ኢዝራ ማጻፋ 4:2 - ጋሞ ማጻፋ

² ሄሳፌ ዴንዲዳይሳን ዜሩባቤሌኮኔ ኮራፒኔታኮ ዪዲ «ኑኒካ ኢንቴ ማላ ኢንቴ ጾሳ ጎይኒዛይታ፤ ኣሶሬ ዴሬ ካዎ ኣሴራዶኔይ ኑና ሃ ቢታ ኤሆሶፌ ዶሚዲ ኢዛስ ያርሺሼኔ ጎይኒሼ ጋምኢዶስ፤ ሄሳ ጊሻስ ሃኢ ኑኒካ ኢንቴናራ ኢሲፌ ኬጻና» ጊዳ።

Geeshsha Maxaafa

² Hessafe dendidayssan Zerubaabelekkonne korapinnetako yiidi «Nunikka intte mala intte Xoossaa goynnizayta; Asoore dere kawo Aseradooney nuna ha biitta ehosofe doommidi izas yarshishenne goynnishe gam7idos; hessa gishshas ha7i nunikka inttenara issife keexxana» gida.

ኢዝራ ማጻፋ 4:2 ပူးပေါင်းရင်းမြစ်များ

ሜቴ ማጻፋ 10:11

ኢዚ ሄ ቢታፌ ኣሶሬ ቢዲ ናናዌ፥ ኤራሆቦቴኔ ካላሄ ካታማታ ኦዴስ፤ ቃሴ ናናዌፔኔ ካላሄፔ ጊዶን ዲዛ ኤሬሴኔ ጌቴቲዛ ጊታ ካታማካ ኦዴስ።

2ካዎታ ማጻፋ 17:24

ኣሶሬ ካዎይ ዴሬዛ ባቢሎኔፔ፥ ኩታፔ፥ ኣዋፔ፥ ሃማቴፔኔ ሴፋርዋይሜ ካታማፔ ሺሺ ኤሂዲ ካሴ ኢስራኤሌ ኣሳይ ዲዛሶን ዳና ማላ ሳማሪያ ካታማታን ዎዴስ። ኢስቲካ ሳማሪያ ባስ ላቲዲ ሄ ካታማታን ዱስ ኦይኪዳ።

2ካዎታ ማጻፋ 17:41

ሃይቲ ሃ ዴሬቲ ኢሲ ባጋራ ጎዳስ ጎይኒኮካ ሃራ ባጋራ ቃሴ ባ ጊግሲዳ ኤቃ ጾሳታስ ሃጋዜቴስ። ኢስታ ናይቲኔ ኢስታስ ናይታ ናይቲካ ካሴ ኢስታ ኣዋቲ ኦዳ ማላ ሃኢካ ኢዛ ኦቴስ።

2ካዎታ ማጻፋ 19:37

ኢሲ ጋላስ ኒስራኬ ጌቴቲዛ ባ ኤቃ ጾሳ ኬ ጌሊዲ ኢዚ ሄን ጎይኒሺን ኢዛ ናይቲ ኣዲራሜሌኬይኔ ሳርሳሬይ ኢዛ ማሻን ሲፊ ዎዳ፤ ሄፔ ኬሲ ኤኪዲ ኣራራቴ ጋካናስ ባቃቲዳ፤ ኢዛ ና ኣሴራዶኔይ ኢዛሶሆን ካዎቲዴስ።

ኢዝራ ማጻፋ 1:5

ሄሳፌ ጉዬ ዩሁዳኔ ቢኒያሜ ዜሬታ ዳናቲ፥ ቄሴቲ፥ ሌዌቲኔ ጾሳይ ዎዚና ዴንዳ ኣሳይ ዉሪ ሲሚ ባናሲኔ ዬሩሳላሜን ዲዛ ጾሳ ኬ ዛሪ ኬጻና ጊጌቲ ዴንዲዳ።

ኢዝራ ማጻፋ 2:2

ዲኤቴፌ ሲሚ ዪዳ ኣሳታስ ዳና ጊዲ ዪዳይቲ ዜሩባቤሌ ኢያሶ፥ ናሂሚያ፥ ሳራያ፥ ማርዲኪዮሳ፥ ባልሻኔ፥ ሚሲፋሬ፥ ቢጉዋዬ፥ ኤሬሁሜኔ ባኣና ጌቴቲዛይታ። ባ ዴሬ ሲሚዳ ኢስራኤሌ ኣሳ ቆዳይ ሃይሳፌ ካሊ ዲዛይሳ፤

