ሜቴ ማጻፋ 13:10 - ጋሞ ማጻፋ

¹⁰ ሎጼይ ዩዪ ኣ ጼሊዲ ዮርዳኖሴ ሾባይ ቢዲ ዞኣሬ ጋካናስ ጎዳ ጋናቴ ዎይኮ ጊብጼ ቢታ ማላ ዳሮ ሃ ዲዛይሳ ቤኢዴስ። (ሄሲካ ጎዳይ ሶዶሜኔ ጋሞራ ጌቴቲዛ ካታማታ ይሳናፔ ካሴ።)

Geeshsha Maxaafa

¹⁰ Looxey yuuyi aadhdhi xeellidi Yordaanoose shoobbay biidi Zo7aare gakkanaas GODAA gannate woykko Gibxe biitta mala daro haaththi dizayssa be7ides. (Hessika GODAY Sodoomenne Gamoora geetettiza katamata dhayssanaappe kase.)

ሜቴ ማጻፋ 13:10 ပူးပေါင်းရင်းမြစ်များ

ሜቴ ማጻፋ 11:27

ታራ ዬሌታይ ሃይሳፌ ካሊዲ ጻፌቲዳይሳ፤ ታራይ ኣብራሜ፥ ናኮሬኔ ሃራኔ ዬሊን ሃራኔይ ሎጼ ዬሊዴስ።

ሜቴ ማጻፋ 13:11

ሄሳ ጊሻስ ሎጼይ ባስ ዮርዳኖሴ ሾባ ኡባ ዶሪዲ ኣርሼይ ሞኪዛ ባጋራ ቢዳ ጊሻስ ኢስቲ ባ ጋርሳን ሻኬቲዳ።

ሜቴ ማጻፋ 13:9

ቢታይ ዉሪ ኔ ሲንን ዴኔ? ኣኔ ኑኒ ሻኬቶስ፤ ኔኒ ሃዲርሳ ባጋ ቢኮ፥ ታኒ ኡሻቻ ባጋ ባና፤ ኔኒ ኡሻቻ ባጋ ቢኮ ታኒ ሃዲርሳ ባጋ ባና» ጊዴስ።

ሜቴ ማጻፋ 14:2

ሶዶሜ ካዎ ቤራኤራ፥ ጋሞራ ካዎ ቢርሻራ፥ ኣዳማ ካዎ ሺንኣቤራ፥ ጻቦይሜ ካዎ ሼሜቤሬይኔ (ዞኣሬ ጌቴቲዛ) ቤላ ካዎራ ኦሌታናስ ቢዳ።

ሜቴ ማጻፋ 14:8

ሄሳፌ ሲሚን፥ ሶዶሜ ካዎይ፥ ጋሞራ ካዎይ፥ ኣዳማ ካዎይ፥ ጻቦይሜ ካዎይኔ (ዞኣሬ ጌቴቲዛ) ቤላ ካዎይ ዴንዲዲ ሲዲሜ ሾባን ኦላስ ሳልፊዳ።

ሜቴ ማጻፋ 3:6

ማጫሳያ ሄ ሚ ኣይፌይ ማናስ ማልኢዛይሳ፥ ጼላናስ ሎኢዛይሳ፥ ቃሴ ኣሲ ኣ ኤራቴ ዴማናስ ኣሞሲዛዝ ጊዲዳይሳ ቤያዳ ሄ ሚ ኣይፌፔ ኤካዳ ማዱስ፤ ቃሴ ባናራ ዲዛ ባ ኣዚናስካ ሄሳፌ ኢሚን ኢዚካ ሚዴስ።

ሜቴ ማጻፋ 47:6

ሂስቲን ጊብጼ ዴሬይ ኔ ኩሼን ዴስ ጊዴኔ፤ ሃ ቢታን ኡባፌ ኣዲ ሎኢዛሶን ኔ ኣዋኔ ኔ ኢሻታ ዎ፤ ኢስቲ ጌሴሜ ቢታን ዴቶ። ኢስታ ጊዶፌ ዱማ ኤራቴ ዲዛይታ ኔ ኤሪዛ ጊዲኮ ሄይታ ታ ሜሄታ ቦላ ሹማ» ጊዴስ።

