ሆሴኤ ቲንቢቴ 11:6 - ጋሞ ማጻፋ

⁶ ኢስታ ኢታ ሃልቾ ጊሻስ ሞርኬ ቶራይ ኢስታ ካታማታ ኦላና፤ ኢስታ ካታማታ ፔንጌታካ ሜንሬ ዬጋና። ኢስቲካ ሙሌራ ያና።

Geeshsha Maxaafa

⁶ Istta iita halchcho gishshas Morkke tooray istta katamata olana; istta katamata pengetakka menththereththi yeggana. Isttika mulera dhayana.

ሆሴኤ ቲንቢቴ 11:6 ပူးပေါင်းရင်းမြစ်များ

ዬ ማጻፋ 106:39

ሄሳ ኢስቲ ባንታ ኦሶን ቱኒዳኔ ላይማ ማጫሳ ማላ ባንታ ጾሳስ ኣማኔቶንታ ኢጺዳ።

ዬ ማጻፋ 106:43

ኢዚ ኢስታ ዳሮቶ ኣሺዴስ፤ ጊዶ ኣቲን ኢስታ ማካላስ ጊጺ ኬዚዳ፤ ባንታ ናጋራ ጋሶን ይዳ።

ኢሳያሳ ቲንቢቴ 18:5

ካ ማጺዛ ዎዴፔ ካሴ ጪሻ ዎዴይ ኣሺን፥ ጪሻይ ጋኪዲ ዎይኔይ ኣይፌ ኣይፋና ጊሺን፥ ዎይኔ ቦላ ዲዛ ኮሾንታይሳ ጹንቃና፤ ዳዪዳ ሃጋታካ ቃንጼሬ ዲጋና።

ኢሳያሳ ቲንቢቴ 27:10

ጊምቤቲዳ ካታማያ ካይዛዱስ፤ ባዞ ቢታ ማላ ኦሌቲዳሶ ጊዳዱስ፤ ማራቲ ሄን ሄሜቲዲ ሄን ኢቻና፤ ኢዚ ሃጋታካ ፖቂ ማና።

ኢሳያሳ ቲንቢቴ 30:1

ጎዳይ፥ «ማካላንቻ ጊዲዳ ናይታስ ኣዬ ኣና! ታፔ ጊዶንታ ቆፋ ካሌቴስ፤ ታ ኣያናፔ ጊዶንታ ጫቆ ጫቄቴስ፤ ናጋራ ቦላ ናጋራ ጉጄቴስ።

ኢሳያሳ ቲንቢቴ 9:14

ሄሳ ጊሻስ ጎዳይ ሁኤኔ ጎይና፥ ዛምባ ሃጋኔ ማቃ ኢስራኤሌፔ ኢሲ ጋላስ ቄጻና።

ኤርማሳ ቲንቢቴ 5:17

ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

ኤርማሳ ቲንቢቴ 50:35

ጎዳይ፥ «ማሻይ ባቢሎኔ ኣሳ ቦላ ዪዴስ፤ ኢዚን ዲዛ ኣሳታ ቦላ፥ ማታይ ዲዛ ኣሳታ ቦላኔ ኣ ኤራንቻታ ቦላ ሲፋናስ ሾዴቲዴስ።

ኤርማሳ ዚላስ 2:9

ኢዚ ፔንጌቲ ዱጌ ቢታን ጌሊዳ፤ ካሬ ጎርዲዛ ቢራታ ኮላታቲ ሜቄሬቲ ዎዳ፤ ኢዚ ካዎዚኔ ዳናቲ ኣይዛቤታን ዲኤቲ ቢዳ፤ ሃይሳፌ ጉዬ ካሴ ኢስታስ ዲዛ ዎጋይ ኦና፤ ኢዚ ናቤታስካ ሃይሳፌ ጉዬ ጎዳፔ ኣጁታይ ቆንጬና።

ሂዚቄላ ቲንቢቴ 20:47

ዱጌሃ ባጋ ዎራስ፥ ‹ጎዳ ቃላ ሲያ!› ጋ፤ ኡባ ሃሪዛ ጎዳይ፥ ‹ታኒ ኔ ቦላ ታማ ኦይና፤ ታማዚካ ጪሊላኔ ሜላ ሚ ኡባ ማና፤ ፖፖልኡ ጊዛ ላጮዚ ቶኤና፤ ዱጌሃፔ ቢዲ ፑዴሃ ጋካናስ ዲዛ ኣሳ ኣይፌሶ ኡባ ላባና።

