ሜቴ ማጻፋ 39:9 - ጋሞ ማጻፋ

⁹ ሃሶን ታፔ ኣዛይ ዴና፤ ኔኒ ኢዛ ማቾ ጊዲዳ ጊሻስ ኔና ጻላ ኣቲን ታ ጎዳይ ታስ ኢሞንታ ሚሺ ባዋ። ሂስቲን ታኒ ሃይሳ ማላ ኢታ ሚሽ ጾሳ ሲንን ዎስታ ኦ?» ጊዴስ።

Geeshsha Maxaafa

⁹ Hason taappe aadhdhizay deenna; neni iza machcho gidida gishshas nena xalla attiin ta goday taas immontta miishshi baawa. Histtiin tani hayssa mala iita miish Xoossa sinththan wostta ooththoo?» gides.

ሜቴ ማጻፋ 39:9 ပူးပေါင်းရင်းမြစ်များ

ሜቴ ማጻፋ 13:13

ሄ ዎዴ ሶዶሜ ኣሳይ ኢታኔ ጎዳ ሲንን ፓላ ናጋራ ኦዛይታ።

ሜቴ ማጻፋ 20:3

ጊዶ ኣቲን ጾሲ ኢሲ ጋላሳ ኦማርስ ኣጉሞን ኣቢሜሌኬኮ ዪዲ፥ «ኔኒ ኤሂዳ ማጫሳይ ጌዶን ኔ ሃይቃና፤ ኢዛ ኣሳ ማቾ» ጊዴስ።

ሜቴ ማጻፋ 20:6

ሄሳፌ ጉዬ ጾሲ ኣጉሞን ኢዛስ፥ «ኤ፥ ኔኒ ኔ ዎዚና ጌሻቴን ኦዳይሳ ታኒ ኤራዳ ኔኒ ኢዞ ቦቾንታ ማላኔ ታ ሲንን ናጋራ ኦንታ ማላ ኔና ታኒ ቴቃዲስ።

ሜቴ ማጻፋ 20:9

ሂስቲን ኣቢሜሌኬይ ኣብራሃሜ ጼይጊዲ፥ «ኔኒ ኑ ቦላ ኣይ ኦዲ? ኔኒ ታ ቦላኔ ታ ካዎቴ ቦላ ሃይሳ ማላ ቆሆ ኤሃናስ ታኒ ኔስ ኣይ ኢታ ሚሽ ኦዲና? ኔኒ ታ ቦላ ኦሴታናስ ቤሶንታ ኢታ ኦዳሳ» ጊዴስ።

ሜቴ ማጻፋ 24:2

ኣብራሃሜይ ባሶ ኣስ ኡባስ ሃላቃቲዛይሳኔ ኢዛፔ ጋርሳራ ኢዛ ኣቆታ ኡባ ኣይሲዛ ኣይሌዛ፥ «ኔ ኩሼ ታ ጉልባቴ ቦላ ዎዳ ጫቃ።

ሜቴ ማጻፋ 39:10

ኢዛ ኡባ ዎዴ ዮሴፌ ሳሌንካ ኢዚ ኤሞ ኢሚቤና፤ ኢዚራ ኢሼች ኣቲን ኢዚኮ ሺቃናዉካ ኮዪቤና።

ሜቴ ማጻፋ 41:40

ታኒ ኔና ታ ኬን ሹማይስ፤ ታ ኣሳይ ዉሪ ኔስ ኣዛዜታና፤ ታኒ ኔፔ ኣናይ ታ ካዎቴ ኣልጋን ጻላ ጊዳና» ጊዴስ።

ሜቴ ማጻፋ 42:18

ሄን ጋላሳን ዮሴፌይ ኢስታስ፥ «ታኒ ጾሳስ ባቢዛ ኣሳ፤ ኢንቴ ኢሲ ሚሽ ኦኮ ኢንቴ ሼምፖ ኣሼታ።

2ሳሜላ ማጻፋ 11:27

ካዮቴ ዎዴይ ኣዳፔ ጉዬ ዳዊቲ ኪቲ ኤሂሲዲ ኢዞ ባስ ማቾ ኤኪዴስ፤ ኢዛ ዳዊቴስ ኣቱማ ና ዬላዱስ፤ ጊዶ ኣቲን ዳዊቲ ኦዳ ኦሶይ ጎዳ ኡፋይሲቤና።

2ሳሜላ ማጻፋ 12:13

ሄሳፌ ጉዬ ዳዊቲ ናታኔስ፥ «ታኒ ጎዳ ኬሃ ቆሃዲስ» ጊዴስ፤ ናታኔይ ኢዛስ ዛሪዲ፥ «ጎዳይ ኔ ናጋራ ዉርሲዳ ጊሻስ ኔ ሃይቃካ፤

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ናሂሚያ ማጻፋ 6:11

ጊዶ ኣቲን ታኒ፥ «ታ ማላ ኣሲ ባቃቲ ቆቴቲ ኤሪዜ? ታ ማላ ኣሲ ባ ሼምፖ ኣሻና ጊዲ ጾሳ ኬ ጌሊ ቆቴታና ቤሲዜ? ሃይሳ ኡባካ ታ ሃኒኬ!» ጋ ዛራዲስ።

