ኢዝራ ማጻፋ 9:8 - ጋሞ ማጻፋ

⁸ ጎዳዉ ኑ ጾሳዉ! ኔኒ ኑ ኣይፌ ፖኢሳዳሳ፤ ሄኮ ሃኢ ጉ ዎዴ ኔ ሲንን ቦንቾ ዴሚዲ ኑፔ ጉቲ ኣይሌቴ ቃምባራ ጋርሳፌ ኬዚዲ ሃኖ ጌሻ ቢታይ ቦላ ኑ ሳሮን ዳና ማላ ኦዳሳ፤ ኑኒ ኣይሌቴ ቃምባራ ጋርሳን ኩንዲኮካ ኔ ኑስ ኦራ ዴኦ ኢማዳሳ።

Geeshsha Maxaafa

⁸ GODAWU nu Xoossawu! Neni nu ayfe poo7isadasa; hekko ha7i guuththa wode ne sinththan bonchcho demmidi nuuppe guuththati aylleteththa qambara garsafe kezidi hanno geeshsha biittay bolla nu saron daana mala ooththadasa; nuni aylleteththa qambara garsan kundikokka ne nuus ooraththa de7o immadasa.

ኢዝራ ማጻፋ 9:8 ပူးပေါင်းရင်းမြစ်များ

2ካዎታ ማጻፋ 19:4

ዴኦ ጾሳ ካዉሻናስ ባ ጎዳ ኣሶሬ ካዎይ ዬዲዳ ጋዳዋ ቃላ ኡባካ ጎዳ ኔ ጾሳይ ሲዪዳ ጊዳና፤ ኢዚ ሲዪዳ ቃላ ጊሻስ ጎዳ ኔ ጾሳይ ኢዛ ሃንቃና ማላ ኔኒ ሼምፖራ ፓጻ ዲዛ ኣሳስ ጾሳ ዎሳርኪ!› ጊዴስ» ጊዳ።

ኢዝራ ማጻፋ 9:9

ኑ ኣይሌ ጊዲኮካ ኑ ጾሳይ ኑኒ ኣይሌ ጊዲ ኣታና ማላ ኣጋቤካ፤ ኔኒ ፓሪሴ ካዎቲ ኑስ ቃታና ማላኔ ፓጻ ዲሼ ኣይሌቴፌ ኬዚዲ ካሴ ላሌቲዳ ጾሳ ኬ ኑ ዛሪ ኬጻና ማላኔ ሃይሳ ዩሁዳኒኔ ዬሩሳላሜን ኑ ሳሮ ዳና ማላ ኦዳሳ።

ናሂሚያ ማጻፋ 1:11

ጎዳዉ! ሃኢካ ታ ዎሲዛ ዎሳ ሲያ፤ ኔና ዶሲዲ ቦንቻና ኮይዛ ኦሳንቻታ ዎሳ ኤዝጋ፤ ቃሴ ሃይሳ ካዎዛ ሲንን ታስ ቴማቴ ኢማዳ ሃች ታኒ ኔ ኦሳንቻዚ ኦና ኮይዛይሳ ታስ ፖሊሳ።» ታኒ ሄ ዎዴ ካዎሶን ዎይኔ ኡሹ ጋሴዛ ኣሳ።

