ሂዚቄላ ቲንቢቴ 7:11 - ጋሞ ማጻፋ

¹¹ ማካላይ ዲጫዳ ኢታቴ ሾጪዛ ጉፌ ጊዳዱስ፤ ኣሳፔ ኣይኮይካ ኣቴና፤ ኢስታ ጮራቴፌ፥ ኢስታ ኣቆታፔኔ ኢስታ ቦንቾፌ ኣይኮይካ ኣቴና።

Geeshsha Maxaafa

¹¹ Makkallay diccada iitateth shociza guufe gidadus; asaappe aykkoyka attenna; istta corateththafe, istta aqotaappenne istta bonchchofe aykkoyka attenna.

ሂዚቄላ ቲንቢቴ 7:11 ပူးပေါင်းရင်းမြစ်များ

ዬ ማጻፋ 125:3

ጺሎቲ ኢታቴ ታማሮንታ ማላ ኢታቲ ሃሪሼ ጺሎታ ቢታን ጋምኤቴና።

ዬ ማጻፋ 73:8

ኢስቲ ቂቴሲኔ ኢታ ሃሳዬቴስ፤ ኢስቲ ባንታ ኦቶሮን ሃራታ ኡንኤናዉ ማንዴቴስ።

ዬ ማጻፋ 78:64

ኢስታ ቄሴቲ ማሻን ዉሪዳ፤ ኢስታ ማቼቲካ ዬካናስ ዳንዳይቤቴና።

ኢሳያሳ ቲንቢቴ 14:29

ኢንቴኖ ፊሊስጼሜ ኣሳቶ፥ ኢንቴና ሾጪዳ ጉፌይ ሜቂዳ ጊሻስ ኡባቲ ኡፋዬቶፍቴ፤ ሾሻ ጋርሳፌ ሃሶ ሾሺ ኬዛና፤ ኢዛ ዜሬካ ጾንጌቲዛ ማርዜራ ዲዛ ሃሶ ሾሽ ጊዳና።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኢሳያሳ ቲንቢቴ 9:4

ካሴ ኔኒ ሚዲያሜ ቢታ ጾኒዳ ማላ ኢስታ ዴጺዛ ቃምባራ፥ ኢስታ ሃሼ ቦላ ዎዳ ዱርቃኔ ኢስታ ዋዪሲ ሃሪዳ ጉፌ ሜንዳሳ።

ኤርማሳ ቲንቢቴ 22:18

ሄሳ ጊሻስ ጎዳይ ዩሁዳ ካዎ ኢዮሲያሳ ና ኢዮኣቄሜ ጊሻስ፥ «ዎ ታ ኢሻዉ! ዋይ ዋይ ታ ሚቼ! ቃሴ፥ ‹ታ ጎዳዉ ዎ ዎ! ኔ ጊታቴ ዎ ዎ!› ጊዲ ዚላሌቴና።

ኤርማሳ ቲንቢቴ 25:33

ሄ ዎዴን ጎዳይ ዎዳይታ ኣሃይ ቢታ ጋጻፔ ቢታ ጋጻ ጋካናስ ፖርጩ ጊ ኩንዳና፤ ኢስታስ ዬኬቴና፤ ኢስታ ኣሃይ ሺቄናኔ ሞጌቴና፤ ቢታ ቦላ ቡራ ማላ ኦሌታና።

ኤርማሳ ቲንቢቴ 6:7

ኦላፌ ሃ ፑልቲዛ ማላ ኢዛካ ባ ኢታቴ ፑልቲሳዉስ፤ ማካላ ሚሺኔ ባሻ ሚሺ ኢዚ ጊዶን ሴቴቴስ፤ ኡባ ዎዴ ኢዚ ሳኮይኔ ማዱን ታስ ቤቴስ።

ኤርማሳ ቲንቢቴ 7:34

ታኒ ኢሊሲ፥ ኡፋይሳ ጬንጉርሲኔ ሚሺራታ ጬንጉርስ ዩሁዳ ካታማታፔኔ ዬሩሳላሜ ኦጌታፔ ይሳና፤ ቢታያካ ቡላ ጊዳ ኣታና» ጌስ።

ሂዚቄላ ቲንቢቴ 45:9

« ‹ኡባ ሃሪዛ ጎዳይ፡ ኢንቴኖ ኢስራኤሌ ሃላቃቶ፥ ኢንቴስ ሃኢ ጊዳና! ኢንቴ ሻባርሲዛይሳኔ ኣሳ ኡንኤዛይሳ ኣጊቴ፤ ሱሬ ፒርዳኔ ጺሎቴ ኦቴ። ታ ኣሳ ኢስታ ላታ ቢታፌ ቃሊዲ ጎዲዛይሳ ኣጊቴ። ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 5:11

