ኢሳያሳ ቲንቢቴ 11:14 - ጋሞ ማጻፋ

¹⁴ ኢስቲ ኣርሼይ ዉሊዛ ባጋራ ፊሊስጼሜታ ዱጉን ዎና፤ ናምኣይካ ኢሲፌ ጊዲዲ ኣርሼይ ሞኪዛ ዴሬዛ ቦንቃና፤ ኢስቲ ኤዶሜ ቦላኔ ሞኣቤ ቦላ ባንታ ኩሼ ዴንና፤ ኣሞኔ ኣሳይ ኢስታስ ሃሬታና።

Geeshsha Maxaafa

¹⁴ Istti arshey wulliza baggara Filisxeemeta dugunththaa wodhdhana; nam7ayka issife gididi arshey mokkiza dereza bonqqana; istti Eedoome bollanne Mo7aabe bolla bantta kushe denththana; Amoone asay isttas haarettana.

ኢሳያሳ ቲንቢቴ 11:14 ပူးပေါင်းရင်းမြစ်များ

ኢሳያሳ ቲንቢቴ 14:29

ኢንቴኖ ፊሊስጼሜ ኣሳቶ፥ ኢንቴና ሾጪዳ ጉፌይ ሜቂዳ ጊሻስ ኡባቲ ኡፋዬቶፍቴ፤ ሾሻ ጋርሳፌ ሃሶ ሾሺ ኬዛና፤ ኢዛ ዜሬካ ጾንጌቲዛ ማርዜራ ዲዛ ሃሶ ሾሽ ጊዳና።

ኢሳያሳ ቲንቢቴ 15:1

ሞኣቤ ቢታ ጊሻስ ጎዳይ ዮቲዳ ቃላይ ሃይሳ፤ ቂሬ-ሞኣቤን ዲዛ ኤሬያ ላሌታዱስ፤ ኢሲ ጋላሳ ኦማርሳን ዲፒ ጋዱስ፤ ቃሴ ቂሬ-ሞኣቤን ዲዛ ቂሬያ ላሌታዱስ፤ ኢሲ ጋላሳ ኦማርስ ዲፒ ጋዱስ።

ኢሳያሳ ቲንቢቴ 16:14

ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።

ኢሳያሳ ቲንቢቴ 25:10

ጎዳ ኩሼይ ሃ ዙማ ቦላ ሼምፓና። ጊዶ ኣቲን ኡቱላይ ኡርቃን ዬቲዛ ማላ ሞኣቤይካ ዬታና።

ኢሳያሳ ቲንቢቴ 33:1

ኔስ ዮንታ ዳሼ ሃራ ይሲዛይሶ! ኔስ ኣዬ ኣና! ኔና ኣ ኢሞንታ ዲሺን ሃራ ኣ ኢሚዛይሶ! ኔስ ኣዬ ኣና! ኔኒ ይሶ ኣጊዳ ዎዴ ኔ ያና፤ ኔኒ ኣ ኢሞ ኣጊዳ ዎዴ ኔና ኣ ኢማና።

ኢሳያሳ ቲንቢቴ 59:19

ጎዳ ፔኖይ ሱጊ ኤኪ ቢዛ ዎልቃማ ዲኦ ማላ ያና። ሄሳ ጊሻስ ኣርሼይ ዉሊዛ ባጋራ ዲዛይቲ ጎዳ ሱንስ ያያና፤ ኣርሼይ ሞኪዛ ባጋራ ዲዛይቲ ኢዛ ቦንቾስ ሃሬታና።

ኢሳያሳ ቲንቢቴ 60:14

ኔና ኡንኤዳይታ ኣቱማ ናይቲ ዚጊሼ ኔኮ ያና፤ ኔና ካዳ ኡባቲ ኔ ቶሆ ቦላ ኩንዳና፤ ‹ሃኔ ጎዳ ካታማዬ! ኢስራኤሌስ ጌሻ ሚሽ ጊዲዳ ጺዮኔ› ጊ ጼይጋና።

