ጋላቲያ ኣሳስ 4:6 - ጋሞ ማጻፋ

⁶ ኢንቴ ኢዛ ናይታ ጊዲዳ ጊሻስ ጾሳ፥ «ኣቦ» ጊዲ ጼይጊዛ ባ ናዛ ኣያና ኑ ዎዚናን ዬዲዴስ።

Geeshsha Maxaafa

⁶ Intte iza nayta gidida gishshas Xoossaa, «Aabboo» giidi xeygiza ba naaza Ayana nu wozinan yeddides.

Gamo Geesha Maxxafa New Testamen

⁶ Inte iza na gidida gish Xoossa “Nu aawa obo” gidi xaygiza ba naza ayana nu wozina gido yeddides.

ጋላቲያ ኣሳስ 4:6 ပူးပေါင်းရင်းမြစ်များ

ኤርማሳ ቲንቢቴ 3:19

ጎዳይ፥ «ታኒ ኔና ኣቱማ ናይታ ማላ ዎስታ ዎናኮ፥ ዶሬቲዳ ቢታዮኔ ኣይ ካዎቴካ ዴሞንታ ሎኦ ቢታዮ ኔና ላቲሳና ቆፓዲስ። ቃሴ ታና፥ ‹ታ ኣዋዉ!› ጋዳ ጼይጋና ሚሳቲዴስ፤ ታና ካሊዛሶፔ ጉዬ ሲሞንታ ሚሳታዳሳ፤

ኤርማሳ ቲንቢቴ 3:4

ሃኢ ኔኒ ታና፥ ‹ታ ኣዋዉ፥ ታስ ናቴቴ ላጌዞ!

ማርቆሳ ሚሺራቾ 14:36

«ታ ኣዋዉ! ኔስ ዉሪ ዳንዳዬቴስ፤ ሃይሳ ዋዬ ጹኣ ታፔ ሃሳ። ጊዲኮካ ኔ ሼኔፔ ኣቲን ታ ሼኔይ ሃኖፖ» ጊዴስ።

ሉቃሳ ሚሺራቾ 11:13

ኢንቴ ኢታታ ጊዲሼ ኢንቴ ናይታስ ሎኦ ኢሞታ ኢሞ ኤሪኮ ሳሎን ዲዛ ኢንቴ ኣዋይ ባና ዎሲዛይታስ ጺሎ ኣያና ዎስቲ ዳርሲ ኢሜኔ?» ጊዴስ።

ሉቃሳ ሚሺራቾ 11:2

ኢዚካ ኢስታስ፥ «ዎሲሼ፥ ‹ኑ ኣዋዉ! ኔ ሱን ኣንጄቶ፤ ኔ ካዎቴ ሃ ዮ።

ዮሃኒሳ ሚሺራቾ 14:16

ታኒ ኣዋ ዎሳና፤ ኢዚካ ኢንቴናራ ሜርናስ ዳና ማላ ሃራ ኢንቴና ሚንናዴ ኢንቴስ ኢማና።

ዮሃኒሳ ሚሺራቾ 15:26

«ጊዶ ኣቲን ኣዋፔ ኬዚዲ ያናይሲ፥ ታኒካ ታ ኣዋ ኣቻፌ ኢንቴስ ዬዳናይሲ ሚንዛ ቱማ ኣያናይ ዪዲ ኢዚ ታ ጊሻስ ማርካታና።

ዮሃኒሳ ሚሺራቾ 16:7

ታ ቃሴ ኢንቴስ ቱሙ ጋይስ፤ ታ ቡሲ ኢንቴስ ጎኣ ጊዳና፤ ጋሶይካ ታ ቦንታ ኣጊኮ ሚንዛ ኣያናይ ኢንቴኮ ዬና፤ ታ ቢዳፔ ጉዬ ኢዛ ኢንቴኮ ዬዳና።

ዮሃኒሳ ሚሺራቾ 3:34

ጾሲ ኪቲዳዴይ ጾሳ ቃላ ዮቴስ። ጾሲካ ኢዛዴስ ባ ኣያና ማኪ ኢሜና።

ዮሃኒሳ ሚሺራቾ 7:39

ኢዚ ሄሳ ጊዳይ ኢዛን ኣማኒዛይቲ ቡሮፔ ኤካና ጺሎ ኣያና ጊሻሳ፤ ጋሶይካ ዬሱሲ ቦንቼቲዛ ዎዴይ ቡሮ ጋኮንታ ጊሻስ ጺሎ ኣያናይ ኢሜቲቤና።

