ሆሴኤ ቲንቢቴ 2:7 - ጋሞ ማጻፋ

⁷ ኢዛ ባ ላጌታ ዴማናስ ዎጻና ሺን ኢስታኮ ጋካናስ ዳንዳዩኩ። ኢዛ ኢስታ ዳሮ ኮያና ሺን ዴሙኩ፤ ሃይሳፌ ጉዬ፥ ‹ሃይሳ ሃ ዱሳፌ ታስ ካሴ ዱሳይ ሎኦ፤ ሄሳ ጊሻስ ቤኒ ታ ኣዚናኮ ታ ሲማ ባና› ጋና።

Geeshsha Maxaafa

⁷ Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ሆሴኤ ቲንቢቴ 2:7 ပူးပေါင်းရင်းမြစ်များ

2ታሪኬ ማጻፋ 28:23

ኢዚካ፥ «ኣራሜ ካዎታ ጾሳቲ ኢስታ ማዲዳ ጊሻስ ታናካ ኢስታ ማዳና ማላ ታኒ ኢስታስ ያርሻና» ጊዲ ባና ጾኒዳ ዳማስቆ ጾሳታስ ያርሺዴስ፤ ጊዶ ኣቲን ሄ ጾሳቲ ኢዛሲኔ ኢስራኤሌ ኣሳ ኡባስ ባሽ ኤሂዳ።

ዬ ማጻፋ 116:7

ታ ሼምፖዬ ኣኔ ዎፑ ጋ፤ ጎዳይ ኔስ ሎኦ ሚሽ ኦዴስ።

ኢሳያሳ ቲንቢቴ 30:16

ቃሴካ፥ ‹ቺ! ኑኒ ፓራን ኡቲ ባቃታና› ጊዴታ፤ ሄሳ ጊሻስ ኢንቴ ባቃታና። ዛሪዲካ ኢንቴ፥ ‹ኑኒ ፒላታ ፓራን ኬሲ ኤኪ ባና› ጊዴታ፤ ሄሳ ጊሻስ ኢንቴና ዬዴዛይቲ ፒላታታ ጊዳና።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 2:2

«ባ! ባዳ ዋሳ፤ ዬሩሳላሜ ኣሳ ሃይን ሲሳ፤ ጎዳይ፥ ‹ኔኒ ናቴቴን ኣይ ኬና ኣማኔቲዳኮ፥ ቃሴ ኔኒ ቡሮ ሚሺራን ዳሼ ታና ኣይ ኬና ሲቂዳኮ፥ ዜሬ ዜሬቶንታ ባዞ ቢታን ኔ ዎስታ ካሊዳኮ ታ ኣኬካይስ።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

ኤርማሳ ቲንቢቴ 2:36

ሂስቲን ኔ ኦጌ ላማ ላማ ኣይስ ዎጻይ? ካሴ ኔና ኣሶሬ ቢታይ ካዉሺዳ ማላ ጊብጼ ቢታይ ኔና ካዉሻና።

ኤርማሳ ቲንቢቴ 3:1

«ኢሲ ኣሲ ባ ኬዮ ኣንጂ ዬዲን ኢዛ ባዳ ሃራ ኣዚና ጌሊኮ፥ ካሴ ኣንጂ ዬዲዳዴይ ሲሚ ኢዚኮ ቢዜ? ኢዚ ቢኮ ሄ ቢታያ ሙሌ ቱኔኬ? ኔኒ ጊዲኮ ኔ ሲቂዛ ጮራ ላጌታራ ላይማታዳሳ፤ ሂስታዳካ ሃኢ ኔኒ ታኮ ሲማና ኮያይ?» ጌስ።

ኤርማሳ ቲንቢቴ 31:18

«ኤፍሬሜይ ጫሞ ሚላስ ሚላሊሺን ኣዳፌ ታ ሲያዲስ፤ ‹ሎሆንታ ዎፋኖ ማላ ታና ቃጻያዳሳ፤ ታኒካ ቃጻዬታዲስ፤ ኔኒ ጎዳ ታ ጾሳ፤ ኔኒ ታና ዛራ፤ ታኒካ ሲማና።

