ኢምባቆ ቲንቢቴ 2:8 - ጋሞ ማጻፋ

⁸ ኔ ዳሮ ዴሬ ሚሽ ቦንቂዳ ጊሻስ ሃንኮ ቦንቄቶንታይቲ ኔና ቦንቃና፤ ኔ ኣሳ ሱ ጉሳዳሳ፤ ዴራ፥ ካታማኔ ኢዛን ዲዛይታ ዉርሳ ይሳዳሳ።

Geeshsha Maxaafa

⁸ Ne daro dere miish bonqqida gishshas hankko bonqqettonttayti nena bonqqana; ne asa suuth gussadasa; deraa, katamanne izan dizayta wursa dhayssadasa.

ኢምባቆ ቲንቢቴ 2:8 ပူးပေါင်းရင်းမြစ်များ

ዬ ማጻፋ 137:8

ሃኔ ባቢሎኔ ቢታዬ ኔ ያና! ኔኒ ኑ ቦላ ፖሊዳ ኢታ ኦሶ ኔ ቦላ ዛሪ ኦዛይ ኣንጄቲዳይሳ።

ሌሚሶ ማጻፋ 22:23

ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

ኢሳያሳ ቲንቢቴ 33:1

ኔስ ዮንታ ዳሼ ሃራ ይሲዛይሶ! ኔስ ኣዬ ኣና! ኔና ኣ ኢሞንታ ዲሺን ሃራ ኣ ኢሚዛይሶ! ኔስ ኣዬ ኣና! ኔኒ ይሶ ኣጊዳ ዎዴ ኔ ያና፤ ኔኒ ኣ ኢሞ ኣጊዳ ዎዴ ኔና ኣ ኢማና።

ኢሳያሳ ቲንቢቴ 33:4

ካዎቴቶ! ቦሌይ ሺቂዛ ማላ ኢንቴፌ ዲኤቲዳይሲ ሺቃና፤ ጉምባሮይ ጉፒዛ ማላ ኣሳይ ኢዛ ቦላ ዲርባታና።

ኢሳያሳ ቲንቢቴ 47:6

ታኒ ታ ዴራ ሃንቄታዲስ፤ ታኒ ጺንጾዛካ ቱኒሳዲስ፤ ታኒ ኢስታ ኔ ኩሼን ኣ ኢማዲስ። ኔኒ ጊዲኮ ኢስታስ ቃታቤካ፤ ጪሚዳይታ ቦላካ ኬሂ ዴጾ ቃምባራ ዎዳሳ።

ኤርማሳ ቲንቢቴ 27:7

ኢዛ ዴሬይ ሃራስ ሃሬታና ጋካናስ ካዎቴቲ ኡባይ ኢዛስ፥ ኢዛ ናሲኔ ኢዛስ ና ናስ ሃሬታና። ሄሳፌ ጉዬ ዳሮ ካዎቴቲኔ ጊታ ካዎቲ ኢዛ ሃራና።

ኤርማሳ ቲንቢቴ 30:16

«ጊዶ ኣቲን ኢንቴና ዲፒ ሂስቲ ሚዳ ኡባቲ ሄሳ ሜቴታና፤ ኢንቴ ሞርኬ ኡባቲካ ዲኤቲ ባና፤ ኢንቴና ቦንቂዳይቲ ቦንቄታና፤ ኢንቴና ቦጊዛይቲ ቦጌታና።

ኤርማሳ ቲንቢቴ 50:14

«ኢንቴኖ ዪሻን ዱኪዛይቶ! ባቢሎኔ ኦላናስ ኢዚ ዩሾን ሳልፍቴ፤ ናጋራ ኦዳ ጊሻስ ኢንቴ ዪሽ ኢሲኖካ ኣሾንታ ኢዚ ቦላ ዬዲቴ።

ኤርማሳ ቲንቢቴ 50:28

«ጎዳ ኑ ጾሳይ ሃሎ ኬሲዳይሳ፥ ጾሳ ኬ ጊሻስ ሃሎ ኬሲዳይሳ ባቢሎኔፔ ቤቲዳይቲኔ ጎዴቲዳይቲ ጺዮኔን ሃሳይዛይሳ ሲዪቴ።

ኤርማሳ ቲንቢቴ 50:37

ኢስታ ፓራታ ቦላኔ ኢስታ ፓራ-ጋሬታ ቦላ ቃሴ ኢዚ ጊዶን ዲዛ ሃራ ዴሬ ዎታዳራታ ቦላ ማሻይ ያና፤ ኢስቲካ ማጫሳታ ማላ ጊዳና፤ ማሻይ ኢዚ ኣቆታ ኡባ ቦላ ያና፤ ኢስቲካ ቦንቄታና።

