ሆሴኤ ቲንቢቴ 9:10 - ጋሞ ማጻፋ

¹⁰ ጎዳይ፥ «ታኒ ኢስራኤሌ ኣሳ ዴሚዳ ዎዴ ታስ ባዞ ቢታን ዎይኔ ሚ ኣይፌ ዴሚዳ ሚሳቲዴስ። ታኒ ካሴ ኢንቴ ኣዋታ ቤኢዳ ዎዴ ታስ ኮይሮ ካጺዳ ባላሴ ሚ ኣይፌ ቤኢዳ ሚሳቲዴስ። ኢስቲ ባኣሊ-ፔኦሬ ጋኪዳ ዎዴ ባንታናቴ ዬላቺዛ ኤቃ ጾሳስ ዱማሲዳ። ኢስቲካ ሄ ባ ሲቂዛ ኤቃ ጾሳ ማላ ቱኒዳ።

Geeshsha Maxaafa

¹⁰ GODAY, «Tani Isra7eele asaa demmida wode taas bazzo biittan woyne miththa ayfe demmida misatides. Tani kase intte aawata be7ida wode taas koyro kaxxida balase miththa ayfe be7idaa misatides. Istti Ba7aali-Pe7oore gakkida wode banttanateththa yeellachchiza eeqa xoossas dummasida. Isttika he ba siiqiza eeqa xoossaa mala tunida.

ሆሴኤ ቲንቢቴ 9:10 ပူးပေါင်းရင်းမြစ်များ

1ካዎታ ማጻፋ 16:31

ናባጼ ና ኢዮርባኣሜይ ኦዳ ናጋራ ላፋ ሚሽ ጊዲ ቆፎ ጻላ ጊዶንታ ሲዶናታ ካዎ ኤቲባኣሌ ናዮ ኤልዛቤሎ ባስ ማቾ ኤኪዲ ባኣሌ ጌቴቲዛ ኤቃ ጾሳስ ሃጋዚዴሲኔ ጎይኒዴስ።

2ካዎታ ማጻፋ 17:11

ጎዳይ ኢስታ ሲንፌ ጎዲ ኬሲዳ ካዎቴቲ ኦዛይሳ ዙምቡላታ ቦላ ኤጻኔ ጩዋሲዳ፤ ጎዳ ሃንቄዛ ኢታ ኦሶ ኦዳ።

ዬ ማጻፋ 115:8

ኢስታ ሜዛይቲኔ ኢስታን ኣማኔቲዛይቲ ኡባይ ኢስታ ማላ ጊዴቶ።

ዬ ማጻፋ 81:12

ሄሳ ጊሻስ ታኒ ኢስቲ ባ ዎዚና ሙሜቴ ባ ዶሶይሳ ሃናና ማላ ኣጋጋዲስ።

Siiqo Saba 3:6

«ካርቤፌ፥ ኤጻኔፔኔ ዛልኣንቻታ ሳዎፔ ጊጌቲዳ ሺቶ ማላ ሳዎ ቱኑ ጋሼኔ ጩዋ ማላ ቱሉ ጋሼ ባዞራ ዪዛራ ሃና ኢዛ ኦኔ?

ኢሳያሳ ቲንቢቴ 28:4

ጪሊላ ሾባ ሁኤን ኪፒ ጋ ኡቲዳ ኢዛስ ቦንቾ ሴሎ ጊዲዳ ሹላ ጪሻያ፥ ካ ሺሾፔ ሲንን ጋኪን ኣሲ ቤኢዳ ማላ ጹጲ ኤኪዲ ሄራካ ሚቲዛ ባላሴ ማላ ጊዳና።

ኤርማሳ ቲንቢቴ 11:13

ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ኬና ጮራ። ቃሴ ባኣሌ ጌቴቲዛ ሄ ዬላቺዛ ጾሳስ ኤጻኔ ጩዋሳናስ ኢንቴ ኤሲዳ ያርሺዛሶሆቲ ዬሩሳላሜ ኦጌታ ኬና ጮራ› ጌስ።

