Ibirawe 8:11 - ጋሞ ማጻፋ

¹¹ ሃይሳፌ ጉዬ ኣሲ ባ ጉታ ኣሳ ዎይኮ ባ ኢሻ፥ ‹ኔ ጎዳ ኤራ› ጊ ታማርሴና። ጋሶይካ ኣሲ ጉፌ ጊታታ ጋካናስ ዉሪካ ታና ኤራና።

Geeshsha Maxaafa

¹¹ Hayssafe guye asi ba guta asaa woykko ba ishaa, ‹Ne Godaa era› gi tamaarsenna. Gaasoykka asi guuththafe gitata gakkanaas wurikka tana erana.

Gamo Geesha Maxxafa New Testamen

¹¹ Hayssafe guye asi ba guta asa woykko ba isha gi tamarsena. Gaasoyka asi guuthatethafe gitata gakanas wurikka tana erana.

Ibirawe 8:11 ပူးပေါင်းရင်းမြစ်များ

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

2ታሪኬ ማጻፋ 30:22

ሄሳፌ ጉዬ ሂዝቂያሲ ጎዳ ኦሶን ኣኬካራ ዲዛ ሌዌታ ኡባ ሚንዴስ። ሌዌቲ ኡባይ ባንታስ ኢሜቲዳ ጊሻስ ኢሲፌቴ ያርሾ ያርሺሼ ጎዳ ባንታ ኣዋታ ጾሳ ጋላቲሼ፥ ሚሼኔ ኡዪሼ ባኣሌዛ ላፑን ጋላስ ቦንቺዳ።

ኢዝራ ማጻፋ 7:25

«ኢዝራ! ኔ ጾሳይ ኔስ ኢሚዳ ኣ ኤራቴ ማላ ካላሼ ኤፊራጺሴ ሻፋ ፒንን ዲዛ ዴሬ ኡባስ ኔኒ ጾሳ ዎጋ ኤሪዛ ዳናታኔ ፒርዲዛይታ ዶራ፤ ጾሳ ዎጋ ኤሮንታይታስ ኔኒ ኔ ጾሳ ዎጋ ታማርሳ።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ኤርማሳ ቲንቢቴ 24:7

ታኒ ጎዳ ጊዲዳይሳ ኤሪዛ ዎዚና ኢስታስ ኢማና፤ ኢስቲ ባንታ ኩሜ ዎዚናፔ ታኮ ሲማና ጊሻስ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

ኤርማሳ ቲንቢቴ 42:1

ኦላ ቃራቲ፥ ቃሬሃ ና ዮሃናኔይ፥ ሆሻኢያ ና ኣዛሪያሲኔ ኣሳይ ኡባይ ጉፌ ጊታ ጋካናስ ዪዲ፥

ኤርማሳ ቲንቢቴ 42:8

ሂስቲን ኢዚ ቃሬሃ ና ዮሃናኔ፥ ኢዛራ ዲዛ ኦላ ቃራታኔ ኣስ ኡባ ጉፌ ጊታ ጋካናስ ጼይጊዲ፥

ኤርማሳ ቲንቢቴ 44:12

ዩሁዳን ጫሻ ኣቲዳይቲ ጊብጼ ቢዲ ሄን ዳና ቃቺዳ ኡባታ ታኒ ዴን ይሳና፤ ኢስቲ ኡባይ ያና፤ ጊብጼ ቢታን ማሻኒኔ ኮሻን ዉራና፤ ጊታፔ ጋሼ ጋካናስ ዲዛ ኡባይ ማሻኒኔ ኮሻን ሃይቃና፤ ፓልቄስ፥ ዳጋማስ፥ ቃንጌሲኔ ቂስ ኬዛና።

ኤርማሳ ቲንቢቴ 6:13

ቃሴካ ጎዳይ፥ «ጉይካ ጊታይካ ኡባይ ባ ጎኣስ ዪቄቴስ። ናቤቲኔ ቄሴቲ ኡባይ ኣስ ባሌቴስ።

ሂዚቄላ ቲንቢቴ 34:30

ታኒ ጎዳይ ኢስታ ጾሳይ ኢስታራ ዲዛይሳኔ ኢስራኤሌ ኬ ታ ዴሬ ጊዲዳይሳ ሄ ዎዴ ኢስቲ ኤራና።

ኢምባቆ ቲንቢቴ 2:14

ኣባይ ኩሚዛ ማላ ቢታይ ጎዳ ጊታቴ ኤሮን ኩማና።

ዮሃኒሳ ሚሺራቾ 6:45

ናቤታ ማጻፋታን ኣሳይ ዉሪ ጾሳፌ ታማርዳዴ ጊዳና ጌቴቲ ጻፌቲዴስ። ሄሳ ጊሻስ ኣዋፔ ሲዪዲ ታማርዳ ኣሲ ዉሪ ታኮ ያና።

ሃዋሬታ ኦሶ 8:10

ኣሳይ ዉሪ ጉታፔ ጊታታ ጋካናስ ዉሪካ፥ «ሃይሲ ኣዴዚ ጊታ ዎልቃማ ጌቴቲዛ ጾሳ ዎልቃ» ጊሼ ኢዚ ጊዛይሳ ዉርሲ ዎዚናፔ ሲዬስ።

1ዮሃኒሳ ኪታ 2:27

ኢንቴ ቃሴ ኢዛፔ ኤኪዳ ጺሎ ኣያናይ ኢንቴናን ዲዛ ጊሻስ ሃራይ ኦኒካ ኢንቴና ታማርሳናስ ቤሴና፤ ኢዚ ኢንቴና ታማርሳናይሲ ቱማ ኣቲን ዎርዶ ጊዴና፤ ሄሳ ጊሻስ ጺሎ ኣያናይ ኢንቴና ታማርሲዳ ማላ ኪርስቶሳን ዴኢቴ።

1ዮሃኒሳ ኪታ 5:20

ጾሳ ናይ ዪዳይሳኔ ኑኒ ቱማ ጾሳ ኤራና ማላ ኣኬካ ኢዚ ኑስ ኢሚዳይሳ ኑ ኤሮስ፤ ኑኒካ ቱሙ ጊዲዳ ኢዛ ናዛ ዬሱስ ኪርስቶሳን ዶስ፤ ኢዚካ ቱሙ ጾሳኔ ሜርና ዴኦ።