ኤርማሳ ቲንቢቴ 31:32

ሄ ጫቆዚ ታኒ ኢስታ ጊብጼፔ ኬሳናስ ኢስታ ኩሼ ኦይካዳ ኢስታ ኣዋታራ ጫቄቲዳ ጫቆዛ ማላ ጊዴና፤ ታኒ ኢስታስ ኣዚና ማላ ጊዳ ዲሺን ኢስቲ ታናራ ዲዛ ጫቆ ቃላዛ ላሊዳ» ጌስ።

ኤርማሳ ቲንቢቴ 44:17

ኑኒ ኦና ጊዳ ሚሽ ኡባ ኦስ፤ ኑኒ፥ ኑ ኣዋቲ፥ ኑ ካዎቲኔ ኑ ሃላቃቲ ዩሁዳ ካታማታኒኔ ዬሩሳላሜ ኦጌታን ካሴ ኦዳ ማላ፥ ኑኒካ ሳሎ ካዎዮ ጌቴቲዛ ኤቃ ጾሳይስ ኤጻኔ ጩዋሶስ፤ ኡሻ ያርሾካ ኢዚስ ያርሾስ፤ ኑኒ ካሴ ሄሳ ኦዛ ዎዴ ኑስ ቲርፓ ካ ዴስ፤ ኑኒ ሎኦ ዱስ ዴኢዶስ ኣቲን ኣይኮ ኢታካ ቤኢቤኮ።

ሂዚቄላ ቲንቢቴ 16:18

ኔ ጺባቤታ ኤፋዳ ኢስታ ቦላ ጎጳዳሳ፤ ቃሴ ታ ዛይቴኔ ታ ኤጻኔ ኢስታስ ሺሻዳሳ።

ሂዚቄላ ቲንቢቴ 16:8

«ቃሴካ ታ ሄራ ኣ ባሼ ጼላዲስ፤ ኔ ጌሎ ጋኪዳ ጌላኦ ጊዲዳይሳ ቤኣዳ ታ ማይኦ ማጫራ ኔ ቦላ ዬጋዳ ኔ ካሎቴ ካማዲስ፤ ኔስ ጫቃዲስ፤ ኔናራ ቃላ ጌላዲስ፤ ኔ ታሳ» ጌስ ኡባ ሃሪዛ ጎዳይ።

ሂዚቄላ ቲንቢቴ 20:32

ኡባ ሃሪዛ ጎዳይ፥ «ኢንቴ፥ ‹ኑኒ ሚሲኔ ሹቻስ ጎይኒዛ ካዎቴ ማላኔ ኣላሜ ቦላ ዲዛ ዴራ ማላ ጊዳና ኮዮስ› ጊዲ ቆፔታ። ጊዶ ኣቲን ኢንቴ ቆፋይ ሙሌካ ኢንቴስ ሃኔና።

ሂዚቄላ ቲንቢቴ 23:12

ቃሴካ ሃሪዛይታራኔ ኣዛዚዛይታራ፥ ሴሎ ማይኦ ማይኢዳ ኦላንቻታራ፥ ፒላታ ቶጋንቻታራኔ ማላ ሎኦ ጊዲዳ ኣሶሬ ናቴታራ ላይማታናስ ኣሞታ ካላዱስ።

ሂዚቄላ ቲንቢቴ 23:22

«ሃኔ ኦሆሊቤ! ኡባ ሃሪዛ ጎዳይ፥ ‹ኔ ኢጻዳ ኢስታፌ ሼርኢ ጊዳ ኔ ላጌታ ታ ኔ ቦላ ዴንና፤ ኢስታካ ኡባ ባጋፌ ታ ኔ ቦላ ኤሃና።

ሂዚቄላ ቲንቢቴ 23:4

ኢስታፌ ባይራይ ሱንይ ኦሆሎ፤ ካሎይ ሱን ኦሆሊቦ። ኢስታ ናምኣካ ታ ኤኪን ታስ ማጫ ናይታኔ ኣቱማ ናይታ ዬሊዳ። ኦሆላ ሳማሪያ፥ ኦሆሊባ ዬሩሳላሜ ቆንጪሴቴስ።

