ኢዝራ ማጻፋ 1:2 - ጋሞ ማጻፋ

² ፓሪሴ ካዎ ቂሮሲ ኣዋጃን ኬሲዳ ኣዛዞይ፥ «ጎዳ ሳሎ ጾሳይ ታና ቢታ ካዎቴታ ኡባ ኣይሳና ማታ ታስ ኢሚዴስ፤ ዩሁዳ ቢታን ዲዛ ጾሳ ኬ ዬሩሳላሜን ታ ኢዛስ ኬጻና ማላ ኣዛዚዴስ።

Geeshsha Maxaafa

² Paarise kawo Qiroosi awajjan kessida azazoy, «GODAA Salo Xoossay tana biitta kawoteththata ubbaa ayssana maata taas immides; Yuhuda biittan diza Xoossa Keeth Yerusalaamen ta izas keexxana mala azazides.

ኢዝራ ማጻፋ 1:2 ပူးပေါင်းရင်းမြစ်များ

1ካዎታ ማጻፋ 8:27

«ቱማፔ ጾሲ ሳኣ ቦላ ዴኢ ኤሪዜ? ቤኣ ሳሎይ፥ ሳሎታፔ ቦላን ዲዛ ሳሎይካ ኔና ኦይካና ዳንዳዬና፤ ሂስቲን ሃይሲ ታ ኬጺዳ ጾሳ ኬይ ኔስ ኣይ ጊዳኔ!

2ታሪኬ ማጻፋ 2:12

ሁራሜይ ቃሴካ፥ «ጎዳ ጾሳ ኬኔ ባስ ካዎቴ ኬ ኬጻና ማላ ኣ ኤራንቻ፥ ኣኬካንቻኔ ዎዚናማ ና ካዎ ዳዊቴስ ኢሚዳ ሳሎኔ ሳኣ ሜዳ ጎዳ ኢስራኤሌ ጾሳይ ጋላቴቶ።

ኢዝራ ማጻፋ 1:5

ሄሳፌ ጉዬ ዩሁዳኔ ቢኒያሜ ዜሬታ ዳናቲ፥ ቄሴቲ፥ ሌዌቲኔ ጾሳይ ዎዚና ዴንዳ ኣሳይ ዉሪ ሲሚ ባናሲኔ ዬሩሳላሜን ዲዛ ጾሳ ኬ ዛሪ ኬጻና ጊጌቲ ዴንዲዳ።

ኢዝራ ማጻፋ 3:7

ሄሳፌ ጉዬ ዴሬይ ሹቻን ኬጺዛይታሲኔ ኣናጼታስ ጪጌቲዛ ሚሽ ኢሚዴስ፤ ቃሴ ሊባኖሴፔ ዚጋ ሚ ቃንጺዲ ዮጴ ኣባ ፒንዲ ዬዳና ማላኔ ካ፥ ኡሺኔ ዎጋራ ዛይቴ ጺሮሴኒኔ ሲዶናን ዲዛ ኣሳታስ ዬዲዳ፤ ሄሲ ኡባይ ፓሪሴ ካዎ ቂሮሲ ፒቃዴ ኢሚዳ ማላ ሃኒዴስ።

ኢዝራ ማጻፋ 4:3

ጊዶ ኣቲን ዜሩባቤሌይ፥ ኢያሶይኔ ኮራፒኔቲ ኡባይ «ኑ ጎዳ ጾሳ ኬ ኬጻናስ ኢንቴና ኑናራ ጋዛ ሚሺ ባዋ፤ ፓሪሴ ካዎ ቂሮሲ ኑና ኣዛዚዳ ማላ ኢስራኤሌ ጾሳ ኬ ኑ ኑርካ ኬጻና» ጊ ዛሪዳ።

ኢዝራ ማጻፋ 5:15

ሄሲካ ዴሬ ኣይሲዛ ዳና ሳቢሳሬይ ጌሻ ሚሻታ ኤሂዲ ዬሩሳላሜን ዲዛ ጾሳ ኬን ዎና ማላኔ ጾሳ ኬይ ካሴ ባ ዲዛሶን ዛሪ ኬጼታና ማላ ካዎ ቂሮሲ ኢዛ ኣዛዚዴስ።

