ኢሳያሳ ቲንቢቴ 1:15 - ጋሞ ማጻፋ

¹⁵ ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

Geeshsha Maxaafa

¹⁵ Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ኢሳያሳ ቲንቢቴ 1:15 ပူးပေါင်းရင်းမြစ်များ

1ካዎታ ማጻፋ 8:22

ሄሳፌ ጉዬ ሶሎሞኔይ ጎዳስ ያርሾ ያርሺዛሶ ሲንን ኩሜ ኢስራኤሌ ዴራ ዱላታይ ዲዛሶን ኤቂዲ ባ ኩሼ ፑዴ ሳሎ ዴንዴስ፤

1ካዎታ ማጻፋ 8:54

ሶሎሞኔይ ዎሳኔ ሾቤ ጎዳኮ ሺሺዳፔ ጉዬ ባ ኩሼ ፑዴ ሳሎ ዴንዲ ያርሾ ያርሺዛሶ ሲንን ጉልባቲዳሶፔ ዴንዲ ኤቂዴስ።

ኢዝራ ማጻፋ 9:5

ሄሳፌ ጉዬ ኦማርሳ ዎዴ ያርሾይ ሺቂዛ ዎዴ ዳኬቲዳ ታ ማይኦዛ ማይኢዳ ማላ ሙዞታሼ ጉልባታዳ ጎዳ ታ ጾሳኮ ታ ኩሼ ፑዴ ዴንዳ ሂዝጋ ዎሳዲስ፤

ኢዮቤ ማጻፋ 27:20

ዳጋማይ ኢዛ ቦላ ዲኦ ማላ ቆፖንታ ዲሺን ጋካና፤ ጊዶካ ጎቴ ጫርኮይ ኢዛ ዴን ኤፋና።

ኢዮቤ ማጻፋ 35:13

ጾሲ ቱማ ዎዚናፔ ጊዶንታ ዋሶ ሲዬና፤ ኡባ ዳንዳይዛ ጾሳይ ሄሳ ማላ ኤዝጌና።

ዬ ማጻፋ 134:2

ጾሳ ኬን ኢንቴ ኩሼ ዴንዲ ጎዳ ጋላቲቴ።

ዬ ማጻፋ 55:1

ኣቤት ጾሳዉ! ታ ዎሳ ሲያ፤ ታ ሾቢሺን ቄሊ ጎፓ።

ዬ ማጻፋ 66:18

ታኒ ታ ዎዚናን ናጋራ ጌንዳኮ፥ ጎዳይ ታ ዎሳ ሲዬና።

ኬሳ ማጻፋ 9:29

ሙሴይካ ኢዛስ፥ «ታኒ ሃ ካታማፔ ኬዛ ባዳ ዎሳናስ ታ ኩሼ ጎዳኮ ሚጫና፤ ሂስቲኮ ዳዳይ ኣጋና፤ ቃሴ ሻቻይካ ቡኬና፤ ሄሳንካ ቢታይ ጎዳስ ጊዲዳይሳ ኔኒ ኤራና።

ሌሚሶ ማጻፋ 1:28

«ሄ ዎዴ ኢስቲ ታና ጼይጋና፤ ታ ጊዲኮ ኢስታስ ኮይኬ፤ ኢስቲ ታና ሚን ኮያና፤ ጊዶ ኣቲን ታና ዴሜቴና።

ሌሚሶ ማጻፋ 6:17

ኦቶሬቴን ጼሊዛ ኣይፌ፥ ዎርዶቲዛ ኢንጻርስ፥ ጺሎ ኣሳታ ዎዛ ኩሼ፥

ኢሳያሳ ቲንቢቴ 4:4

ጎዳይ ጺዮኔ ማጫሳታ ቂታ ሜጫና፤ ማቲ ኡቲዳ ሱፌ ዬሩሳላሜ ፒርዳ ኣያናኒኔ ጹጊዛ ኣያናን ጌሻና።

ኢሳያሳ ቲንቢቴ 45:15

ኣሺዛ ኢስራኤሌ ጾሳዉ፥ ቱማፔ ኔኒ ኔና ጌንዛ ጾሳ።

ኢሳያሳ ቲንቢቴ 58:4

ኢንቴ ጾማይ ኦሻኒኔ ፓላማን፥ ጌኔ ኦሶኒኔ ዋታን ፖሌቴስ፤ ሃይሳፌ ሲንን ኢንቴ ጾሚዛይሳ ማላ ሃቺፌ ጉዬ ኢንቴ ዎሳይ ሳሎን ሲዬታና ጊዲ ሂዶታ ኦፍቴ።

ኢሳያሳ ቲንቢቴ 58:7

ቃሴካ ኔ ቁማፔ ጋፊዳዴስ ሻካናስ፥ ቶይላቲዳ ማንቆዛ ኔሶ ጌልናስ፥ ካሎቲዳ ቤኣዳ ማይዛናስ፥ ኔስ ኣሾ ዳቦዛስ ኔ ሲን ኔ ቱኮንታ ማላ ጊዴኔ?

