ጋላቲያ ኣሳስ 4:8 - ጋሞ ማጻፋ

⁸ ኢንቴ ጾስ ኤራናፔ ካሴ ጾስ ጊዶንታ ኤቃታስ ኣይሌታ።

Geeshsha Maxaafa

⁸ Intte Xoos eranaappe kase Xoos gidontta eeqatas aylleta.

Gamo Geesha Maxxafa New Testamen

⁸ Inte Xoosu eranape kasse Xoosu gidonta eqatas aylista.

ጋላቲያ ኣሳስ 4:8 ပူးပေါင်းရင်းမြစ်များ

2ታሪኬ ማጻፋ 13:9

ኣሮኔ ዛሬ ጊዲዲ ጎዳስ ኦዛ ቄሴታኔ ሌዌታ ኢንቴ ዬዴዴታ። ሂስቲዲ ሃራ ቢታ ኣሳይ ኦዛ ማላ ኢንቴስ ሃራ ቄሴታ ሱንዴታ። ባና ዱማሳናስ ኢሲ ኮርማ ቦራኔ ላፑን ርሾ ኤኪዲ ዪዛ ኦኒኔ ዎርዶ ጾሳታስ ቄሴ ጊዳና ማላ ሱንታ።

ኬሳ ማጻፋ 5:2

ሂስቲን ካዎዚ፥ «ታኒ ኢዛስ ኣዛዜታዳ ኢስራኤሌ ዬዳናስ ሄ ጎዳይ ኢዚ ኦኔ? ታኒ ጎዳ ኤሪኬ፤ ኢስራኤሌካ ዬዲኬ» ጊዴስ።

ኢሳያሳ ቲንቢቴ 37:19

ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና።

ኤርማሳ ቲንቢቴ 10:25

ያቆቤ ሙሌራ ሚ ሚቲዳይታ ቦላኔ ኔ ሱን ጼይጎንታ ኣሳታ ቦላ ጉሳ። ኢዛ ዱሳሶካ ካይዚሲዳ ጊሻስ ኔኒ ኔ ሃንቆዛ ኔና ኤሮንታ ዴሬታ ቦላኔ ኔ ሱን ጼይጎንታ ካዎቴታ ቦላ ጉሳ።

ኤርማሳ ቲንቢቴ 16:20

ኣሲ ባስ ጾስ ሜናስ ዳንዳይዜ? ኤ ዳንዳያናሺን ኢስቲ ሜዛይቲ ቱሙ ጾስ ጊዴቴና!» ጋና።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ኤርማሳ ቲንቢቴ 5:7

ጎዳይ፥ «ታኒ ኢንቴ ናጋራ ኣይስ ኣቶ ጎ? ኢንቴ ናይቲ ታና ኣጊዳ፤ ኤቃ ጾሳታንካ ጫቂዳ፤ ታኒ ኢስታ ካልሳ ሚዛዲስ፤ ኢስቲ ጊዲኮ ላይማቲዳኔ ላይማ ኬ ቢዳ።

ዮሃኒሳ ሚሺራቾ 1:10

ቃላይካ ካሴ ኣላሜን ዴስ፤ ኣላሜይካ ሜቲዳይ ኢዛና። ጊዶ ኣቲን ኣላሜይ ኢዛ ኤሪቤና።

ሃዋሬታ ኦሶ 14:12

ባርናባሳ፥ «ዲያ» ጊዳ ጳዉሎሳካ ሃሳይዛ ዋናይ ኢዛ ጊዲዳ ጊሻስ፥ «ሄርሜኔ» ጊዳ።

ሃዋሬታ ኦሶ 17:23

ታ ያኔ ሃ ዩዪሺን ኢንቴ ኢስታስ ጎይኒዛ ሚሻታ ታ ጼሊሺን፥ ‹ኤሬቶንታ ጾስ› ጌቴቲ ጻፌቲዳይሳ ኢሲ ያርሾሶሆ ዴማዲስ፤ ሄሳ ጊሻስ ሄሳ ኢንቴ ኤሮንታ ጎይኒዛይሳ ታ ኢንቴና ኤሪሳና።