ናሂሚያ ማጻፋ 9:31

ጊዶ ኣቲን ኔ ማሮቴ ጊታቴፌ ዴንዲዳይሳን ኢስታ ኣጋቤካ፤ ኔ ኪያኔ ኣቶ ጊዛ ጾሳ ጊዲዳ ጊሻስ ኢስታ ይሳቤካ።

ኢዮቤ ማጻፋ 33:30

ዴኦን ዲዲ ፖኦ ቤያና ማላ ኢዛ ሼምፖ ሃይቆፔ ኣሼስ።

ዬ ማጻፋ 13:3

ታ ጎዳዉ! ሃ ታኮ ጼላዳ ታስ ዛሮ ኢማ፤ ታ ኣይፌ ፖኢሳዳ፥ ሃይቆፔ ታና ኣሻ።

ዬ ማጻፋ 13:4

«ኑኒ ኢዛ ጾኒዶስ» ጊዲ፥ ታ ሞርኬቲ ጬቄቶንታ ማላ ኔ ኢስታ ቴቃ። ታ ኩንዴን ኢስቲ ኡፋዬቶንታ ማላ ኔ ኢስታ ዲጋ።

ዬ ማጻፋ 138:7

ታኒ ሜቶ ጊዶን ዲኮካ ኔኒ ታና ናጋሳ፤ ታ ሞርኬታ ሃንቆ ቦላ ኔ ቄሴ ዴንሳ፤ ኔ ኡሻቻ ኩሼን ታና ኣሻሳ።

ዬ ማጻፋ 34:5

ኢዛኮ ጼሊዛ ኡባ ሲንይ ፖኤስ፤ ኢስቲ ሙሌካ ዬላቴቴና።

ዬ ማጻፋ 85:6

ኔ ኣሳይ ኔናን ኡፋዬታና ማላ፥ ኔ ኑና ኦራጺሲኪ!

ሌሚሶ ማጻፋ 29:13

ሂዬሳይኔ ኣስ ናቂዛዴስ ኮ ሚሺ ዴስ፤ ጎዳይ ናምኣታስካ ጼሊዛ ኣይፌ ኢሚዴስ።

ኤራንቻታ ማጻፋ 12:11

ኣ ኤራንቻ ቃላይ ጪካ ማላ ሆጼ፤ ቃሴ ኢዛ ቶሴቲካ ኣዳፌ ሽኬቲዳ ሽኬ ማላ፤ ሄይቲካ ኢሲ ሄንንቻፌ ኢሜቲዳይታ።

ኢሳያሳ ቲንቢቴ 1:9

ኡባፌ ዎልቃማ ጎዳይ ኑስ ዜሬ ኣሾንታኮ፥ ኑኒ ሶዶሜ ማላኔ ጋሞራ ማላ ጊዳናኮሺን።

ኢሳያሳ ቲንቢቴ 14:3

ጎዳይ ኢንቴና ኢንቴ ዋዬፔ፥ ሜቶፔኔ ኡንኤቴፌኔ ኢታ ኣይሌቴፌ ኔና ሼምፒሲዳ ጋላሲ፥

ኢሳያሳ ቲንቢቴ 56:5

ታ ኬኒኔ ታ ጊምቤታ ጊዶን ኣቱማ ናይታፔኔ ማጫ ናይታፔ ኣዛ ሃሳኢሲዛ ሚሺኔ ሱን ኢስታስ ኢማና፤ ሜርናስ ዮንታ ሱን ታ ኢስታስ ኢማና።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 6:13

ታሙ ኣሳፔ ኢሲ ኣሲ ቢታ ቦላ ኣቲኮ፥ ኢዚካ ያና፤ ቃንጺ ዬጊን ኣቲዳ ዎላ ዱሩማ ማላ ጊዳና፤ ጌሻ ዛሬይ ሄሳ ሄ ዱሩማ ማላ ጊዳና» ጊዴስ።

ኤርማሳ ቲንቢቴ 42:2

ናቤ ኤርማሳስ፥ «ኑኒ ካሴ ዳሮ፥ ሃኢ ኔ ቤኢዛ ማላ ጉ ኣቲዶስ፤ ሄሳ ጊሻስ ኑ ኔና ዎሲዛ ዎሳ ሲያ፤ ሃይሳ ኣቲዳ ዴራ ጊሻስ ጎዳ ኔ ጾሳ ዎሳ።

ኤርማሳ ቲንቢቴ 44:14

ጊብጼ ቢዲ ዲዛ ጫሻ ኣቲዳ ዩሁዳ ኣሳቲ ሲሚዲ ዩሁዳ ቢታ ባና ኣሞቲኮካ ቤቲ ዪዳ ጉታፔ ኣቲን ኬሲ ኤኪዲ ዩሁዳ ቢታ ሲማና ኣሲ ኢሳዴይካ ዴና› ጌስ» ጊዴስ።

