ሂዚቄላ ቲንቢቴ 5:15 - ጋሞ ማጻፋ

¹⁵ ሃንቆኒኔ ቦሻን ቃሴካ ዪሎኒኔ ሃንቆን ታ ኔ ቦላ ፒርዳ ኤሂዛ ዎዴ ኔ ዩሾን ዲዛ ካዎቴታስ ኔኒ ቂሲኔ ሚቻስ፥ ሴራሲኔ ዳጋማስ ማላታ ጊዳና። ታኒ ጎዳይ ሃይሳ ዮታዲስ።

Geeshsha Maxaafa

¹⁵ Hanqoninne boshan qasseka yiilloninne hanqon ta ne bolla pirda ehiza wode ne yuushon diza kawoteththatas neni qidhessinne miichchas, seerassinne dagamas malata gidana. Tani GODAY hayssa yootadis.

ሂዚቄላ ቲንቢቴ 5:15 ပူးပေါင်းရင်းမြစ်များ

1ካዎታ ማጻፋ 9:7

ኢስራኤሌ ዴራ ካሴ ታኒ ኢሚዳ ቢታፌ ቃላና፤ ታኒ ታ ሱንስ ዱማሲዳ ሃ ጾሳ ኬካ ኣጋጋና፤ ሄሳፌ ጉዬ ኢስራኤሌ ኣሳይ ካዎቴታ ኡባ ጊዶን ቂሲኔ ሚቻስ ኣታና።

2ታሪኬ ማጻፋ 29:8

ሄሳ ጊሻስ ጎዳ ሃንቆይ ዩሁዳ ቦላኔ ዬሩሳላሜ ቦላ ዎዴስ፤ ኢንቴ ኢንቴ ኣይፌን ቤኢዳይሳ ጎዳይ ኢስታ ዳጋማስ፥ ሚቻሲኔ ቂስ ኣ ኢሚዴስ።

ዬ ማጻፋ 39:11

ኔኒ ኣስ ኢዛ ናጋራ ጊሻስ ሴራሳኔ ሙራሳ፤ ኢዛስ ዲዛ ኣልኦ ሚሽ ባዳ ማላ ኔ ዉርሳሳ፤ ቱማፔ ኣሲ ኡባይ ኢሲቶ ጫርኪ ኣዛ ጫርኮ ማላ።

ዬ ማጻፋ 79:4

ኑ ሾሮታስ ኑኒ ቂልጫስ ጊዲዶስ፤ ኑ ሄራን ዲዛይታስ ቂሲኔ ሚቻስ ኣቲዶስ።

ኢሳያሳ ቲንቢቴ 26:9

ታ ሼምፖያ ኦማርሲ ኔና ላሞታዉስ፤ ታ ኣያናይ ማላዶ ኔና ኮያዉስ፤ ኔ ፒርዳይ ቢታ ቦላ ዪዳ ዎዴ ሳኣን ዴኢዛ ኣሳይ ጺሎቴ ታማሬስ።

ኢሳያሳ ቲንቢቴ 43:28

ሄሳ ጊሻስ ታኒ ኔ ጾሳ ኬ ሃላቃታ ካዉሻና፤ ያቆቤ ባሻስ፥ ኢስራኤሌካ ጫሻስ ኣ ኢማና» ጌስ።

ኤርማሳ ቲንቢቴ 23:40

ሜርናስ ዶጌቶንታ ሜርና ዬላቴኔ ካዉሻቴ ታ ኢንቴ ቦላ ኤሃና» ጊዴስ።

ኤርማሳ ቲንቢቴ 29:18

ታኒ ኢስታ ማሻን፥ ኮሻኒኔ ኢታ ሃርጌን ዬዴና፤ ሂስታዳ ታኒ ኢስታ ሳኣ ካዎቴታ ኡባ ሲንን ካሲኔ ቂስ ኬሳና፤ ቃሴ ታኒ ኢስታ ዬዴ ዬዲዳ ዴራ ጊዶን ቃንጌሲኔ ዳጋማስ፥ ቦሬሲኔ ካስ ማላታ ጊዳና።

ኤርማሳ ዚላስ 2:15

ኔ ኣቻራ ኣ ቢዛ ኡባይ ኔ ቦላ ባ ኩሼ ባቂ ካኣና፤ ቢታ ኡባን ኣ ሎኦ ጌቴቲዛ ካታማያኔ ዴሬ ኡባይ ኡፋዬቲዛ ካታማያ ሃኒ?» ጋና፤ ቂሼካ ባ ሁኤ ቃና።

ኤርማሳ ዚላስ 2:16

ኔ ሞርኬቲ ኡባይ ኢሲፌ ባንታ ዶና ኬሂ ዶይዳ፤ ባንታ ኣች ሳጺሼ ቂዳ፤ «ኑኒ ኢዞ ሚቲዶስ! ኑኒ ኣሞቲዳራ ሃኖ፤ ሼምፖራ ፓጻ ዲዲ ጋኪ ኣይፌን ቤኢዶስ» ጊዳ።

