ሆሴኤ ቲንቢቴ 11:9 - ጋሞ ማጻፋ

⁹ ታኒ ኢንቴ ጊዶን ዲዛ ጌሻ ጾሳ ኣቲን ኣስ ጊዲኬ። ታ ሃንቆራ ኢንቴኮ ዪኬ፤ ታ ቦሻ ሃንቆ ኢንቴ ቦላ ዬዲኬ፤ ኤፍሬሜ ዛራዳ ይሲኬ።

Geeshsha Maxaafa

⁹ Tani intte giddon diza Geeshsha Xoossa attiin as gidikke. Ta hanqora intte intteko yiikke; ta bosha hanqo intte bolla yeddike; Efreeme zaarada dhayssike.

ሆሴኤ ቲንቢቴ 11:9 ပူးပေါင်းရင်းမြစ်များ

2ሳሜላ ማጻፋ 20:10

ጊዶ ኣቲን ኣማሲ ኢዮኣቤ ኩሼን ማሻይ ዲዛይሳ ኣኬኮንታ ኣጊዳ ጊሻስ ባና ናጊቤና። ሂስቲን ኢዮኣቤይ ኢዛ ኡሎን ጫዲዴስ፤ ኢዛ ማራጬይ ቢታ ቦላ ዎሎሉ ጊዴስ፤ ኢዮኣቤይ ሃራ ጉጆንታ ዲሺን ኣማሲ ሄራካ ሼምፖ ኬዚዴስ። ሄሳፌ ጉዬ ኢዮኣቤይኔ ኢዛ ኢሻ ኣቢሳዬይ ቢኪሬ ና ሼባኤ ጎዴሬ ዶሚዳ።

ዬ ማጻፋ 46:5

ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

ዬ ማጻፋ 78:38

ጊዶ ኣቲን ኢዚ ኢስታ ማሪዛዴ ጊዲዳ ጊሻስ ኢስታ ኢታቴ ኣቶ ጊዴስ፤ ኢስታካ ይሲቤና፤ ዳሮ ዎዴ ባ ሃንቆዛ ኢስታ ቦላፌ ቴቂዴስ፤ ባ ሃንቆዛ ቦሻ ኡባ ኢስታ ቦላ ዬዲቤና።

ዬ ማጻፋ 85:4

ኣቤት ኑና ኣሺዛ ጾሳዉ! ኔ ኑና ዛራ፤ ኔኒ ኑ ቦላ ላንጬቲዳይሳ ኣጋ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኢሳያሳ ቲንቢቴ 31:1

ፑዴ ኢስራኤሌ ጌሻኮ ጼሎንታይታስ፥ ጎዳፔ ማዶ ኮዮንታይታስ፥ ማዶ ዴማናስ ዱጌ ጊብጼ ዎዛይታስ፥ ፓራ-ጋሬታ ዳሮቴኒኔ ባ ፓራ ሚኖቴን ጬቄቲዛይታስ ኣዬ ኣና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 41:16

ኔኒ ኢስታ ሱራጋና፤ ጫርኮይ ኢስታ ፒቲ ኤፋና፤ ጎቴይካ ኢስታ ላላና። ጊዶ ኣቲን ኔኒ ጎዳን ኡፋዬታና፤ ቃሴ ኢስራኤሌ ጌሻን ቦንቼታና።

ኢሳያሳ ቲንቢቴ 48:9

«ታ ሱን ጊሻስ ጋዳ ታኒ ታ ሃንቆ ጋምኢሳና፤ ታ ጋላታ ጊሻስ ጋዳ ታ ኔፔ ቴቃና፤ ታ ኔና ቃንጾንታ ኣጋና ማላሳ።

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኤርማሳ ቲንቢቴ 26:3

ኢስቲ ሲዪዲ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስቲ ኦዳ ኢታቴ ጊሻስ ኢስታ ቦላ ኤሃና ጊዳ ቂጻቴዛ ኣጋና።

ኤርማሳ ቲንቢቴ 30:11

ታኒ ኢንቴና ኣሻናስ ኢንቴናራ ዳይስ፤ ታኒ ኢንቴና ካዎቴታ ጊዶን ላላዲስ፤ ሄ ካዎቴታ ሙሌራ ይሳና፤ ጊዶ ኣቲን ኢንቴና ሙሌራ ይሲኬ፤ ታኒ ቂጻቴይ ባይንዳ ጮ ኣጊኬ፤ ጊዲኮካ ታኒ ኢንቴና ጊናራ ቃጻያና» ጌስ ጎዳይ።

ሆሴኤ ቲንቢቴ 12:1

ኤፍሬሜይ ጫርኮ ሄንንቻ፤ ጋላስ ኩሜ ኣርሼይ ሞኪዛ ባጋ ጫርኮ ካሌስ፤ ዎርዶኔ ማካላ ዳሪሴስ። ኣሶሬ ዴራራ ጫቆ ቃላ ጌሌስ፤ ዎጋራ ዛይቴ ጊብጼ ቢታ ዬዴስ።

ሆሴኤ ቲንቢቴ 14:4

ጎዳይ፥ «ታ ሃንቆይ ኢስታ ቦላፌ ሲሚዳ ጊሻስ ታስ ኣማኔቶንታ ኢጺዳ ታ ዴራ ታ ፓና፤ ታ ኢስታ ጮ ሜላ ሲቃና።

ሚልካሳ ቲንቢቴ 3:6

«ታኒ ላሜቶንታ ጾሳ፤ ሄሳ ጊሻስ ኢንቴኖ ያቆቤ ናይቶ! ኢንቴ ይቤኬታ» ጌስ ጎዳይ።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

ዛሬ ማጻፋ 13:17

ፒላ ሚሻፌ ኣይኮይካ ኢንቴ ኩሼን ቤቶፎ፤ ሂስቲኮ ጎዳይ ባ ዎልቃማ ሃንቆፌ ሲሚዲ ኢንቴና ማራና፤ ኢዚ ኢንቴስ ቃታና፤ ካሴ ኢንቴ ኣዋታስ ጌሊዳ ቃላ ማላ ኢንቴ ቆዳ ዳርሳና።

1ሳሜላ ማጻፋ 26:8

ኣቢሳዬይ ዳዊቴስ፥ «ጾሲ ሃች ኔ ሞርኬ ኔ ኩሼን ዬጊዴስ፤ ሃኢ ታ ኢዛ ኢሲቶ ጫዳ ቢታራ ሲካይስ፤ ታ ናምኣንናስ ኣይኮካ ኮሼና» ጊዴስ።