ሆሴኤ ቲንቢቴ 10:8 - ጋሞ ማጻፋ

⁸ ኢስራኤሌስ ናጋራ ጊዲዳ ቤት-ኣዌኔን ጎይኒዛሶሆ ዙምቡላዚ ያና፤ ኦካይኔ ኦሃይ ሞካና፤ ሄ ዎዴ ዴሬይ ዙማታ፥ «ኑና ቆቲቴ!» ዙምቡላታካ «ኑና ካሚቴ!» ጋና።

Geeshsha Maxaafa

⁸ Isra7eeles nagara gidida Beet-Awenen goynnizasoho zumbullazi dhayana; okkaynne ohay mokkana; He wode derey zumata, «Nuna qottite!» zumbullatakka «Nuna kammite!» gaana.

ሆሴኤ ቲንቢቴ 10:8 ပူးပေါင်းရင်းမြစ်များ

ሜቴ ማጻፋ 3:8

ኦማርሳ ዎዴ፥ ኤዴኔ ጊዶን ጎዳ ጾሳይ ሄሜቲሺን፥ ኢዛ ጬንጉርሳ ኣዴዚኔ ኢዛ ማቼያ ሲዪዲ ጎዳ ጾሳፌ ኤዴኔ ሚ ጊዶን ቆቴቲዳ።

1ካዎታ ማጻፋ 13:2

ጎዳይ ኣዛዚዳ ቃላ ማላ ያርሾ ያርሺዛሶዛ ኤቄቲሼ፥ «ሃይሶ ያርሾ ያርሺዛሶዞ! ጎዳይ ኔስ፥ ‹ዳዊቴ ዜሬፌ ኢዮሲያሳ ጌቴቲዛ ኢሲ ናይ ዬሌታና። « ‹ኢዚ ሃኢ ሃይሳ ዙምቡላ ቦላ ጎይኒዛሶታን ያርሾ ሺሺዛ ቄሴታ ኔ ቦላ ያርሻና፤ ኢስታ ሜቄካ ኔ ቦላ ጹጋና› ጌስ» ጊዴስ።

1ካዎታ ማጻፋ 13:34

ሃይሲ ሃ ናጋራይ ኢዮርባኣሜ ኬ ኣሳ ባሻሲኔ ቢታ ቦላፌ ይሳናስ ጋሶ ጊዲዴስ።

1ካዎታ ማጻፋ 14:16

ኢዮርባኣሜይ ኦዳ ናጋራ ጋሶኒኔ ኢስራኤሌ ኣሳ ኢዚ ኦሲሲዳ ናጋራ ጊሻስ ጎዳይ ኢስራኤሌ ዬጊ ኣጋና» ጊዴስ።

2ካዎታ ማጻፋ 23:15

ኢስራኤሌ ኣሳ ናጋራ ኦሲሲዳ ናባጼ ና ኢዮርባኣሜይ ኦዳ ያርሾሶሆዛ፥ ቤቴሌን ዙምቡላ ቦላ ጎይኒዛሶሆዛ፥ ያርሾ ያርሺዛሶሆዛ ኢዛ ቦላ ዲዛ ዙምቡላ ሄሳካ ላሊዴስ፤ ሹቻታካ ሜንሬ ዬጊዴስ፤ ሌ ማላካ ሊቂሲዴስ፤ ኣሼሪ ሚስሌ ቱሳካ ጹጊዴስ።

2ታሪኬ ማጻፋ 31:1

ሃይሲ ኡባይ ፖሌቲዳፔ ጉዬ ሄን ዲዛ ኢስራኤሌ ኣሳይ ዩሁዳ ካታማታ ዪዲ ጎይኔቲዛ ሹቻታ ሜንሬ ዬጊዳ፤ ኣሼሮ ጌቴቲዛ ኤቃ ጾሳይ ሚስሌታ ቃንጼሬ ኦሊዳ፤ ቃሴካ ዩሁዳ ቢታን፥ ቢኒያሜ ቢታን፥ ኤፍሬሜ ቢታኒኔ ሚናሴ ቢታን ዲዛ ዙምቡላታ ቦላ ጎይኒዛሶታኔ ያርሾ ያርሺዛሶሆታ ይሲዳ፤ ኢስራኤሌ ኣሳይ ሄሳ ኡባ ኦዳፔ ጉዬ ባንታ ካታማ ካታማኔ ባንታሶ ባንታሶ ሲሚዳ።

