ሆሴኤ ቲንቢቴ 3:5 - ጋሞ ማጻፋ

⁵ ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

Geeshsha Maxaafa

⁵ Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ሆሴኤ ቲንቢቴ 3:5 ပူးပေါင်းရင်းမြစ်များ

1ካዎታ ማጻፋ 12:16

ኢስራኤሌ ኣሳይ ኡባይ ካዎይ ኢስቲ ጊዛይሳ ሲዮንታ ኢጺዳይሳ ኤሪዲ ካዎዛስ፥ «ዳዊቴራ ኑና ጋዛ ጋሶይካ ኣዜ? ኢሴዬ ናዛፔ ኑ ኣይ ኤካኔ! ኢስራኤሌ ኣሳዉ! ኢንቴ ሶ ኢንቴ ሶ ሲሚቴ! ሃኢ ጊዲኮ ዳዊቴ ኔ ኬ ኔ ናጋ!» ጊዳ። ሂስቲዲ ኢስራኤሌ ኣሳይ ኡባይ ባንታ ሶ ባንታ ሶ ሲሚዳ።

ኢሳያሳ ቲንቢቴ 17:7

ሄ ዎዴ ኣሳይ ባና ሜዳይሳኮ ጼላና፤ ኢስታ ኣይፌይ ኢስራኤሌ ጌሻኮ ጼላና።

ኢሳያሳ ቲንቢቴ 2:2

ዎዴ ዉርሴን ጾሳ ኬ ኢዛ ቦላ ኬጼቲዳ ዙማይ ሃራ ዙማ ኡባፌ ቂ ቤታና። ዙምቡላታ ኡባፌ ቁ ቁ ጋና፤ ኡባ ካዎቴቲ ሄ ጎቻና።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።

ኢሳያሳ ቲንቢቴ 60:5

ሄ ዎዴ ኔ ቤኣናኔ ጶላና፤ ኔ ዎዚናይ ኡፋይሳን ኩማና፤ ኣባን ዲዛ ኣቆታይ ኔኮ ያና፤ ካዎቴታ ዱሬቴ ኔስ ጊዳና።

ኢሳያሳ ቲንቢቴ 9:13

ዴሬዚ ጊዲኮ ባና ሾጪዳ ጎዳኮ ሲሚቤና፤ ኡባፌ ዎልቃማ ጎዳካ ኮዪቤና።

ኤርማሳ ቲንቢቴ 23:5

ጎዳይ፥ «ታኒ ዳዊቴስ ጺሎ ዛሬ ዴንና ዎዴይ ያና፤ ኢዚ ቱሙ ፒርዳኔ ጺሎቴ ኦዛዴ፥ ኣ ኤራቴን ሃሪዛ ካዎ ጊዳና።

ኤርማሳ ቲንቢቴ 30:24

ኢዛ ዎዚና ቆፋ ፖሎንታ ጎዳ ሃንቆይ ጮ ሃዳ ጉዬ ሲሜና፤ ሄሳ ዪዛ ዎዴታን ኢንቴ ኣኬካና።

ኤርማሳ ቲንቢቴ 30:9

ጊዶ ኣቲን ጎዳስ ባንታ ጾሳሲኔ ታኒ ኢስታስ ካዎዳ ካዎ ዳዊቴ ዛሬስ ኢስቲ ሃሬታና» ጌስ።

ኤርማሳ ቲንቢቴ 33:17

«ጎዳይ፥ ‹ዳዊቴ ዜሬፌ ኢስራኤሌ ካዎቴ ኣራታን ኡቲዛ ኣሲ ሙሌካ ዬና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ሂዚቄላ ቲንቢቴ 16:63

ታኒ ኔ ኦዳ ሞሮ ኡባ ኣቶ ጊዳ ዎዴ ኔ ቆሆይ ኔ ዎዚናን ካርፒ ጊ ጌሊዛ ዎዴ ኔ ዬላታና፤ ኔ ካዉሻቴፌ ዴንዲዳይሳን ኔ ዶና ሙሌካ ዶያካ» ጊዴስ።

ሂዚቄላ ቲንቢቴ 38:16

ቢታ ካሚዛ ሻራ ማላ፥ ኔኒ ታ ኣሳ ኢስራኤሌ ቦላ ዎራጃና። ሃይሶ ጎጌ ታ ጌሻቴ ካዎቴታ ሲንን ታኒ ቆንጪሲሺን ኢስቲ ታና ኤራና ማላ ሲንፌ ያና ዎዴታን ታ ቢታይ ቦላ ታ ኔና ኤሃና› ጌስ።

