ሆሴኤ ቲንቢቴ 4:1 - ጋሞ ማጻፋ

¹ ሃኖ ቢታይ ቦላ ዲዛ ኣሳ ኡባ ቦላ ጎዳይ ሺሺዛ ሞቶይ ዴስ። ሄሳ ጊሻስ ኢስራኤሌ ኣሳዉ! ኢዚ ኢንቴና ጊዛይሳ ሲዪቴ፤ «ሃኖ ቢታይ ቦላፌ ኣማኔቴይ፥ ሲቆይኔ ጾስ ኤሮይ ይዴስ።

Geeshsha Maxaafa

¹ Hanno biittay bolla diza asa ubbaa bolla GODAY shiishshiza mootoy dees. Hessa gishshas Isra7eele asawu! Izi inttena gizayssa siyite; «Hanno biittay bollafe ammaneteththay, siiqoynne Xoos eroy dhaydes.

ሆሴኤ ቲንቢቴ 4:1 ပူးပေါင်းရင်းမြစ်များ

1ካዎታ ማጻፋ 22:19

ሚኪያሲ ዛሪዲ፥ «ሂስቲኮ ጎዳይ ጊዛይሳ ሲያ! ጎዳይ ባ ካዎቴ ኣራታን ኡቲን ሳሎ ኦላንቻቲ ኡባይ ኢዛ ኡሻቻራኔ ሃዲርሳራ ኤቂዳይታ ታኒ ቤኣዲስ።

ዬ ማጻፋ 81:9

ኢንቴ ጊዶን ኣላጋ ጾሲ ዶፖ፤ ሃራ ጾሳስ ጎይኖፍቴ።

ኢሳያሳ ቲንቢቴ 1:10

ኢንቴኖ ሶዶሜ ኣይሲዛይቶ! ጎዳ ቃላ ሲዪቴ፤ ኢንቴኖ ጋሞራ ዴሬቶ! ኑ ጾሳ ቲሚርቴ ኤዝጊ ሲዪቴ።

ኢሳያሳ ቲንቢቴ 1:18

ቃሴካ ጎዳይ፥ «ሃ ዪቴ ኢሶይ ኢሳራ ኣኔ ቡጼቶስ፤ ኢንቴ ናጋራይ ጼቃ ዞኦ ጊዲኮካ ሻቻ ማላ ቦታና፤ ሱ ማላ ዞኢኮካ ፑቶ ማላ ፑቃ ቦ ጊዳና።

ኢሳያሳ ቲንቢቴ 28:14

ሄሳ ጊሻስ ኢንቴኖ ዬሩሳላሜን ዲዛ ኣሳ ሃሪዛ ቂልጪዛይቶ! ጎዳ ቃላ ሲዪቴ።

ኢሳያሳ ቲንቢቴ 34:1

ኢንቴኖ ካዎቴቶ ሺቂዲ ሲዪቴ! ኔኒ ዴሬዚ ኣኬካ! ቢታይኔ ቢታን ዲዛ ኡባይ፥ ኣላሜይኔ ኣላሜፔ ዪዳ ኡባይ ሲዮ!

ኢሳያሳ ቲንቢቴ 34:8

ሄሲካ ጎዳይ ሃሎ ኬሲዛ ጋላሲኔ ጺዮኔ ጊሻስ ሞርኬታ ኦሊዛ ላይ ጊዳና።

ኢሳያሳ ቲንቢቴ 5:3

ሂስቲን ታ ሲቆይ፥ «ኢንቴኖ ዬሩሳላሜን ዴኢዛይቶ! ኢንቴኖ ዩሁዳ ኣሳቶ! ታፔኔ ታ ዎይኔ ቱራ ቶኪዛ ሶሆዛፔ ጊዶን ዴኢዛ ዮኦዛ ኣኔ ሃኢ ኢንቴ ፒርዲቴ።

