ሆሴኤ ቲንቢቴ 8:5 - ጋሞ ማጻፋ

⁵ ሳማሪያ ዴሬ ኣሳቶ! ማሪ ሚሳቲሲ ኢንቴ ሜዳ ኤቃ ጾሳቲ ታና ሻቴቴስ። ታ ሃንቆይ ኢንቴ ቦላ ታማ ማላ ኤጼስ፤ ኢንቴ ሞሮ ኦሶን ኣይዴ ጋካናስ ኢንቴ ጋምኣኔ?

Geeshsha Maxaafa

⁵ Samaariya dere asatoo! mari misatissi intte medhdhida eeqa xoossati tana shaatteettes. Ta hanqoy intte bolla tama mala eexxees; intte mooro ooson ayde gakkanaas intte gam7anee?

ሆሴኤ ቲንቢቴ 8:5 ပူးပေါင်းရင်းမြစ်များ

2ታሪኬ ማጻፋ 13:8

«ሃኢካ ጎዳይ ዳዊቴ ዜሬታስ ኢሚዳ ካዎቴራ ኢንቴ ኤቄታናስ ቆፔታ፤ ኢንቴ ሄሳ ቆፒዛይ ኢንቴስ ኬሂፔ ጮራ ኦላንቻቲ ዲዛ ጊሻሲኔ ኢንቴስ ጾሳታ ጊዳና ማላ ኢዮርባኣሜይ ዎርቃፌ ኦሲሲዳ ማራ ሚስሌቲ ኢንቴናራ ዲዛ ጊሻሳ።

ዬ ማጻፋ 19:13

ታኒ ኔ ኣይሌይ፥ ጻላቴን ናጋራ ኦንታ ማላ ኔኒ ታና ናጋ። ናጋራይ ታና ሃሮፖ፤ ሄ ዎዴ ታኒ ሱሬ ጊዳና፤ ጊታ ሞሮፔካ ጌያና።

ሌሚሶ ማጻፋ 1:22

«ኢንቴኖ ዎዚና ፓጬቶ! ኢንቴ ኣዉዴ ጋካናስ ኤያቴ ኦጌ ካላኔ? ቂልጪዛይቶ! ኢንቴ ቂልጪዛይሳን ኣዉዴ ጋካናስ ኡፋዬቴቲ? ኤያቶ! ኤራቴ ኣዉዴ ጋካናስ ኢጻኔ?

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኤርማሳ ቲንቢቴ 13:27

ኢንቴ ዙምቡላታ ቦላኔ ዴምባን ኦዳ ሃራሲዛ ኦሶ ታኒ ቤኣዲስ፤ ኢንቴ ላይማቴኔ ኢንቴ ዚታ ሃኖታ ታ ቤኣዲስ፤ ዬሩሳላሜ ኔስ ኣዬ ኣና! ኔኒ ኣይዴ ጋካናስ ኔ ቱናቴፌ ጌዮንታ ዳኔ?» ጌስ።

ኤርማሳ ቲንቢቴ 4:14

ኔኖ ዬሩሳላሜ! ኔ ኣታና ኮይኮ ኔ ዎዚና ኢታቴ ሜጬታ፤ ኢታ ቆፋይ ኔ ዎዚናን ኣይዴ ጋካናስ ጋምኣኔ?

ኤርማሳ ቲንቢቴ 48:13

ኢስራኤሌ ኣሳይ ቤቴሌን ኣማኔቲ ዲሼ ዬላቲዳይሳ ሞኣቤ ኣሳይካ ባ ጾሳን ካሞሼን ዬላታና።

ሆሴኤ ቲንቢቴ 10:5

ሳማሪያ ካታማን ዲዛ ዴሬይ ቤቲ-ኣዌኔን ዲዛ ማራ ሚስሌን ኦሴቲዳ ኤቃ ጾሳስ ያዬስ። ኢዛፔ ቦንቾይ ቃሬቲ ኪቺዳ ጊሻስ ኣሳይ ዬኬስ። ሄ ኤቃ ሚስሌዛ ቄሴቲካ ዋሴቴስ።

ሆሴኤ ቲንቢቴ 10:8

ኢስራኤሌስ ናጋራ ጊዲዳ ቤት-ኣዌኔን ጎይኒዛሶሆ ዙምቡላዚ ያና፤ ኦካይኔ ኦሃይ ሞካና፤ ሄ ዎዴ ዴሬይ ዙማታ፥ «ኑና ቆቲቴ!» ዙምቡላታካ «ኑና ካሚቴ!» ጋና።

ሆሴኤ ቲንቢቴ 13:2

ሃኢካ ናጋራ ቦላ ናጋራ ጉጂዳ፤ ባንታ ጪንጫቴን ሚስሌታ ባስ ጊግሲዳ፤ ቢራፔ ኤቃ ጾሳታ ባንታስ ሜዳ፤ ሄይቲ ዉሪካ ኣሳ ኩሼን ኦሴቲዳይታ፤ ሃይታ ሃ ኣሳታ ጊሻስ፥ «ኣስ ያርሾ ሂስቲ ሺሼቴስ፤ ማራ ሚስሌን ኦሴቲዳ ኤቃ ጾሳታ ዬሬቴስ» ጌቴቲዴስ።

ሆሴኤ ቲንቢቴ 8:6

ሂላንቻይ ማራ ሚስሌ ሜዳ ኤቃ ጾሳቲ ጾስ ጊዳናስ ዳንዳዬቴና። ሄሳ ጊሻስ ማር ሚሳቲ ኦሴቲዳ ሳማሪያ ኤቃ ጾሳቲ ሜቄሬቲ ዎና።

ኣሞጼ ቲንቢቴ 8:14

ሳማሪያ ዴሬን፥ ‹ኣሻሞ› ጌቴታ ጼይጌቲዛ ኤቃ ጾሳይን ጫቂዛይቲ፥ ‹ዳኔ ጾሳይ ቤዪን› ዎይኮ፥ ‹ቤርሳቤሄ ጾሳይ ቤዪን› ጊ ጫቂዛይቲ ዉሪካ ኩንዳና፤ ባ ኩንዲዳሶሆፔ ሙሌካ ዴንዳናስ ዳንዳዬቴና» ጌስ።

ሚኪያሳ ቲንቢቴ 1:7

ኢዚ ኤቃቲ ዉሪካ ሜቄሬታና፤ ኢዚ ኤቃ ኬን ዲዛ ላይማቲዛይታስ ኢሜቲዳዚ ዉሪ ታማን ጹጌታና፤ ኢዚ ሚስሌታካ ኡባ ታ ይሳና፤ ኢዛ ባስ ኢሜቲዳይሳ ላይማን ሺሺዳ ማላ ሃኢካ ኢዚስ ዲዛዚ ላይማን ኤኪዛዝ ጊዳና።

ሃዋሬታ ኦሶ 7:41

ሄ ዎዴ ማራ ሚስሌ ሜዲ ኤቃስ ያርሾ ሺሺዳ፤ ባርካ ሜዳ ባ ኩሼ ኦሶን ኡፋዬቲዲ ጉፒዳ።

ዛሬ ማጻፋ 32:22

ታ ሃንቆይ ታማ ማላ ኤጻና፤ ቢታኔ ቢታ ቦላ ዲዛ ኡባ ጹጋና፤ ሄ ታማይ ሲኦሌ ጪማ ጋካናስ ኤጻና፤ ታማዚ ዙማስ ዮች ጋካናስ ማና።