ሆሴኤ ቲንቢቴ 3:1 - ጋሞ ማጻፋ

¹ ጎዳይ ታና፥ «ኢስራኤሌ ኣሳይ ሃራ ጾሳታኮ ሲሚዲ ዛቢቤ ኡኬ ሺሻና ኮዪዴስ፤ ሄሳራካ ጎዳይ ኢስታ ሲቂዛይሳ ማላ ኔካ ባዳ ባ ላጌታ ሲቃዳ ላይማታሼ ዲዛ ካሴ ኔ ማቼዮ ዛራዳ ሲቃ» ጊዴስ።

Geeshsha Maxaafa

¹ GODAY tana, «Isra7eele asay hara xoossatakko simmidi zabibe ukeththi shiishshana koyides; hessarakka GODAY istta siiqizayssa mala nekka baada ba laggeththota siiqada laymatashe diza kase ne machcheyo zaarada siiqa» gides.

ሆሴኤ ቲንቢቴ 3:1 ပူးပေါင်းရင်းမြစ်များ

2ሳሜላ ማጻፋ 6:19

ኢስራኤሌ ባጋ ጊዲዳ ኣስ ኡባስ፥ ኣቱማሲኔ ማጫስ ኢሳስ ኢሳስ ኢሲ ኢሲ ኡኬ፥ ኢሲ ኢሲ ሙጾ ኣሾኔ ኢሲ ኢሲ ዛቢቤ ኮምፓ ኢሚዴስ፤ ሄሳፌ ኡባይካ ባሶ ባሶ ቢዳ።

2ካዎታ ማጻፋ 13:23

ጎዳይ ጊዲኮ ኢስታስ ቃቲዴስ፥ ሚሼቲዴሲኔ ባ ሲንካ ኢስታኮ ዛሪዴስ። ሄሲካ ኣብራሃሜራ፥ ዪሳቃራኔ ያቆቤራ ካሴ ጌሊዳ ጫቆ ቃላ ጊሻሳ። ሃች ጋካናስ ኢዚ ኢስታ ይሳናስ ኮዪቤና፤ ኢዚ ኢስታ ባ ሲንፌ ዲጊቤና።

1ታሪኬ ማጻፋ 16:3

ሄሳፌ ጉዬ ኢስራኤሌ ኣሳ ኡባስ፥ ማጫሳሲኔ ኣቱማሳስ፥ ሁኤን ሁኤን ኢሲ ኢሲ ጉ ኡኬ፥ ኢሲ ኢሲ ቃንጾ ኣሾኔ ኢሲ ኢሲ ዛቢቤ ኮምፓ ጊሺዴስ።

ናሂሚያ ማጻፋ 9:31

ጊዶ ኣቲን ኔ ማሮቴ ጊታቴፌ ዴንዲዳይሳን ኢስታ ኣጋቤካ፤ ኔ ኪያኔ ኣቶ ጊዛ ጾሳ ጊዲዳ ጊሻስ ኢስታ ይሳቤካ።

ዬ ማጻፋ 123:2

ኣሽካራይ ባ ጎዳ ኩሼ ጼሊዛ ማላ፥ ኣሽካራያካ ባ ጎዳቴይ ኩሼ ጼሊዛ ማላ፥ ኑኒካ ኢዚ ኑና ማራና ጋካናስ ኑ ጎዳኮ ፑዴ ጼሎስ።

ኬሳ ማጻፋ 32:6

ሄሳ ጊሻስ ዎንቴ ጋላስ ኣሳይ ዎንታራ ዴንዲዲ ጹጌቲዛ ያርሾታኔ ኢሲፌቴ ያርሾታ ያርሺዴስ። ሂስቲዲ ኣሳይ ማናሲኔ ኡያናስ ኡቲዴስ። ሚ ኡዪ ሲሚዲ ቃሴ ዱራናሲኔ ጉፓናስ ዴንዲዴስ።

Siiqo Saba 2:5

ታኒ ኢዛ ሲቆን ኦይኬታዳ ሃርጋዲስ፤ ሄሳ ጊሻስ ታና ዛቢቤ ኣይፌ ሚዚዲ ጋዚዲሲቴ፤ ኣፒሌ ሚዚዲ ታና ቤጎቴ።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኤርማሳ ቲንቢቴ 3:20

ጊዶ ኣቲን ኢስራኤሌ ኣሳዉ! ኢንቴ ባ ኣዚናስ ኣማኔቶንታ ማጫሳ ማላ ታስ ኣማኔቲቤኬታ» ጌስ።

ኤርማሳ ቲንቢቴ 31:20

ኤፍሬሜይ ታ ዶሳዳ ኡፋዬቲዛ ታ ናዛ ጊዴኔ? ዳሮ ዎዴ ታ ኢዛራ ኤቄታ ሃሳይኮካ ዛራዳ ኢዛ ጊሻስ ታ ቆፓይስ፤ ታ ማራጬይ ኮኮሬስ፤ ታ ኢዛስ ኬሃ ቃታይስ» ጌስ ጎዳይ።

ሆሴኤ ቲንቢቴ 11:8

«ኤፍሬሜ! ታ ኔና ዎስታ ኣጋጋኔ? ኢስራኤሌ ታ ኔና ዎስታ ኣ ኢማኔ? ታ ካሴ ኣዳማኒኔ ጻቦይሜን ኦዳይሳ ዎስታ ኔ ቦላ ኦ? ታ ዎዚናይ ጊዶን ቃጺዴስ፤ ታ ማሮቴይ ኔና ኣሻና ዴንዲዴስ።