ኢሳያሳ ቲንቢቴ 64:7

ኦኒካ ዎሳን ኔ ሱን ጼይጌና፤ ኔና ኦይካና ፓጪዛይካ ዴና፤ ኔኒ ኔ ኣይፌሶ ኑፔ ጌንዳሳ፤ ኑ ናጋራይ ኑና ይሳና ማላ ኣጋዳሳ።

ኢሳያሳ ቲንቢቴ 8:17

ታኒ ባ ሲን ያቆቤ ዛሬታፔ ጌንዳ ጎዳ ናጋና፤ ኢዛካ ሂዶታ ኦና።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኤርማሳ ቲንቢቴ 14:12

ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

ሂዚቄላ ቲንቢቴ 11:6

ሃ ካታማይን ኢንቴ ዳሮ ኣሳ ዎዲ ኦጌ ኡባን ኣሃ ኩንዴታ።

ሂዚቄላ ቲንቢቴ 14:3

«ሃይሶ ኣሳ ናዉ! ሃይቲ ኣሳቲ ኤቃ ጾሳታ ባንታ ዎዚናን ዎዳ፤ ባንታ ኢታቴ ጲዛ ሹቻ ማላ ባንታ ሲንን ዎዳ፤ ሂስቲን ኢስቲ ታፔ ኢሲ ሚሽ ኦይቻና ማላ ቃላ ኢሞዬ?

ሂዚቄላ ቲንቢቴ 39:23

ኢስራኤሌ ኣሳይ ታስ ኣማኔቶንታ ኢጺዲ ናጋራ ኦዳ ጋሶን ኢስቲ ጎዴቲዳይሳ ካዎቴቲ ኤራና። ሄሳ ጊሻስ ታኒ ታ ኣይፌሶ ኢስታፌ ጌንዲስ፤ ታኒ ኢስታ ኢስታ ሞርኬታስ ኣ ኢማዲስ፤ ኢስቲ ኡባይ ማሻን ዉሪዳ።

ሆሴኤ ቲንቢቴ 5:6

ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

ሚኪያሳ ቲንቢቴ 3:4

ኢስቲካ ፑዴ ጾሳኮ ዋሳና ሺን ጾሲ ኢስታ ዋሶ ሲዬና፤ ኢታቴ ጊሻስ ሄ ዎዴ ጾሳይ ባ ኣይፌሶ ኢስታፌ ሃራሶ ዛራና።

ዛካራሳ ቲንቢቴ 7:13

‹ታ ኢስታ ጼይጊሺን ኢስታ ሲዪቤቴና፤ ሄሳ ጊሻስ ኢስቲ ታና ጼይጊሺን ታኒካ ሲዪኬ› ጌስ ኡባፌ ዎልቃማ ጎዳይ።

Maatosa 23:13

«ኢንቴኖ ቆፔ ቆሞን ሃኒዛይቶ፥ ሙሴ ዎጋ ታማርሲዛይቶ! ኢንቴኖ ፋርሳዌቶ! ኣሳይ ጾሳ ካዎቴ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሻስ ኢንቴና ኣዬ ኣና! ኢንቴ ኢንቴስ ጌሌኬታኔ ጌላናስ ኮይዛይታካ ጌልኬታ።

Maatosa 6:7

«ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳ ኢንቴካ ዎሲሼ ኢሲ ቃላ ዛሪ ዛሪ ጎፒቴ።

ዮሃኒሳ ሚሺራቾ 9:31

ጾሲ ባስ ያዪዛዴሲኔ ኢዛ ሼኔ ኦዛዴስ ኣቲን ናጋራንቻ ኣስ ሲዮንታይሳ ኑ ኤሮስ።

1ጺምቶሳስ 2:8

ሄሳ ጊሻስ ኣቱማ ኣሳይ ኡባሶን ሃንቆይ ባይንዳኔ ፓላማይ ባይንዳ ባ ጌሻ ኩሼታ ፑዴ ቁ ሂስቲዲ ዎሳና ማላ ታ ኮያይስ።