ሜቴ ማጻፋ 6:2

«ጾሳ ናይታ» ጌቴቲዛ ሜቴቲ ኣሳ ማጫ ናይቲ ሜ ሎኦ ጊዲዳይሳ ቤኢዲ ኢስታፌ ባ ዶሪዳይታ ማቾ ኤኪዳ።

1ካዎታ ማጻፋ 7:46

ካዎ ሶሎሞኔይ ሱኮቴፔኔ ጳርታኔፔ ጊዶን ዮርዳኖሴ ዴምባን ዴኢዛ ጻርቂማላ ሴሪሲዛሶን ሃይታ ኡባ ኦሲሲዴስ።

ኢዮቤ ማጻፋ 40:23

ሻፋ ሃ ኪጻስ ኢዚ ዳጋሜና፤ ዮርዳኖሴ ሻፋይ ኬሂ ኩሚዲ ጎጊንካ ኢዚ ያዬና።

ዬ ማጻፋ 107:34

ሄን ዴኢዛ ኣሳ ኢታቴ ጋሶን ኣራዳ ቢታዮ ኣይኮ ዶሊሶንታ ማጺኔ ቢታ ኦዴስ።

ኢሳያሳ ቲንቢቴ 15:5

ታ ዎዚናይ ሞኣቤ ጊሻስ ዬኪዴስ፤ ኢዚፔ ጎዴቲዳ ኣሳቲ ዞኣሬ ጋካናስ፥ ኤጊላቴ-ሻሊሺያ ጋካናስ ባቃቲዳ፤ ኢስቲ ኣፉን ጉሲሼ ፑዴ ሉሂቴ ኬዚዳ፤ ቃሴ ሆሮናይሜ ኤፊዛ ኦጌራ ቢሼ ባንቲ ያናይሳስ ዋሲዳ።

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኤርማሳ ቲንቢቴ 48:34

«ሃሴቦኔፔ ቢዲ ኤልኤሌኔ ያሃጼ ጋካናስ፥ ዞኣሬፔ ቢዲ ሆሮናይሜ፥ ኤጊላቴ-ሻሊሺያ ጋካናስ ኢስታ ዋሶይ ኬሂ ሴቴቴስ፤ ኒሚሪሜ ሃ ሜሊዴስ።

ሂዚቄላ ቲንቢቴ 16:46

ኔስ ባይራ ሚቺያ ኔፔ ፑዴሃ ባጋራ ባ ማጫ ናይታራ ዲዛ ሳማሪያ፤ ኔስ ካሎ ሚቺያ ኔፔ ዱጌሃ ባጋራ ዲዛ ሶዶሞ።

ሂዚቄላ ቲንቢቴ 16:49

ኔ ሚቺያ ሶዶማ ኦዳ ናጋራይ ሃይሳ፡ ኢዛኔ ኢዚ ማጫ ናይቲ ኦቶራንቻ፥ ካሊዳይታኔ ኢንጄ ዱስ ዲዛይታ፤ ኢስቲ ማንቆታኔ ሜቶቴቲዳይታ ማዲ ኤሬቴና።

ሂዚቄላ ቲንቢቴ 28:13

ኔኒ ኤዴኔን፥ ጾሳ ኣታኪልቴ ጊዶን ዴኣዳሳ፤ ቦንቾ ሹቻዚ ኢሶይ ኢሶይ ኔና ኣሌቂሲዴስ፤ ኢስቲካ ሳርዲዮኔ፥ ቶጳዚዮኔኔ ኣልማዜ፥ ማርጊዴ፥ ኢያስጲዴኔ ሲምፔሬ፥ ቤሉሬ፥ ቢሪሌኔ ኣልኦ ኢንቁ፤ ኔ ማይኦቲካ ጾልቂዛ ኢንቁኔ ዎርቃ፤ ሃይቲ ኔኒ ሜቲዳ ጋላስ ኦሴቲዳ።

ሂዚቄላ ቲንቢቴ 31:8

ጾሳ ጋናቴን ዲዛ ዚጋቲካ ኢዛራ ጊናታና ዳንዳይቤቴና፤ ጺዳቲካ ኢዛ ሃጋታራ ጊናቴቴና፤ ዎላቲካ ኢዛ ሃጋራ ጊናቴቴና፤ ጾሳ ጋናቴን ዲዛ ኣይ ሚካ ሎኤቴን ኢዛ ጋኬና።

ሂዚቄላ ቲንቢቴ 31:9

ታኒ ኢዛ ዳሮ ሃጋታራ ጋ ፑላሳ ሜዲስ፤ ጾሳ ጋናቴን ዲዛ ሚቲ ኡባይ ኢዛ ኣሞታና ማላ ኦዲስ› ጌስ ጋ።

ሂዚቄላ ቲንቢቴ 47:18

«ኣርሼ ኬሳ ባጋ ዛዋይ ሃጻሬ-ኤናናፔ ዴንዲዲ፥ ዳማስቆፌኔ ሃዉራኔፔ ጊዶራ ካንስ። ሄሳፌ ቃሴ ኢስራኤሌፔኔ ጋላኣዴፔ ጊዶን ዲዛ ዮርዳኖሴ ሻፋን ዛዋቲሼ፥ ማጺኔ ኣባ ካን ቢዲ ታማሬ ካታማ ጋኬስ።

ኢዩኤሌ ቲንቢቴ 2:3

ሄ ቦሌቲ ባ ሲንን ቤቲዳዚ ኡባ ታማ ማላ ማና፤ ታማ ላጮ ማላ ጹጋና፤ ቡሮ ኢስታ ጋኮንታ ቢታይ ኤዴኔ ጋናቴ ማላ ጪሊላ ቢታ ሺን ኢስቲ ጋኪ ኣዳ ቢታይ ኣይኮይ ባይንዳ ባዞ ቢታ ጊዳና፤ ቦሌቲ ሚሺን ኣቲዳ ሚሺካ ቤቴና።

ዛሬ ማጻፋ 34:3

ኔጌቤኔ ዛምባይ ዲዛ ኢያርኮ ሾባፌ ቢዲ ዞኣሬ ጋካናስ ዲዛሶ ኡባ ቤሲዴስ።