ሆሴኤ ቲንቢቴ 13:14 - ጋሞ ማጻፋ

¹⁴ ታኒ ኔና ዱፎ ዎልቃፌ ኣሻና፤ ሃይቆፔካ ዎዛና። ሃይቆ! ኔ ዎዛ ዎልቃይ ኣዋን ዲዜ? ዱፎዞ! ኔኒ ኣስ ይሲዛ ዎልቃይ ኣዋን ዲዜ? ታኒ ኢዛስ ቃቲኬ።

Geeshsha Maxaafa

¹⁴ Tani nena duufo wolqqafe ashshana; hayqoppeka wozzana. Hayqoo! Ne wodhiza wolqqay awan dizee? Duufozoo! Neni as dhayssiza wolqqay awan dizee? Tani izas qadhettike.

ሆሴኤ ቲንቢቴ 13:14 ပူးပေါင်းရင်းမြစ်များ

ኢዮቤ ማጻፋ 33:24

ኪታንቻይ ኢዛስ ቃቲዲ፥ ‹ኢዛ ዎዚዛዴ ታ ዴሚዳ ጊሻስ ኢዚ ዱጌ ዱፎን ዎንታ ማላ ኣጋጋ!› ጊዲ ሃይቆ ኦይኪዳኮ፥

ኢዮቤ ማጻፋ 41:22

ኢዛ ሞርጌን ዎልቃይ ኩሚዳ ጊሻስ ኢዛ ሲንይ ያሺሴስ።

ዬ ማጻፋ 16:10

ኔ ታና ሲኦሌን ኣጋካ፤ ኔ ጌሻዛ ዎቃና ማላ ኣጋካ።

ዬ ማጻፋ 30:3

ኣቤት ጎዳዉ! ታና ዱፎን ቦንታ ማላ ናጋዳሳ፤ ዱጌ ጪማ ኦላን ጌሎንታ ማላ ኔኒ ታና ኣሻዳሳ።

ዬ ማጻፋ 49:15

ጊዶ ኣቲን ጾሲ ታ ሼምፖ ዎዛና፤ ኢዚ ታና ሃይቆ ዎልቃፌ ኣሺ ኤካና።

ዬ ማጻፋ 49:16

ኣሲ ዱሬቲዛ ዎዴኔ ኢዛ ኣቆታይ ዳሪ ዳሪ ቢዛ ዎዴ ኢዛዴስ ያዮፋ።

ዬ ማጻፋ 71:20

ኔኒ ታ ቦላ ዳሮ ሜቶ ኤሃዳሳ፤ ጊዲኮካ ኔኒ ታና ጪማ ኦላፌ ጎቻ ኬሳዳሳ፤ ታ ዴኦ ዛራ ኦራዳሳ።

ዬ ማጻፋ 86:13

ኣይስ ጊኮ ኔ ታና ቤሲዳ ሜርና ሲቆይ ኬሂ ጊታ፤ ኔኒ ታ ሼምፖዮ ዱፎፔ ኣሻዳሳ።

ኢሳያሳ ቲንቢቴ 25:8

ሃይቆ ኢዚ ሜርናስ ሚታና፤ ኡባ ሃሪዛ ጎዳይ ኣሳ ኡባ ኣይፌፔ ኣፉን ቁጫና፤ ባ ዴራ ካዉሻቴ ቢታ ኡባፌ ዲጋና። ሃይሳ ጎዳይ ሃሳይዴስ።

ኢሳያሳ ቲንቢቴ 26:19

ጊዶ ኣቲን ሃይቂዳ ኔ ኣሳይ ፓጻና፤ ኢስታ ኣሃይካ ዴንዳና። ኢንቴኖ ቢታ ጋርሳን ዲዛይቶ! ዴንዲቴ ኡፋይሳን ዬጺቴ፤ ኔ ጻዛይ ቢታ ያኪሲዛ ማላዶ ጻዛ ማላ ሳኣይ ሚቲዳይታ ዛራ ጩታና።

ኤርማሳ ቲንቢቴ 15:6

«ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

ኤርማሳ ቲንቢቴ 20:16

ሄሳዴይ ጎዳይ ቃታይ ባይንዳ ሺሬቺ ዬጊዳ ካታማታ ማላ ጊዶ፤ ማላዶ ዋሶ፥ ጋላሳ ሴታን ኦላ ሺሮ ሲዮ።

ኤርማሳ ቲንቢቴ 31:35

ጋላሳን ፖኢሳና ማላ ኣርሼ ዎዳይ፥ ኦማርሳን ፖኢሳና ማላ ኣጊናኔ ጾሊንቴታ ኣዛዚዳይ፥ ዳምባላይ ጉማና ማላ ኣባ ቃዛይ ኢዛ ሱንይ ጎዳ ኡባፌ ዎልቃማ ጾሳ ጌቴቲዛይሲ፥

