ሆሴኤ ቲንቢቴ 1:2 - ጋሞ ማጻፋ

² ጎዳይ ሆሴኤ ባጋራ ኢስራኤሌ ናይታስ ቃላ ቡሮ ዮቲሼ ሆሴኤስ፥ «ታ ዴሬይ ታፔ ሻኬቲዲ ኢታ ላይማ ላይማቲዛ ጊሻስ ኔኒ ባዳ ኢሲ ላይማቲዛ ማጫስ ኔስ ማቾ ኤካ፤ ኢዚፔ ኔስ ናይታ ዬላ» ጊዴስ።

Geeshsha Maxaafa

² GODAY Hose7e baggara Isra7eele naytas qaala buro yootishe Hose7es, «Ta derey taappe shaakettidi iita layma laymatiza gishshas neni baada issi laymatiza maccas nees machcho ekka; izippe nees nayta yela» gides.

ሆሴኤ ቲንቢቴ 1:2 ပူးပေါင်းရင်းမြစ်များ

2ታሪኬ ማጻፋ 21:13

ጊዶ ኣቲን ኢስራኤሌ ካዎታ ኦጌን ሄሜታዳሳ፤ ኣካቤሶ ኣሳይ ኦዳ ማላ ዩሁዳኒኔ ዬሩሳላሜን ዴኢዛይቲ ላይማታና ማላ ባሌዳሳ፤ ቃሴካ ኔፔ ሎኢዛ ኔ ኣዋ ኬ ኣሳኔ ኔ ኢሻታ ዎዳሳ።

ዬ ማጻፋ 106:39

ሄሳ ኢስቲ ባንታ ኦሶን ቱኒዳኔ ላይማ ማጫሳ ማላ ባንታ ጾሳስ ኣማኔቶንታ ኢጺዳ።

ዬ ማጻፋ 73:27

ኔፔ ሃኪዛይቲ ያና፤ ኔስ ኣማኔቶንታይታ ኡባ ኔኒ ይሳና።

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ኤርማሳ ቲንቢቴ 2:23

ኔኒ ዋናዳ፥ «ታኒ ቱናቤኬ፤ ታኒ ባኣሌ ኤቃታስ ጎይናናስ ዎጻቤኬ» ጋናስ ዳንዳያይ? ኔኒ ሾባን ኦዳይሳ ኣኔ ቆፓ፤ ኔኒ ኦዳይሳ ኣኔ ኣኬካ፤ ኔኒ ያኔ ሃ ዎጼሬቲዛ ጋሜላ ማላ ጊዳዳሳ።

ኤርማሳ ቲንቢቴ 3:9

ባ ካዉሻቴን ቢታ ቱኒሳዱስ፤ ሚራካ ሹቻራካ ላይማታዱስ።

ሂዚቄላ ቲንቢቴ 6:9

ሃይቲ ሃይቆፔ ኣቲዳይቲ ዲኤቲ ቢዳሶን ዲሼ ኢስቲ ታና ቆፓና፤ ኢስቲ ታፔ ሃኪዲ ላይማቴን ኩሚዳ ዎዚናኒኔ ዚታይ ኩሚዳ ኤቃ ጾሳታ ካሊዛ ኢንቴ ኣይፌታን ታና ሚሺሲዴታ፤ ባ ኦዳ ኢታቴፌኔ ሃራሲዛ ኤቃ ጾሳታፔ ዴንዲዳይሳን ኢስቲ ባርካ ባና ሃራሴታና።

ሆሴኤ ቲንቢቴ 2:7

ኢዛ ባ ላጌታ ዴማናስ ዎጻና ሺን ኢስታኮ ጋካናስ ዳንዳዩኩ። ኢዛ ኢስታ ዳሮ ኮያና ሺን ዴሙኩ፤ ሃይሳፌ ጉዬ፥ ‹ሃይሳ ሃ ዱሳፌ ታስ ካሴ ዱሳይ ሎኦ፤ ሄሳ ጊሻስ ቤኒ ታ ኣዚናኮ ታ ሲማ ባና› ጋና።

ሆሴኤ ቲንቢቴ 3:1

ጎዳይ ታና፥ «ኢስራኤሌ ኣሳይ ሃራ ጾሳታኮ ሲሚዲ ዛቢቤ ኡኬ ሺሻና ኮዪዴስ፤ ሄሳራካ ጎዳይ ኢስታ ሲቂዛይሳ ማላ ኔካ ባዳ ባ ላጌታ ሲቃዳ ላይማታሼ ዲዛ ካሴ ኔ ማቼዮ ዛራዳ ሲቃ» ጊዴስ።

ሆሴኤ ቲንቢቴ 5:3

ታኒ ኢስራኤሌ ኣሳ ኡባ ኤራይስ። ኢስራኤሌይ ታ ኣይፌፔ ጌማቤኩ፤ ኤፍሬሜ፥ ኔኒ ላይማቴ ጎይኖን ቱናዳሳ።

ማርቆሳ ሚሺራቾ 1:1

ጾሳ ና ዬሱስ ኪርስቶሳ ኮይሮ ሚሺራቾይ ሃይሳ፤

ዛሬ ማጻፋ 31:16

ጎዳይ ሙሴስ፥ «ኔኒ ማታ ዎዴ ሃይቃዳ ኔ ኣዋታን ጋይታና፤ ሄሳፌ ጉዬ ሃይሲ ኣሳዚ ታ ኢዛራ ጫቄቲዳ ቃላ ላላና፤ ኢስቲ ታና ኣጋጊዲ ላይማ ማጫሳ ማላ ሄ ኢስቲ ላታና ቢታን ዲዛ ኤቃ ጾሳታስ ጎይናና።

2ጴጽሮሳ ኪታ 2:14

ኢስታስ ናጋራ ኦሶፔ ናጌቶንታ ኣሞቲዛ ኣይፌይ ዴስ፤ ኢስታስ ናጋራ ኦሶ ሲቂዛ ኣሞቴ ኣይ ዎዴካ ሲሜና። ኣማኖን ቡሮ ሚኒ ኤቆንታ ኣሳታ ባሌቴስ፤ ሚሻስ ጋጲጋጴቴስ፤ ኢስቲ ቃንጌቲዳይታ።

ዮሃኒሳ ኣጁታ 17:5

ኢዚ ሊጴ ቦላ፥ «ጹራ፥ ላይማቲዛይታሲኔ ቢታ ቦላ ቱና ኦዛይታስ ኣዮ ዎጋ ባቢሎኔ» ጌቴቲዛ ሱን ጻፌቲ ኡቲዴስ።