ሆሴኤ ቲንቢቴ 6:3 - ጋሞ ማጻፋ

³ ኣኔ ኑኒ ጎዳ ኤሮስ! ኑ ኢዛ ሎኤ ኤራናስ ኣኔ ሚኔቶስ! ኢዚ ዎንታ ፖኦ ማላ ኑስ ቆንጫና፤ ቢታ ካልሲዛ ኣሱራ ኢራ ማላኔ ባልጎ ኢራ ማላ ኢዚ ኑኮ ያና» ጌስ።

Geeshsha Maxaafa

³ Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ሆሴኤ ቲንቢቴ 6:3 ပူးပေါင်းရင်းမြစ်များ

2ሳሜላ ማጻፋ 23:4

ኢዚ ሻራይ ባይንዳሶን፥ ማላዶ ጻልቄይ ኬዚዛ ዎዴ ዲዛ ፖኦ ማላ፤ ኢዚ ቢታ ቦላ ማታ ፑርጪሲዛ ጻልቄ ማላ፥ ኢራይ ቡኪ ኣሺን ኬኢዛ ኣዋ ማላ› ጊዴስ።

ኢዮቤ ማጻፋ 29:23

ጎሻንቻይ ባሳ ኢራ ዴማናዉ ኣሞቲዛይሳ ማላ ኢስቲካ ታ ሃሳያ ሲያናዉ ባንታ ዶና ዶይዲ ናጌቴስኮሺን።

ዬ ማጻፋ 19:4

ጊዶ ኣቲን ኢስታ ሃሳያ ጬንጉርሲ ሳኣ ኡባን ላሌታና፤ ኢስታ ቃላይካ ቢታ ጋጻ ጋካና። ጾሲ ኣርሼስ ሳሎን ሶሆ ጊግሲዴስ።

ዬ ማጻፋ 19:6

ኣርሼይ ኬሳሶፔ ዉሎሶ ጋካናስ ቤስ፤ ኢዛ ሴላፔ ጌሚ ኣታና ሚሺ ዴና።

ዬ ማጻፋ 63:8

ታ ሼምፖያ ሺጵ ጋ ካላዱስ፤ ኔ ኡሻቻ ኩሼይካ ታና ሚን ኦይኪዴስ።

ዬ ማጻፋ 65:9

ኔኒ ቢታ ናጋዳ ሃ ኡሻሳ፤ ሂስታዳ ዳሮ ዱሬሳሳ፤ ኣሳስ ካይ ሞካና ማላ ጾሳ ሻፋይ ሃን ኩሚዴስ፤ ሄሳ ኦዳ ኔኒ ጊጊሳዳሳ።

ዬ ማጻፋ 72:6

ካዎይ ሾቃን ቡኪዛ ኢራ ማላኔ ጋዴ ካልሲዛ ፑሴ ኢራ ማላ ጊዳና።

ሌሚሶ ማጻፋ 4:18

ጺሎታ ኦጌይ ሴታ ጋላስ ጋካናስ ፖኢ ፖኢ ቢዛ ማላዶ ጻልቄ ማላ።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።

ኢሳያሳ ቲንቢቴ 32:15

ሄሲካ ሃናናይ ኣያናይ ኑስ ቦላፌ ጉካናሼ፥ ባዞ ቢታይ ኣራዳ ጊዳናሼ፥ ኣራዳ ቢታይ ዎራ ሚሳታናሼ ጋካናሳ።

ኢሳያሳ ቲንቢቴ 44:3

ታኒ ሳሜቲዳ ቢታን ሃ ጉሳና፤ ሜላ ቢታንካ ሻፋ ጎጊሳና። ታኒ ታ ኣያና ኔ ዜሬ ቦላ፥ ታ ኣንጆ ኔስ ና ና ቦላ ጉሳና።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ኤርማሳ ቲንቢቴ 24:7

ታኒ ጎዳ ጊዲዳይሳ ኤሪዛ ዎዚና ኢስታስ ኢማና፤ ኢስቲ ባንታ ኩሜ ዎዚናፔ ታኮ ሲማና ጊሻስ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ሂዚቄላ ቲንቢቴ 36:25

ታኒ ኢንቴና ጺሎ ሃን ኣራጫና፤ ኢንቴካ ጌያና፤ ሂስታዳ ታ ኢንቴና ኢንቴ ኤቃ ጾሳታ ኡባፌኔ ኢንቴ ቱናቴ ኡባፌ ጌሻና።

ሆሴኤ ቲንቢቴ 10:12

ጎዳይ ዪዲ ጺሎቴ ኢንቴ ቦላ ኢራ ማላ ቡኪሳና ጋካናስ ሃና ኢንቴ ኢዛ ኮይዛ ዎዴ ጊዲዳ ጊሻስ ኦ ጎዪቴ፤ ኢንቴስ ጺሎቴ ዜሪቴ፤ ሚኖ ሲቆ ኣይፌ ማጺቴ።