ሄሳ ጊሻስ ኡባ ሃሪዛ ጎዳይ፥ ታኒ ዴኦ ጾሳ ጊዲዳይሳን ጫቃይስ፡ ኔኒ ታ ኬ ቱና ሚስሌታኒኔ ሃራሲዛ ኔ ኦሶ ኡባን ቱኒሲዳ ጊሻስ ታ ኔና ቡጫ ይሳና፤ ታ ኔና ቃታ ኣይፌን ጼሊኬኔ ማሪኬ።

ሂዚቄላ ቲንቢቴ 5:4

ቃሴ ሄ ቢናናፌ ጉራ ኤካዳ ታማን ጹጋ፤ ታማይ ሄፔ ኬዚዲ ኢስራኤሌ ኣሳ ማና» ጊዴስ።

ሂዚቄላ ቲንቢቴ 6:11

« ‹ኡባ ሃሪዛ ጎዳይ፡ ዪሎን ኔ ኩሼ ባቃ፤ ኔ ቶሆንካ ቢታ ቃካሼ፥ ዉ! ዉይ› ጋ ዋሳ፤ ኢስራኤሌ ኣሳይ ኦዳ ኢታቴፌኔ ሃራሲዛ ሃኖፔ ዴንዲዳይሳን ማሻን፥ ኮሻኒኔ ኢታ ሃርጌን ዉራና።

ሂዚቄላ ቲንቢቴ 7:16

ኢስታፌ ኬሲ ኤኪ ኣቲዛይቲ ሾባ ጊዶፌ ጎዲን ሂርጊሼ ፒራ ቢዲ ዙምቡላ ቦላ ጉጉሚዛ ሃራጴታ ማላ ባንታ ናጋራ ጋሶን ዚላሊሼ ዙማ ቦላ ዳና።

ሂዚቄላ ቲንቢቴ 7:2

ታና «ሃይሶ ኣሳ ናዉ! ኡባ ሃሪዛ ጎዳይ ኢስራኤሌ ቢታስ፥ ‹ሃይሲ ዉርሴ! ቢታይ ቦላ ኦይዱ ባጋራካ ዉርሴ ዬስ።

ሂዚቄላ ቲንቢቴ 7:23

« ‹ሱሬ ፒርዳይ ዪን ቢታይ ሱ ጉኮን ኩሚዳ ጊሻስ፥ ካታማያካ ማካላ ኦሶን ኩሚዳ ጊሻስ ኔኒ ሳንሳላታ ጊጊሳ።

ሂዚቄላ ቲንቢቴ 8:17

ጎዳይ ታና፥ «ሃይሶ ኣሳ ናዉ! ሃይሳ ቤያይ? ዩሁዳ ኣሳይ ሃይሳን ኦዛ ሃራሲዛ ኤቃ ጾሳታስ ኢስቲ ጎይኒዛይሲ ላፋ ሚሼ? ኢስቲ ቢታ ማካላ ኦሶን ኩንዲ ዛሪ ዛሪዲ ታና ሃንቄናዉ ቤሲዜ? ሄኮ ኢስቲ ታና ኣይ ማላ ጫዪዛኮ ታና ሃንቄናስ ባስ ዳንዳዬቲዳ ኡባ ኢስቲ ኦዛይሳ ቤኣ።

ኣሞጼ ቲንቢቴ 3:10

ጎዳይ፥ «ሃይቲ ዴሬቲ ሎኦ ኦሶ ኤሬቴና። ማካላኒኔ ጌኔን ኤኪዳ ሚሻን ባ ሚጻ ኩንቴስ።

ኣሞጼ ቲንቢቴ 6:3

ኢንቴ ቃሴ፥ «ኢታ ጋላሲ ኤሌ ጋኬና» ጊዛ ቆፋን ኢንቴ ዳናቴን ጌኔ ኦሶ ኤሶሴታ።

ሚኪያሳ ቲንቢቴ 2:2

ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

ሚኪያሳ ቲንቢቴ 3:3

ታ ኣሳ ኣሾ ሚዴታ፤ ጋልባካ ሾቂዴታ፤ ኢስታ ሜቄካ ሜንሬዴታ፤ ኣሾ ጫጪዛ ባሼን ጫጪዛ ማላኔ ዲስቴን ዶይሲዛ ኣሾ ማላ ቃንጼሬዴታ» ታ ጋዲስ።

ሚኪያሳ ቲንቢቴ 6:12

ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ።

ሶፎናሳ ቲንቢቴ 1:18

ጎዳ ባሻ ጋላስ ኢስታ ቢራይኔ ዎርቃይ ኢስታ ኣሻናስ ዳንዳዬና። ቢታይ ኩሜ ኢዛ ሃንቆን ያና፤ ኢዛ ዚልኤቴ ሱሌን ቢታ ኡባይ ጹጌታና፤ ቢታ ቦላ ዲዛ ኡባ ቦላ ቆፖንታ ዲሺን ዉርሴ ኤሃና» ጌስ ጎዳይ።

ያቆቤ ኪታ 2:13

ጋሶይካ ማሮንታይ ዉሪካ ማሮይ ባይንዳ ፒርዴታና፤ ማሮይ ፒርዳ ጾኔስ።