ሜቴ ማጻፋ 20:3 - ጋሞ ማጻፋ

³ ጊዶ ኣቲን ጾሲ ኢሲ ጋላሳ ኦማርስ ኣጉሞን ኣቢሜሌኬኮ ዪዲ፥ «ኔኒ ኤሂዳ ማጫሳይ ጌዶን ኔ ሃይቃና፤ ኢዛ ኣሳ ማቾ» ጊዴስ።

Geeshsha Maxaafa

³ Gido attiin Xoossi issi gallassa omars agumon Abimelekkeko yiidi, «Neni ehida maccassay geedon ne hayqqana; iza asa machcho» gides.

ሜቴ ማጻፋ 20:3 ပူးပေါင်းရင်းမြစ်များ

ሜቴ ማጻፋ 12:17

ጊዶ ኣቲን ጎዳይ ኣብራሜ ማቼዮ ሶራ ጌዶን ጊብጼ ካዎ ቦላኔ ኢዛሶ ኣሳ ቦላ ቦሻ ዬዲዴስ።

ሜቴ ማጻፋ 12:18

ሂስቲን ካዎዚ ኣብራሜ ጼይጊዲ፥ «ኔኒ ሃይሳ ኣይስ ታ ቦላ ኦዲ? ኢዛ ኔ ማቾ ጊዲዳይሳ ኣይስ ታስ ዮታቤኪ?

ሜቴ ማጻፋ 20:7

ሃኢ ሃኖ ማጫሳዮ ኢዚ ኣዚናስ ዛራ፤ ጋሶይካ ኢዚ ናቤ ጊዲዳ ጊሻስ ኢዚ ኔስ ጾሳ ዎሲኮ ኔኒ ፓጻና፤ ጊዶ ኣቲን ኔ ኢዞ ዛሮንታ ኢጺኮ ኔኒኔ ኔስ ዲዛዚ ዉሪ ሃይቃናይሳ ቱማፔ ኔ ኤራ» ጊዴስ።

ሜቴ ማጻፋ 28:12

ኣጉሞዛን ቢታን ኤቂዲ ጼራይ ፑዴ ሳሎ ጋኪዛ ያንጋሬ ቤኢዴስ፤ ያንጋሬዛ ቦላ ጾሳ ኪታንቻቲ ዱጌ ዎሺኒኔ ፑዴ ኬዚሺን ቤኢዴስ።

ሜቴ ማጻፋ 31:24

ሄ ጋላሳ ኦማርስ ጾሲ ኣራሜ ላባኮ ኣጉሞራ ዪዲ፥ «ኔኒ ያቆቤ ቦላ ኢታ ጊዲን ኪያ ጊዲንካ ሃሳዮንታ ማላ ናጌታ!» ጊዴስ።

ሜቴ ማጻፋ 37:5

ዮሴፌይ ኣጉሞ ኣጉሜቲዲ ባ ኢሻታስ ዮቲዴስ፤ ኢስቲካ ኢዛ ጌዴ ጉጂ ኢጺዳ።

ሜቴ ማጻፋ 37:9

ቃሴካ ዮሴፌይ ሃራ ኣጉሞ ኣጉሜቲዲ ባ ኢሻንታስ ዮቲዴስ፤ «ሲዪቴ፤ ታኒ ሃራ ኣጉሞካ ኣጉሜታዲስ፤ ሄ ኣጉሞዛን ኣርሼይ፥ ኣጊናይኔ 11 ጾሊንቴቲ ታስ ዚጊሺን ቤኣዲስ» ጊዴስ።

ሜቴ ማጻፋ 40:5

ጊብጼ ካዎስ ኡሹ ዱቂዛይታ ሃላቃይኔ ቁማ ካዛይታ ሃላቃይ፥ ናምኣይካ ቃሾ ኬን ዲሼ ኢሲ ቃማ ኦማርስ ባስ ባስ ኣጉሞ ኣጉሜቲዳ። ናምኣታ ኣጉሞ ቢርሼካ ዱማ ዱማ።

ሜቴ ማጻፋ 40:8

ኢስቲካ ኢዛስ፥ «ኑኒ ናምኣይ ኣጉሞ ኣጉሜቲዶስ፤ ጊዶ ኣቲን ኑስ ቢርሺዛ ኣሲ ይዴስ» ጊዳ። ዮሴፌይካ ኢስታስ፥ «ኣጉሞ ቢርሺዛይ ጾሳ ጊዴኔ? ኢንቴ ኣጉሞዛ ኣኔ ታስ ዮቲቴ» ጊዴስ።

ሜቴ ማጻፋ 46:2

ጾሲ ኦማርስ ኣጉሞራ ኢዛ፥ «ያቆቤ፥ ያቆቤ» ጊ ጼይጊን ኢዚ፥ «ዬ!» ጊ ኮዪዴስ።

1ታሪኬ ማጻፋ 16:21

ኦኒካ ኢስታ ኡንኤና ማላ ኣ ኢሚቤና፤ ኢስታ ጊሻስ ካዎታ ሴሪዴስ፤

ኢዮቤ ማጻፋ 33:15

ኦማርስ ኣሲ ሂጻን ኢቺ ዲዛ ዎዴ ኣሲ ኮይሮ ስኮ ሴራጊዳ ዎዴ፤ ኣጉሞኒኔ ኣጁታንካ ጾሲ ሃሳዬስ።

ኢዮቤ ማጻፋ 33:17

ሄሳ ማላ ኦሶን ኣሲ ናጋራ ኦንታ ማላ ዲጌስ፤ ኦቶሬቴካ ኢስታፌ ዴንስ።

ዬ ማጻፋ 105:14

ጾሲ ኢስታ ኦኒካ ቆሃናስ ኢሚቤና፤ ኢስታ ጊሻስ ካዎታ ሴሪሼ፥

ዮናሳ ቲንቢቴ 3:4

ዮናሲ ናናዌ ካታማ ቢ ጋኪዲ ኢሲ ጋላሳ ኦጌ ማላ ካታማስ ጊዶ ቢዲ፥ «ኦይዱ ታሙ ጋላሳፌ ጉዬ ናናዌይ ያና» ጊዲ ኣዋጂዴስ።

ታይቦ ማጻፋ 22:9

ጾሲ ባላሜኮ ዪዲ፥ «ሃይቲ ኔናራ ዲዛ ኣሳቲ ኣይ ኣሴ?» ጊዲ ኦይቺዴስ።

Maatosa 1:20

ሃይሳ ኢዚ ቆፒሺን ጾሳ ኪታንቻይ ኣጉሞራ ኢዛስ ቆንጪዲ፥ «ዳዊቴ ና ዮሴፌ! ኔ ጊግሲዳ ማራማ ቃንቲዳይ ጺሎ ኣያናን ጊዲዳ ጊሻስ ኢዞ ኔሶ ኤፋናስ ባቦፋ።

Maatosa 27:19

ኢዚ ፒርዳ ኣልጋ ቦላ ኡቲ ዲሺን ኢዛ ማቼያ፥ «ኢዛ ጋሶን ሃች ታኒ ኣጉሞራ ዳሮ ሜቶታዲስ፤ ሄሳ ጺሎ ኣዴዛ ቦላ ኔ ኣይኮካ ኦንታ ማላ» ጊዛ ኪታ ጲላጾሳስ ዬዳዱስ።