ሆሴኤ ቲንቢቴ 10:14

ሺሊማኔይ ቤቲ-ኣርቤሌ ጌቴቲዛ ካታማ ኦላን ካሴ ላሊዳይሳኔ ኣዬታ ናይታራ ጋ ቢታ ቦላ ዲንጬሬ ዉርሲዳ ማላ ሺሮይ ዴራ ቦላ ያና። ኢንቴ ዴሬ ኣሳ ቦላ ዎልቃማ ኦላይ ያና፤ ኢንቴ ሚጻይ ላሌታና።

ሆሴኤ ቲንቢቴ 10:6

ሄ ኤቃ ሚስሌዚ ጊታ ጊዲዳ ኣሶሬ ካዎስ ኪያቴ ኢሜታና። ኤፍሬሜይ ካዉያና፤ ኢስራኤሌይካ ባንታ ኤቃ ጾሳ ጊሻስ ዬላታና።

ሆሴኤ ቲንቢቴ 13:16

ሳማሪያ ኣሳይ ባንታ ጾሳ ቦላ ማካሊዳ ጊሻስ ባንታ ቆሆ ቶካና፤ ማሻንካ ሲፌታና፤ ቄሪ ናይቲ ቢታ ቦላ ዲንጬታና፤ ቃንራ ዲዛ ማጫሳታ ኡሎይ ዳኬታና» ጌስ።

ሆሴኤ ቲንቢቴ 4:16

ኢስራኤሌ ዴሬይ ማካላንቻ ኡሳ ማላ ማካሊዴስ፤ ሂስቲን ጎዳይ ኢስታ ዶርሳ ላቃታ ማላ ሎኦሶን ዎስቲ ሄማኔ?

ሆሴኤ ቲንቢቴ 4:17

ኤፍሬሜይ ኤቃ ጾሳታ ጎይኖን ኦይኬቲዳ ጊሻስ ኢስታ ጌዴ ኣጋጊቴ።

ሌዌታ ማጻፋ 26:25

ኢንቴ ታናራ ጫቂዳ ቃላ ላሊዳ ጊሻስ ታ ኢንቴና ቃጻያናስ ኢንቴ ቦላ ኦላ ዬዳና፤ ኢንቴ ኢንቴ ካታማታን ሺቂዛ ዎዴ ታ ኢንቴ ጊዶን ኢታ ሃርጌ ኪታና፤ ኢንቴ ሞርኬታስ ኢንቴ ኣ ኢሜታና።

ሌዌታ ማጻፋ 26:31

ታ ኢንቴ ካታማታ ላላና፤ ኢንቴ ጎይኒዛሶታ ታ ካይስ ሂስታና፤ ሳዊዛ ኢንቴ ያርሾዛ ታ ኤኪኬ።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ኣሞጼ ቲንቢቴ 6:8

ጎዳይ ሳሎ ጾሳይ፥ «ኢስራኤሌ ኣሳ ኦቶሬቴ ታኒ ሃራሴታዲስ፤ ኢስታ ሚጻቲካ ታና ሹኔቴስ፤ ሄሳ ጊሻስ ታኒ ካታማዮኔ ኢዚን ዲዛይታ ኡባ ሞርኬስ ኣ ኢማና» ጊዲ ባርካ ባናን ጫቂዴስ።

ሚኪያሳ ቲንቢቴ 5:11

ኢንቴ ቢታን ዲዛ ካታማታካ ይሳና፤ ኢንቴ ሚጻታካ ኡባ ላላና።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ዛሬ ማጻፋ 28:52

ኔ ቢታን ዴኢዛ ኔኒ ኢስታን ኣማኔቲዛ ኣዱሳኔ ሚኖ ዲርሳቲ ኡባሶራ ላሌታና ጋካናስ ኔ ካታማታ ኡባ ዩሾን ዶዲዲ ኔና ኡንኤና። ጎዳ ኔ ጾሳይ ኔስ ኢሚዳ ቢታ ኡባ ዩሾን ዶዲ ኔ ሚጻታ ዲፒ ሂስቲ ይሳና።

ዛሬ ማጻፋ 32:25

ኦጌ ኡባን ኢስታ ናይታ ኦላይ ዉርሳና፤ ኢስታ ኬ ጊዶንካ ሂርጋይ ኩማና፤ ፓንቲኔ ጌላኦቲ፥ ጉ ናይቲኔ ጪማቲ ኡባይ ዉራና።