ሂዚቄላ ቲንቢቴ 38:8

ዳሮ ዎዴፔ ጉዬ ኔኒ ኦላስ ጼይጌታና፤ ሲንፌ ያና ላይታን ኦላፔ ሼምፒዳሪ፥ ኢዚ ኣሳይ ዳሮ ካዎቴታ ጊዶፌ ኬዚ ሺቂዳሪ፥ ዳሮ ዎዴስ ቡላ ጊዲዳ ኢስራኤሌ ዙማታ ቦላ ኡቲዳ ዴራ ቦላ ኔ ዎራጃና። ኢስታ ካዎቴታ ጊዶፌ ኬዚዲ ሃኢ ሳሮን ዳና።

ዳኔላ ቲንቢቴ 10:14

ኣጁታዚ ፖሌታናስ ቡሮ ሲንፌ ዳሮ ላይ ዲዛ ጊሻስ ሲንፌ ኔ ዴሬዛ ቦላ ሃናና ዮኦታ ኔስ ቆንጪሳናስ ታ ያዲስ» ጊዴስ።

ዳኔላ ቲንቢቴ 2:28

ጊዶ ኣቲን ጹራ ዮኦ ኡባ ቆንጪሲዛ ጾሲ ሳሎን ዴስ፤ ኢዚ ቡሮ ሲንፌ ያና ላይታን ሃናናይሳ ኡባ ኔስ ቆንጪሲዴስ፤ ኔኒ ኔ ሂን ኢቻ ዳሼ ቤኢዳ ኣጉሞይኔ ኣጁታይ ሃይሳፌ ካሊዛይሳ።

ሆሴኤ ቲንቢቴ 1:11

ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።

ሆሴኤ ቲንቢቴ 11:10

«ታኒ ጎዳይ ኢስታ ኣሻናስ ጻጊዛ ጋሞ ማላ ታኒ ታ ቃላ ሲሲሺን ኢስቲ ታና ካላና፤ ታ ናይቲ ኮኮሪሼ ኣርሼይ ሞኪዛ ባጋፌ ያና።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ሆሴኤ ቲንቢቴ 5:6

ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

ሆሴኤ ቲንቢቴ 6:1

ዴሬዚ፥ «ሃ ዪቴ፥ ኣኔ ጎዳኮ ሲሞስ! ኢዚ ኑና ሜንዳ ማላ ኢዚካ ኑና ዛሪዲ ኮላና፤ ኢዚ ኑና ማዱንዳ ማላ ዛሪዲካ ኢዚ ኑ ማዱን ፓና።

ኣሞጼ ቲንቢቴ 9:11

«ጮ ኩንዲ ላሌቲዳ ኬ ማላ ጊዲዳ ዳዊቴ ዜሬታ ካዎቴስ ታኒ ዛራ ኤሳና ዎዴይ ያና፤ ታኒ ጊምቤዛ ዛራ ጊምባና፤ ላሌቲዳይሳካ ኦራጺሳና፤ ካሴይሳ ዛራ ኦና።

ሚኪያሳ ቲንቢቴ 4:1

ዉርሴ ዎዴ ጾሳ ኬ ኢዛ ቦላ ዲዛ ዙማይ ሃራ ዙማ ኡባፌ ኣ ቤታና፤ ሃራ ዙማታፔ ቦላራ ቁ ጋና፤ ዴሬይካ ኢዛኮ ጎቻና።

ታይቦ ማጻፋ 24:14

ዉርሴን ባላሜይ ባላቄስ፥ «ሃኢ ታኒ ጌዴ ታ ዴሬ ሲማ ባይስ፤ ጊዶ ኣቲን ታ ባናፔ ካሴታዳ ኢስራኤሌ ኣሳይ ኔ ዴሬ ኣሳ ቦላ ጋናይሳ ኔስ ቆንጪሳናስ ኮያይስ» ጊዴስ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ኦሮሜ ኣሳስ 2:4

ዎይኮ ጾሳ ኪያቴ ኔና ማሮቴኮ ካሌዛይሳ ሻካ ኤሮንታ ዳሼ ኢዛ ጊታ ኪያቴኔ ኢዛ ዳንዳያ ዱሬቴ ኔ ሌቃይ?

ዛሬ ማጻፋ 4:30

ሃ ኡባ ሜቶይ ኢንቴና ጋኪን ኢንቴ ሜቶቲሼ ዉርሴን ጎዳ ኢንቴ ጾሳኮ ሲሚዲ ቃሴካ ኢዛስ ኣዛዜታና።