ሆሴኤ ቲንቢቴ 8:14 - ጋሞ ማጻፋ

¹⁴ «ኢስራኤሌ ዴሬይ ባስ ጊታ ካዎቴ ኬታ ኬጺዴስ፤ ጊዶ ኣቲን ባና ሜዳይሳ ባሊዴስ። ዩሁዳ ዴሬይካ ዳሮ ሚኖ ካታማታ ኦዴስ፤ ጊዶ ኣቲን ታኒ ሄ ካታማታ ቦላ ታማ ዬዳና፤ ኢስታ ሚጻታካ ታማይ ማና» ጊዴስ።

Geeshsha Maxaafa

¹⁴ «Isra7eele derey baas gita kawoteththa keeththata keexxides; gido attiin bana medhdhidayssa balides. Yuhuda dereykka daro mino katamata ooththides; gido attiin tani he katamata bolla tama yeddana; istta miixataka tamay maana» gides.

ሆሴኤ ቲንቢቴ 8:14 ပူးပေါင်းရင်းမြစ်များ

1ካዎታ ማጻፋ 12:31

ኢዮርባኣሜይ ዙምቡላታ ቦላን ጎይኒዛሶሆን ኤቃ ሚስሌታ ኦዴስ፤ ዴራ ጊዶፌ ሌዌ ቆሞ ጊዶንታይታ ቄሴ ሂስቲ ሱንዴስ።

1ካዎታ ማጻፋ 16:31

ናባጼ ና ኢዮርባኣሜይ ኦዳ ናጋራ ላፋ ሚሽ ጊዲ ቆፎ ጻላ ጊዶንታ ሲዶናታ ካዎ ኤቲባኣሌ ናዮ ኤልዛቤሎ ባስ ማቾ ኤኪዲ ባኣሌ ጌቴቲዛ ኤቃ ጾሳስ ሃጋዚዴሲኔ ጎይኒዴስ።

2ካዎታ ማጻፋ 18:13

ሂዝቂያሳይ ካዎቲዳ ታማኔ ኦይዳን ላይን ኣሶሬ ካዎ ሴናኪሬሜይ ጊምቤቲ ዲዛ ዩሁዳ ካታማታ ኡባ ቦላ ሜቶ ጋ ኦይኪዴስ።

2ታሪኬ ማጻፋ 26:10

ኢዛስ ሻራ ሜንኒኔ ጋን ጮራ ሜሄይ ዲዛ ጊሻስ ሄን ናጋናስ ሻኮታ ጊምቢዴስ፤ ዳሮ ሃ ኦላታካ ቦኪዴስ፤ ኢዚ ቃሴ ጎሽ ዶሲዛ ጊሻስ ሻራ ሜንታኒኔ ኣራዳ ጋዴን ኢዛስ ዳሮ ጎሻንቻቲኔ ዎይኔ ቶኪዛይቲ ዴቴስ።

2ታሪኬ ማጻፋ 27:4

ዩሁዳ ዙምቡላታ ቦላ ካታማታ ኦዴስ፤ ዎራታ ጊዶን ሚጻታኔ ኣዱሳ ጊምቤታ ጊምቢዴስ።

ዬ ማጻፋ 106:21

ኢስቲ ባንታና ኣሺዳ ጾሳ ዶጊዳ፤ ኢዚ ጊብጼን ጊታ ኦሶ፥

ዬ ማጻፋ 95:6

ሃ ዪቴ! ሆኪዲ ኣኔ ኢዛስ ጎይኖስ፤ ኑና ሜዳ ጎዳ ሲንን ጉልባቶስ።

ኢሳያሳ ቲንቢቴ 17:10

ኔና ኣሺዛ ጾሳ ባላዳሳ፤ ኔ ኢዛን ቆቴታ ኣቲዛ ኔ ዛላካ ኣኬካቤካ፤ ሄሳ ኔኒ ዶሬቲዳ ኣታኪልቴ ቶኪኮካ፥ ኦራ ዜሬ ኔ ዜሪኮካ፥

ኢሳያሳ ቲንቢቴ 29:23

ባንታ ጊዶን ታ ኩሼ ኦሶ ጊዲዳ ባንታ ናይታ ቤኢሼ ታ ሱን ጌሻቴን ናጋና፤ ኢስቲ ያቆቤ ጌሻዛ ጌሻቴ ኤራና፤ ኢስራኤሌ ጾሳ ሲንን ያሻቴን ኤቃና።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኢሳያሳ ቲንቢቴ 42:25

ሄሳ ጊሻስ ኤጺዛ ባ ሃንቆዛ፥ ኢታ ኦላ ኢስታ ቦላ ዬዲዴስ፤ ታማ ላጮን ኢስታ ጊዶዴስ፤ ኢስቲ ጊዲኮ ሄሳ ኣኬኪቤቴና፤ ኢስታ ጹጊዴስ ሺን ኢስቲ ዎዚናን ዎቤቴና።

ኢሳያሳ ቲንቢቴ 43:21

ታኒ ታስ ጊግሲዳ ዴሬይ ታ ጋላታ ኣዋጃና ማላ ታ ሃይሳ ኦና።

ኢሳያሳ ቲንቢቴ 9:10

«ጹቤፔ ኦሴቲዳ ጊምቤቲ ላሌቲዳ፤ ኑኒ ጊዲኮ ማሴቲዳ ሹቻን ዛሪ ጊምባና፤ ኤቲ ቃንጼቲዳ፤ ኑኒ ጊዲኮ ኢስታሶሆን ዚጋ ላማና» ጊዳ።