ኢሳያሳ ቲንቢቴ 59:4

ጺሎቴን ሞቲዛይ ባዋ፤ ቱማቴን ፒርዲዛይ ኦኒካ ዴና። ሃዳ ዮኦን ኣማኔቴቴስ፤ ዎርዶ ሃሳዬቴስ፤ ሺሮ ቃንቲዲ ኢታቴ ዬሊዳ።

ኢሳያሳ ቲንቢቴ 59:8

ኢስቲ ሳሮቴ ኦጌ ኤሬቴና፤ ኢስቲ ቢዛ ኦጌን ሱሬ ፒርዳይ ባዋ፤ ኢስቲ ባንታ ኦጌ ጌላሲዳ፤ ሄ ኦጌራ ቢዛይ ሳሮ ዴሜና።

ኢሳያሳ ቲንቢቴ 66:5

ኢንቴኖ ቃላስ ኮኮሪዛይቶ፥ ሃይሳ ጎዳ ቃላ ሲዪቴ፤ «ኢንቴ ኢሻንቲ ኢንቴና ኢጺዳይቶ፥ ታ ሱን ጊሻስ ኢንቴና ኬሲ ዬጊዳይቶ! ኢንቴና፥ ‹ኣኔ ጎዳይ ቦንቼቶ! ኣኔ ኢንቴ ኡፋይሳካ ቤኦስ› ጊዳ፤ ጊዲኮካ ኢስቲ ዬላታናይሲ ኣቴና።

ኤርማሳ ቲንቢቴ 11:7

ካሴ ኢንቴ ኣዋታ ታኒ ጊብጼ ቢታፌ ኬሶሳፔ ሃች ጋካናስ፥ ዛራ ዛራዳ፥ ታስ ኣዛዜቲቴ!› ጋዳ ሴራዲስ።

ኤርማሳ ቲንቢቴ 19:3

‹ኢንቴኖ ዩሁዳ ካዎቶ! ዬሩሳላሜን ዲዛ ዴሬዞ! ጎዳ ቃላ ሲዪቴ! ኡባፌ ዎልቃማ ጎዳ ኢስራኤሌ ጾሳይ፡ ሲያናስ ሃይስ ኢቲዛ ሚሽ ሃ ቢታ ቦላ ታኒ ኤሃና።

ኤርማሳ ቲንቢቴ 2:4

ኢንቴኖ ያቆቤ ኬ ኣሳቶ! ኢስራኤሌ ዛሬ ኡባቶ! ጎዳ ቃላ ሲዪቴ!

ኤርማሳ ቲንቢቴ 2:9

ቃሴካ ጎዳይ፥ «ሄሳ ጊሻስ ታኒ ኢንቴናራ ቡሮ ፒርዴታና፤ ኢንቴ ናይታ ናይታራካ ሞቴታና።

ኤርማሳ ቲንቢቴ 25:31

ጎዳይ ካዎቴታ ቦላ ፒርዲዛ ዎዴ ኢዛ ጬንጉርሳይ ቢታ ጋጻ ጋካናስ ሲዬታና፤ ኢዚ ኣስ ኡባ ቦላ ፒርዳና፤ ኢታታካ ማሻስ ኣ ኢማና› » ጊዴስ።

ኤርማሳ ቲንቢቴ 34:4

« ‹ጊዶ ኣቲን ዩሁዳ ካዎ ሴዴቂያሳ! ጎዳ ቃላ ሲያ! ኔኒ ኦላን ሃይቃካ፤

ኤርማሳ ቲንቢቴ 4:22

ጎዳይ፥ «ታ ኣሳይ ኤያ፤ ኢስቲ ታና ኤሬቴና። ኢስቲ ዩሺ ቆፖንታይታ፤ ኢስቲ ኣኬካይ ባይንዳይታ፤ ኢስቲ ኢታ ሚሽ ኦናስ ኤራንቻታ፤ ሎኦ ኦናስ ኤራይ ፓጪዳይታ» ጌስ።