ሆሴኤ ቲንቢቴ 2:5

ኢስታ ኣያ ላይማ፤ ካዉሻ ሃኖን ሻራዱስ። ኢዛ ባ ዶናራ፥ ‹ታኒ ታ ላጌታኮ ባይስ፤ ኢስቲ ታስ ካኔ ሃ፥ ሱፌፔኔ ሌኤ ሃሬፔ ዳዴቲዳ ማይኦ፥ ዎጋራ ዛይቴኔ ዎይኔ ኡሹ ኢማና› ጋዱስ።

ሆሴኤ ቲንቢቴ 4:11

«ላይማቴስ፥ ጫሊዳ ዎይኔ ኡሻስ፥ ማልኦ ዎይኔ ኡሻ ሱኬስ ባንታና ኣ ኢሚዳ፤ ሄሳንቲ ታ ዴሬዛ ዎዚና ኤኪዳ።

ሆሴኤ ቲንቢቴ 7:5

ኑ ካዎዛ ባኣሌ ጋላስ ሃላቃቲ ዎይኔ ኡሻን ማ ሌላ ጊዳ። ኢዚካ ቂዛይታራ ዙፔቲዴስ።

ኣሞጼ ቲንቢቴ 2:8

ኣሳፔ ኦይሶ ኤኬቲዳ ማይኦ ሂጺዲ ያርሾ ያርሺዛሶዛ ጋርሳን ኣቄቴስ፤ ኢስቲ ባንታ ጾሳ ኬን ኤዳሲ ኤኪዲ ዎይኔ ኡሹ ኢዛን ኡዬቴስ።

ኣሞጼ ቲንቢቴ 6:6

ዎይኔ ኡሹ ቢሪሌራ ጊዶንታ ኦቶራ ኡዪዛይቶ! ኬሂ ኣልኦ ጊዲዳ ሺቶ ቲዬቲዛይቶ! ኢስራኤሌ ዴራ ቦላ ጋኪዳ ሜቶ ጊሻስ ቃቶንታይቶ ኢንቴና ኣዬ ኣና!

ሚኪያሳ ቲንቢቴ 7:7

ታኒ ጊዲኮ ጾሳ ሂዶታ ኦይስ፤ ታና ኣሺዳ ታ ጾሳ ናጋይስ፤ ታ ጎዳይካ ታስ ሲያና።

ዛካራሳ ቲንቢቴ 1:16

«ሄሳ ጊሻስ ኡባፌ ዎልቃማ ጎዳይ፥ ‹ታኒ ታ ማሮቴ ዬሩሳላሜስ ኢማና፤ ሄንካ ታ ኬይ ሲሚ ኦራጺዲ ኬጼታና፤ ዬሩሳላሜ ካታማያካ ዎዶሮን ዋታና› ጌስ።

Maatosa 26:50

ዬሱሲካ፥ «ታ ላጌ! ኔ ዪዳ ቆፋ ፖላ» ጊዴስ። ሄራካ ኣሳይ ሺቂዲ ዬሱሳ ኦይኪ ቃቺዴስ።

1ቆሮንቶሴ ኣሳስ 10:21

ጻላኤ ኡሺኔ ጎዳ ኡሹ ኢንቴ ኢሲፌ ጋ ኡያና ዳንዳዬኬታ፤ ጎዳ ማዳፌኔ ጻላኤ ማዳፌ ጋ ማና ዳንዳዬኬታ።

1ቆሮንቶሴ ኣሳስ 10:7

«ዴሬይ ማናሲኔ ኡያናስ ኡቲዴስ፤ ዬጻናስካ ዴንዲዴስ» ጌቴቲ ካሴ ጌሻ ማጻፋን ጻፌቲዳ ማላ ኢስታ ጋርሳፌ ኢሲ ኢሲ ኣሳቲ ኦይሳ ኢንቴካ ኤቃ ጎይኒዛይታ ጊዶፒቴ።

1ጴጽሮሳ ኪታ 4:3

ሂንኮ ጾስ ኤሮንታ ኣሳይ ኦዛይሳ ማላ ኢንቴ ጮ ሜላ ዬዳ ዱሳን ኣሾ ኣሞን፥ ማን፥ ኦጌይ ባይንዳ ካሳን፥ ዎጋፔ ኣ ኡዪዲ ዱሩሳኒኔ ሃራሲዛ ኤቃ ጎይኖን ካሴ ኢንቴ ኣዳ ዎዴዚ ኢንቴስ ጊዳና።

ዳናታ ማጻፋ 10:16

ኣላጋ ጾሳታ ባ ጊዶፌ ዲጊዲ ጎዳስ ጎይኒዳ፤ ኢስታ ዋዬዛ ቤኢዲ ጎዳይ ጮኡ ጊ ኣጋናስ ዳንዳይቤና።

ዳናታ ማጻፋ 9:27

ኡባይካ ባ ጋዴ ጋዴ ቢዲ ዎይኔ ቴራ ማጺዳ፤ ዎይኔ ኡሻ ኣጊዲ ጊታ ባኣሌ ቦንቺዳ፤ ባንታ ኤቃ ኬ ጌሊዲ ሄን ሚሼኔ ኡዪሼ ኣቢሜሌኬ ጫዪዳ።