ሆሴኤ ቲንቢቴ 14:5

ታኒ ኢስራኤሌ ኣሳስ ፑሴ ኢራ ማላ ጊዳና፤ ኢስቲካ ሎኦ ጪሻ ማላ ጪያና፤ ሊባኖሴ ዚጋ ማላ ጻጶ ዬዳና።

ሆሴኤ ቲንቢቴ 14:6

ኢስታ ሃጋይ ዲጫና፤ ዎጋራ ሚ ማላ ኢስቲ ሎኣና፤ ሊባኖሴ ዚጋ ማላ ሎኦ ሳዎ ሳዋና።

ሆሴኤ ቲንቢቴ 2:20

ታኒ ኣማኔታዳ ኔና ታስ ማቾ ጊጊሳና። ኔኒካ ታኒ ጎዳ ጊዲዳይሳ ኤራና።

ሚኪያሳ ቲንቢቴ 4:2

ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ሚኪያሳ ቲንቢቴ 5:2

ሃኔ ኔ ቃሴ ቤቴሊሄሜ ኤፍራታ፥ ዩሁዳ ዛርኬታፔ ኔኒ ጉ ጊዲኮካ ኢዛስ ኬሳይ ካሴ ቤኒ ዎዴፔ ጊዲዳ ኢስራኤሌ ሃሪዛዴይ ኔ ጊዶፌ ታስ ኬዛና።

ሚኪያሳ ቲንቢቴ 5:7

ያቆቤ ዜሬፌ ኣቲዳይቲ ዳሮ ዴሬ ጊዶን ጾሳ ኣቻፌ ዎዛ ኢራ ማላ ማታ ቦላ ሎዳራ ፑሲሼ ቢታ ካሌዛ ፑሴ ኢራ ማላ ኣሳፔ ኣይኮካ ኮዮንታ ኣሳ ጊዳና።

ዛካራሳ ቲንቢቴ 10:1

ጎዳይ ኢንቴስ ኣሱራ ኢራ ኢማና ማላ ዎሲቴ። ኢራ ሻራ ኪቲዛይ ጎዳ፤ ኢዚ ኡባ ኣሳስ ጊዲዛ ኢራ ኢሜስ፤ ኢሳስ ኢሳስ ቶካናስ ዶዛ ኢሜስ።

ሚልካሳ ቲንቢቴ 4:2

«ታ ሱንስ ባቢዛ ኢንቴስ ቃሴ ጺሎቴ ኣርሼይ ባ ቄፌ ጋርሳን ፓዛዝ ኤካ ያና፤ ኢንቴካ ቢርሺ ዬዲዳ ጋሎ ማራ ማላ ጺኬቲሼ ኬዛና።

Maatosa 13:11

ኢዚካ ኢስታስ፥ «ሳሎ ካዎቴ ጹራ ኤሮይ ኢንቴስ ኢሜቲዴስ፤ ኢስታስ ጊዲኮ ኢሜቲቤና።

ሉቃሳ ሚሺራቾ 1:78

ኑ ጾሳ ሎኦ ማሮቴፌ ዴንዲዳይሳን ሳሎፔ ኑስ ኣርሼይ ኬዚዴስ።

ዮሃኒሳ ሚሺራቾ 17:3

ሜርና ዴኦይካ ኔ ጻላ ቱሙ ጾሳኔ ኔ ኪቲዳ ዬሱስ ኪርስቶሳ ኤሮ ጉሳ።

ዮሃኒሳ ሚሺራቾ 7:17

ታና ኪቲዳይሳ ሼኔ ኦና ኮይዛዴይ ዲኮ ሃይሲ ሃ ቲሚርቴይ ጾሳፌ ቤቲዳይሳ ዎይኮ ታ ታፔ ሃሳይዳይሳ ጊዲኮካ ኤራና።

ሃዋሬታ ኦሶ 17:11

ቤሪያ ኣሳይ ታሶሎንቄ ኣሳፔ ኣዲ ኣኬካራ ዲዛ ኣሳ። ጋሶይካ ሃይሲ ዮኦዚ ቱሜሻ? ጊ ጊዲ ጌሻ ማጻፋታ ቃላ ዎንቲን ዎንቲን ፒልጊ ጼሊዲ ኡፋይሳን ኤኪዴስ።

ዛሬ ማጻፋ 32:2

ታ ኢሚዛ ቲሚርቴይ ኢራ ማላ ቡኮ፤ ታ ሃሳያይካ ጻዛ ማላ ጾኬቶ፤ ማታ ቦላ ሎዲ ጊ ቡኪዛ ኢራ ማላ ቡኮ፤ ካ ጫሬቻ ቦላ ፑሴ ማላ ዎ።

Ibirawe 3:14

ኑስ ካሴ ኮይሮፔ ዲዛ ኣማኖ ኑኒ ዉርሴ ጋካናስ ሎኤ ሚን ኦይኪኮ ኑኒ ኪርስቶሳራ ኢሲፌ ላታና።

2ጴጽሮሳ ኪታ 1:19

ሄሲ ዉሪካ ካሴ ናቤቲ ዮቲዳይሲ ቱሙ ጊዲዳይሳ ሎኤ ቆንጪሴስ፤ ሄሳ ጊሻስ ኢንቴ ማሶን ዲዛ ጾምፔስ ሎኤ ናጌቲዛይሳ ማላ ካሴ ናቤቲ ዮቲዳይሳ ሎኤ ናጌቲቴ። ኢንቴ ሄሳ ኦናይ ጋዴይ ዎንታናስ፥ ባዞይ ዞኣና ጋካናሲኔ ዎንቲ ማ ጾሊንቴዚ ኢንቴ ዎዚናን ፖኣና ጋካናሳ።

ዮሃኒሳ ኣጁታ 22:16

«ታኒ ዬሱሲ ሃይሳ ኢንቴስ ማርካታና ማላ ታ ኪታንቻዛ ዎሳ ኬታስ ዬዳዲስ፤ ታስ ዬሌታ ዛርኬይኔ ቆሞይ ካሴ ዳዊቴኮ፤ ታኒ ፖኢሲዛ ዎንታ ጾሊንቴ።»