ኢሳያሳ ቲንቢቴ 2:19

ጎዳይ ሃይሳ ቢታ ቃናስ ዴንዲዛ ዎዴ ያሺሲዛ ጎዳ ሃንቆፌኔ ኢዛ ቴማፔ ኣታናስ ኣሳይ ቆቴታናስ ሹቻ ጋርሲኔ ኦላይ ዲዛሶ ባቃታና።

ኢሳያሳ ቲንቢቴ 2:21

ጎዳይ ሃ ቢታ ቃናስ ዴንዲዛ ዎዴ ኢዛ ያሺሴፌኔ ኢዛ ቴማፔ ዴንዲዳይሳን ሹቻ ጎንጎሎይኔ ዛላ ዛኣይ ዲዛሶ ባቃታና።

ኢሳያሳ ቲንቢቴ 32:13

ታ ዴራ ቢታ ጊሻስ፥ ኣጉንኔ ኪንዲቾይ ሞኪዳ ቢታ ጊሻስ፥ ሆምቦጬን ኢስታን ጉፒዛ ኬታ ኡባ ጊሻስ፥ ሆምቦጬን ኢዚን ጉፒዛ ካታማይስ ዬኪቴ።

ኢሳያሳ ቲንቢቴ 34:13

ጊምቤቲ ዩዪዳ ካታማታ፥ ኢዚ ሚጻታ ዶዮይኔ ኦካይ ላታና፤ ዎራካናታ ኦላኔ ጉቶታ ዱሳሶ ጊዳና።

ሆሴኤ ቲንቢቴ 10:2

ኢስታ ዎዚናን ጌኔይ ኩሚዴስ፤ ኢስቲ ባ ኦዳ ጌኔዛ ዋጋ ኤካና። ጎዳይ ኢስቲ ያርሾ ያርሺዛሶሆታ ኡባ ላላና። ኢስቲ ጎይኒዛ ኤቃ ጾሳ ቱሳታካ ሾዳና።

ሆሴኤ ቲንቢቴ 10:5

ሳማሪያ ካታማን ዲዛ ዴሬይ ቤቲ-ኣዌኔን ዲዛ ማራ ሚስሌን ኦሴቲዳ ኤቃ ጾሳስ ያዬስ። ኢዛፔ ቦንቾይ ቃሬቲ ኪቺዳ ጊሻስ ኣሳይ ዬኬስ። ሄ ኤቃ ሚስሌዛ ቄሴቲካ ዋሴቴስ።

ሆሴኤ ቲንቢቴ 10:9

ጎዳይ፥ «ኢስራኤሌ ኣሳዉ! ጊቢኣን ናጋራ ኦሶፔ ሃች ጋካናስ ጌባኦኔን ናጋራ ኦዛይታ ኦላይ ዉርሲቤኔ?

ሆሴኤ ቲንቢቴ 2:6

ሄሳ ጊሻስ ታኒ ኢዚ ኦጌ ኣጉንራ ጎርዳና፤ ኢዛ ኬዛና ፔንጌ ዴሞንታ ማላ ታኒ ጊምቤ ዩሻ ኣ ጎርዳና።

ሆሴኤ ቲንቢቴ 4:13

ዙማይ ዲዛሶን ዲዛሶን ያርሾ ያርሼቴስ፤ ዙምቡላታ ቦላ፥ ጊታ ዳሻ ሚታ ኩዋ ጋርሳን ጹጌቲዛ ያርሾ ያርሼቴስ። ሄሳ ጋሶን ኢንቴ ማጫ ናይቲ ላይማን ዳና፤ ኢንቴ ናይታ ማቼቲ ላይማታና።

ሆሴኤ ቲንቢቴ 4:15

«ኢንቴኖ ኢስራኤሌ ኣሳቶ! ኢንቴ ላይማቲኮካ ዩሁዳ ኣሳይ ላይማታና ማላ ኦፍቴ፤ ሄሳ ጊሻስ ታስ ጎይናናስ ጌልጌላ ዎይኮ ቤቲ-ኣዌኔ ጌቴቲዛሶ ቦፒቴ፤ ‹ዴኦ ጎዳይ ቤዪን› ጊዲ ታ ሱንን ጫቆፍቴ።

ሆሴኤ ቲንቢቴ 5:8

ኣሳይ ኦላስ ኬዛና ማላ ጊቢኣን ዛዬ ዛዪቴ፤ ኤራማን ጹሩምባ ፑኒቴ። ቤቲ-ኣዌኔን፥ ‹ቢኒያሜ ባጋቶ! ኑ ኢንቴናራ ዶስ› ጊሼ ዋሲቴ።

ሆሴኤ ቲንቢቴ 8:5

ሳማሪያ ዴሬ ኣሳቶ! ማሪ ሚሳቲሲ ኢንቴ ሜዳ ኤቃ ጾሳቲ ታና ሻቴቴስ። ታ ሃንቆይ ኢንቴ ቦላ ታማ ማላ ኤጼስ፤ ኢንቴ ሞሮ ኦሶን ኣይዴ ጋካናስ ኢንቴ ጋምኣኔ?