ኦሮሜ ኣሳስ 1:23

ሜርና ጾሳ ቦንቾ ሃይቂዛ ኣሳኒኔ ካፎታን፤ ሜሄታኒኔ ቢታ ቦላ ጎሼቲዛ ሜቴታን ሚሳቲሲዲ ላሚዳ።

ኦሮሜ ኣሳስ 1:28

ቃሴካ ኢስቲ ባ ቆፋራ ጾስ ኤሮይ ኑና ማዴና ጊዳ ጊሻስ ኢስቲ ኦናስ ቤሶንታይሳ ኦና ማላ ጾሲ ኢስታ ጎኦንታ ቆፋስ ኣ ኢሚዴስ።

1ቆሮንቶሴ ኣሳስ 1:21

ጾሳ ኤራቴፌ ዴንዲዳይሳን ኣላሜይ ባ ኤራቴን ጾስ ኤሮይ ጾኒን ሳባኮ ኤያቴን ኣማኒዛይታ ኣሻናስ ጾሳ ሼኔ ጊዲዴስ።

1ቆሮንቶሴ ኣሳስ 12:2

ኢንቴ ኣማናናፔ ካሴ ጮ ሜላ ያኔ ሃ ጉሳን ኢንቴ ኤሮንታ ካሊዲ ዶና ዱዴ ጊዲዳ ኤቃታኮ ቢዳይሳ ኢንቴካ ኤሬታ።

1ቆሮንቶሴ ኣሳስ 8:4

ሄሳ ጊሻስ ኤቃስ ያርሼቲዳ ኣሾ ሙሳ ጊሻስ ታ ኢንቴስ ጊዛይ ሃይሳ ኣላሜዛን ኤቃይ ሃዳ ጊዲዳይሳኔ ኢሲ ጾሳፌ ኣቲን ሃራ ጾሲ ባይንዳይሳ ኑ ኤሮስ።

ጋላቲያ ኣሳስ 4:3

ኑኒካ ካሴ ኣያና ዮኦስ ጉ ና ማላ ዲዛ ዎዴ ሃይሳ ሃ ኣላሜዛ ዎጋ ጋርሳን ሃሬቲ ዴኢዶስ።

ኤፌሶኔ ኣሳስ 4:18

ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ።

1ታሶሎንቄ ኣሳስ 1:9

ኢንቴ ኑና ዎስቲ ሞኪ ኤኪዳኮኔ ዴኦን ዲዛ ቱሙ ጾሳስ ኦናስ ኢንቴ ኤቃታፔ ጾሳኮ ዋኒ ሲሚዳኮ ኣሳይ ኢንቴ ጊሻስ ሃሳዬስ።

1ታሶሎንቄ ኣሳስ 4:5

ሄሲካ ጾስ ኣማኖንታ ኣይዛቤታ ማላ ላይማ ቃቃቴን ጊዶፖ።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

ኢያሶ ማጻፋ 24:15

ጎዳስ ጎይኖይ ኮሾንታ ሚሽ ሚሳቲ ኢንቴስ ቤቲኮ ካሴ ኢንቴ ኣዋቲ ሻፋፔ ሄ ፒንን ዲሼ ጎይኒዳ ኤቃ ጾሳታ ዎይኮ ሃኢ ኢንቴ ዲዛ ኣሞሬቲ ጎይኒዛ ጾሳታ ጎይናና ጊዲኮ ኢንቴ ጎይናናይሳ ሃች ዶሪቴ፤ ታኒኔ ታ ኬ ኣሳይ ጊዲኮ ጎዳስ ጎይናና» ጊዴስ።

ኢያሶ ማጻፋ 24:2

ኢያሶይ ዴራ ኡባስ፥ «ጎዳ ኢስራኤሌ ጾሳይ፥ ‹ካሴ ኢንቴ ኣዋቲ ኣብራሃሜኔ ናኮሬ ኣዋ ታራ ጉጂዲ ኤፊራጺሴ ሻፋፔ ሄ ፒንን ዴኢዳ፤ ኢስቲ ሃራ ኤቃ ጾሳታስ ጎይኒዳ።

1ጴጽሮሳ ኪታ 4:3

ሂንኮ ጾስ ኤሮንታ ኣሳይ ኦዛይሳ ማላ ኢንቴ ጮ ሜላ ዬዳ ዱሳን ኣሾ ኣሞን፥ ማን፥ ኦጌይ ባይንዳ ካሳን፥ ዎጋፔ ኣ ኡዪዲ ዱሩሳኒኔ ሃራሲዛ ኤቃ ጎይኖን ካሴ ኢንቴ ኣዳ ዎዴዚ ኢንቴስ ጊዳና።

1ዮሃኒሳ ኪታ 3:1

ኑኒ ጾሳ ናይታ ጌቴታና ማላ ኣዋይ ዳርሲ ሲቂዳ ኢዛ ሲቆይ ኑስ ኣይ ማላ ጊታኮኔ ኣኔ ቤኢቴ! ቱሙካ ኑ ኢዛ ናይታ፤ ኣላሜይ ኑና ኤሮንታ ኣጊዳይ ኢዛ ኤሮንታ ኣጊዳ ጊሻሳ።