ሆሴኤ ቲንቢቴ 11:2 - ጋሞ ማጻፋ

² ጊዶ ኣቲን ታ ኢስታ ጼይጊዳ ኬና ኢስቲ ታፔ ጌዴ ሃኪ ሃኪ ቢዳ። ባኣሌስ ያርሾ ሺሺዳ፤ ኢዛ ሚስሌታሲካ ኤጻኔ ጩዋሲዳ።

Geeshsha Maxaafa

² Gido attiin ta istta xeygida keena istti taappe gede haakki haakki bida. Ba7aales yarsho shiishshida; iza misletasikka exaane cuwasida.

ሆሴኤ ቲንቢቴ 11:2 ပူးပေါင်းရင်းမြစ်များ

1ካዎታ ማጻፋ 12:33

ኢዚ ባ ዶሪዳ ኦስፑን ኣጊናን ታማኔ ኢቻሻን ጋላስ ቤቴሌ ቢዲ ሄ ጋላስ ኢስራኤሌ ኣሳስ ባኣሌ ጊዳና ማላ ኣዋጂዴስ፤ ሂስቲዲ ኤጻኔ ጩዋሳናስ ፑዴ ያርሾ ያርሺዛሶ ኬዚዴስ።

1ካዎታ ማጻፋ 18:19

ሃኢ ኢስራኤሌ ኣሳ ኡባ ቃርሜሎሴ ዙማ ቦላ ታናራ ጋይታና ማላ ጼይጋ፤ ቃሴ ኤልዛቤሊ ማዳፌ ሚዛይታ 450 ባኣሌ ናቤታኔ 400 ኣሼሪ ናቤታ ሺሻ» ጊዴስ።

ናሂሚያ ማጻፋ 9:30

ዳሮ ላይ ኔ ኢስታ ዳንዳያዳሳ፤ ኢስታ ታማርሳና ማላ ናቤታ ኔ ኣያናን ኢስታስ ዴንዳሳ፤ ጊዶ ኣቲን ኢስቲ ሎኤ ሲዪቤቴና፤ ሄሳ ጊሻስ ኢስታ ዴሬ ማታን ዲዛ ኣሳቲ ጾናና ማላ ኢስታ ኣ ኢማዳሳ።

ኢሳያሳ ቲንቢቴ 65:7

ኢንቴ ናጋራ ሃሎኔ ኢንቴ ኣዋታ ናጋራ ሃሎ ታ ኬሳና። ኢስቲ ዙማታ ቦላ ጹጌቲዛ ያርሾ ሺሺዳ ጊሻስ፥ ዙምቡላታ ቦላ ታና ጫዪዳ ጊሻስ፥ ኢስቲ ማኪዳ ሚሻን ኢስታስ ዛሪ ማኬታና፤ ኢስቲ ካሴ ኦዳ ኦሶ ኩሼ ዛሪ ኤካና» ጌስ።

ኤርማሳ ቲንቢቴ 18:15

ታ ዴሬይ ጊዲኮ ታና ባሊዴስ፤ ኢስቲ ጎኦንታ ጾሳታስ ኤጻኔ ጩዋሴቴስ፤ ባንታ ኦጌራ ቢዲ ጴቲዳ፤ ቤኒ ኦጌፔ ካሬ ኬዚዳ፤ ባሴቶንታ ዲዛ ኩንዱኩርጮ ኦጌራ ቢዳ።

ኤርማሳ ቲንቢቴ 35:13

ኡባፌ ዎልቃማ ጎዳ ኢስራኤሌ ጾሳይ፥ «ባዳ ዩሁዳ ኣሳሲኔ ዬሩሳላሜ ኣሳስ፥ ‹ታ ቃላ ናጋና ማላ ሃይሳፌ ታማሬኬቲ?› ጋ ዮታ።

ኤርማሳ ቲንቢቴ 44:5

ኢስቲ ጊዲኮ ኤሮ ጊ ኤኪቤቴና፤ ኢስቲ ባ ኦዛ ኢታ ኦሶፔ ሲሚቤቴና፤ ሃራ ኤቃ ጾሳታስ ኤጻኔ ጩዋሴ ኣጊቤቴና።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።

