ኢሳያሳ ቲንቢቴ 1:31 - ጋሞ ማጻፋ

³¹ ሚኖ ኣሲ ሃፓ ማላ፤ ኢዛ ኦሶይካ ፒልኢ ጊዛ ላጮ ማላ ጊዳና፤ ናምኣይካ ኢሲ ቦላ ጹጌታና፤ ሄ ታማ ቶይሳና ኣሲካ ዴና» ጊዴስ።

Geeshsha Maxaafa

³¹ Mino asi happa mala; iza oosoykka pil7i giza laco mala gidana; nam7ayka issi bolla xuugettana; he tamaa toyssana asikka deenna» gides.

ኢሳያሳ ቲንቢቴ 1:31 ပူးပေါင်းရင်းမြစ်များ

ኢሳያሳ ቲንቢቴ 24:6

ሄሳ ጊሻስ ቃንጌ ቢታ ሜስ፤ ኢዚን ዴኢዛ ዴሬቲ ባንታ ሞሮን ቃጻዬታና ቤሴስ፤ ሄሳ ጊሻስ ሳኣ ቦላ ዲዛ ኣሳቲ ጹጌቲዳ፤ ኢስታፌ ቆዳን ጉ ኣሳቲ ኣቲዳ።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 27:4

ታኒ ሃንቄቲኬ፤ ታናራ ኦሌታናስ ኣጉንኔ ኪንዲቾይ ኬዚዳኮ ታ ኢስታ ኢሲ ቦላ ጹጋና!

ኢሳያሳ ቲንቢቴ 33:11

ኢንቴ ኡቱላ ሻሪዲ ሱላ ዬሊዴታ። ኢንቴ ሼምፒዛ ሼምፖይ ኢንቴና ሚዛ ታማ።

ኢሳያሳ ቲንቢቴ 33:14

ጺዮኔን ዲዛ ናጋራንቻቲ ዳጋሚዳ፤ ጾሲ ኢስታስ ባይንዳይቲ ባቢዲ፥ «ኑ ጋርሳፌ ጹጊዛ ታማራ ዳና ዳንዳይዛይ ኦኔ? ሜርና ታማራ ዳና ዳንዳይዛይ ኦኔ?» ጊዳ።

ኢሳያሳ ቲንቢቴ 4:4

ጎዳይ ጺዮኔ ማጫሳታ ቂታ ሜጫና፤ ማቲ ኡቲዳ ሱፌ ዬሩሳላሜ ፒርዳ ኣያናኒኔ ጹጊዛ ኣያናን ጌሻና።

ኢሳያሳ ቲንቢቴ 43:17

ፓራ-ጋሬታኔ ፓራታ፥ ኦላንቻታኔ ሚኖ ኣሳታ ኡባ ኤሂዲ፥ ኢስቲ ዛሪ ዴንዶንታ ማላ ዛቁሊሲዳ ጎዳይ፥ ሙቃዳ ቢድን ማላ ኢስታ ይሲዳ ጎዳይ፥

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኢሳያሳ ቲንቢቴ 50:11

ሃኢ ጊዲኮ ኢንቴ ታማ ኤዲ፥ ላጪዛ ኢንቴ ጾምፔ ጾምፔ ኦይኪዳ ኡባቲ ኢንቴ ፖኦን ቢቴ፤ ኢንቴ ኦይዳ ጾምፔ ፖኦን ሲሜሬቲቴ፤ ኢንቴ ታ ኩሼፔ ኤካናይሲ ሃይሳ፤ ኢንቴ ኢታ ሜቶን ኩንዳና።

ኢሳያሳ ቲንቢቴ 66:17

ጎዳይ፥ «ኣታኪልቴይ ዲዛሶሆ ቢዲ ኢስታፌ ኢሳስ ጎይናናስ ባና ጌሺዛይቲኔ ዱማሲዛይቲ፥ ጉዱን ኣሾኔ ኤጬሬ ኣሾ፥ ቱኒዳ ሚሻታ ሚዛ ኡባቲ ባ ፒርዳ ዉርሴን ኢሲፌ ኤካና» ጌስ።