ኢዝራ ማጻፋ 6:10

ሃ ኡባስ ጋሶይካ ሳሎ ጾሳይ ኡፋይሳን ኤኪዛ ያርሾ ኢስቲ ሺሺሼ ካዎሲኔ ኢዛ ኣቱማ ናይታ ጊሻስ ዎሳና ማላሳ።

ኢዝራ ማጻፋ 6:3

«ቂሮሲ ካዎቲዳ ኮይሮ ላይ ዬሩሳላሜን ዲዛ ጾሳ ኬ ጹጌቲዛ ያርሾይኔ ሃራ ዱማ ዱማ ያርሾቲ ሺቂዛሶ ጊዲዲ ኦሴታና ማላ ኣዛዞ ኢሚዴስ፤ ጾሳ ኬ ኣዱሳቴ 27 ሜቲሬ ጊዲሺን ኣሆቴዚ 27 ሜቲሬ ጊዳናስ ቤሴስ።

ኢዝራ ማጻፋ 7:12

ካዎታስ ካዎ ኣርጼኪሲሴፔ ሳሎ ጾሳ ዎጋ ፒልጊ ጼሎን ኬሂ ኤራንቻ ጊዲዳ ዎጋ ታማርሲዛ ቄሴ ኢዝራ! ሳሮይ ኔስ ጊዶ፤

ናሂሚያ ማጻፋ 1:4

ሃይሳ ኡባ ሲዪዳፔ ጉዬ ኡታዳ ዬካዲስ፤ ዳሮ ጋላስ ጾማኒኔ ሙዞቴን ጋምኣዳ ጾሳ ሂዝጋ ዎሳዲስ፥

ናሂሚያ ማጻፋ 1:5

«ሳሎ ጎዳዉ! ኔና ዶሲዛይታራኔ ኔ ኣዛዞ ናጊዛይታራ ሜርናስ ኔኒ ኔ ጫቆ ቃላ ናጊዛ ጊታኔ ያሺሲዛ ጾሳ።

ዬ ማጻፋ 136:26

ሳሎ ጾሳ ጋላቲቴ! ኢዛ ሲቆይ ሜርናሳ።

ዬ ማጻፋ 85:2

ኔኒ ኔ ኣሳ ናቆ ኣቶ ጋዳሳ፤ ኢስታ ናጋራ ኡባ ካማዳሳ።

ሌሚሶ ማጻፋ 21:1

ካዎ ዎዚናይ ጎዳ ኩሼን ዴስ፤ ኢዚ ኢዛ ዎዚና ጎጊዛ ሃ ማላ ባ ዶሲዳሶ ዛሬስ።

ኢሳያሳ ቲንቢቴ 41:2

ኣርሼይ ሞኪዛ ባጋፌ ኢሳ ዴንዳይ፥ ጺሎቴን ባስ ሃጋዚሳና ጼይጊዳይ ኦኔ? ኢዚ ካዎቴታ ኢዛስ ኣ ኢሜስ፤ ኢዚ ኢስታ ጊ ማሻን ቢታ ኬሲዴስ፤ ባ ዎንዳፌን ጫርኮይ ላሊዳ ሱላ ማላ ኬሲዴስ።

ኢሳያሳ ቲንቢቴ 44:26

ታ ኣሽካራዛ ቃላ ታ ፖላና፤ ታ ኪቲዳይታ ዞሬ ታ ሚንና፤ ታኒ ዬሩሳላሜ፥ ‹ኔኒ ኣሲ ዲዛሶ ጊዳና›፥ ዩሁዳ ካታማታካ፥ ‹ኢስቲ ኬጼታና›፥ ኢስታ ላሌካ፥ ‹ታኒ ኦራጺሳና› ጋና።

ኢሳያሳ ቲንቢቴ 44:28

ቂሮሴካ፥ ‹ኢዚ ታ ሄንንቻ፤ ኢዚ ታ ሼኔ ፖላና› ጋና፤ ዬሩሳላሜይካ፥ ‹ሲማ ኤቁ› ጋና፤ ጾሳ ኬስ፥ ‹ኢዛ ዮቺ ዬጌቶ› ጋና» ጌስ።

