamoora mala izo shiri yeggana.

ኢሳያሳ ቲንቢቴ 13:19 ပူးပေါင်းရင်းမြစ်များ

ሜቴ ማጻፋ 19:24

ሄ ዎዴ ጎዳይ ታማኔ ጹጊዛ ዲኔ ሶዶሜ ቦላኔ ጋሞራ ቦላ ሳሎፔ ቡኪሲዴስ።

ሜቴ ማጻፋ 19:25

ሄሳ ኦዲ ጎዳይ ሄ ዙሌን ዲዛ ካታማታኔ ዙሌን ዲዛዝ ኡባ ሄ ካታማታ ጊዶን ዲዛ ኣሳ ኡባኔ ሄ ቢታን ዲዛ ሚኔ ማታ ኡባ ጹጊ ይሲዴስ።

ኢሳያሳ ቲንቢቴ 13:1

ኣሞጼ ና ኢሳያሳስ ጎዳይ ባቢሎኔ ጊሻስ ቆንጪሲን ኢዚ ቤኢዳይሲ ሃይሳፌ ካሊዛይሳ፤

ኢሳያሳ ቲንቢቴ 21:9

ቤኢቴ፥ ኢሲ ኣሲ ፓራታን ጎሼቲዛ ፓራ-ጋሬታን ዪዴስ፤ ሂስቲዲ፥ ‹ባቢሎኔይ ኩንዳዱስ! ኩንዳዱስ! ኢዚ ኤቃ ጾሳ ሚስሌቲካ ሜቄሬቲ ጋዴን ኩንዲዳ› ጊ ዛሪዴስ» ጊ ዋሲዴስ።

ኢሳያሳ ቲንቢቴ 47:5

«ሃኔ ባቢሎኔታ ናዬ፥ ማሶ ጌላዳ ጮኡ ጋ ኡታ፤ ሃይሳፌ ጉዬ ኔ ካዎቴታ ጎዳቴዮ ጌቴታ ጼይጌታካ።

ኢሳያሳ ቲንቢቴ 48:14

«ኢንቴ ኡባይካ ኢሲ ቦላ ሺቂዲ ሲዪቴ፤ ኤቃ ጾሳታፔ ካሴ ሃይታንታ ዮቲዳይ ኦኔ? ጎዳስ ዶሬቲዳ ላጌይ ኢዚ ባቢሎኔ ቦላ ሃልቺዳይሳ ፖላና፤ ኢዛ ቄሴይካ ባቢሎኔታ ቦላ ጊዳና።