ሆሴኤ ቲንቢቴ 9:6

ኢስቲ ባሻፌ ኣታናስ ቤቲኮካ ጊብጼይ ኢስታ ሺሻና፤ ሜምፒሳ ጌቴቲዛሶን ኢስታ ሞጋና፤ ኢስቲ ሃሪዳ ቢራይ ዉሪካ ሻራፋ ማይኢ ኣታና፤ ኢስታ ዱሳሶ ኡባ ኣጉን ላታና።

ኣሞጼ ቲንቢቴ 1:5

ዳማስቆ ካታማ ፔንጌታ ታ ሜንሬና፤ ቤቲ-ኤዴኔ ዴሬ ካዎዛኔ ኣዌ ዙላን ዲዛ ኣሳ ታ ይሳና፤ ኣራሜ ዴሬ ኣሳይካ ዲኤቲዲ ጌዴ ቂሬ ዴሬ ባና» ጌስ።

ኣሞጼ ቲንቢቴ 3:14

ኢስቲ ኦዳ ናጋራ ጊሻስ ታኒ ኢስራኤሌ ኣሳ ቃጻዪዛ ዎዴ ቤቴሌን ዲዛ ያርሾ ያርሺዛሶሆታ ታኒ ላላና፤ ያርሺዛሶሆታ ቦላ ዲዛ ካጬቲ ሜቄሬቲ ኩንዳና።

ኣሞጼ ቲንቢቴ 7:9

ዪሳቂኔ ኢዛስ ናዛ ናይቲ ጎይኒዛ ቃሶሆቲ ላሌታና፤ ኢስራኤሌ ናይቲ ጎይኒዛሶሆቲ ላሌታና፤ ኢዮርባኣሜ ካዎቴ ታኒ ሙሌራ ይሳና» ጊዴስ።

ኣሞጼ ቲንቢቴ 8:14

ሳማሪያ ዴሬን፥ ‹ኣሻሞ› ጌቴታ ጼይጌቲዛ ኤቃ ጾሳይን ጫቂዛይቲ፥ ‹ዳኔ ጾሳይ ቤዪን› ዎይኮ፥ ‹ቤርሳቤሄ ጾሳይ ቤዪን› ጊ ጫቂዛይቲ ዉሪካ ኩንዳና፤ ባ ኩንዲዳሶሆፔ ሙሌካ ዴንዳናስ ዳንዳዬቴና» ጌስ።

ሚኪያሳ ቲንቢቴ 1:13

ኢንቴኖ ላኪሼን ዲዛይቶ ፓራታ ጋሬራ ጋ ኦይሴቴ። ጺዮኔ ማጫ ናይታስ ኮይሮ ናጋራይ ኢንቴናኮ። ኢስራኤሌስ ቆሆይ ኢንቴ ኣቻፌ ቤቲዴስ።

ሚኪያሳ ቲንቢቴ 1:5

ሄሲ ዉሪ ሃናናይ ያቆቤይ ኦዳ ሞሮ ጊሻሲኔ ኢስራኤሌ ናይታ ናጋራ ጊሻሳ፤ ኢስራኤሌ ኣሳይ ኢታ ኦናስ ጋሶ ጊዲዳይ ኦኔ? ኢዚስ ዋና ካታማዮ ሳማሪያ ጊዴኬ? ዩሁዳ ኣሳይ ኤቃ ጎይኒዲ ናጋራ ኦና ማላ ጋዳይ ኦኔ? ዬሩሳላሜ ጊዴኬ?

ናሆሜ ቲንቢቴ 3:11

ኔኒካ ቃሴ ማታናኔ ቆቴታና፤ ሞርኬታፔ ኣቲዛሶ ኔ ኮያና።

ሉቃሳ ሚሺራቾ 23:30

ሄ ዎዴ ኣሳይ፥ ‹ዙማቶ! ኑ ቦላ ዎዲቴ፤ ዙምቡላቲካ ኑና ቆቲቴ!› ጋና።

ዛሬ ማጻፋ 9:21

ታኒ ኢንቴ ሜዳ ሄ ናጋራን ኩሚዳ ማራ ሚስሌዛ ኤካዳ ታማን ጹጋዲስ፤ ኢዛካ ኪንቼሬ ጉዱላ ማላ ሊቂሳዳ ዙማ ቦላፌ ዱጌ ጎጊዛ ሃን ዬጋዲስ።

ዮሃኒሳ ኣጁታ 6:16

ዙማታኔ ዛላታካ፥ «ኑና ካሚቴ! ኣልጋ ቦላ ኡቲዳይሳ ሲንፌ፥ ሄ ዶርሳዛ ሃንቆፌ ኑና ቆቲቴ።

ዮሃኒሳ ኣጁታ 9:6

ሄ ጋላሳታን ኣሳይ ሃይቃና ኮያና ሺን ሃይቆ ዴሜቴና፤ ሃይቃናስ ኣሞታና ሺን ሃይቆይ ኢስታፌ ባቃታና።