ሂዚቄላ ቲንቢቴ 7:23 - ጋሞ ማጻፋ

²³ « ‹ሱሬ ፒርዳይ ዪን ቢታይ ሱ ጉኮን ኩሚዳ ጊሻስ፥ ካታማያካ ማካላ ኦሶን ኩሚዳ ጊሻስ ኔኒ ሳንሳላታ ጊጊሳ።

Geeshsha Maxaafa

²³ « ‹Suure pirday dhayiin biittay suuththa gukon kumida gishshas, katamayakka makkalla ooson kumida gishshas neni sansalata giigsa.

ሂዚቄላ ቲንቢቴ 7:23 ပူးပေါင်းရင်းမြစ်များ

2ካዎታ ማጻፋ 21:16

ሃራፔካ ሚናሴይ ዩሁዳ ኣሳይ ጾሳ ሲንን ኢታ ኦና ማላ ኢስቲ ናጋራ ኦሲሲዳ ናጋራፔ ሃራካ ዬሩሳላሜስ ሃ ጋጻፔ ሄ ጋጻ ጋካናስ ጺሎ ጊዲዳ ዳሮ ኣሳ ሱ ጉሲዴስ።

2ካዎታ ማጻፋ 24:4

ቃሴካ ኢዚ ጺሎ ሱ ጉሲዳ ጊሻሳ። ዬሩሳላሜይካ ጺሎ ሱን ኩማና ማላ ኢዚ ኦዳ ጊሻስ ጎዳይ ኢዛ ማራናስ ኮዪቤና።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

ኢሳያሳ ቲንቢቴ 59:3

ኢንቴ ኩሼይ ሱን፥ ኢንቴ ቢራይካ ቆሆን ሙሌቲዴስ፤ ኢንቴ ዶናይ ዎርዶ ሃሳይዴስ፤ ኢንጻርሳቲ ኢታ ዮኦ ሲሲዳ።

ኢሳያሳ ቲንቢቴ 59:7

ኢስታ ቶሆቲ ናጋራኮ ዎጼቴስ፤ ጺሎ ሱ ጉሳናስ ኤሶቴቴስ፤ ኢስቲ ኢታ ቆፋ ቆፔቴስ። ባሺኔ ቆሆይ ኢስቲ ኣዳ ኦጌ ኡባስ ማላታ።

ኤርማሳ ቲንቢቴ 2:34

ኔ ኢስታ ካይሶቴን ኦይኮንታ ጺሎ ማንቆታ ሱ ኔ ማይኦ ቦላ ቤቲዴስ። ኔኒ ሃይሳ ኡባ ኦ ዎዳካ፥

ኤርማሳ ቲንቢቴ 22:17

ጊዶ ኣቲን ኔ ኣይፌይኔ ኔ ዎዚናይ ሼምፒዳይ ሃ ሄ ሾጬቾን ዴሚዛ ጎኣን፥ ጺሎታ ሱ ጉሶን፥ ኣሳ ኡንኤኒኔ ጌኔ ኦሶና» ጌስ።

ኤርማሳ ቲንቢቴ 27:2

ጎዳይ ታስ፥ «ሚፌ ቃምባራ ጊጊሳዳ ዳፎ ኢዛን ጌልዳ ኔ ሞርጌን ዎ።

ኤርማሳ ቲንቢቴ 40:1

ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ኤርማሲ ዬሩሳላሜፔኔ ዩሁዳፔ ዲኤቲዲ ባቢሎኔ ቢታ ቢዛ ኣሳታ ጊዶን ኤራማን ሳንሳላታን ቃሼቲ ዲዛይሳ ቤኢዲ ኢዛ ቃሾፔ ቢርሺሲዴስ፤ ሄሳፌ ጉዬ ጎዳ ቃላይ ኤርማሳኮ ዪዴስ።

ኤርማሳ ቲንቢቴ 6:7

ኦላፌ ሃ ፑልቲዛ ማላ ኢዛካ ባ ኢታቴ ፑልቲሳዉስ፤ ማካላ ሚሺኔ ባሻ ሚሺ ኢዚ ጊዶን ሴቴቴስ፤ ኡባ ዎዴ ኢዚ ሳኮይኔ ማዱን ታስ ቤቴስ።

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ኤርማሳ ዚላስ 3:7

ታ ኬዞንታ ማላ ታ ዩሾዛ ዲርዴስ፤ ሚኖ ሳንሳላታን ታና ቃቺዴስ።

ሂዚቄላ ቲንቢቴ 11:6

ሃ ካታማይን ኢንቴ ዳሮ ኣሳ ዎዲ ኦጌ ኡባን ኣሃ ኩንዴታ።

ሂዚቄላ ቲንቢቴ 12:19

ቢታን ዲዛ ኣሳስ፥ ‹ኡባ ሃሪዛ ጎዳይ ኢስራኤሌ ቢታን ዲዛ ዬሩሳላሜ ኣሳስ፡ ኢስቲ ባንታ ካ ሂርጊሼ ማና፤ ባንታ ሃካ ጋዢጋዢሼኔ ባቢሼ ኡያና። ሄን ዲዛ ኣሳይ ኡባይ ጌናንቻ ጊዲዳ ጊሻስ ኢስታ ቢታይ ካይዛና።

