ሂዚቄላ ቲንቢቴ 5:12 - ጋሞ ማጻፋ

¹² ኔ ኣሳፔ ኢሲ ኩሼይ ካታማ ጊዶን ኢታ ሃርጌኒኔ ኮሻን ሃይቃና፤ ናምኣን ኩሼይ ካታማ ጊምቤፌ ካሬራ ማሻን ዉራና፤ ኣቲዳ ሄን ኩሼዛ ታኒ ጫርኮስ ላላናኔ ማሻ ሾዳ ዬዴና።

Geeshsha Maxaafa

¹² Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ሂዚቄላ ቲንቢቴ 5:12 ပူးပေါင်းရင်းမြစ်များ

ኢሳያሳ ቲንቢቴ 1:24

ሄሳ ጊሻስ ጎዳይ፥ ኡባፌ ዎልቃማ ጎዳ ኢስራኤሌ ጾሳይ፥ «ታኒ ታ ሞርኬታ ቦላ ታ ሃንቆ ጉሳና፤ ታና ኮሚዛይታ ቦላካ ታኒ ሃሎ ኬሳና።

ኤርማሳ ቲንቢቴ 13:24

ጎዳይ፥ «ባዞ ጫርኮይ ሱላ ላሊዛ ማላ ታኒካ ኢንቴና ላላና።

ኤርማሳ ቲንቢቴ 14:12

ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ኤርማሳ ቲንቢቴ 15:2

ቃሴ ኢስቲ ኔና፥ ‹ኑኒ ኣዋ ቢኖ?› ጊ ኦይቺኮ፥ ኔ ኢስታስ፥ ‹ሃይቆስ ፒርዴቲዳይቲ ሃይቃና፤ ማሻስ ፒርዴቲዳይቲ ማሻን ሹኬታና፤ ኮሻስ ፒርዴቲዳይቲ ኮሻን ዉራና፤ ዲኤታናስ ፒርዴቲዳይቲ ዲኤቲ ባና።›

ኤርማሳ ቲንቢቴ 15:9

ላፑን ናይቲ ሃይቂዳ ኣያ ዳጋማን ዳቡራና፤ ፔኖራ ያና ኢዚስ ጋላሳይ ቃማና፤ ኢዛ ዬላታናኔ ካዉያና፤ ኣቲዳይታካ ሞርኬታ ማሻስ ኣ ኢማና» ጌስ ጎዳይ።

ኤርማሳ ቲንቢቴ 21:9

ሃኖ ሃ ካታማይን ታኪዛ ኡባይ ማሻን፥ ኮሻኒኔ ኢታ ሃርጌን ሃይቃና፤ ጊዶ ኣቲን ካታማይፔ ኬዚ ቢዲ ካታማ ዶዲ ኦይኪዳ ባቢሎኔ ኣሳታስ ባ ኩሼ ኢሚዳ ኣሲ ባ ሼምፖ ኣሻናኔ ዴኦን ዳና።

ኤርማሳ ቲንቢቴ 24:10

ታኒ ኢስታሲኔ ኢስታ ኣዋታስ ኢሚዳ ቢታፌ ኢስቲ ሙሌራ ያና ጋካናስ፥ ማሻ፥ ኮሻኔ ኢታ ሃርጌ ኢስታ ቦላ ዬዳና› ጌስ» ጊዴስ።

ኤርማሳ ቲንቢቴ 42:22

ሄሳ ጊሻስ ኢንቴ ቢዲ ዳናስ ኮይዛ ቢታን ኢንቴ ኦላን፥ ኮሻኒኔ ኢታ ሃርጌን ሃይቂዲ ዉራና» ጊዴስ።

ኤርማሳ ቲንቢቴ 44:27

ታኒ ኢስታ ቦላ ሎኦ ሚሽ ኤሃናስ ጊዶንታ ኢታ ሚሽ ኤሃናስ ባጼታና፤ ጊብጼን ዲዛ ዩሁዳ ኣሳይ ሙሌራ ዉራና ጋካናስ፥ ኦላኒኔ ኮሻን ሃይቃና።

