ሆሴኤ ቲንቢቴ 12:8 - ጋሞ ማጻፋ

⁸ ኤፍሬሜይ፥ ‹ታኒ ዱሬ፤ ታ ዱሬታዲስ፤ ታስ ሃይሲ ኡባይ ዲሺን ኣይ ቆሆይካ ዎይኮ ናጋራይ ታ ቦላ ጋኬና› ጊ ጬቄቴስ።

Geeshsha Maxaafa

⁸ Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ሆሴኤ ቲንቢቴ 12:8 ပူးပေါင်းရင်းမြစ်များ

ዬ ማጻፋ 49:6

ባ ኣቆታን ኣማኔቲዛይታሲኔ ባ ዱሬቴ ዳሮን ጬቄቲዛይታስ ታ ኣይስ ባቦ?

ዬ ማጻፋ 52:7

«ጾሳ ባስ ዜምፖ ኦንታዴ፥ ባ ዱሬቴ ዳሮን ኣማኔቲዛዴ ባ ኢታ ኦሶን ሚኒዛዴ ሃይሳ ቤኢቴ!» ጋና።

ዬ ማጻፋ 62:10

ቦንቃን ኣማኔቶፍቴ፤ ካይሲ ሺሺዳ ዱሬቴን ሂዶታ ኦፍቴ። ኢንቴስ ዱሬቴ ዳሪኮካ ኢንቴ ዎዚና ኢዛ ቦላ ዎፍቴ።

ሌሚሶ ማጻፋ 11:1

ጎዳይ ዎርዶ ጌዳራ ኢጼስ፤ ጊዶ ኣቲን ሱሬ ጌዳራን ኡፋዬቴስ።

ሌሚሶ ማጻፋ 30:12

ቱና ጊዲ ኡቲዲ ባንታና ጌሻ ማላ ቆዲዛ ኣሳቲ ዴቴስ።

ሌሚሶ ማጻፋ 30:20

«ላይማ ማጫሳያ ሃኒዛ ሃኖይካ ሄሳ ማላ። ኢዛ ሙሳ ማዉስ፤ ጊዶ ኣቲን ሚዳፔ ጉዬን፥ ባ ዶና ቁጫዳ፥ ‹ታኒ ኣይኮካ ሞራቤኬ› ጋዉስ።

ኤርማሳ ቲንቢቴ 2:23

ኔኒ ዋናዳ፥ «ታኒ ቱናቤኬ፤ ታኒ ባኣሌ ኤቃታስ ጎይናናስ ዎጻቤኬ» ጋናስ ዳንዳያይ? ኔኒ ሾባን ኦዳይሳ ኣኔ ቆፓ፤ ኔኒ ኦዳይሳ ኣኔ ኣኬካ፤ ኔኒ ያኔ ሃ ዎጼሬቲዛ ጋሜላ ማላ ጊዳዳሳ።

ኤርማሳ ቲንቢቴ 2:35

‹ታኒ ጺሎ፤ ቱማፔ ኢዛ ሃንቆይ ታና ጋኬና› ጋሳ። ኔኒ፥ ‹ታኒ ናጋራ ኦቤኬ› ጊዛ ጊሻስ ታኒ ኔ ቦላ ፒርዳና።

ኤርማሳ ቲንቢቴ 5:27

ካፎ ኬን ካፎይ ኩሚዳ ማላ ኢስታ ኬን ባሌይ ኩሚዴስ። ሄሳ ጊሻስ ኢስቲ ዱሬኔ ዎልቃማ ጊዲዳ።

ሂዚቄላ ቲንቢቴ 28:5

ኔ ዛልኤ ኦሶ ኤራቴን ኬሃ ቢዳ ጊሻስ፥ ኣቆታ ቦላ ኣቆታ ዳጋሳዳሳ፤ ኔ ኣቆታ ዳሮቴፌ ዴንዲዳይሳን ኔ ዎዚናይ ኦቶሮን ኩሚዴስ ጋዳ ዮታ።

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ሆሴኤ ቲንቢቴ 4:8

ታ ዴሬዛ ናጋራይ ኢስታስ ሙሳስ ኪዪዴስ፤ ሄሳ ጊሻስ ዴሬይ ናጋራ ኦዛይሳ ኬሂ ዶሲዳ።

ኣሞጼ ቲንቢቴ 8:5

ኢንቴ፥ «ኑኒ ኑ ካ ባይዛና ማላ ኣጊና ጼሮን ቦንቺዛ ባኣሌይ ኣይዴ ኣኔሻ! ኑኒ ካ ጊያ ጌልናስ ሳምባታይካ ኑስ ኣይዴ ኣኔሻ! ሄ ባኣሌይ ኣኮ ኑኒ ማካ ሚሻ ጉዲ ኣልኦ ዋጋን ባይዛና፤ ቃሴካ ዎርዶ ሜዛኔን ኣሳ ባሌና።

