ሆሴኤ ቲንቢቴ 13:2 - ጋሞ ማጻፋ

² ሃኢካ ናጋራ ቦላ ናጋራ ጉጂዳ፤ ባንታ ጪንጫቴን ሚስሌታ ባስ ጊግሲዳ፤ ቢራፔ ኤቃ ጾሳታ ባንታስ ሜዳ፤ ሄይቲ ዉሪካ ኣሳ ኩሼን ኦሴቲዳይታ፤ ሃይታ ሃ ኣሳታ ጊሻስ፥ «ኣስ ያርሾ ሂስቲ ሺሼቴስ፤ ማራ ሚስሌን ኦሴቲዳ ኤቃ ጾሳታ ዬሬቴስ» ጌቴቲዴስ።

Geeshsha Maxaafa

² Ha7ikka nagara bolla nagara gujjida; bantta cinccateththan misleta baas giigsida; birappe eeqa xoossata banttas medhdhida; heyti wurikka asa kushen oosettidayta; hayta ha asata gishshas, «As yarsho histti shiishsheettes; mara mislen oosettida eeqa xoossata yeereettes» geetettides.

ሆሴኤ ቲንቢቴ 13:2 ပူးပေါင်းရင်းမြစ်များ

1ካዎታ ማጻፋ 19:18

ባኣሌስ ጉልባቶንታይታኔ ባ ዶናን ባኣሌ ጌቴቲዛ ኤቃ ሚስሌዛ ዬሮንታ ኣቲዳ 7,000 ኣስ ታኒ ኢስራኤሌን ታስ ኣሻና» ጊዴስ።

2ታሪኬ ማጻፋ 28:13

ሂስቲዲ፥ «ሄ ዲኢዳ ኣሳታ ኢንቴ ሃ ኤሆፒቴ! ኢንቴ ኤሂዛ ጊዲኮ ካሴ ኑኒ ጎዳ ቦላ ኦዳ ናጋራኔ ቆሆ ቦላ ሃራ ቆሆ ጉጄታ፤ ኑ ቆሆይ ካሴካ ዳሪ ኡቲዳ ጊሻስ ኢስራኤሌ ቦላ ጎዳ ሃንቆይ ዎዴስ» ጊዳ።

2ታሪኬ ማጻፋ 33:23

ጊዶ ኣቲን ኢዛ ኣዋ ሚናሴይ ባናቴ ካዉሺዳ ማላ ኢዚ ባናቴ ጎዳ ሲንን ካዉሺቤና፤ ኣሞኔይ ሞሮ ቦላ ሞሮ ጌዴ ጉጂ ጉጂ ቢዴስ።

ዬ ማጻፋ 2:12

ጎዳይ ሃንቄቲን ኦጌን ኢንቴ ዮንታ ማላ ኢዛስ ሱሬ ዎዚናን ጎይኒቴ፤ ኣይስ ጊኮ ኢዛ ሃንቆይ ኤሶን ኤጺ ኬዛና። ኢዛ ባንታስ ዜምፖ ኦዛይቲ ኣንጄቲዳይታ።

ኢሳያሳ ቲንቢቴ 1:5

ማካላ ቦላ ማካላ ጉጂዲ ኢንቴ ኣይስ ዛሪ ዛሪ ቃጻዬቴቲ? ኢንቴ ሁኤይ ሙሌ ሳኬቲዴስ፤ ኢንቴ ዎዚናይካ ዳቡርዴስ።

ኢሳያሳ ቲንቢቴ 30:1

ጎዳይ፥ «ማካላንቻ ጊዲዳ ናይታስ ኣዬ ኣና! ታፔ ጊዶንታ ቆፋ ካሌቴስ፤ ታ ኣያናፔ ጊዶንታ ጫቆ ጫቄቴስ፤ ናጋራ ቦላ ናጋራ ጉጄቴስ።

ኢሳያሳ ቲንቢቴ 44:11

ኤቃ ጾስ ሜዛይ ኣስ ኣቲን ሃራ ጊዴና፤ ኢዚኔ ኢዛ ሚሳቲዛይቲ ዬላታና፤ ኡባይካ ሺቂዲ ኢሲ ቦላ ኤቄቶ፤ ኢስቲ ዳጋማናኔ ዬላታና።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኢሳያሳ ቲንቢቴ 46:6

ኣማርዳ ኣሳቲ ዎርቃ ባንታ ካራጺቴፔ ቆሌቴስ፤ ቢራካ ሜዛኔን ጌዳሬቴስ፤ ኢስቲ ሴሪሲ ቲጊዛ ሂላንቻ ቃጻሬቴስ፤ ኢዚካ ኢስታስ ጾሳ ሂስቲ ሜስ። ኢስቲካ ኢዛስ ጎይኔቴሲኔ ያይኔቴስ።

ኢሳያሳ ቲንቢቴ 46:8

«ኢንቴኖ ሞራንቻቶ! ሃይሳ ኣኬኪቴ፤ ዩሺካ ቆፒቴ፤ ኢንቴ ዎዚናን ቁምኢ ኦይኪቴ።

ኤርማሳ ቲንቢቴ 10:4

ኢስቲ ቢራኒኔ ዎርቃን ኣሌቂሴቴስ፤ ቃጾንታ ማላ ናሪቃራ ሚሲማሬን ሺኪዲ ኦይቴስ።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኤርማሳ ቲንቢቴ 8:5

