ሆሴኤ ቲንቢቴ 7:7 - ጋሞ ማጻፋ

⁷ ዉሪካ ታማ ጮጬ ማላ ሴሊዳይታ፤ ባንታና ኣይሲዛይታ ዲፒ ሂስቲ ዉርሲዳ። ኢስታ ካዎቲካ ኩንዲዳ፤ ኢስታፌ ኦኒካ ታኮ ሺቂቤና።

Geeshsha Maxaafa

⁷ Wurikka tama cooce mala seellidayta; banttana ayssizayta dippi histti wursida. Istta kawotikka kundida; isttafe oonikka taakko shiiqibeenna.

ሆሴኤ ቲንቢቴ 7:7 ပူးပေါင်းရင်းမြစ်များ

1ካዎታ ማጻፋ 15:28

ዩሁዳ ካዎ ኣሲ ካዎቲዳ ሄን ላይን ባሼይ ናዳቤ ዎዲ ኢዛሶሆን ካዎቲዴስ።

1ካዎታ ማጻፋ 16:18

ካታማዚ ኦይኬቲዳይሳ ቤኢዳ ማላ ዚሚሬይ ካዎ ኬ ጊዶን ዲዛ ሚጻን ጌሊዲ ካዎ ኬን ታማ ኦይዲ ሄን ኢዛን ሃይቂዴስ።

1ካዎታ ማጻፋ 16:22

ኦሚሬ ማዲዛ ኣሳይ ጊናቴ ና ቲቢኔ ማዲዛ ኣሳፔ ሚኒዴስ። ሄሳ ጊሻስ ቲቢኔይ ሃይቂን ኦሚሬይ ካዎቲዴስ።

2ካዎታ ማጻፋ 10:14

ኢዚካ፥ «ሃይታ ሼምፖራ ፓጻ ኦይኪቴ!» ጊ ኣዛዚዴስ፤ ሄሳ ጊሻስ ኢስቲ ሼምፖራ ፓጻ ኦይኪ ኤፊዲ ቤት-ኤኬዴ ሃ ኦላ ኣቻን ኦይዱ ታማኔ ናምኡ ኣሳታፔ ኢሳዴካ ኣሾንታ ዎዳ።

2ካዎታ ማጻፋ 10:7

ሄ ዳብዳቤዚ ኢስታኮ ጋኪዳ ማላ ናይታ ዲቺዛይቲ ካዎ ናይታ ላፑን ታማታ ኡባ ዎዳ፤ ሄ ናይታ ሁኤ ቃንጺ ቃንጺ ኬሼን ኤኪዲ ኢዩስ ኢዝራኤሌ ዬዲዳ።

2ካዎታ ማጻፋ 15:10

ያቡሴ ና ሻሎሜይ ዛካራሳ ቦላ ዴንዲዲ ዴራ ሲንን ኢዛ ቦላ ሜቶ ጋ ዎዴስ፤ ኢዛ ሶሆንካ ካዎቲዴስ።

2ካዎታ ማጻፋ 15:14

ጋዴ ና ሚናሄሚ ቲርጻፌ ኬዚ ሳማሪያ ቢዲ ሜቶ ጋዴስ፤ ያቡሴ ና ሻሎሜ ዎዲ ኢዛሶሆን ካዎቲዴስ።

2ካዎታ ማጻፋ 15:25

ኢዛ ኦላ ኣሳ ሃላቃታፔ ኢሶይ ኤሮሜሊዮ ና ፋቁሄይ ኢዛ ቦላ ዴንዲዴስ፤ ጋላኣዴፔ 50 ኣስ ባ ቦላ ኤኪ ቢዲ ሳማሪያን ካዎ ኬን ዲዛ ሚጻን ፊቃሴያሴ፥ ኣርጎባኔ ኣራያራ ኢሲፌ ዎዲ ኢዛሶሆን ካዎቲዴስ።

2ካዎታ ማጻፋ 15:30

ሄሳፌ ጉዬ ኤላ ና ሆሴኤይ ኤሮሜሊዮ ና ፋቁሄ ቦላ ዴሬዛ ዴንዴስ፤ ኢዛ ቦላ ሜቶ ጋዲ ዎዴስ፤ ኦዚያ ና ኢዮኣታሜይ ካዎቲዳ ናምኡ ታማን ላይን ሆሴኤይ ፋቁሄ ሶሆን ካዎቲዴስ።

2ካዎታ ማጻፋ 9:24

ሄሳፌ ጉዬ ኢዩይ ባ ዎንዳፌ ዪሻን ኢዮራሜስ ባቂናቴን ጫዲዴስ። ዪሻዚ ካን ቢዲ ኢዛስ ዎዚና ጫዲዳ ጊሻስ ኢዚ ፓራ-ጋሬዛ ጊዶን ቦልቁ ጊ ኩንዲዴስ።

2ካዎታ ማጻፋ 9:33

ኢዩይካ ኢስታስ፥ «ኢዞ ሃ ዱጌ ኦሊቴ!» ጊዴስ። ኢስቲካ ኢዞ ዱጌ ዛሪ ኦሊዳ። ፓራቲ ኢዞ ዱሬቲን ኢዚ ሱይ ጊምቤዛ ቦላኔ ፓራታ ቦላ ፒንጺዴስ።