ኢምባቆ ቲንቢቴ 1:16

ሄሳንካ ሼምፒዲ ዲዛ ጊሻሲኔ ኢዚ ሚዛ ቁማይ ሞ ጊዲዳ ጊሻስ ባ ኦይኪዳ ጊቴዛስ ያርሾ ያርሼስ፤ ቃሴካ ባ ሺሺዛሶዛስ ኤጻኔ ጩዋሴስ።

ዛካራሳ ቲንቢቴ 11:5

ኢስታ ሻሚ ሹኪዳይቲ ቃጻዬቴቴና፤ ኢስታ ባይዚዳይቲ፥ ‹ጎዳይ ጋላቴቶ፤ ኑ ዱሬቲዶስ› ጌቴስ። ኢስታ ሄሚዛይቲካ ኢስታስ ቃቴቴና።

ሚልካሳ ቲንቢቴ 2:17

ኢንቴ ጮ ሃዳ ሃሳያን ጎዳ ሳሌዴታ፤ «ኑ ኢዛ ኣዛን ሳሌዶኒ?» ጌታ፤ ኢንቴ ኢዛ ሳሌዳይ፥ «ኢታ ኦዛይቲ ኡባይ ጾሳ ሲንን ሎኦ፤ ኢዚካ ኢስታን ኡፋዬቴስ» ጉሳን ዎይኮ «ቱማ ፒርዲዛ ጾሲ ኣዋን ዲዜ?» ጉሳና።

ሚልካሳ ቲንቢቴ 3:13

«ኢንቴ ታ ቦላ ጻላቴ ቃላ ሃሳይዴታ» ጌስ ኡባፌ ዎልቃማ ጎዳ ጾሳይ። «ኢንቴ ጊዲኮ፥ ‹ኔ ቦላ ኑ ኣይ ሃሳይዶኒ?› ጌታ።

ሉቃሳ ሚሺራቾ 10:29

ኣዴዚ ባና ጺሊሳናስ ኮዪዲ፥ «ሂስቲን ታ ላጌይ ኦኔ?» ጊዲ ዬሱሳ ኦይቺዴስ።

ሉቃሳ ሚሺራቾ 12:19

ታ ሼምፖዬ! ዳሮ ዎዴስ ጊዲዛ ካ ሺሺዳ ጊሻስ ሼምፓ ኡታዳ ማ፤ ኡያ፤ ኡፋዬታ› ጋና ጊዴስ።

ሉቃሳ ሚሺራቾ 16:13

«ናምኡ ጎዳስ ኢሲቶ ኣዛዜታና ዳንዳይዛዴይ ኦኒካ ዴና፤ ዎይኮ ኢሳ ዶሲዲ ኢሳ ኢጼስ ዎይኮ ኢሳኮ ሺቂዲ ሃንኮይሳ ሌቄስ፤ ጾሳሲኔ ሚሻስ ኢሲፌ ጋ ሃሬታናስ ዳንዳዬኬታ» ጊዴስ።

ሉቃሳ ሚሺራቾ 16:15

ዬሱሲካ ኢስታስ፥ «ኢንቴ ኢንቴና ኣሳ ኣቻን ጺሊሴታ፤ ጊዶ ኣቲን ጾሲ ኢንቴ ዎዚና ኤሬስ፤ ኣሳ ኣቻን ቦንቼቲዳዴይ ጾሳ ሲንን ቱና» ጊዲ ዮቲዴስ።

ዛሬ ማጻፋ 8:17

ሄሳ ጊሻስ፥ «ኑኒ ኑ ዎልቃኒኔ ኑ ሚኖቴን ዱሬቲዶስ» ጊ ቆፖፍቴ።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

1ጺምቶሳስ 6:5

ቱማይ ኢስታፌ ኤኬቲ ጊዲን ኣያና ኦሶን ዎ ዴማና ሚሳቲዛ ኣሳታኔ ቆፋ ፓጬ ኣሳታ ጊዶን ጎሼቲዲ ዱጾንታ ኦሽ ኤሄቴስ።

ዮሃኒሳ ኣጁታ 3:17

‹ታኒ ዱሬኮ፤ ታስ ዳሮ ሃሮይ ዴስ፤ ታስ ኣይኮይካ ፓጪቤና› ጋሳ ሺን ኔኒ ጊልቃ፤ ኣይኮይ ባይንዳ ሂዬሳ፤ ማንቆ፤ ቆቄኔ ካሎ ዲዛዴ ጊዲዳይሳ ኔ ኤራቤካ።