ኢዮቤ ማጻፋ 31:23

ታኒ ጾሳ ሃንቆስ ያዪዛ ጊሻሲኔ ኢዛ ቴማቴስ ያዪዛ ጊሻስ ሃይሳ ማላ ዮኦታ ኦናዉ ታ ዳንዳይኬ።

ዬ ማጻፋ 51:4

ታ ኔና ጻላ ቆሃዲስ፤ ቃሴካ ኔ ሲንን ኢታ ኦዲስ። ሄሳ ጊሻስ ኔ ቃጻይዳ ቂጻቴን፥ ኔ ታ ቦላ ፒርዲዳ ፒርዳንካ ኔ ጺሎ

ኬሳ ማጻፋ 20:14

«ላይማቶፓ።

ሌሚሶ ማጻፋ 6:29

ኣሳ ማቾ ላጌዛ ኣሲ ሄሳ ማላ፤ ኢዞ ቦቺዛ ኡባይ ቃጻዬቶንታ ኣቴና።

ሌሚሶ ማጻፋ 6:32

ላይማ ላይማቲዛ ኣሳስ ዎዚናይ ፓጬ፤ ሄሳዴይ ባርካ ባ ሼምፖ ይሴስ።

ኤራንቻታ ማጻፋ 7:26

ኢዚስ ዎዚናይ ዎጺማዴ ማላ፥ ኢዚ ኩሼቲ ኣግሪሞቄ ማላኔ ያርዴ ማላ ጊዲዳ ሃይቆፔ ኢታ ማጫስ ቤኣዲስ፤ ኢዚፔ ኬሲ ኤካናይ ጾሳስ ያዪዛ ኣስ ጻላ፤ ናጋራንቻ ኣስ ጊዲኮ ያርዴን ኦይካዉስ።

ኤርማሳ ቲንቢቴ 28:16

ሄሳ ጊሻስ ጎዳይ፥ ‹ታኒ ኔና ሃ ሳኣ ቦላፌ ዲጋና፤ ኔኒ ጎዳ ቦላ ማካላ ሃሳይዳ ጊሻስ ኔ ሃ ላይ ሃይቃና› ጌስ» ጊዴስ።

ኤርማሳ ቲንቢቴ 50:7

ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

ሌዌታ ማጻፋ 20:10

« ‹ኢሲ ኣሲ ሃራ ኣሳ ማቺራ ላይማቲኮ ሄ ላይማቲዳ ኣዴዛራኔ ማጫሳይራ ናምኣይካ ሃይቆን ቃጻዬቴቶ።

ሌዌታ ማጻፋ 6:2

«ኦኒካ ኣሲ ኢዛስ ሃዳራ ዎይኮ ታልኤ ኢሚዳ ሚሽ ካዲዲ ባ ላጌ ባሌን ናጋራ ኦዲ ሄሳን ጎዳ ሚሺሲኮ ዎይኮ ኣሳ ሚሼ ቦንቂ ኤኪኮ ዎይኮ ባሌኮ፥

ታይቦ ማጻፋ 32:23

«ኢንቴ ኢንቴ ጊዳ ቃላ ናጎንታ ኣጊኮ ኢንቴ ጎዳ ቆሄታ፤ ኢንቴ ናጋራ ጊሻስ ቂጻቴይ ኢንቴ ቦላ ጋካናይሳ ኤሪቴ።

ሉቃሳ ሚሺራቾ 12:48

ጊዶ ኣቲን ኤሮንታ ዲሼ ሾቻስ ቤሲዛ ሞሮ ኦዳ ኣሽካራይ ጉራ ሾጬታና፤ ዳሮ ኢሜቲዳ ኣሳ ኡባፌ ዳሮይ ኮዬቴስ፤ ዳሮ ሃዳራ ኤኪዳዴፌ ዳሮይ ኮዬቴስ።

1ቆሮንቶሴ ኣሳስ 4:2

ሃዳራ ኤኪዳይቲካ ኣማኔቲዳይታ ጊዳናስ ቤሴስ።

Titosas 2:10

ሃኒዛዛን ኡባን ኑና ኣሺዳ ጾሳ ቲሚርቴይ ዶሴታና ማላ ኢስቲ ሎኦ ማርካቴ ቤሳና ማላ ባ ጎዳታ ሚሽ ካይሶቶፔቶ።

Ibirawe 13:4

ኤኮይ ጌሎይ ኡባ ኣሳ ኣቻን ቦንቼቶ፤ ኢንቴ ሂ ጌሽ ጊዶ፤ ጋሶይካ ላይማ ኣሞይ ዲዛይታ ቦላኔ ላይማቲዛይታ ቦላ ጾሲ ፒርዳና።

1ዮሃኒሳ ኪታ 3:9

ጾሳፌ ዬሌቲዳይ ዉሪ ናጋራ ኦና፤ ጾሳ ዜሬ ኢዛን ዲዛ ጊሻሲኔ ኢዚ ጾሳፌ ዬሌቲዳ ጊሻስ ናጋራ ኦና ዳንዳዬና።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

ዮሃኒሳ ኣጁታ 22:15

ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።