ኢዮቤ ማጻፋ 36:13

«ባንታ ዎዚናራ ጾሳ ካዲዛይቲ ቃጻዬቲዳ ማላ ዳና፤ ኢዚ ኢስታ ቃጻይሺንካ ኢስታ ካሌዛይቲ ዎሴቴና።

ዬ ማጻፋ 14:4

ጎዳይ፥ «ታ ኣሳ ቦንቂ ሚዛ ኢታ ኣሳቲ ኣይኮካ ኤሬቴኔ?» ጌስ።

ኢሳያሳ ቲንቢቴ 43:22

«ያቆቤ፥ ኔ ታና ጼይጋቤካ፤ ኢስራኤሌ፥ ኔ ታና ሳሌታዳሳ።

ኢሳያሳ ቲንቢቴ 64:4

ቤኒሶፌ ዶሚዲ ሂዶታ ኦ ናጊዛይታስ ጋኪዛ ማላታ ኦዳይ ኔፔ ኣቲን ሃራ ጾስ ቤኢዳ ኣይፌይኔ ሲዪዳ ሃይ ሙሌካ ዴና።

ኢሳያሳ ቲንቢቴ 64:6

ኑኒ ኡባይካ ቱና ኣሳ ማላ ጊዲዶስ፤ ኑ ጺሎቴ ኦሶ ኡባይ ቱኒዳ ጫርቃ ማላ። ኑኒ ኡባይካ ቦንጮ ማላ ቆኪዶስ፤ ኑ ናጋራይ ኑና ጫርኮ ማላ ፒቲ ኤፊዴስ።

ኢሳያሳ ቲንቢቴ 64:7

ኦኒካ ዎሳን ኔ ሱን ጼይጌና፤ ኔና ኦይካና ፓጪዛይካ ዴና፤ ኔኒ ኔ ኣይፌሶ ኑፔ ጌንዳሳ፤ ኑ ናጋራይ ኑና ይሳና ማላ ኣጋዳሳ።

ኢሳያሳ ቲንቢቴ 9:13

ዴሬዚ ጊዲኮ ባና ሾጪዳ ጎዳኮ ሲሚቤና፤ ኡባፌ ዎልቃማ ጎዳካ ኮዪቤና።

ሂዚቄላ ቲንቢቴ 22:30

«ታኒ ቢታዮ ይሶንታ ማላ ዲርሳ ዲሪዛዴ፥ ላሌቲዳ ባጋራ ታ ሲንን ኢዚ ጊሻስ ኤቂዛዴ ኢንቴ ጊዶፌ ታ ኮያዲስ፤ ጊዶ ኣቲን ኢሳዴካ ዴማቤኬ።

ዳኔላ ቲንቢቴ 9:13

ካሴ ሙሴ ዎጋን ጻፌቲዳ ማላ ኔኒ ሃይሳ ሃ ሜቶዛ ዉርሳካ ኑ ቦላ ኤሃዳሳ፤ ጎዳ ኑ ጾሳዉ! ሄሲ ዉሪ ሃኒንካ ኑኒ ኑ ናጋራፔ ሲሚዲኔ ቱማ ካሊዲ ኔፔ ማሮቴ ዴማናስ ኮዪቤኮ።

ሆሴኤ ቲንቢቴ 13:10

ኔ ታና፥ ‹ታስ ካዎኔ ሃላቃታ ኢማ› ጋዳሳ፤ ሂስቲን ሃኢ ኔና ኣሻና ካዎይ ኣዋን ዲዜ? ኔ ካታማታን ዲዛ ሃላቃቲ ኡባይ ሃኢ ኣዋን ዲዞ?

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ሆሴኤ ቲንቢቴ 7:10

ኢስራኤሌ ኣሳ ኦቶሬቴ ኢስታ ቦላ ማርካቴስ፤ ሄሲ ዉሪ ሃኒንካ ኢስቲ ጎዳ ባንታ ጾሳኮ ሲሚቤቴና፤ ኢዛካ ኮዪቤቴና።

ሆሴኤ ቲንቢቴ 7:14

ኢስቲ ባ ሂጻ ቦላ ኢቺዲ ዬኬቴስ፤ ጊዶ ኣቲን ዎዚናፔ ታኮ ዎሴቴና፤ ካሲኔ ኡሻስ ሺቄቴስ፤ ጊዶ ኣቲን ታፔ ሼርኢ ጊዳ።

ሆሴኤ ቲንቢቴ 8:4

«ታ ሼኔ ጊዶንታ ኢስቲ ባስ ካዎታ ካዎዳ፤ ታና ኦይቾንታ ዲሼ ዳናታ ዶሪዳ፤ ባ ቢራፔኔ ባ ዎርቃፌ ባና ይሳና ኤቃ ጾሳታ ባስ ኦዳ።

ሚኪያሳ ቲንቢቴ 2:1

ኢታ ኦናስ ቆፒዛይታሲኔ ሂጻን ዲሼ ጌኔ ኦናስ ዮኦ ቱኪዛይታስ ኣዬ ኣና! ኦማርስ ቆፖይሳ ማላዶ ዎንታራ ፖሌቴሲኔ ሄሳ ኦናስካ ዎልቃራ ዴቴስ።