ኢምባቆ ቲንቢቴ 1:6 - ጋሞ ማጻፋ

⁶ ባስ ጊዶንታ ኬኔ ዲዛሶ ኦይካናስ ቢታ ኡባ ዎራጂዛ ሼምፖ ኢታታኔ ፒላታታ ባቢሎኔ ዴሬ ኣሳ ታኒ ዴንና።

Geeshsha Maxaafa

⁶ Baas gidontta keeththanne dizaso oykkanaas biitta ubbaa worajjiza shemppo iitatanne pilatata Baabiloone dere asaa tani denththana.

ኢምባቆ ቲንቢቴ 1:6 ပူးပေါင်းရင်းမြစ်များ

2ካዎታ ማጻፋ 24:1

ኢዮኣቄሜይ ካዎቲዛ ዎዴ ባቢሎኔ ካዎ ናቡካዳናጾሬይ ዩሁዳ ቦላ ዎራጂዴስ፤ ኢዮኣቄሜይካ ኢዛስ 3 ላይ ጊሪዴስ። ሄሳፌ ጉዬ ኢዚ ባ ቆፋ ላሚዲ ናቡካዳናጾሬ ቦላ ማካሊዴስ።

2ካዎታ ማጻፋ 24:2

ጎዳይ ባቢሎኔፔ፥ ኣራሜፔ፥ ሞኣቤፔኔ ኣሞኔፔ ፓንጋታ ኢዮኣቄሜ ቦላ ዬዲዴስ። ጎዳይ ባ ኦሳንቻታ ናቤታ ባጋራ ካሴ ዮቲዳ ቃላ ማላ ኢስቲ ዩሁዳ ይሳና ማላ ሃይታ ዬዲዴስ።

2ታሪኬ ማጻፋ 36:17

ሄሳ ጊሻስ ጎዳይ ባቢሎኔ ካዎ ኢስታ ቦላ ዴንዲ ኤሂዴስ፤ ሂስቲን ጾሳ ኬ ጊዶን ኢዚ ኢስታ ዬላጋ ኣቱማ ናይታ ማሻን ሱፑ ሂስቲዴስ፤ ዬላጋ ኣቱማ ናይታ፥ ዎይኮ ጌላኦታ፥ ዎይኮ ጪማታ፥ ዎይኮ ጬጋታ ጾሲ ኢስታ ኡባ ናቡካዳናጾሬ ኩሼን ኣ ኢሚዴስ።

2ታሪኬ ማጻፋ 36:6

ባቢሎኔ ካዎ ናቡካዳናጾሬይ ኢዛ ኦሊ ኦይኪዲ ባቢሎኔ ኤፋናስ ጻርቂማላ ሳንሳላታን ቃቺዴስ።

ኢሳያሳ ቲንቢቴ 23:13

ኣኔ ባቢሎኔ ቢታ ቤኢቴ፤ ሄ ቢታ ኣሳይ ፓንታ ኣስ ጊዲዴስ፤ ኣሶሬ ኣሳይ ኢዞ ባዞ ዶኣስ ጉፋሶ ኬሲዴስ፤ ኢስቲ ባንታ ሻኮታ ኢዚ ቦላ ጊምቢዳ፤ ኢዚ ሚጻታ ላሊዳ፤ ቡቶይሲ ዶሬ ጊዲዴስ።

ኤርማሳ ቲንቢቴ 13:20

ቃሴካ ጎዳይ፥ «ኣኔ ቁ ጊዲ ፑዴሃ ባጋፌ ዪዛይታ ጼሊቴ፤ ኢንቴስ ኢሜቲዳ ዉዴይ፥ ኢንቴ ጬቄቲዛ ዶርሳቲ ኣዋን ዲዞ?

ኤርማሳ ቲንቢቴ 21:4

‹ጎዳ ኢስራኤሌ ጾሳይ ኔና ጊምቤዛፔ ካሬ ባጋራ ዶዲ ኡቲዳ ባቢሎኔ ካዎኔ ኢዛ ኦላንቻታ ኦላናስ ኢንቴ ኩሼን ኢንቴ ኦይኪዳ ኦላ ሚሻ ታኒ ኢንቴ ቦላ ጉዬ ዛራና። ኢስታ ሃ ካታማዮ ዛራ ጌልና።