ኢሳያሳ ቲንቢቴ 63:1

ኤዶሜ ቢታን ዲዛ ቦጺራ ካታማፔ ዞኦ ሴሎ ማይኦ ማይኢዲ ዪዛይ ሄሲ ኢዚ ኦኔ? ሃይሲ ቦንቾ ማይኢዲ ባ ዎልቃ ጊታቴን ሄሜቲሼ ዪዛይ ኢዚ ኦኔ? «ጺሎ ሃሳይዛይኔ ኣሻናስ ዎልቃይ ዲዛይ ታና ጊዲኪና!» ጌስ ጎዳይ።

ኢሳያሳ ቲንቢቴ 9:12

ኣርሼይ ሞኪዛ ባጋፌ ኣራሜ ቢታ ኣሳቲኔ ኣርሼይ ዉሊዛ ባጋፌ ፊሊስጼሜ ቢታ ኣሳቲ ባንታ ዶና ሃንጊዲ ኢስራኤሌ ሚታና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 40:11

ሄ ዎዴ ሞኣቤን፥ ኣሞኔን፥ ኤዶሜኒኔ ሃራ ቢታታን ዲዛ ኣይሁዳ ኡባይ ባቢሎኔ ካዎይ ኣማርዳ ኣሳታ ዩሁዳን ኣሺዳይሳኔ ኢስታ ቦላ ሳፋኔ ና ኣኪቃሜ ና ጎዶሊያሳ ሹሚዳይሳ ሲዪዳ።

ኤርማሳ ቲንቢቴ 48:40

ጎዳይ፥ «ጎሌይ ባ ቄፌ ፒዲ ሂስቲ ፒራ ዎዛ ማላ፥ ሞኣቤ ቦላ ዎና።

ኤርማሳ ቲንቢቴ 49:2

ኣሞኔ ካታማ ኤራባ ቦላ ኦላ ዋሶ ጬንጉርሲ ሴቴታና ዎዴይ ያና። ኢዛ ቡታዳ ዶሬቲዳ ዶሬ ጊዳና፤ ኢዚ ጉታቲ ኡባይ ጹጌታና፤ ኢስራኤሌይ ባና ኬሲ ጎዲዳይታ ባ ዴሬፔ ኬሳ ጎዳና።

ኤርማሳ ቲንቢቴ 49:22

ጎሌ ማላ ዱጌ ሲቲ ጊ ኢዚ ቦላ ዎና፤ ባ ቄፌታካ ቦጺራ ቦላ ሚጫና፤ ሄ ዎዴ ኤዶሜ ኦላንቻቲ ሚጻይ ኦይኪዳ ማጫሳ ማላ ሂርጋና።

ኤርማሳ ቲንቢቴ 49:28

ባቢሎኔ ካዎ ናቡካዳናጾሬይ ኦሊ ጾኒዳ ቄዳሬ ካዎቴ ጊሻሲኔ ሃጾሬ ካዎቴ ጊሻስ ጎዳይ፥ «ዴንዲዲ ቄዳሬ ኦሊቴ! ኣርሼይ ሞኪዛ ባጋራ ዲዛ ዴራ ዲፒ ሂስቲቴ።

ሂዚቄላ ቲንቢቴ 25:14

ታ ዴሬ ኢስራኤሌ ዴንዳ ኤዶሜ ቦላ ሃሎ ኬሳና፤ ኢስቲካ ታ ሃንቆ ማላኔ ታ ቦሻ ማላ ኤዶሜ ዴራ ቦላ ኦና፤ ታኒ ሃሎ ኬሲዳይሳ ኢስቲ ሄ ዎዴ ኤራና› ጌስ።

ዳኔላ ቲንቢቴ 11:41

ሎኦ ቢታዮካ ዎራጂ ኦይካና፤ ዳሮ ዴሬቲ ኢዛ ኩሼን ኩንዳና፤ ጊዲኮካ ኤዶሜይ፥ ሞኣቤይኔ ኣሞኔ ዴሬቲ ኢዛ ኩሼፔ ኣታና።

ኢዩኤሌ ቲንቢቴ 3:19

ጊብጼ ኣሳይኔ ኤዶሜ ኣሳይ ዩሁዳ ኣሳ ቦላ ጌኔ ኦዳ ጊሻስ ቃሴካ ጺሎ ኣሳ ዎዳ ጊሻስ ጊብጼይ ባዞ ጊዳና፤ ኤዶሜይ ኣሲ ባይንዳሶ ጊዳና።