ኢሳያሳ ቲንቢቴ 66:24

ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።

ኢሳያሳ ቲንቢቴ 9:19

ኡባፌ ዎልቃማ ጎዳ ሃንቆን ቢታይ ጹጌታና፤ ዴሬይካ ታማን ጌሊዛ ሚ ማላ ጊዳና፤ ኢሻይ ኢሻስ ቃቴና።

ኤርማሳ ቲንቢቴ 21:12

ኢንቴኖ ዳዊቴ ሶ ኣሳዉ! ኢንቴ ኦዳ ኢታ ኦሶ ጋሶን ኤጺን ኦኒካ ቶይሳና ዳንዳዮንታ ታማ ማላ ታ ሃንቆይ ኢንቴ ቦላ ኤጾንታ ማላ ዎንታን ዎንታን ሱሬ ፒርዲቴ፤ ቦንቄቲዳይታ ኡንኤዛይታ ኩሼፔ ኣሺቴ› ጌስ ጋ።

ሂዚቄላ ቲንቢቴ 32:21

ዱፎ ጊዶን ዎልቃማ ሃላቃቲ ጊብጼ ጊሻሲኔ ኢዚራ ዙፔቲዛይታ ጊሻስ ኢስቲ ዱጌ ዎዲ፥ ‹ማሻን ሃይቂዳይታራኔ ኣማኖንታይታራ ኢሲ ቦላ ኢቺዳ› ጋና።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

Maatosa 3:10

ሄኮ ካልታይ ቃንጻናስ ሚታ ጋርሳን ጊጌቲ ኡቲዴስ፤ ሄሳ ጊሻስ ሎኦ ኣይፌ ኣይፎንታ ሚ ዉሪ ቃንጼታናኔ ታማን ዬጌታና።

Maatosa 3:12

ካ ሱራጊዛ ላይዳይ ኢዛ ኩሼን ዴስ፤ ኢዚካ ባ ካ ባሌዛ ፒቲ ጌሻና፤ ባ ጊስቴዛካ ዲኤን ቆላና፤ ሃፓ ጊዲኮ ቶኦንታ ታማን ጹጋና» ጊዴስ።

ዮሃኒሳ ኣጁታ 19:20

ጊዶ ኣቲን ሄ ዶኣዚ ኦይኬቲዴስ፤ ካሴ ኢዛራ ዳሮ ማላታ ኦዳ ዎርዶ ናቤዚካ ኢዛራ ኦይኬቲዴስ፤ ኢዚ ሄ ዶኣዛ ማላታይ ኢስታ ቦላ ዲዛይታኔ ሄ ዶኣዛ ሚስሌዛስ ጎይኒዳይታኔ ጊታ ማላታታ ኦ ኦዲ ኢስታ ባሌሼ ጋምኢዴስ፤ ሄይቲ ናምኣቲ ዲኔ ጌቴቲዛ ኤጺዛ ታማ ኣባን ሃይቆንታ ፓጻ ዲሼ ዬጌቲዳ።

ዮሃኒሳ ኣጁታ 20:10

ካሴ ኢስታ ባሌዳ ዳቡሎሲ ሄ ዶኣዚኔ ዎርዶ ናቤዚ ዲዛሶይ ዲኔን ኤጺዛ ታማ ኣባ ጊዶን ዬጌቲዳ፤ ኢስቲ ሄን ቃማኔ ጋላስ ሜርናፔ ሜርና ጋካናስ ጹጌታና።

ዳናታ ማጻፋ 15:14

ሳምሶኔይ ሌሃ ቢዳ ዎዴ ፊሊስጼሜ ኣሳቲ ዎጫሚዲ ኢዛራ ጋይታናስ ዪዳ፤ ጎዳ ኣያናይ ኢዛ ቦላ ዎዲ ኢዛስ ዎልቃ ኢሚዴስ፤ ኢዛ ኩሼ ቃቺ ዎዳ ዎዶሮዚካ ታማን ጌሊዳ ሻሎ ማላ ዱጼሬቲ ዎዴስ።