ዳኔላ ቲንቢቴ 4:17

« ‹ሃ ፒርዳ ቃሾይ ጌሻ ኪታንቻታ ባጋራ ቆንጪ ዮቴቲዴስ፤ ሄሲካ ኡባፌ ቃ ጾሳስ ሳኣ ካዎታ ቦላ ኢዛስ ጎዳቴ ዲዛይሳኔ ካዎቴታካ ባ ዶሲዳዴስ ኢሚዛይሳ፥ ኣሳፔ ካቲዳይታ ኢስታ ቦላ ኢዚ ሹሚዛይሳ፥ ሜታ ኡባይ ኤራና ማላሳ› ጊዴስ።

ዳኔላ ቲንቢቴ 4:25

ኔኒ ኔ ዴሬዛፔ ሻኬታዳ ጎዴታና፤ ኔስ ዱሳሶይካ ዎራ ዶኣታራ ጊዳና፤ ላፑን ላይ ፖሌታና ጋካናስ ኔኒ ሜሄ ማላ ማታ ማና፤ ኔኒ ኬንቾን ሙሳና፤ ሄሲ ዉሪ ኔና ጋካናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ኢዚ ካዎቴ ዉርሲካ ባ ዶሲዳዴስ ኢሚዛይሳ ኔ ሻካ ኤራና ጋካናሳ።

ዳኔላ ቲንቢቴ 4:32

ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

ዳኔላ ቲንቢቴ 5:21

ኢዚካ ዴሬ ጊዶፌ ጎዴቲዴስ፤ ኢዛ ካሃይካ ላሜቲዲ ኢዛስ ሜሄ ካሃይ ኢሜቲዴስ፤ ኢዚ ሜሄ ማላ ማታ ሚሼ ሃርዲዳታራ ዴኢዴስ፤ ኣቂዛሶይ ዪን ኢዛ ቦላይ ጻዛን ሙሲዴስ፤ ሄሲ ሄሳ ሃኒዳይ ኡባፌ ቃ ጾሳይ ካዎቴ ኡባ ቦላ ጎዳ ጊዲዳይሳኔ ካዎቴ ኡባ ባ ኮዪዳ ኣሳስ ኢማናስ ዳንዳይዛይሳ ኢዚ ኤራና ጋካናሳ።

ሆሴኤ ቲንቢቴ 1:2

ጎዳይ ሆሴኤ ባጋራ ኢስራኤሌ ናይታስ ቃላ ቡሮ ዮቲሼ ሆሴኤስ፥ «ታ ዴሬይ ታፔ ሻኬቲዲ ኢታ ላይማ ላይማቲዛ ጊሻስ ኔኒ ባዳ ኢሲ ላይማቲዛ ማጫስ ኔስ ማቾ ኤካ፤ ኢዚፔ ኔስ ናይታ ዬላ» ጊዴስ።

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ሆሴኤ ቲንቢቴ 2:16

ኢዛ ሄ ጋላሲ ታና፥ ‹ታ ኣዚናዞ› ጋ ጼይጋና ኣቲን ሃይሳፌ ጉዬ፥ ‹ባኣሌ› ጌቴቲዛ ኤቃ ጾሳ ሱንን ታና ጼይጉኩ።

ሆሴኤ ቲንቢቴ 5:13

ኢስራኤሌይ ባ ሳኮዛ፤ ዩሁዳይካ ባ ማዱን ቤኢዲ ኢስራኤሌይ ኣሶሬኮ ባ ኣይፍሶ ዛራዱስ፤ ኢስራኤሌይ ማዶ ዴማናስ ጊታ ኣሶሬ ካዎኮ ቃስታኔ ኪታዱስ። ጊዶ ኣቲን ኢዚ ኢንቴና ኣሻናስ ዎይኮ ኢንቴ ማዱን ፓናስ ዳንዳይቤና።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።