ሂዚቄላ ቲንቢቴ 37:9

ሄሳፌ ጉዬ ኢዚ ታና፥ «ሃይሶ ኣሳ ናዉ! ጫርኮስ ቲንቢቴ ዮታ፤ ኡባ ሃሪዛ ጎዳይ፥ ‹ጫርኮዞ፥ ኦይዱ ባጋ ጫርኮታፔ ሃያ፤ ሃይቲ ሃይቂዳይቲ ሼምፖራ ፓጻ ዳና ማላ ኢስታ ቦላ ኡፉ ጋ ፑና› ጌስ» ጊዴስ።

ሆሴኤ ቲንቢቴ 6:2

ናምኡ ጋላሳታፔ ጉዬ ኢዚ ኑና ቤጎና፤ ሄን ጋላስ ኢዚ ኑና ዴንና፤ ኑኒካ ኢዛ ሲንን ፓጻ ዳና።

ሆሴኤ ቲንቢቴ 7:10

ኢስራኤሌ ኣሳ ኦቶሬቴ ኢስታ ቦላ ማርካቴስ፤ ሄሲ ዉሪ ሃኒንካ ኢስቲ ጎዳ ባንታ ጾሳኮ ሲሚቤቴና፤ ኢዛካ ኮዪቤቴና።

ሚልካሳ ቲንቢቴ 3:6

«ታኒ ላሜቶንታ ጾሳ፤ ሄሳ ጊሻስ ኢንቴኖ ያቆቤ ናይቶ! ኢንቴ ይቤኬታ» ጌስ ጎዳይ።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

ኦሮሜ ኣሳስ 11:15

ጾሲ ኢስታ ኣጊዳ ኣይዛቤቲ ጾሳራ ጊጊኮ ጾሲ ኢስራኤሌ ናይታ ዛሪዲ ኤኪዛ ዎዴ ኢንቴስ ኣዚ ሃናና ሚሳቲዜ? ሄሳ ጉሲ፥ «ሃይቆፔ ዴንዲዴስ» ጉሳ ማላ።

ኦሮሜ ኣሳስ 11:29

ጾሲ ዶሪዳፔኔ ባ ኪያቴ ኢሚዳፔ ጉዬ ባ ኦዳ ሚሻን ሲሚዲ ሞቴና።

2ቆሮንቶሴ ኣሳስ 5:4

ኑኒ ሃይሳ ሃ ዱንካኔዛን ዲዛ ዎዴ ኡባን ኢዚ ዴጺዛ ጊሻስ ዳቡራ ፒ ጎስ፤ ሄሳስ ጋሶይካ ሃይቂዛይሲ ዴኦን ላሜታና ማላ ኑኒ ሳሎን ዳና ሶሆዛ ማይኣና ኣቲን ኑፔ ቃሬታና ማላ ኑ ኮዮኮ።

ፒሊጲሲዮሴ ኣሳስ 3:21

ኢዚካ ኡባ ባፔ ጋርሳን ሃሪሳና ዳንዳይዛ ባ ዎልቃን ዳቡራንቻ ጊዲዳ ኑ ኣሳቴ ቦንቼቲዳ ባ ኣሳቴ ሚሳቲሲዲ ላማና።

1ታሶሎንቄ ኣሳስ 4:14

ዬሱሲ ሃይቂዲ ዴንዲዳይሳ ኑ ኣማኒዛ ጊዲኮ ዬሱሳ ኣማኒዳይታ ጾሲ ዬሱሳራ ሄሳካ ዛሪ ሃ ዬዳና።

ያቆቤ ኪታ 1:17

ሎኦ ኢሞቴኔ ኩሜ ኣንጆይ ዉሪ ቦላ ሳሎ ፖኦታ ኣዋፔ ዎቴስ፤ ኢዛ ኣቻን ያኔ ሃ ዩዪዛ ኤሾይካ ዴና።

ዮሃኒሳ ኣጁታ 20:13

ኣባይካ ባ ጋርሳን ዲዛ ሃይቄታ ኢሚዴስ፤ ሃይቆይኔ ዱፎይ ቃሴ ካሴ ሃይቂዲ ባ ጊዶን ዲዛይታ ኢሚዳ፤ ኢሲ ኢሲ ኣሲ ባ ኦሶ ኦሶ ማላ ፒርዳ ኤኪዴስ።

ዮሃኒሳ ኣጁታ 21:4

ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

ዮሃኒሳ ኣጁታ 6:8

ቃሴካ ጮሎሎ ፓራ ቤያዲስ፤ ፓራ ቶጊዳይሳ ሱን ሃይቆ ጌቴቴስ፤ ኢዛ ቃሴ ዱፎይ ካሌስ፤ ሃይቆይኔ ዱፎይ ቢታፌ ሳይሶ ኦላን፥ ጋፋን፥ ቦሻኒኔ ባዞ ዶኣን ዎና ማላ ጎዳቴ ኢስታስ ኢሜቲዴስ።

1ሳሜላ ማጻፋ 15:29

ኢስራኤሌ ቦንቾ ጊዲዳ ጎዳይ ዎርዶቴና፤ ሞቴና፤ ጋሶይካ ሞታናስ ኢዚ ኣሴ ጊዴና» ጊዴስ።