ኢሳያሳ ቲንቢቴ 9:9

ኤፍሬሜኒኔ ሳማሪያን ዴኢዛ ዴሬ ኡባይ ሄሳ ጾሲ ኦዳይሳ ኤራና፤ ኦቶሮኒኔ ሞቴን ዴንዲዲ፥

ኤርማሳ ቲንቢቴ 17:27

ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።

ኤርማሳ ቲንቢቴ 2:32

ጌላኦይ ባ ኣሌቆ ዎይኮ ሚሺራያ ባ ሚሺራቴ ማይኦ ባላ ኤራዜ? ታ ዴሬይ ጊዲኮ ታና ዳሮ ዎዴ ጋካናስ ባሊዴስ።

ኤርማሳ ቲንቢቴ 23:27

ኢስታ ኣዋቲ ባኣሌ ጌቴቲዛ ኤቃዛ ጋሶን ታ ሱን ዶጊዳ ማላ፥ ኢስቲ ኢሶይ ኢሳስ ዮቲዛ ኣጉሞን ታ ኣሳይ ታ ሱን ዶጋና ማላ ኦዳ ኢስታስ ሚሳቴስ።

ኤርማሳ ቲንቢቴ 3:21

ኢስቲ ጎዳ ባንታ ጾሳ ባሊዲ ባንታ ኦጌ ጌላሲዳ ጊሻስ ኢስራኤሌ ዴራ ዋሶይ፥ ሚሻ ዬሆይ ኣይኮይ ባይንዳ ዙምቡላታ ቦላ ሲዬቴስ፤

ኤርማሳ ቲንቢቴ 5:17

ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

ሂዚቄላ ቲንቢቴ 23:35

«ሄሳ ጊሻስ ኡባ ሃሪዛ ጎዳይ፥ ‹ኔኒ ታና ዶጊዳ ጊሻሲኔ ታስ ዞኮ ዛሪዳ ጊሻስ ኔኒ ኔ ላይማቴኔ ዚታ ጋቴ ቶካና› ጌስ» ጊዴስ።

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ሆሴኤ ቲንቢቴ 2:13

ባኣሌ ጌቴቲዛ ኤቃ ጾሳስ ኤጻኔ ጩዋሳናሲኔ ሎኦ ጌጼ ዎዳ ኢዛ ባ ላጌታ ካላዳ ታና ኣጊዳ ጊሻስ ታ ኢዞ ቃጻያና።

ሆሴኤ ቲንቢቴ 4:6

ታ ዴሬዛስ ኤራቴ ፓጪዳ ጊሻስ ይዴስ። ኢንቴ ታና ኤራናስ ኮዮንታ ጊሻስ ታኒካ ኢንቴ ታስ ቄሴታ ጊዲ ኦና ማላ ኮይኬ። ኢንቴ ታ ዎጋ ባሌቲዳ ጊሻስ ታኒካ ኢንቴ ናይታ ባላና።

ኣሞጼ ቲንቢቴ 1:10

ሄሳ ጊሻስ ታኒ ጺሮሴ ካታማ ጊምቤታ ቦላ ታማ ዬዳና፤ ሄ ታማይ ኢዚ ሚጻታካ ማና» ጌስ።

ኣሞጼ ቲንቢቴ 1:12

ሄሳ ጊሻስ ታኒ ቴማኔ ጊምቤታ ቦላ ታማ ዬዳና፤ ሄ ታማይ ቦጺራ ሚጻታካ ማና» ጌስ።

ኣሞጼ ቲንቢቴ 1:14

ሄሳ ጊሻስ ኤራባ ካታማ ጊምቤታ ቦላ ታኒ ታማ ዬዳና፤ ሄ ታማይ ኢስታ ሚጻታ ማና። ሄሳፌ ጉዬ ኦላ ጋላሳን ዋሶይ ዳራና፤ ኦላዚካ ጎቴ ጫርኮ ማላ ኤሶታና።

ኣሞጼ ቲንቢቴ 1:4

ካዎ ኣዛሄሌ ኬን ታማ ዬዳና፤ ሄ ታማይ ካዎ ቤኒ-ሃዳዴ ሚጻታ ማና።

ኣሞጼ ቲንቢቴ 2:5

ሄሳ ጊሻስ ታኒ ዩሁዳ ቦላ ታማ ዬዳና፤ ሄ ታማይ ዬሩሳላሜ ሚጻታ ማና» ጌስ።

ኤፌሶኔ ኣሳስ 2:10

ሄሲካ ጾሲ ካሴ ኮይሮ ጊግሲ ዎዳ ሎኦ ኦሶ ኑኒ ኦና ማላ ዬሱስ ኪርስቶሳ ባጋራ ኑኒ ናምኣን ሜቲዳይታኔ ጾሳ ሜቴታ።

ዛሬ ማጻፋ 32:18

ኢስቲ ባስ ዴኦ ኢሚዳ ዛላ ዶጊዳ፤ ባና ሜዳ ጾሳካ ባሊዳ።