ኤርማሳ ቲንቢቴ 4:28

ሄሳ ጊሻስ ሳኣይ ዬካና፤ ሳሎይካ ማና። ኣይስ ጊኮ ታኒ ጋዲስ፤ ሄ ቆፋ ታ ላሞንታ ማላ ቃቻዲስ» ጌስ።

ኤርማሳ ቲንቢቴ 5:4

ሄሳፌ ጉዬ ታኒ ታ ዎዚናን፥ «ሃይቲ ማንቆታኔ ኤያታ፤ ሄይቲ ጎዳ ኦጌኔ ባንታ ጾሳ ዎጋ ኤሮንታይታ።

ኤርማሳ ቲንቢቴ 51:5

ኢስታ ቢታያ ኢስራኤሌ ጌሻ ሲንን ሞሮን ኩሚዳ ጊዲኮካ ኢስራኤሌኔ ዩሁዳ ኡባፌ ዎልቃማ ጎዳይ ኢስታ ጾሳይ ኢስታ ዬጊ ኣጊቤና።

ኤርማሳ ቲንቢቴ 6:13

ቃሴካ ጎዳይ፥ «ጉይካ ጊታይካ ኡባይ ባ ጎኣስ ዪቄቴስ። ናቤቲኔ ቄሴቲ ኡባይ ኣስ ባሌቴስ።

ኤርማሳ ቲንቢቴ 7:28

ሄሳ ጊሻስ ኔኒ ኢስታስ፥ ‹ሃይሲ ዴሬዚ ጎዳ ባ ጾሳስ ኣዛዜቶንታኔ ኢዛ ዞሬ ኤኮንታ ዴሬ፤ ቱማይ ዴና፤ ኢስታ ኢንጻርሳፌ ይዴስ።

ኤርማሳ ቲንቢቴ 9:20

ኢንቴኖ ማጫሳቶ! ጎዳ ቃላ ሲዪቴ! ኢንቴ ሃይይ ኢዛ ዶናፔ ኬዚዛ ቃላ ኤዝጎ። ኢንቴ ማጫ ናይታ ዚላስ ታማርሲቴ፤ ኢሲኒያ ሃንኮሮ ዬሆ ታማርሱ።

ኤርማሳ ቲንቢቴ 9:3

ጎዳይ፥ «ኢስቲ ባንታ ኢንጻርስ ዎርዶ ሃሳያናስ ዎንዳፌ ማላ ጊግሲዳ፤ ቱማን ጊዶንታ ዎርዶራ ቢታይ ቦላ ሚኒዳ፤ ኢስቲ ኢታ ቦላ ኢታ ጉጂ ጉጂ ቢዳ፤ ታናካ ኤሬቴና» ጌስ።

ኤርማሳ ቲንቢቴ 9:7

ሄሳ ጊሻስ ኡባፌ ዎልቃማ ጎዳይ፥ «ታኒ ኢስታ ቢራታ ማላ ፓጫዳ ሴሪሳ ጌሻና። ታ ዴራ ናጋራ ጊሻስ ታ ሃይሳፌ ሃራ ኣይ ኦና ዳንዳያዚና?

ሂዚቄላ ቲንቢቴ 16:35

ሃኔ ላይማ ማጫሳዬ፥ ኣኔ ጎዳ ቃላ ሲያ!

ሆሴኤ ቲንቢቴ 12:2

ጎዳይ ዩሁዳ ዴራ ቦላ ሺሺዛ ሞቶይ ዴስ፤ ኢዚ ያቆቤ ኢዛ ሃኖታ ማላ ቃጻያና። ኢዛ ኦሶ ማላ ኢዛስ ኢማና።

ሆሴኤ ቲንቢቴ 12:3

ያቆቤይ ቡሮ ባ ኣዬይ ኡሎን ዲሼ ባ ኢሻ ቶሆ ቂርጴ ኦይኪዴስ፤ ኣሳ ዛዋ ጋኪዳፔ ጉዬ ጾሳራ ባጼቲዴስ።

ሆሴኤ ቲንቢቴ 5:1

ኢንቴኖ ቄሴቶ ሃይሳ ሲዪቴ! ኢስራኤሌ ኣሳቶ ኣኬኪቴ! ካዎ ኬ ኣሳቶ ሃይሳ ኤዝጊቴ! ሄኮ ፒርዳይ ኢንቴ ቦላ ዪዴስ፤ ጋሶይካ ኢንቴ ሚጺጳን ናርጻ፥ ታቦሬ ዙማን ጊቴ ጊዲዴታ።

