ሆሴኤ ቲንቢቴ 12:11 - ጋሞ ማጻፋ

¹¹ ጋላኣዴን ኢታቴ ኩሚዴስ፤ ኣሳይካ ሹፉሮ ጻላ። ጌልጌላን ሚርጎታ ያርሾስ ሺሺዞ? ኢስታ ያርሺዛሶይ ሜቄሬቲዲ ጎሻ ጊዶን ኮሬቲዳ ሹቻ ማላ ጊዳና» ጌስ።

Geeshsha Maxaafa

¹¹ Gala7aaden iitateththi kumides; asaykka shufuro xalla. Gelgelan mirgota yarshos shiishshizoo? Istta yarshizasoy meqerettidi goshsha giddon korettida shuchcha mala gidana» gees.

ሆሴኤ ቲንቢቴ 12:11 ပူးပေါင်းရင်းမြစ်များ

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

2ካዎታ ማጻፋ 17:13

ጊዲኮካ ጎዳይ ኢስታስ፥ «ኢንቴ ቢዛ ኢታ ኦጌፔ ሲሚቴ! ካሴ ኢንቴ ኣዋቲ ኦናስ ታኒ ኣዛዚዳ ዎጋ ማላኔ ታ ኦሳንቻ ናቤታ ባጋራ ታ ኢንቴስ ዮቲዳ ዎጋ ማላ ታ ኣዛዞታኔ ታ ማራታ ናጊቴ» ጊዲ ናቤታ ባጋራኔ ኣጁታ ቤኢዛ ኣሳታ ባጋራ ኢስራኤሌሲኔ ዩሁዳስ ሚን ዮቲ ዎዴስ።

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

ሂዚቄላ ቲንቢቴ 17:2

«ሃይሶ ኣሳ ናዉ! ኢስራኤሌ ኣሳ ማሌ ማሌ፤ ኔ ኢስታስ ሌሚሶን ማሌ ዮታ።

ሆሴኤ ቲንቢቴ 10:1

ኢስራኤሌ ኣሳይ ዳዪዳ ዎይኔ ሚ ማላ። ኢስቲ ዳሮ ኣይፌ ኣይፊዳ፤ ኣይፌዚ ዳሪዳ ኬና ዳሮ ያርሾሶሆ ሜዳ። ኢስታ ቢታያ ሎኦ ኣይፌ ኢማዳ ኢስታ ዱሬሲዳ ማላ ኢስቲ ጎይኒዛ ቱሳታ ኣሌቄሲዳ።

ሆሴኤ ቲንቢቴ 10:2

ኢስታ ዎዚናን ጌኔይ ኩሚዴስ፤ ኢስቲ ባ ኦዳ ጌኔዛ ዋጋ ኤካና። ጎዳይ ኢስቲ ያርሾ ያርሺዛሶሆታ ኡባ ላላና። ኢስቲ ጎይኒዛ ኤቃ ጾሳ ቱሳታካ ሾዳና።

ሆሴኤ ቲንቢቴ 4:15

«ኢንቴኖ ኢስራኤሌ ኣሳቶ! ኢንቴ ላይማቲኮካ ዩሁዳ ኣሳይ ላይማታና ማላ ኦፍቴ፤ ሄሳ ጊሻስ ታስ ጎይናናስ ጌልጌላ ዎይኮ ቤቲ-ኣዌኔ ጌቴቲዛሶ ቦፒቴ፤ ‹ዴኦ ጎዳይ ቤዪን› ጊዲ ታ ሱንን ጫቆፍቴ።

ሆሴኤ ቲንቢቴ 6:8

ጋላኣዴይ ሱን ሞሬታዱስ፤ ኢታ ኣሳታ ዱሳሶ ጊዳዱስ።

ሆሴኤ ቲንቢቴ 8:11

«ኤፍሬሜይ ናጋራ ዉርሳናስ ዳሮ ያርሾሶሆ ኦዴስ፤ ጊዶ ኣቲን ሄ ያርሾሶሆቲ ናጋራ ኦዛሶ ጊዲዳ።

ሆሴኤ ቲንቢቴ 9:15

«ኢስቲ ጌልጌላን ኦዳ ኢታቴ ጋሶን ታ ኢስታ ኢጻዲስ፤ ኢስቲ ኦዳ ኢታ ኦሶ ጊሻስ ታ ኬፌ ታ ኢስታ ጎዳና፤ ሃይሳፌ ጉዬካ ታ ኢስታ ዶሲኬ፤ ኢስታ ካሌዛይቲ ኡባይ ማካላንቻታ።

ኣሞጼ ቲንቢቴ 4:4

ጎዳይ፥ «ኢስራኤሌ ዴሬዞ! ቤቴሌ ቢዲ ናጋራ ኦቴ! ጌልጌላካ ቢዲ ናጋራ ጉጂ ኦቴ! ጋላስ ጋላስ ኢንቴ ያርሾ ያርሺቴ! ሄን ጋላስ ጋላስ ኢንቴ ኣስራታ ኢሚቴ።

ኣሞጼ ቲንቢቴ 5:5

ኢንቴ ቤርሳቤሄ ቦፒቴ፤ ቤቴሌይ ላሌታዳ ሙሌራ ያና፤ ጌልጌላን ዲዛ ኣሳይ ዲኤታና፤ ሄሳ ጊሻስ ቤቴሌ ጊዲን ዎይኮ ጌልጌላ ቦፒቴ» ጊዴስ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ታይቦ ማጻፋ 12:6

ጎዳይ ኢስታስ፥ «ሄኮ ሃኢ ታ ኢንቴና ጊዛይሳ ኣኬኪ ሲዪቴ! «ኢንቴ ጊዶን ናቤቲ ዲኮ፥ ታኒ ታና ኢስታስ ኣጁታን ቆንጪሳይስ፤ ኣጉሞን ኢስታ ሃሳይሳይስ።