ኤርማሳ ቲንቢቴ 24:2

ኢሲ ኬሼዛን ሻቼ ጋኪዳ ኬሂ ሎኢዛ ባላሴ ቴራ ሚሳቲዛይ ዴስ። ናምኣን ኬሼዛን ሜቴቶንታ ማላ ሞሬቲዳ ኬሂ ኢታ ባላሴ ቴራይ ዴስ።

ኤርማሳ ቲንቢቴ 3:24

ኑኒ ዬላጋቴፌ ዶሚን ኑ ኣዋቲ ዳቡሪ ዴሚዳ ኣይፌታ፥ ኢስታ ዶርሳታኔ ሜሄታ፥ ኢስታ ማጫ ናይታኔ ኣቱማ ናይታ ቱና ጾሳቲ ሚ ይሲዳ።

ኤርማሳ ቲንቢቴ 3:25

ኑኒ ዬላጋቴፌ ዶሚዲ ሃች ጋካናስ፥ ኑኒካ ኑ ኣዋቲካ ጎዳ ኑ ጾሳ ቦላ ናጋራ ኦዶስ፤ ጎዳስ ኑ ጾሳስ ኣዛዜቲቤኮ፤ ሄሳ ጊሻስ ኣኔ ኑኒ ዬላቴ ጉሉንቲዲ ኢቾስ፤ ቃሴ ካዉሻቴ ኑና ኣፋላ ማላ ካሞ» ጌቴስ።

ኤርማሳ ቲንቢቴ 31:2

ጎዳይ፥ «ማሻፌ ኣቲዳ ዴሬይ ባዞ ቢታን ታፔ ኪያቴ ዴማና፤ ታኒካ ኢስራኤሌስ ሼምፖ ኢማናስ ያና» ጌስ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ሂዚቄላ ቲንቢቴ 20:8

«ኢስቲ ኢሶይ ኢሶይ ጊዲኮ ታ ቦላ ማካሊዳ፤ ታ ዮቲዛይሳካ ሲያና ኮዪቤቴና፤ ኢስቲ ባንታ ኣይፌታ ኢስታ ቦላ ዎዳ ቱና ሚስሌታ ዲጊቤቴና፤ ጊብጼ ኤቃ ጾሳታካ ኣጊቤቴና። ሄሳ ጊሻስ ኢስቲ ጊብጼን ዲሺን ታኒ ታ ሃንቆ ኢስታ ቦላ ጉሳና፤ ፖላና ጋካናሼ ኢስታ ቦላ ዬዳናስ ቃቻዲስ።

ሆሴኤ ቲንቢቴ 11:1

ጎዳይ፥ «ኢስራኤሌይ ቡሮ ዪን ዲሺን ዶሳዲስ። ሂስታዳ ታ ናዛ ታ ጊብጼ ቢታፌ ጼይጋዲስ።

ሆሴኤ ቲንቢቴ 13:5

ባዞ ቢታን ካኔ ሃ ባይንዳሶን ኔና ኢሻልሳ ዎዲስ።

ሆሴኤ ቲንቢቴ 2:15

ካሴ ኢዚ ዎይኔ ኣታኪልቴዛ ታ ኢዚስ ዛራና፤ ሜቶ ሾባ ታ ኢዚስ ሂዶታ ፔንጌ ሂስታና፤ ሄን ኢዛ ጊብጼፔ ኬዚዳ ጋላስ ናቴን ዳሼ ዬጺዳ ማላ ዬጻና።

ሆሴኤ ቲንቢቴ 4:14

ኢንቴ ማጫ ናይቲኔ ኢንቴ ናይታ ማቼቲ ላይማቲሺን ታኒ ኢስታ ቃጻይኬ፤ ጋሶይካ ኢንቴ ኣቱማሳቲ ላይማ ማጫሳታራ ሱኬቴቴስ፤ ኤቃ ጾሳታስ ላይማቴ ያርሾ ሺሺዛይታራ ኢንቴካ ኢዛ ያርሼታ። ሄሳ ጊሻስ ኣኬካይ ባይንዳ ዴሬይ ያና።