ኣሞጼ ቲንቢቴ 9:12

ሄሳካ ኤዶሜ ዴሬን ኣቲዳይታኔ ታ ሱንን ጼይጌቲዳ ዴሬታ ኡባ ኢስቲ ላታና» ጌስ ጎዳይ።

ኢምባቆ ቲንቢቴ 1:8

ኢስታ ፓራይ ማሄፔካ ፒላታ፤ ኦማርሳ ካና ሱይቴታፔካ ሜንጼ ኢታ፤ ኢስታ ቶጋ ኣሳይካ ቶ ፒላታኔ ሃሆፔ ዪዛይታ። ባቂ ኤኪዲ ኤሌሊዛ ጎሌ ካፎ ማላ ፒራቴስ።

ሶፎናሳ ቲንቢቴ 2:5

ኢንቴኖ ኣባ ኣቻን ዲዛይቶ! ኬሊቴ ዴሬ ኣሳቶ፥ ኢንቴስ ኣዬ ኣና! ፊሊስጼሜ ዴሬ ኣሳይ ዲዛ ካናኔ ቢታዬ! ኔ ቦላ ዮቴቲዳ ጎዳ ቃላይ ሃይሳፌ ካሊዛይሳ፤ «ታ ኔና ሙሌራ ይሳና፤ ኔናን ዲዛ ኣሳፔ ኣታና ኣሲ ዴና።

ሶፎናሳ ቲንቢቴ 2:7

ሄሲካ ዩሁዳፔ ጫሻ ኣቲዳይታስ ጊዳና፤ ኢስቲካ ሄን ባስ ኣቆታ ዴማና፤ ጋዴይ ቃሚሺን ኣስቄሎና ካታማን ዲዛ ኬታን ኣቃና፤ ጎዳይ ኢስታ ጾሳይ ኢስታ ናጋና፤ ኢስታፌ ዲኤቲዳይሳካ ኢስታስ ዛራና።»

ሶፎናሳ ቲንቢቴ 2:9

ሄሳ ጊሻስ ጎዳይ ኡባፌ ዎልቃማ ኢስራኤሌ ጾሳይ፥ «ታኒ ታ ዴኦ ጾሳቴን ጫቃይስ፤ ሞኣቤይ ሶዶሜ ማላ ኣሞኔይ ጋሞራ ማላ፥ ሻራፋይ ማይኢዳሶ ማላኔ ማጺኔ ቦኪ ኤኪዳ ኦላ ማላ ሜርናስ ቡላ ጊዳና። ታ ኣሳፔ ጫሻ ኣቲዳይቲ ኢስታ ሃሮ ቦንቃናኔ ኢስታ ቢታ ላታና» ጌስ።

ታይቦ ማጻፋ 24:17

ታኒ ኢዛ ቤኣይስ፤ ጊዶ ኣቲን ሃኢ ጊዴና፤ ታ ኢዛ ጼላይስ፤ ጊዲኮካ ሃኢ ማታን ጊዴና፤ ጾሊንቴይ ያቆቤፔ ቤታና፤ ካዎቴ ጉፌይ ኢስራኤሌፔ ኬዛና፤ ሞኣቤ ዜሬኔ ሴቴ ዜሬታ ኡባ ዲፒ ሂስቲ ይሳና።

Maatosa 8:11

ታ ኢንቴስ ዮታይስ፤ ዳሮቲ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና።

ዳናታ ማጻፋ 6:3

ኢስራኤሌ ኣሳይ ካ ዜሪዛ ዎዴ ኡባን ሚዲያሜ ኣሳይ፥ ኣማሌቄ ኣሳይኔ ኣርሼይ ሞኪዛ ባጋራ ዲዛ ኣሳይ ኢስታ ቦላ ዎራጂ ዎራጂ ሜቶ ጋቴስ።