ኤርማሳ ቲንቢቴ 51:13

ሃኔ ዳሮ ሻፋታ ማታን ዲዛሬ! ኣቆታን ኬሃ ዱሬቲዳሬ! ኔ ያና ዎዴይ ጋኪዴስ፤ ኔስ ዉርሴ ጋኪዴስ» ጌስ።

ኤርማሳ ቲንቢቴ 51:24

ጎዳይ፥ «ጺዮኔ ቦላ ኢስቲ ኦዳ ኢታ ኦሶ ጊሻስ ባቢሎኔሲኔ ኢዚን ዲዛ ኡባስ ኢንቴ ኢንቴ ኣይፌን ቤኢሺን ኢስታ ኦሶ ማላ ታ ኢስታስ ኢማና» ጌስ።

ኤርማሳ ቲንቢቴ 51:44

ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 51:48

ይሲዛይቲ ፑዴሃ ባጋፌ ዪዲ ኢዞ ኦሊዛ ጊሻስ ሳሎይኔ ሳኣይ ቃሴ ኢስታ ጊዶን ዲዛ ኡባይ ባቢሎኔ ቦላ ኢሊሊ ጋና» ጌስ።

ኤርማሳ ቲንቢቴ 51:8

ባቢሎኔይ ቆፖንታ ዳሼ ኩንዳ ሜቃና፤ ሄሳ ጊሻስ ኢዚስ ዋሲቴ! ኦኔ ኤሪዛይ ኢዛ ፓጻናኮ ኢዚ ማዱንስካ ሌ ኮዪቴ።

ሂዚቄላ ቲንቢቴ 28:16

ኔ ዛልኤይ ሚኒዳ ጊሻስ፥ ማካላቴን ኩማዳሳ፤ ናጋራካ ኦዳሳ። ሄሳ ጊሻስ ታ ኔና ጾሳ ዙማ ቦላፌ ካዉሻዳ ዬዴዲስ፤ ሃይሶ ናጊዛ ኪሩቤ! ታ ኔና ታማ ሚሳቲዛ ሹቻታ ጊዶፌ ኬሳዲስ።

ሂዚቄላ ቲንቢቴ 39:10

ኢስቲ ሺሺዳ ኦላ ሚሻታ ኤሶስ ጎኤታና ጊሻስ ኢስታስ ካሬፔ ሚ ሚጾኔ ዎራፔ ሚ ቃንጾ ኮሼና። ኢስታፌ ቦንቂ ኤኪዳይታፔ ኢስቲካ ቦንቂ ኤካና፤ ኢስታፌ ዳፊ ኤኪዳይታፔ ኢስቲ ዳፊ ኤካና፤ ታኒ ኡባ ሃሪዛ ጎዳይ ሃይሳ ዮታይስ።

ኣሞጼ ቲንቢቴ 3:10

ጎዳይ፥ «ሃይቲ ዴሬቲ ሎኦ ኦሶ ኤሬቴና። ማካላኒኔ ጌኔን ኤኪዳ ሚሻን ባ ሚጻ ኩንቴስ።

ኣብዲዩ ቲንቢቴ 1:15

«ታ ጾሳይ ኣሳ ኡባ ቦላ ፒርዲዛ ዎዴይ ጋኪዳ ጊሻስ ኤዶሜ! ኔ ኦዳ ኢታ ኦሶይ ኔ ቦላ ሲማና፤ ሄሳ ጊሻስ ኔ ኦሶ ማላ ኔ ኤካና።

ኢምባቆ ቲንቢቴ 2:10

ዳሮ ኣሳ ሼምፖይ ያና ማላ ቃቻዳሳ፤ ኔ ኬ ቦላኔ ኔ ቦላ ይሲዛዝ ኤሃዳሳ።

ኢምባቆ ቲንቢቴ 2:17

ኔ ሊባኖሴ ቦላ ኦዳ ጌኔይ ኔና ሚታና፤ ኔኒ ሜዶሳታ ይሲዳይሲ ዛሪ ኔና ዳጋንና፤ ሄሲካ ኔ ኣሳ ሱ ጉሲዳ ጊሻሲኔ ዴሬታ፥ ካታማታኔ ኢስታን ዲዛይታ ኔ ኡባ ይሲዳ ጊሻሳ።

ዛካራሳ ቲንቢቴ 1:15

ጊዶ ኣቲን ሳሮቴ ዴሚዲ ዎፓን ዲዛ ካዎቴታ ኬሃ ሃንቄታዲስ፤ ሄሳስ ጋሶይካ ታኒ ታ ዴሬዛ ቦላ ጉራ ሃንቄቲን ካዎቴቲ ታ ቆፋፔ ቦላራ ታ ዴራ ቆሂዳ› ጊዴስ።

ዛካራሳ ቲንቢቴ 14:12

ዬሩሳላሜ ኦላና ዴንዲዛ ዴሬ ቦላ ጎዳይ ቦሻ ሃርጌ ኤሃና፤ ኢስታ ሼምፖራ ፓጻ ዲሺን ኢስታ ኣሾይ ዎቃና፤ ኢስታ ኣይፌይኔ ኢንጻርሳይ ሄን ባ ዲዛሶን ዎቃና።

ዮሃኒሳ ኣጁታ 6:10

ኢስቲ ቃ ቃላን፥ «ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱ ጊሻስ ኔ ሃሎ ኬሶንታይ ኣዪዴ ጋካናሴ?» ጊ ዋሲዳ።