ሆሴኤ ቲንቢቴ 4:18

ዎይኔ ኡሹ ኡዪዳፔ ጉዬ ላይማቴቴስ። ኢስታ ኣይሲዛይቲካ ዬላቺዛ ሚሽ ዶሴቴስ።

ኣሞጼ ቲንቢቴ 4:5

ኢንቴ ኦናስ ኮይዛይ ሄሳ ጊዲዳ ጊሻስ ኢርሾይ ኢዛን ዲዛ ኡኬ ጋላታ ያርሾ ሺሺቴ፤ ኢንቴ ሄሳ ኢንቴ ሼኔ ማላ ሺሺዛ ጊሻስ ኢዛን ጬቄቲቴ» ጌስ።

ሚኪያሳ ቲንቢቴ 7:1

ታና ኣዬ ኣና! ዎይኔ ሚ ጊዶፌ ማጺሺን ኣቲዳ ሚ ኣይፌ ቦኔ ቆሪዛ ኣሳ ማላ ጊዳዲስ፤ ሜቴቲዛ ዎይኔ ሚ ኣይፌይ ዴና፤ ኑ ኢዛስ ኣሞቲዛ ኤሌሊ ጋኪዛ ባላሴ ሚ ኣይፌይካ ቤቲቤና።

ታይቦ ማጻፋ 15:39

ሄ ማጫራታ ኢንቴ ቤኢዛ ዎዴ ኡባን ታ ኣዛዞታ ሃሳኢ ኤኪዲ ፖሊቴ፤ ሂስቲኮ ኢንቴ ኢንቴ ኣይፌን ቤኢዳይሳኔ ኢንቴ ዎዚናን ኣሞቲዳይሳ ካሊዲ ታፔ ሻኬቴኬታ።

ታይቦ ማጻፋ 18:13

ኢስቲ ባ ጋዴፔ ታስ ጎዳስ ኢሚዛ ካ ጼራይ ኢንቴሳ፤ ሄሳ ኢንቴሶ ኣሳን ጌሽ ጊዲዳ ኣሲ ኦኒካ ማናስ ዳንዳዬስ።

ኦሮሜ ኣሳስ 6:21

ሃኢ ቃሴ ኢንቴ ዬላቲዛ ሚሻታፔ ሄ ዎዴ ኣይ ጎኣ ዴሚዴቲ? ሄሳ ሄ ሃኖዛስ ጎኣይ ሃይቆ።

ዛሬ ማጻፋ 32:10

«ኣይኮይካ ባይንዳ ባዞን ጫርኮይ ፑኒዛ ቢታን ኢዛ ዴሚዴስ፤ ኢዛስ ጎንዳሌ ጊዲዴስ፤ ባ ኣይፌ ጪሮ ማላ ኢዛ ናጊዴስ።

ዛሬ ማጻፋ 32:17

ሃይሳፌ ካሴ ባ ኤሮንታይታስ፥ ጾስ ጊዶንታ ዳይዳንታስ፥ ማታ ዎዴ ዪዳ ጾሳታስ፥ ቤኒ ኢስታ ኣዋቲ ኢስታስ ጎይኖንታ ኤቃታስ፥ ኢስቲ ያርሾ ሺሺዳ።

ዛሬ ማጻፋ 4:3

ጎዳይ ባኣሊ-ፔኦሬ ዙማ ቦላ ኦይሳ ኡባካ ኢንቴ ኢንቴ ኣይፌራ ቤኢዴታ፤ ኢዚ ሄ ዙማ ቦላ ባኣሌ ጌቴቲዛ ኤቃ ጾሳስ ጎይኒዛይታ ኡባ ኢንቴ ጊዶፌ ይሲዴስ።

ዳናታ ማጻፋ 6:32

ሄሳ ጊሻስ ሄ ጋላስ ኣሳይ ጌዶኔ ሱን ዬሩባኣሌ ጊ ሱንዳ፤ ቢርሼይ ባኣሌይ ባ ጊሻስ ሞቴቶ ጉሳ፤ ጋሶይካ ላሌቶይሲ ኢዛስ ያርሾ ያርሺዛሶ ጊዲዳ ጊሻሳ።