ሂዚቄላ ቲንቢቴ 18:12

ሂዬሳኔ ሜቶቴቲዳዴ ኡንኤኮ፥ ዎልቃራ ዳፊ ኤኪኮ፥ ኦይሶ ኤኪዳይሳ ዛሮንታ ኢጺኮ፥ ኤቃ ጾሳታኮ ሲሚኮ፥ ሃራሲዛ ኦሶታ ኦኮ፥

ሂዚቄላ ቲንቢቴ 22:13

« ‹ኔኒ ኔስ ቤሶንታ ኤኪዳ ጎኣ ቦላኔ ኔኒ ጉሲዳ ሱ ቦላ ታኒ ታ ኩሼ ባቃና።

ሂዚቄላ ቲንቢቴ 22:27

ኢዚ ጊዶን ዲዛ ጊታ ኣሳቲ ሃይቂዳይሳ ፑዚዛ ካና ሱይቴ ማላ፤ ኢስቲ ቤሶንታ ዱሬቴ ሺሻናስ ሱ ጉሴቴስ።

ሂዚቄላ ቲንቢቴ 22:9

ሼምፖ ዎናስ ፓፑን ጋዛይቲ ኔ ጊዶን ዴቴስ፤ ዙምቡላታ ቦላ ዲዛ ኤቃ ጾሳታስ ያርሼቲዳይሳ ሚዛይቲኔ ላይማቲዛይቲ ኔ ጊዶን ዴቴስ።

ሂዚቄላ ቲንቢቴ 45:9

« ‹ኡባ ሃሪዛ ጎዳይ፡ ኢንቴኖ ኢስራኤሌ ሃላቃቶ፥ ኢንቴስ ሃኢ ጊዳና! ኢንቴ ሻባርሲዛይሳኔ ኣሳ ኡንኤዛይሳ ኣጊቴ፤ ሱሬ ፒርዳኔ ጺሎቴ ኦቴ። ታ ኣሳ ኢስታ ላታ ቢታፌ ቃሊዲ ጎዲዛይሳ ኣጊቴ። ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 8:16

ሄሳፌ ጉዬ ኢዚ ታና ጎዳ ኬስ ሶ ባጋ ዛጎ ኤፊዴስ፤ ሄሳን ጾሳ ኬ ፔንጌን ዳራንቻፌኔ ያርሺዛሶሆፔ ጊዶን ናምኡ ታማኔ ኢቻሽ ጊዲዛ ኣቱማሳቲ ዴቴስ፤ ኢስቲ ባንታ ዞኮ ጎዳ ኬኮ፥ ባንታ ኣይፌሶ ኣርሼይ ሞኪዛ ባጋ ዛሪዲ ኣርሼስ ጉፋኒ ጎይኔቴስ።

ሂዚቄላ ቲንቢቴ 8:17

ጎዳይ ታና፥ «ሃይሶ ኣሳ ናዉ! ሃይሳ ቤያይ? ዩሁዳ ኣሳይ ሃይሳን ኦዛ ሃራሲዛ ኤቃ ጾሳታስ ኢስቲ ጎይኒዛይሲ ላፋ ሚሼ? ኢስቲ ቢታ ማካላ ኦሶን ኩንዲ ዛሪ ዛሪዲ ታና ሃንቄናዉ ቤሲዜ? ሄኮ ኢስቲ ታና ኣይ ማላ ጫዪዛኮ ታና ሃንቄናስ ባስ ዳንዳዬቲዳ ኡባ ኢስቲ ኦዛይሳ ቤኣ።

ሂዚቄላ ቲንቢቴ 9:9

ኢዚ ዛሪዲ ታስ፥ «ኢስራኤሌ ኬ ናጋራይኔ ዩሁዳ ኬ ናጋራይ ኬሂ ዳሪዴስ፤ ቢታያ ሱ ጻላ ጊዳዱስ፤ ቃሴ ካታማያ ጌላቴን ኩማዱስ፤ ጋሶይካ ኣሳይ፥ ‹ጎዳይ ቢታ ኣጊዴስ፤ ጎዳይ ቤኤና› ጌቴስ።

ሆሴኤ ቲንቢቴ 4:2

ሃን ዲዛይ ቃንጌ፥ ዎርዶ፥ ሼምፖ ዎ፥ ላይማቴኔ ጫቂዳ ቃላ ሙሲ ጻላ ዴስ። ጌኔይኔ ሼምፖ ዎይ ዳሪ ዳሪ ቤስ።

ሚኪያሳ ቲንቢቴ 2:2

ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

ሚኪያሳ ቲንቢቴ 7:2

ጾሳስ ባቢዛ ኣሲ ቢታ ቦላፌ ይዴስ፤ ሱሬ ኣሲ ኢሳዴይካ ባዋ፤ ኣሲ ዉሪካ ሱ ጉሳናስ ዙጌስ፤ ኢሲ ኢሲ ኣሲ ባ ኢሻ ያርዴን ኦይኬስ።

ናሆሜ ቲንቢቴ 3:10

ጊዶ ኣቲን ኢዛ ዲኤታዱስ፤ ጎዴታ ባዱስ፤ ኢዚ ናይቲ ኦጌታ ቲጻ ቦላ ዲንጬቲዳ፤ ኢዚ ዳናታ ቦላ ሳማይ ዎዴስ፤ ኢዚ ጊታ ኣሳቲ ኡባይ ሳንሳላታን ቃሼቲዳ።