ኤርማሳ ቲንቢቴ 25:12

«ላፑን ታሙ ላይይ ፖሌቲዳፔ ጉዬ ባቢሎኔ ካዎ፥ ኢዛ ዴራኔ ኢዛ ቢታ ሞሮ ጊሻስ ታኒ ቃጻያና፤ ኢስታ ቢታካ ሜርናስ ቡላ ኦና።

ኤርማሳ ቲንቢቴ 49:18

ሶዶሜይኔ ጋሞራይ ባንታ ዩሾን ዲዛ ካታማታራ ኢሲፌ ይዳ ማላ ኤዶሜይ ያና፤ ኦኒካ ሄ ቢታን ዴኤና፤ ኢሳዴይካ ኢዚን ኡቴና» ጌስ።

ኤርማሳ ቲንቢቴ 50:40

ሶዶሜኔ ጋሞራ ካታማ ኢስታ ዩሾን ዲዛ ዴሬታ ኣሲ ዶንታ ማላ ኦዴስ፤ ሄሳካ ኦኒካ ሄን ዴና፤ ኢዚን ኡታናይካ ቤቴና» ጌስ።

ኤርማሳ ቲንቢቴ 51:26

ኔፔ ዮቻ ሹቺ ቤቴና፤ ጉላስ ጊዲዛ ሹቺ ኤኬቴና፤ ኔኒ ሜርናስ ቡላ ጊዳና» ጌስ።

ኤርማሳ ቲንቢቴ 51:29

ባቢሎኔ ኦኒካ ዶንታ ባዞ ቢታ ሂስታናስ ጎዳይ ቆፒዳ ቆፋይ ፖሌታና ዎዴይ ጋኪዳ ጊሻስ ቢታይ ኮኮሬስ፤ ሜቶንካ ፖፖርቁ ጌስ።

ኤርማሳ ቲንቢቴ 51:41

«ሼሻካ ዋና ዲኤታዴ! ሳኣ ኡባይ ኢዚን ጬቄቲዛራ ዋና ኦይኬታዴ! ባቢሎኔይ ካዎቴታ ኡባ ሲንን ኣይ ማላ ዳጋንዛዝ ጊዳዴ!

ኤርማሳ ቲንቢቴ 51:62

ኔኒ፥ ‹ኣቤት ጎዳዉ! ኔኒ ሃኖ ሃ ሶሆዪን ኣስ ጊዲን ሜሄይ ሙሌራ ያና ጋካናስ ሜርናስ ቡላ ኬሳና ጋዳሳ› ጋ።

ዳኔላ ቲንቢቴ 4:30

«ታ ሚኖ ዎልቃን ታ ቦንቾስ ካዎስ ዱሳሶ ጊዳና ማላ ታ ኦሲሲዳ ጊታ ባቢሎኔ ካታማያ ሃኖ ጊዴኬ?» ጊዴስ።

ኣሞጼ ቲንቢቴ 4:11

ሶዶሜኔ ጋሞራ ካሴ ታ ይሲዳ ማላ ኢንቴፌ ዳሮታካ ታ ይሳዲስ፤ ኢንቴ ኣቲዳይቲካ ታማይ ሚሺን ኣቲዳ ሚ ዱርጫ ማላ ጊዲዴታ ሺን ኢንቴ ሃ ታኮ ሲሚቤኬታ።

ሶፎናሳ ቲንቢቴ 2:9

ሄሳ ጊሻስ ጎዳይ ኡባፌ ዎልቃማ ኢስራኤሌ ጾሳይ፥ «ታኒ ታ ዴኦ ጾሳቴን ጫቃይስ፤ ሞኣቤይ ሶዶሜ ማላ ኣሞኔይ ጋሞራ ማላ፥ ሻራፋይ ማይኢዳሶ ማላኔ ማጺኔ ቦኪ ኤኪዳ ኦላ ማላ ሜርናስ ቡላ ጊዳና። ታ ኣሳፔ ጫሻ ኣቲዳይቲ ኢስታ ሃሮ ቦንቃናኔ ኢስታ ቢታ ላታና» ጌስ።

ኦሮሜ ኣሳስ 9:29

ሄሲካ፥ «ዎጋ ጎዳይ ኑስ ዜሬ ኣሾንታኮ ኑኒካ ሶዶሜ ካታማ ማላኔ ጋሞራ ካታማ ማላ ያናሺን» ጌቴቲዲ ካሴ ኢሳያሳ ዶናን ዮቲዳይሳ ማላ ሃኒዴስ።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።

ዮሃኒሳ ኣጁታ 18:11

ሃይሳፌ ጉዬ ኢስታ ማርካቤን ጫኔቲዳይሳ ሻሚዛ ኣሲ ባይንዳ ጊሻስ ቢታ ቦላ ዲዛ ዛልኣንቻቲ ኢዚስ ዬካናኔ ካዮታና።

ዮሃኒሳ ኣጁታ 18:19

ባ ሁኤን ጉዱላ ቆሊዲ ዬኪሼኔ ሙዞቲሼ፥ «ኣባ ቦላ ማርካቤይ ዲዛይቲ ዉሪካ ኢዚ ሚሻን ዱሬቲዳይቲ፥ ሂና ጊታ ካታማያ ኢሲ ሳቴ ጊዶን ሙሌራ ይዳ ጊሻስ ኢዚስ ኣዬ ኣና! ኣዬ ኣና!» ጊ ዋሲዳ።