ሆሴኤ ቲንቢቴ 2:13

ባኣሌ ጌቴቲዛ ኤቃ ጾሳስ ኤጻኔ ጩዋሳናሲኔ ሎኦ ጌጼ ዎዳ ኢዛ ባ ላጌታ ካላዳ ታና ኣጊዳ ጊሻስ ታ ኢዞ ቃጻያና።

ሆሴኤ ቲንቢቴ 4:13

ዙማይ ዲዛሶን ዲዛሶን ያርሾ ያርሼቴስ፤ ዙምቡላታ ቦላ፥ ጊታ ዳሻ ሚታ ኩዋ ጋርሳን ጹጌቲዛ ያርሾ ያርሼቴስ። ሄሳ ጋሶን ኢንቴ ማጫ ናይቲ ላይማን ዳና፤ ኢንቴ ናይታ ማቼቲ ላይማታና።

ሆሴኤ ቲንቢቴ 4:17

ኤፍሬሜይ ኤቃ ጾሳታ ጎይኖን ኦይኬቲዳ ጊሻስ ኢስታ ጌዴ ኣጋጊቴ።

ዛካራሳ ቲንቢቴ 1:4

ካሴ ናቤቲ ኢንቴ ኣዋታስ፥ ‹ኢንቴ ኢንቴ ኢታ ኦጌፔኔ ኢንቴ ኦሶፔ ሲሚቴ› ጊዲ ሚን ዮቲዳ፤ ጊዶ ኣቲን ኢስቲ ቃሴ ሲዪቤቴናኔ ታ ኣዛዞካ ናጊቤቴና፤ ሄሳ ማላ ኢንቴ ኢንቴ ኣዋታ ማላ ሃኖፒቴ።

ዛካራሳ ቲንቢቴ 7:11

«ኢስቲ ቃሴ ሲያና ኮዪቤቴና፤ ዞኮ ዛሪዲ ባ ሃይ ቱጪዳ።

ሉቃሳ ሚሺራቾ 13:34

«ሃኔ ዬሩሳላሜ ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ኩቶይ ባ ጪዬታ ባ ቄፌ ጋርስ ሺሺዛ ማላ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኣካይ ጋዳሳ።

ዮሃኒሳ ሚሺራቾ 3:19

ፒርዳይካ ሃይሳ ማላ፥ ፖኦይ ሃ ኣላሜ ዪዴስ ሺን ኣሳስ ኦሶይ ኢታ ጊዲዳ ጊሻስ ኣሳይ ፖኦፔ ኬሂ ማ ዶሲዴስ።

ሃዋሬታ ኦሶ 7:51

«ኢንቴኖ ዎዚና ሙሜቶ! ሃይ ቱሌቶ! ኢንቴካ ኢንቴ ኣዋታ ማላ ኡባ ዎዴ ጺሎ ኣያናራ ኤቄቴታ።

ዳናታ ማጻፋ 10:6

ኢስራኤሌ ኣሳይ ጎዳ ሲንን ቃሴካ ኢታ ሚሽ ኦዴስ፤ ኢስቲ ባኣሌኔ ኣስታሮቴ ጌቴቲዛ ኤቃ ጾሳታሲኔ ኣራሜ ጾሳታስ፥ ሲዶና ጾሳታስ፥ ሞኣቤ ጾሳታስ፥ ኣሞኔ ዴሬ ኤቃ ጾሳታሲኔ ፊሊስጼሜ ጾሳታስ ጎይኒዳ። ኢስቲ ባንታ ጎዳስ ጎይኒዛይሳ ኣጊዳ።

ዳናታ ማጻፋ 2:13

ጎዳካ ኣጊዲ ባኣሌሲኔ ኣስታሮቴስ ጎይኒዳ።

ዳናታ ማጻፋ 3:7

ኢስራኤሌ ኣሳይ ጎዳ ሲንን ኢታ ሚሽ ኦዴስ፤ ኢስቲ ጎዳ ባንታ ጾሳ ኣጊዲ ባኣሌኔ ኣሼሮ ጌቴቲዛ ኤቃ ጾሳታስ ጎይኒዳ።