ሂዚቄላ ቲንቢቴ 11:9

ታኒ ኢንቴና ሃ ካታማይፔ ኬሳዳ ኣላጋታ ኩሼን ኣ ኢማና፤ ታ ኢንቴና ቃጻያና።

ሂዚቄላ ቲንቢቴ 14:8

ኢታቴን ታኒ ታ ኣይፌሶ ሄሳዴኮ ዛራና፤ ቶሴሲኔ ቂስ ታ ኢዛ ኬሳና፤ ታኒ ኢዛ ታ ዴራ ጊዶፌ ዲጋና፤ ታኒ ጎዳ ጊዲዳይሳ ኢንቴ ሄ ዎዴ ኤራና።

ሂዚቄላ ቲንቢቴ 16:41

ኔ ኬታ ታማን ጹጋና፤ ዳሮ ማጫሳታ ሲንን ኔ ቦላ ቂጻቴ ኤሃና፤ ኔ ላይማቴ ታ ኔና ዲጋና፤ ሃይሳፌ ጉዬ ኔ ሲቆታስ ኔ ሚሽ ቃንጻካ።

ሂዚቄላ ቲንቢቴ 16:57

ሄሲ ኔ ናጋራይ ቆንጫናፔ ሲንን ሃኒዴስ፤ ሃኢ ጊዲኮ ኔ ዩሾን ዲሼ ኔና ካዛ ኤዶሜ ማጫ ናይታሲኔ ኢዚ ሾሮታ ኡባስ፥ ቃሴ ፊሊስጼሜ ማጫ ናይታስ ቂስ ኣታዳሳ።

ሂዚቄላ ቲንቢቴ 22:4

ኔኒ ጉሲዳ ሱን ቆሃዳሳ፤ ኔ ጊግሲዳ ኤቃ ጾሳን ቱናዳሳ። ሄ ጋሶን ኔ ባሬ ማቲሳዳሳ፤ ኔ ላይካ ቃንዳሳ፤ ታ ኔና ካዎቴታስ ቂስ፥ ዴሬ ኡባስ ናቻስ ኬሳና።

ሂዚቄላ ቲንቢቴ 23:32

«ኡባ ሃሪዛ ጎዳይ፥ « ‹ኣኮኔ ጪማ ጊዲዳ ጹኣ፥ ኔ ሚቼይ ጹኣ ኔ ኡያና፤ ጹኣዚ ዳሮ ኦይኪዛ ጊሻስ ጫሼኔ ናች ኔ ካላና።

ሂዚቄላ ቲንቢቴ 25:17

ታኒ ኢስታ ቦላ ዎልቃማ ሃሎ ኬሳና፤ ታ ቦሻንካ ኢስታ ቃጻያና፤ ታ ኢስታ ቃጻዪዛ ዎዴ ኢስቲ ታኒ ጎዳ ጊዲዳይሳ ኤራና› ጌስ» ጊዴስ።

ሂዚቄላ ቲንቢቴ 30:19

ሄሳ ጊሻስ ታ ጊብጼ ቦላ ታ ቂጻቴ ኤሃና፤ ኢስቲካ ታኒ ጎዳ ጊዲዳይሳ ሄ ዎዴ ኤራና» ጊዴስ።

ሂዚቄላ ቲንቢቴ 5:16

ዱኪዛ ዎንዳፌ ማላ ዎዛኔ ይሲዛ ኮሻ ታ ኢንቴ ቦላ ዬዲዛ ዎዴ ቱማፔ ታ ኢንቴና ይሳናስ ዬዳይስ፤ ታ ኢንቴስ ኮሻ ቦላ ኮሻ ኤሃና፤ ታኒ ካ ዪዛሶ ሜሊሳና።

ሂዚቄላ ቲንቢቴ 5:8

ሄሳ ጊሻስ ኡባ ሃሪዛ ጎዳይ፥ «ሄኮ፥ ታኒ ታ ባጋራ ኔ ቦላ ዴንዳዲስ፤ ካዎቴታ ሲንን ታኒ ኔ ቦላ ፒርዳ ኤሃና።

ሌዌታ ማጻፋ 26:32

ኢንቴ ቢታ ሙሌራ ታ ይሳና፤ ሄን ዲዛ ኢንቴ ሞርኬቲ ማላሌታና ጋካናስ ቢታዮ ታ ኣሲ ባይንዳሶ ሂስታና።

ናሆሜ ቲንቢቴ 1:2

ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

1ቆሮንቶሴ ኣሳስ 10:11

ሄሲ ዉሪ ኑስ ሌሚሶ ጊዳና ማላ ኢስታ ቦላ ጋኪዴስ፤ ዎዴ ዉርሴን ዲዛ ኑስ ቲሚርቴ ጊዳና ማላ ኑስ ጻፌቲዴስ።

ዛሬ ማጻፋ 28:37

ጎዳይ ኔኒ ላሌታ ቢዛ ካዎቴታ ኡባ ጊዶን ኔና ቂልጫስ፥ ሚቻሲኔ ካስ ኬሳና።

ዛሬ ማጻፋ 28:46

ሃ ቃንጌቲ ኡባይ ጾሲ ኔ ቦላኔ ኔ ዜሬታ ቦላ ቂጻቴስ ዬጊዳ ሜርናስ ማላታኔ ማላሊሲዛዝ ጊዳና።