ኤርማሳ ቲንቢቴ 21:7

ሄሳፌ ጉዬ ዩሁዳ ካዎ ሴዴቂያሳኔ ኢዛ ሹሜታ፥ ኢታ ሃርጌፌ፥ ማሻፌኔ ኮሻፔ ኣቲዳ ዴራ ባቢሎኔ ካዎ ናቡካዳናጾሬሲኔ ኢስታ ዎናስ ኮይዛ ሞርኬታስ ታኒ ጎዳይ ኣ ኢማና። ኢዚ ኢስታ ቃራ ማሻን ዎና፤ ኢስታ ማሬና፤ ኢስታስ ሚሼቴናኔ ቃቴና› ጌስ» ጊቴ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 30:5

ጎዳይ፥ «ታኒ ባቦኔ ሺሮ ዋሶ ሲያይስ፤ ሳሮይካ ዴና።

ኤርማሳ ቲንቢቴ 4:11

ሄ ዎዴን ሃ ኣሳሲኔ ዬሩሳላሜስ፥ «ባዞን ዲዛ ኣይኮይ ባይንዳ ዙምቡላታፔ ጹጊዛ ጫርኮይ ታ ዴራ ቦላ ጫርካና፤ ጊዶ ኣቲን ሄሲ ካ ሱራጋናሲኔ ጌሻናስ ጊዴና።

ኤርማሳ ቲንቢቴ 4:6

ጺዮኔ ጌላናስ ባንዲራ ኦይኪቴ! ኤሶን ባቃቲ ኣቲቴ፤ ኣይስ ጊኮ ታኒ ፑዴሃ ባጋፌ ሃንቆኔ ባሽ ኤሃና።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ቲንቢቴ 5:15

ጎዳይ ኢንቴና፥ «ኢንቴኖ ኢስራኤሌ ኣሳቶ! ታኒ ኢንቴ ቦላ ሃሆ ቢታፌ ኢሲ ካዎቴ ኤሃና። ኢዚ ዎልቃማኔ ቤኒሶፌ ዲዛ ካዎቴ። ኢዛ ቃላይ ኢንቴስ ኤሬቴና፤ ኢዛ ሃሳያይ ኢንቴስ ጌሌና።

ኤርማሳ ቲንቢቴ 8:10

ሄሳ ጊሻስ ታኒ ኢስታ ማቼታ ሃራ ኣዚናታስ፥ ኢስታ ቢታታካ ኣላጋታስ ኢማና፤ ጉይካ ጊታይካ ኡባይ ባንታ ጎኣስ ዪቄቴቴስ። ናቤቲኔ ቄሴቲካ ኡባይ ኣስ ባሌቴስ።

ሂዚቄላ ቲንቢቴ 16:40

ኢስቲ ኔ ቦላ ዴሬ ዴንና፤ ሹቻራ ኔና ኩራካና፤ ማሻራ ኢስቲ ኔና ቃንጼሬና።

ሂዚቄላ ቲንቢቴ 21:31

ታኒ ታ ሃንቆ ኔ ቦላ ጉሳና፤ ታኒ ታ ሃንቆ ታማ ኔ ቦላ ኤና፤ ኢታቴን ኤሬቲዳ ሜንጼ ኢታ ኣሳታስ ታ ኔና ኣ ኢማና።

ሂዚቄላ ቲንቢቴ 28:7

ካዎቴታ ጊዶን ኬሂ ሜንጼ ኢታ ጊዲዳ ኣላጋታ ታ ኔ ቦላ ኤሃና። ኢስቲ ኔ ኣ ኤራቴ ፑላቴ ቦላ ባንታ ማሻ ሾዳና፤ ጊታ ኔ ቦንቾዛካ ቱኒሳና።

ሂዚቄላ ቲንቢቴ 31:12

ካዎቴታ ጋርሳን ኬሂ ሜንጼ ኢታ ኣላጋቲ ኢዛ ቃንጼሬ ዬጊዳ፤ ኢዛ ኡንቁሎቲ ዙማታኒኔ ዙሌታን ኩንዲዳ፤ ኢዛ ሃጋቲካ ሜቄሬቲ ሃ ዛራታን ዎዳ፤ ቢታን ዲዛ ካዎቴቲ ኡባይ ኢዛ ኩዋ ጋርሳፌ ኬዚዲ ዬጊ ቢዳ።

ኢዩኤሌ ቲንቢቴ 2:3

ሄ ቦሌቲ ባ ሲንን ቤቲዳዚ ኡባ ታማ ማላ ማና፤ ታማ ላጮ ማላ ጹጋና፤ ቡሮ ኢስታ ጋኮንታ ቢታይ ኤዴኔ ጋናቴ ማላ ጪሊላ ቢታ ሺን ኢስቲ ጋኪ ኣዳ ቢታይ ኣይኮይ ባይንዳ ባዞ ቢታ ጊዳና፤ ቦሌቲ ሚሺን ኣቲዳ ሚሺካ ቤቴና።