ሃዋሬታ ኦሶ 16:7

ኢስቲ ሚሲያ ጌቴቲዛሶ ጋካና ማቲሼ ቢቲኒያ ጌቴቲዛሶ ጌላና ቆፒን ዬሱሳ ኣያናይ ኢስታ ዲጊዴስ።

ኦሮሜ ኣሳስ 5:5

ሄ ሂዶታይ ቃሴ ኑና ዬላቼና። ጾሲ ኑስ ኢሚዳ ጺሎ ኣያናን ባ ሲቆ ኑ ዎዚናን ጉሲዳ ጊሻስ ሄ ሂዶታይ ኑና ዬላን ጋና።

ኦሮሜ ኣሳስ 8:9

ኢንቴ ቃሴ ጾሳ ኣያናይ ኢንቴናን ዲዛ ጊዲኮ ኣሾን ጊዶንታ ኣያናን ዴታ፤ ኪርስቶሳ ኣያናይ ኢዛ ቦላ ባይንዳዴይ ኪርስቶሳስ ጊዴና።

1ቆሮንቶሴ ኣሳስ 15:45

ሄሳ ጊሻስ፥ «ኮይሮ ኣስ ኣዳሜይ ዴኦይ ዲዛ ሜቴ ጊዲዴስ» ጌቴቲ ጌሻ ማጻፋን ጻፌቲዴስ። ናምኣን ኣዳሜ ጊዲዳ ኪርስቶሲ ጊዲኮ ኣሳስ ዴኦ ኢሚዛ ኣያና።

2ቆሮንቶሴ ኣሳስ 1:22

ኑ ኢዛይታ ጊዲዳይሳ ኤሪሳናስ ባ ማታሜ ኑ ቦላ ሾጪዳይኔ ኑኒ ሲንፌ ዴማና ሚሻስ ኣያና ዋሴቴ ኑ ዎዚናን ዎዳይ ኢዛ።

2ቆሮንቶሴ ኣሳስ 3:17

ጎዳይ ኣያና። ጎዳ ኣያናይ ዲዛሶን ኣይሌቴ ዴና።

ኤፌሶኔ ኣሳስ 1:13

ኢንቴካ ቃሴ ቱማ ቃላ ሄሲካ ኢንቴና ኣሺዛ ሚሺራቾ ቃላ ሲዪዲ ኪርስቶሳን ኣማኒዴታ፤ ኢዛ ኣማኒዲ ካሴ ኢሜታና ጌቴቲዳ ጺሎ ኣያና ማታሜን ኣታሜቲዴታ።

ኤፌሶኔ ኣሳስ 2:18

ኑ ዉሪካ ኢዛ ባጋራ ኢሲ ኣያናን ኣዋ ኣች ሺቃና።

ኤፌሶኔ ኣሳስ 4:30

ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።

ኤፌሶኔ ኣሳስ 6:18

ዎሳን ኣይ ሃኖንካ ኣያናን ዎሲቴ፤ ሄሳ ቆፒዲ ቤጊቴ፤ ኣማኒዛይታ ኡባ ጊሻስ ቃንጾንታ ዎሲቴ።

ፒሊጲሲዮሴ ኣሳስ 1:19

ታ ቦላ ጋኪዳ ሜቶፔ ታ ኣናይ ኢንቴ ዎሳኒኔ ዬሱስ ኪርስቶሳ ኣያና ማዶን ጊዲዳይሳ ታ ኤራይስ።

1ታሶሎንቄ ኣሳስ 4:8

ሄሳ ጊሻስ ሃይሳ ሃ ዞሬዛ ካዲ ኤኮንታዴይ ጺሎ ኣያና ኢዛስ ኢሚዳ ጾሳ ካስ ኣቲን ኣስ ካዛዴ ጊዴና።

1ጴጽሮሳ ኪታ 1:11

ካሴ ኢስታን ዲዛ ኪርስቶሳ ኣያናይ ጾሳፌ ቲዬቲዳይሳ ቦላ ጋካና ዋዬዛኔ ሄ ዋዬዛፔ ጉዬ ኢዚ ዴማና ቦንቾዛ ጊሻስ ካሴ ባስ ዎዴስ፤ ኢስቲ ቃሴ ሄሲ ዉሪካ ኣይዴ ዋኒ ሃናናኮ ዩሺ ቆፒዳ።

ዩሁዳ ኪታ 1:20

ታ ኢሻቶ! ኢንቴ ጊዲኮ ኡባፌ ቦላራ ኢንቴ ጌሻ ኣማኖን ሚኒ ኤቂቴ፤ ጺሎ ኣያናንካ ሚኒ ዎሲቴ።

ዮሃኒሳ ኣጁታ 19:10

ታኒካ ሄ ኪታንቻዛስ ጎይናናስ ኢዛ ቶሆ ቦላ ጉፋናዲስ ሺን ኢዚ ታና፥ «ኣጋ! ሄሳ ኦፋ! ታኒካ ኔናራ ዬሱስ ኪርስቶሳ ማርካቴ ኦይኪዳ ኢሻታራ ኢሲፌ ኦዛዴ፤ ኔኒ ጾሳስ ጎይና! ዬሱሳ ማርካይ ቲንቢቴ ኣያና» ጊዴስ።