ኢሳያሳ ቲንቢቴ 45:1

«ታ ቲይዳይሳስ፥ ኡሻቻ ታ ኦይኪዳይሳስ፥ ካዎታ ጊ ቢርሻና ማላኔ ካዎቴቲ ኢዛ ሲንን ሃሬታና ማላ፥ ፔንጌቲ ጎርዴቶንታ ማላ ኢዛ ሲንን ፔንጌታ ዶያናስ ቂሮሴስ ጎዳይ፥

ኢሳያሳ ቲንቢቴ 66:1

ጎዳይ፥ «ሳሎይ ታስ ኣራታ፤ ሳኣይካ ታስ ዬዛሶ፤ ሂስቲን ኢንቴ ታስ ኬጻና ኬኔ ታ ሼምፓና ሶይ ኣዋይሴ?

ኤርማሳ ቲንቢቴ 10:11

ጎዳይ፥ «ኢንቴካ፥ ‹ሄይቲ ሳሎኔ ሳኣ ሜንታ ጾሳቲ ሳኣፔኔ ሳሎ ጋርሳፌ ያና› ጌታ» ጌስ።

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ኤርማሳ ቲንቢቴ 29:10

«ጎዳይ፥ ‹ኢንቴ ባቢሎኔን ዳና ላፑን ታሙ ላይ ፖሌቲዳፔ ጉዬ ታ ኢንቴና ሞካ ጼላና፤ ታኒ ኢንቴና ሃ ቢታ ዛራ ኤሃና ጊዳ ሎኦ ቃላዮካ ኢንቴስ ፖላና።

ዳኔላ ቲንቢቴ 1:21

ዳኔሊካ ፓሪሴ ካዎ ቂሮሲ ካዎቲዳ ኮይሮ ላይ ጋካናስ ካዎቴ ጋርሳን ኦሼ ጋምኢዴስ።

ዳኔላ ቲንቢቴ 2:21

ኢዚ ዎዴታኔ ኣጊናታካ ላሜስ፤ ካዎታ ኣራታን ኡቲሴስ፤ ካዎቴ ኣራታፔካ ዱጌ ዎስ፤ ኤራንቻታስ ኣ ኤራቴ ኣኬኪዛይታሲካ ኤራቴ ኢሜስ።

ዳኔላ ቲንቢቴ 2:28

ጊዶ ኣቲን ጹራ ዮኦ ኡባ ቆንጪሲዛ ጾሲ ሳሎን ዴስ፤ ኢዚ ቡሮ ሲንፌ ያና ላይታን ሃናናይሳ ኡባ ኔስ ቆንጪሲዴስ፤ ኔኒ ኔ ሂን ኢቻ ዳሼ ቤኢዳ ኣጉሞይኔ ኣጁታይ ሃይሳፌ ካሊዛይሳ።

ዳኔላ ቲንቢቴ 4:25

ኔኒ ኔ ዴሬዛፔ ሻኬታዳ ጎዴታና፤ ኔስ ዱሳሶይካ ዎራ ዶኣታራ ጊዳና፤ ላፑን ላይ ፖሌታና ጋካናስ ኔኒ ሜሄ ማላ ማታ ማና፤ ኔኒ ኬንቾን ሙሳና፤ ሄሲ ዉሪ ኔና ጋካናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ኢዚ ካዎቴ ዉርሲካ ባ ዶሲዳዴስ ኢሚዛይሳ ኔ ሻካ ኤራና ጋካናሳ።

ዳኔላ ቲንቢቴ 4:32

ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ዳኔላ ቲንቢቴ 6:25

ሄሳፌ ጉዬ ካዎ ዳሪዮሲ ኣላሜ ቦላ ዲዛ ዴራስ፥ ካዎቴታሲኔ ዱማ ዱማ ቃላን ሃሳይዛ ኣስ ኡባስ ሃይሳፌ ካሊዛ ኪታ ጻፊ ኪቲዴስ፤ «ሳሮይ ኢንቴስ ጊዶ!

ዮናሳ ቲንቢቴ 1:9

ሂስቲን ዮናሲ ዛሪዲ፥ «ታኒ ኢብራዌ ኣሳ፤ ኣባኔ ቢታ ሜዳ ሳሎ ጎዳ ጎይናይስ» ጊዴስ።