ኢዝራ ማጻፋ 3:12

ጪማ ቄሴታፔኔ ሌዌ ባጋታፔ ዳሮቲ፥ ዛርኬታፔ ኮራፒኔቲ ካሴ ጾሳ ኬ ኦሶ ባ ኣይፌን ቤይዳ ጊሻስ ሃኢ ኬጼቲዛ ጾሳ ኬስ ዮቻ ቤኢዲ ባ ቃላ ቁ ሂስቲ ዬኪዳ፤ ሄን ዲዛ ሃራ ኣሳቲ ቃሴ ባንታ ቃላ ቁ ሂስቲዲ ኢሊሊዳ።

ኢዝራ ማጻፋ 3:2

ሄሳፌ ጉዬ ኢዮሳዶቄ ና ኢያሶይኔ ኢዛራ ኦዛ ቄሴቲ ቃሴካ ሳላቲያሌ ና ዜሩባቤሌይኔ ኢዛ ዳቦቲ ኢዛራ ኢሲፌ ጾሳ ኣስ ጊዲዳ ሙሴ ዎጋ ማጻፋን ካሴ ጻፌቲዳ ማላ ጹጌቲዛ ያርሾ ሺሻናስ ኢስራኤሌ ጾሳስ ያርሺዛሶን ያርሾ ያርሻናስ ዳንዳይዳ።

ናሂሚያ ማጻፋ 9:32

ጊታ፥ ዎልቃማኔ ያሺዛ ኑ ጾሳዉ! ኔኒ ኔ ጫቆ ቃላኔ ሜርና ጋካናዉ ዲዛ ኔ ሲቆ ናጋሳ፤ ኑ ቦላ፥ ኑ ካዎታ ቦላኔ ኑና ካሌዛይታ ቦላ ኑ ቄሴታ ቦላኔ ኑ ናቤታ ቦላ ኑ ኣዋታ ቦላ፥ ቃሴካ ዴሬ ኡባ ቦላ፥ ኣሶሬ ካዎታፔ ዶሚዲ ሃች ጋካናስ ጋኪዳ ሜቶ ኡባ ኔ ቆፓ።

ዬ ማጻፋ 73:8

ኢስቲ ቂቴሲኔ ኢታ ሃሳዬቴስ፤ ኢስቲ ባንታ ኦቶሮን ሃራታ ኡንኤናዉ ማንዴቴስ።

ኢሳያሳ ቲንቢቴ 37:37

ሄሳ ጊሻስ ኣሶሬ ካዎ ሴናኪሬሜይ ኬሲ ኤኪዴስ፤ ጉዬ ሲሚ ቢዲካ ናናዌ ካታማን ኡቲዴስ።

ኢሳያሳ ቲንቢቴ 37:38

ሳናኪሬሚ ባ ጾሳ ኒስራኬ ኬን ጎይኒሼ ዴኢሺን፥ ኢዛ ናይቲ ኣዲራሜሌኬይኔ ሳርሳሬይ ማሻን ኢዛ ዎዳ። ሂስቲዲ ኣራራቴ ቢታ ባቃቲዳ። ኢዛ ና ኣሴራዶኔይ ኢዛሶሆን ካዎቲዴስ።

ሆሴኤ ቲንቢቴ 14:3

ኣሶሬይ ኑና ኣሼና፤ ኑኒ ኦላ ፓራታንካ ኣማኔቶኮ፤ ሃይሳፌ ጉዬ ኑኒ ኑ ኩሼን ሜዳ ኤቃ ጾሳታ፥ ‹ሃይቲ ኑ ጾሳታ› ጎኮ። ማንቆቲ ኔፔ ቃቴ ዴሜቴስ» ጊቴ።

ጋላቲያ ኣሳስ 2:4

ሃይሲ ሃ ዮኦዚ ዴንዲዳይ ኢሲ ኢሲ ዎርዶ ኣማኒዛይቲ ኑኒ ዬሱስ ኪርስቶሳን ዴሚዳ ጌሻቴ ዩዪ ዩዪ ፓጪ ቤያናሲኔ ኑና ኣይሌቴን ዛሪ ጌልናስ ሎዳራ ኑኮ ሳሊ ጌሊዳ ጊሻሳ።

2ጺምቶሳስ 3:8

ኢያኔሲኔ ኢያንባራሲ ሙሴ ቦላ ዴንዲዳ ማላ ሃይቲካ ኢስታ ቆፋይ ሞሬቲን ባስ ኣማኖፔ ኩንዲዳ ጊሻስ ቱማቴ ኢጼቴስ።