ሆሴኤ ቲንቢቴ 5:4

ኢስራኤሌ ኣሳይ ኦዳ ሞሮይ ኢስቲ ባ ጾሳኮ ሲሞንታ ማላ ዲጊዴስ። ላይማቴ ኣያናይ ኢስታ ዎዚና ኩሚዴስ። ሄሳ ጊሻስ ኢስቲ ጎዳ ኤሬቴና።

ኢዩኤሌ ቲንቢቴ 1:2

ኢንቴ ጪማቲ ሃይሳ ሲዪቴ፤ ዩሁዳ ዴሬን ዲዛይቲ ዉሪካ ሃይሳ ኤዝጊ ሲዪቴ። ሃይሳ ማላ ሃኖይ ካሴ ኢንቴ ዎዴ ጊዲን ዎይኮ ካሴ ኢንቴ ኣዋታ ዎዴ ሃኒ ኤሪዜ?

ኣሞጼ ቲንቢቴ 3:1

ኢስራኤሌ ኣሳዉ! ጊብጼፔ ኬዚዳ ኢስራኤሌ ኣሳስ ኢንቴስ ጎዳይ ዮቲዳ ቃላ ሃይሳ ሲዪቴ።

ኣሞጼ ቲንቢቴ 7:16

«ሃኢካ ጎዳይ ኔና ጊዛይሳ ሲያ፤ ኔኒ ታና፥ ‹ኢስራኤሌ ኣሳ ቦላ ቲንቢቴ ዮቶፓ፤ ዪሳቃ ዜሬ ጊዲዳ ኢስራኤሌ ዴሬዛካ ሳባኮፓ› ጋ ዲጋዳሳ።

ሚኪያሳ ቲንቢቴ 6:2

ዙማቶ! ጾሳ ሞቶ ሲዪቴ፤ ኢንቴኖ ቢታ ሚኖ ጻጶቶ ሲዪቴ፤ ጾሳስ ኣሳራ ፓላማይ ዴስ፤ ኢዚ ኢስራኤሌ ናይታራ ፒርዴቴስ።

ዮሃኒሳ ሚሺራቾ 8:55

ኢንቴ ኢዛ ኤሮንታ ኣጊኮካ ታ ኢዛ ኤራይስ። ታ ኢዛ ኤሪኬ ጊኮ ታኒካ ኢንቴ ማላ ዎርዳንቻ ጊዳይስ፤ ታ ቃሴ ኢዛ ኤራይስ፤ ኢዛ ቃላካ ናጋይስ።

ኦሮሜ ኣሳስ 1:28

ቃሴካ ኢስቲ ባ ቆፋራ ጾስ ኤሮይ ኑና ማዴና ጊዳ ጊሻስ ኢስቲ ኦናስ ቤሶንታይሳ ኦና ማላ ጾሲ ኢስታ ጎኦንታ ቆፋስ ኣ ኢሚዴስ።

1ቆሮንቶሴ ኣሳስ 15:34

ዎዚናማ ጊዲቴ፤ ናጋራ ኦፍቴ፤ ጾስ ኤሮንታይቲ ኢሲ ኢሲ ኣሳቲ ኢንቴ ጋርሳን ዲዛ ጊሻስ ታ ሄሳ ኢንቴና ዬላቻናስ ጋይስ።

ዮሃኒሳ ኣጁታ 2:11

«ኣያናይ ዎሳ ኬታስ ጊዛይሳ ሃይ ዲዛይ ሲዮ! ጾኒዳዴይ ናምኣን ሃይቆን ቆሄቴና» ጋዳ ጻፋ ጊዴስ።

ዮሃኒሳ ኣጁታ 2:29

ኣያናይ ዎሳ ኬታስ ጊዛይሳ ሃይ ዲዛይ ዉሪ ሲዮ!» ጋዳ ጻፋ ጊዴስ።