Ibirawe 4:13 - ጋሞ ማጻፋ

¹³ ጾሳ ኣይፌፔ ጌሜቲዳ ሜታይ ሙሌካ ዴና፤ ኑ ኢዛስ ኑ ጊሻስ ዛሮ ኢማናስ ቤሲዛ ኢዛ ሲንን ሃኖይ ዉሪካ ካሎ ቆንጬን ቤታና።

Geeshsha Maxaafa

¹³ Xoossa ayfeppe geemettida medhetay mulekka deenna; nu izas nu gishshas zaaro immanaas bessiza iza sinththan hanoy wurikka kallo qonccen beettana.

Gamo Geesha Maxxafa New Testamen

¹³ Xoossa ayfefe geemetida medhetay muleka deena. Nu izas nu gishshi malithe immanas bessiza iza sinthan hanoy wurikka qonccen kallo dees.

Ibirawe 4:13 ပူးပေါင်းရင်းမြစ်များ

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

2ታሪኬ ማጻፋ 16:9

ባ ኩሜ ዎዚናፔ ጎዳ ኣማኔቲዛ ኣስ ሚንናስ ጎዳ ኣይፌይ ሳኣ ቦላን ኡባሶ ጼሌስ። ኔኒ ሃ ዮኦዛን ኤያቴ ኦሶ ኦዳ ጊሻስ ሃቺፌ ዶሚን ኔፔ ኦላይ ዱጼና» ጊዴስ።

2ታሪኬ ማጻፋ 6:30

ኔኒ ሳሎን ዴኣሼ ሲያዳ ኢዛ ናጋራ ኣቶ ጋ፤ ኣሳ ኡባ ዎዚና ሻካ ኤሪዛይ ኔና ጻላ ጊዲዳ ጊሻስ ኢሳስ ኢሳስ ኢዛ ኦሶ ማላ ኢማ።

ኢዮቤ ማጻፋ 26:6

ሲኦሌይካ ጾሳ ሲንን ቆንጬን ዴስ፤ ኣባዶኔ ጌቴቲዛሶዛ ኣይ ሚሺካ ካማናዉ ዳንዳዬና።

ኢዮቤ ማጻፋ 34:21

«ጾሲ ኣሳ ኡባ ታንጎዛ ጼሌስ፤ ኢሳ ኢሳ ሄሜ ካሌቴስ።

ኢዮቤ ማጻፋ 38:17

ሃይቆ ፔንጌታ ኔና ቤሲዴ? ጊርዲ ጊዳ ማ ፔንጌታካ ቤያዲ?

ዬ ማጻፋ 139:4

ኣቤት ጎዳዉ! ታኒ ታ ዶናፔ ኢሲ ቃላካ ሃሳያናፔ ካሴታዳ ኔኒ ታ ቆፋ ኡባ ኤራሳ።

ዬ ማጻፋ 44:21

ሃይሳ ኤሮይ ጾስ ጾናኔ? ኢዚ ዎዚናን ጌሚ ዲዛ ጹራ ኡባ ኤሬስ

ዬ ማጻፋ 7:9

ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

ዬ ማጻፋ 90:8

ኔኒ ኑ ኢታ ኦሶ ኔ ሲንን ዎዳሳ፤ ቃሴ ኑ ጌንዳ ናጋራ ኔ ሲን ፖኦኮ ኣዳሳ።

ሌሚሶ ማጻፋ 15:11

ዱፎኒኔ ዮ ጊዶን ዲዛይሲ ጎዳ ሲንን ቆንጬ፤ ሂስቲን ኣሳ ዎዚና ቆፋይ ዋኒ ኢዛፔ ጌማኔ?

ሌሚሶ ማጻፋ 15:3

ጎዳ ኣይፌቲ ኡባሶ ጼሌቴስ፤ ኢታታኔ ሎኦታ ኡባ ሎኤ ቤኤቴስ።

ሌሚሶ ማጻፋ 5:21

ጋሶይካ ኣሲ ኦዛ ኡባ ጎዳይ ቤዬስ፤ ኢዚ ሄሜቲዛ ሄሜታ ኡባ ፒልጊ ጼሌስ።

ኤራንቻታ ማጻፋ 12:14

ጾሳይ ኦሶ ኡባ ቦላ፥ ጌሚዳ ዮኦ ኡባ ቦላ፥ ሎኦ ጊዲን ኢታ ጊዲንካ ፒርዳና።

ኤርማሳ ቲንቢቴ 16:17

ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 23:24

ታኒ ቤኦንታ ማላ ጌማሶን ቆቴቲ ኣታና ኣሲ ዲዜ? ሳሎኔ ሳኣ ኩሚዳይ ታና ጊዲኪና!» ጌስ ጎዳይ።

ኤርማሳ ቲንቢቴ 29:23

ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።

ዳኔላ ቲንቢቴ 2:22

ኢዚ ጪማ ጊዲዳ ጹራ ዮኦታኔ ጌሚዳይታ ቆንጪሴስ፤ ኡባ ዎዴ ኢዛ ማታን ፖኦይ ዴስ፤ ሄሳ ጊሻስ ኢዚ ማን ዲዛዝ ኤሬስ።

Maatosa 6:4

ኢንቴ ኢሞይ ጌማን ጊዶ፤ ቆታን ኦሴቲዳይሳ ቤኢዛ ኢንቴ ኣዋይካ ኢንቴ ዋጋ ኢንቴስ ኢማና።

ዮሃኒሳ ሚሺራቾ 2:24

ቃሴ ዬሱሲ ኣሳ ኡባ ኤሪዛ ጊሻስ ኦናካ ኣማኒቤና።

ዮሃኒሳ ሚሺራቾ 21:17

ሄን፥ «ዮና ና ሲሞና! ኔ ታና ዶሳይ?» ጊዴስ። ኢዚ ሄን፥ «ኔ ታና ዶሳይ?» ጊዳ ጊሻስ ጴጽሮሲ ሚሼቲዲ፥ «ጎዶ! ኔ ኡባ ኤራሳ፤ ታ ኔና ዶሲዛይሳካ ኔ ኤራሳ» ጊዴስ፤ ዬሱሲካ ቃሴካ፥ «ታ ዶርሳታ ሄማ።

ዮሃኒሳ ሚሺራቾ 4:16

ዬሱሲካ ኢዞ፥ «ባዳ ኔ ኣዚና ጼይጋ ኤካዳ ያ» ጊዴስ።

ሃዋሬታ ኦሶ 17:31

ኢዚ ባ ዶሲዳዴ ባጋራ ቢታ ቦላ ጺሎቴን ፒርዳና ጋላስ ባሬ ዎዴስ። ኢዛካ ሃይቆፔ ዴንዲ ኣስ ኡባስ ሃይሳ ቱማቴ ኤሪሲዴስ።

ኦሮሜ ኣሳስ 2:16

ሄሲካ ታ ሚሺራቾ ቃላን ታማርሲዛ ማላ ጾሲ ኣሳ ዎዚናን ቆቴቲዳይሳ ኪርስቶሳ ባጋራ ፒርዲዛ ጋላሳን ቆንጪሳና።

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

2ቆሮንቶሴ ኣሳስ 5:10

ኑኒ ዉሪካ ኪርስቶሳ ፒርዳ ዎምቦራ ሲን ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦዳይ ኢታ ጊዲን ዎይኮ ሎኦ ጊዲን ባ ኦሶ ማላ ቤሲዛ ዋጋ ባስ ኤካና።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

1ሳሜላ ማጻፋ 16:7

ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።