ሂዚቄላ ቲንቢቴ 14:22

ጊዲኮካ ሄፔ ኣማርዳ ኣሳቲ ኬሲ ኤኪዲ ኣታና፤ ኣቱማ ናይቲኔ ማጫ ናይቲ ኢንቴኮ ያና፤ ኢንቴ ኢስታ ሄሜኔ ኢስታ ኦሶ ቤኢዳ ዎዴ ታኒ ዬሩሳላሜ ቦላ ኤሂዳ ሜቶዚኔ ጋዳ ኢታ ባሻዚ ኡባይ ሊኬ ጊዲዳይሳ ኢንቴ ኤራና።

ሆሴኤ ቲንቢቴ 6:2

ናምኡ ጋላሳታፔ ጉዬ ኢዚ ኑና ቤጎና፤ ሄን ጋላስ ኢዚ ኑና ዴንና፤ ኑኒካ ኢዛ ሲንን ፓጻ ዳና።

ኢምባቆ ቲንቢቴ 3:2

ኣቤት ጎዳዉ! ታ ኔ ጎባቴ ጊሻስ ሲያዲስ። ጎዳዉ ኔ ኦሶይካ ታና ያሺሲዴስ፤ ኔኒ ኔ ኦሶ ኑ ዎዴን ኦራ፤ ኔ ኦሶቲ ኑ ዎዴንካ ኤሬታና ማላ ኦርኪ! ሃንቆ ዎዴካ ማሮቴ ቆፓርኪ!

ሶፎናሳ ቲንቢቴ 3:12

ጎዳ ሱንን ኣማኔቲዛ፤ ኣሽኬታኔ ባንታና ካዉሺዛይታ፤ ታ ኢንቴ ጊዶን ኣሻና።

ዛካራሳ ቲንቢቴ 10:4

ዩሁዳፔ ጉላን ዎዛ ሹቺ፥ ዱንካኔ ቶሊዛ ሽኬይ፥ ኦላ ቶራይኔ ዴሬ ኡባ ሃሪዛይ ኬዛና።

ዛካራሳ ቲንቢቴ 8:12

ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና።

ዛካራሳ ቲንቢቴ 8:6

ኡባፌ ዎልቃማ ጎዳይ፥ «ሃይሲ ካሴ ዲኤቶንታ ኣቲዳ ኢስራኤሌ ናይታስ ማላሊሲዛዝ ሚሳታና ሺን ታና ኡባፌ ዎልቃማ ጎዳ ማላሊሳናስ ዳንዳይዜ?» ጌስ።

ኦሮሜ ኣሳስ 9:27

ኢሳያሲካ ኢስራኤሌ ናይታ ጊሻስ፥ «ኢስራኤሌ ናይታ ቆዳይ ኣባ ኣጬ ማላ ዳሪኮካ ጉቲ ጻላላ ኣታና።

ዮሃኒሳ ኣጁታ 3:12

ጾኒዳዴ ታኒ ታ ጎዳ ጾሳ ኬን ቱስ ኦና፤ ኢዚ ሄፔ ሙሌካ ኬዜና። ታ ጎዳ ሱንኔ ታ ጎዳ ካታማዛ ሱንካ ታ ኢዛ ቦላ ጻፋና። ሃና ካታማያ ሳሎፔ ታ ጎዳ ኣቻፌ ዎና ኦራ ዬሩሳላሜ፤ ታኒካ ታ ኦራ ሱን ኢዛዴ ቦላ ጻፋና።

1ሳሜላ ማጻፋ 14:27

ጊዶ ኣቲን ኢዛ ኣዋይ ዴራ ጫቂሲ ዎዳይሳ ዮናታኔይ ሲዪቤና፤ ሄሳ ጊሻስ ኢዚ ባ ኩሼን ኦይኪዳ ጉፌዛ ጼራ ኤሳ ኢሊሎዛ ጊዶ ዬዲ ኤኪዲ ባ ኩሼራ ባን ኢዛስ ኣይፌይ ጼሊዴስ።

1ሳሜላ ማጻፋ 14:29

ዮናታኔይካ፥ «ታ ኣዋይ ቢታ ቦላ ሜቶ ሜዴስ፤ ሃኖ ኤሳይፌ ታ ጉ ባዳ ዎዴ ታ ኣይፌይ ዋኒ ጼሊዳኮ ቤኢቴ!