ሂስቲን ሃይሲ ዴሬዚ ኣይስ ጉዬ ሲሚ ቢዜ? ዬሩሳላሜይ ኣይስ ኡባቶ ጉዬ ሲማዜ? ኢስቲ ጌኔ ኦሶ ሚን ኦይኪዳ፤ ሲማናስካ ኮዬቴና።

ሆሴኤ ቲንቢቴ 10:1

ኢስራኤሌ ኣሳይ ዳዪዳ ዎይኔ ሚ ማላ። ኢስቲ ዳሮ ኣይፌ ኣይፊዳ፤ ኣይፌዚ ዳሪዳ ኬና ዳሮ ያርሾሶሆ ሜዳ። ኢስታ ቢታያ ሎኦ ኣይፌ ኢማዳ ኢስታ ዱሬሲዳ ማላ ኢስቲ ጎይኒዛ ቱሳታ ኣሌቄሲዳ።

ሆሴኤ ቲንቢቴ 10:5

ሳማሪያ ካታማን ዲዛ ዴሬይ ቤቲ-ኣዌኔን ዲዛ ማራ ሚስሌን ኦሴቲዳ ኤቃ ጾሳስ ያዬስ። ኢዛፔ ቦንቾይ ቃሬቲ ኪቺዳ ጊሻስ ኣሳይ ዬኬስ። ሄ ኤቃ ሚስሌዛ ቄሴቲካ ዋሴቴስ።

ሆሴኤ ቲንቢቴ 11:2

ጊዶ ኣቲን ታ ኢስታ ጼይጊዳ ኬና ኢስቲ ታፔ ጌዴ ሃኪ ሃኪ ቢዳ። ባኣሌስ ያርሾ ሺሺዳ፤ ኢዛ ሚስሌታሲካ ኤጻኔ ጩዋሲዳ።

ሆሴኤ ቲንቢቴ 11:6

ኢስታ ኢታ ሃልቾ ጊሻስ ሞርኬ ቶራይ ኢስታ ካታማታ ኦላና፤ ኢስታ ካታማታ ፔንጌታካ ሜንሬ ዬጋና። ኢስቲካ ሙሌራ ያና።

ሆሴኤ ቲንቢቴ 14:3

ኣሶሬይ ኑና ኣሼና፤ ኑኒ ኦላ ፓራታንካ ኣማኔቶኮ፤ ሃይሳፌ ጉዬ ኑኒ ኑ ኩሼን ሜዳ ኤቃ ጾሳታ፥ ‹ሃይቲ ኑ ጾሳታ› ጎኮ። ማንቆቲ ኔፔ ቃቴ ዴሜቴስ» ጊቴ።

ሆሴኤ ቲንቢቴ 2:8

ታኒ ኢዚስ ካሴ ካ፥ ዎይኔ ኡሺኔ ዎጋራ ዛይቴ ኢሚዳይሳኔ ቃሴካ ኢዛ ባኣሌ ጌቴቲዛ ኤቃ ጾሳስ ያርሾ ቢራኔ ዎርቃ ኢዚስ ዳርሲዳይ ታና ጊዲዳይሳ ኢዛ ሻካ ኤራቤኩ።

ሆሴኤ ቲንቢቴ 4:17

ኤፍሬሜይ ኤቃ ጾሳታ ጎይኖን ኦይኬቲዳ ጊሻስ ኢስታ ጌዴ ኣጋጊቴ።

ሆሴኤ ቲንቢቴ 8:4

«ታ ሼኔ ጊዶንታ ኢስቲ ባስ ካዎታ ካዎዳ፤ ታና ኦይቾንታ ዲሼ ዳናታ ዶሪዳ፤ ባ ቢራፔኔ ባ ዎርቃፌ ባና ይሳና ኤቃ ጾሳታ ባስ ኦዳ።

ሆሴኤ ቲንቢቴ 8:5

ሳማሪያ ዴሬ ኣሳቶ! ማሪ ሚሳቲሲ ኢንቴ ሜዳ ኤቃ ጾሳቲ ታና ሻቴቴስ። ታ ሃንቆይ ኢንቴ ቦላ ታማ ማላ ኤጼስ፤ ኢንቴ ሞሮ ኦሶን ኣይዴ ጋካናስ ኢንቴ ጋምኣኔ?

ሆሴኤ ቲንቢቴ 8:6

ሂላንቻይ ማራ ሚስሌ ሜዳ ኤቃ ጾሳቲ ጾስ ጊዳናስ ዳንዳዬቴና። ሄሳ ጊሻስ ማር ሚሳቲ ኦሴቲዳ ሳማሪያ ኤቃ ጾሳቲ ሜቄሬቲ ዎና።

ታይቦ ማጻፋ 32:14

ኢንቴኖ ናጋራንቻ ዬሌታቶ! ጎዳይ ኢስራኤሌ ዴሬ ቦላ ጉጂ ሃንቄታና ማላ ሃኢካ ኢንቴ ኢንቴ ኣዋታ ኦታ።

ኦሮሜ ኣሳስ 11:4

ጾሲ ኢዛስ፥ «ባኣሌ ጌቴቲዛ ኤቃስ ጎይኖንታይታ ላፑን ሺ ኣስ ታኒ ታስ ኣሻዲስ» ጊ ዛሪዴስ

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

2ጺምቶሳስ 3:13

ኢታ ጊዲዳ ባሌዛ ኣሳቲ ባስ ባሌቲዲ ኣሳ ባሌሼ ኢታቴ ቦላ ኢታቴ ጉጂ ጉጂ ባና።

1ሳሜላ ማጻፋ 10:1

ሳሜሊ ዛይቴ ቢሪሌ ኤኪዲ ዛይቴዛ ሳኦሌ ሁኤን ጉሲዳፔ ጉዬ ዬሪ ኤኪዴስ፤ ሄሳፌ ጉዬ፥ «ባ ጺንጾ ቦላ ኔ ሃሪዛዴ ጊዳና ማላ ጾሲ ኔና ዶሪቤኔ?