ኤርማሳ ቲንቢቴ 9:15

ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፥ ታኒ ሃ ኣሳ ጫሚዛ ቁማ ሚዛናኔ ማርዜራ ዲዛ ሃ ኡሻና።

ኤርማሳ ቲንቢቴ 9:16

ኢስታ ዎይኮ ኢስታ ኣዋቲ ኤሮንታ ካዎቴታ ጊዶን ታኒ ኢስታ ላላና። ታኒ ኢስታ ይሳና ጋካናስ ማሻን ዬዴና» ጌስ።

ሂዚቄላ ቲንቢቴ 12:14

ኢዛ ዩሾን ዲዛ ኢዛ ማዲዛይታኔ ኢዛ ኦላንቻታ ኡባ ታኒ ኡባሶ ፒስኪ ሂስታና፤ ታኒ ኢስታ ማሻን ዬዴና።

ሂዚቄላ ቲንቢቴ 14:17

«ዎይኮ ታኒ ሃ ቢታ ቦላን ማሻ ኤሃዳ፥ ‹ሃ ቢታራ ማሻይ ካን› ጋዳ ሜሄኔ ኣስ ይሲኮ፥

ሂዚቄላ ቲንቢቴ 14:19

«ዎይኮ ታኒ ቢታይ ቦላ ኢታ ሃርጌ ዬዳዳ፥ ታ ሃንቆን ኣሳይ ሱ ጉሳና ማላ ኦዳ ኣሳኔ ሜሃ ዎ ዉርሲኮ፥

ሂዚቄላ ቲንቢቴ 14:21

«ኡባ ሃሪዛ ጎዳይ፡ ታኒ ኣሳኔ ሜሄ ዎናስ ዬሩሳላሜ ቦላ ታ ኦይዱ ፒርዳታ፥ ማሻ፥ ኮሻ፥ ዎራ ዶኣታኔ ኢታ ሃርጌ ዬዲዛ ዎዴ ኢዚ ኣይ ኬና ኣ ኢታ ሚሽ ጊዳንዴ!

ሂዚቄላ ቲንቢቴ 16:42

ሄሳን ኔ ቦላ ዲዛ ታ ሃንቆይ ኢርጻና፤ ታ ሴላ ሃንቆይ ኔፔ ሃካና፤ ታ ጮኡ ጋና ኣቲን ሃይሳፌ ጉዬ ሃንቄቲኬ።

ሂዚቄላ ቲንቢቴ 21:22

ኢዚ ቢዲ ጊምቤ ፔንጌ ላሊዛ ዱሩማታ ኤሃና ማላ፥ ዎናስ ኣዛዛና ማላ፥ ጬቄቴ ሲሳና ማላ፥ ጊምቤ ፔንጌዛ ላሊዛ ዱሩማታ ካታማታ ፔንጌን ኤሳና ማላ፥ ቢታ ሺሺ ዶራና ማላኔ ሚጻታ ጊጊሳና ማላ ዬሩሳላሜ ሳማይ ኢዛስ ኡሻቻ ኩሼን ኬዚዴስ።

ሂዚቄላ ቲንቢቴ 24:13

« ‹ኔ ቱኒዳይ ኔ ባላጌ ኦሶና፤ ታ ሃንቆይ ኔ ቦላ ፖሌታናሼ ጋካናስ ሃይሳፌ ጉዬ ኔ ጌሽ ጊዳካ፤ ጋሶይካ ታኒ ኔና ኔ ቱናቴፌ ጌሻና ኮዪንካ ኔ ጌያና ዶሳቤካ።

ሂዚቄላ ቲንቢቴ 33:27

«ኔ ኢስታስ ኡባ ሃሪዛ ጎዳይ፥ ‹ታኒ ዴኦ ጾስ ጊዲዳይሳን ጫቃይስ፤ ላሌቲሼ ኣቲዳይቲ ማሻን ዉራና፤ ጋጻሬን ዲዛይታ ፑዜሬ ማና ማላ ታኒ ዎራ ዶኣታስ ኣ ኢማና፤ ሚኖ ሚጻኒኔ ጎንጎሎ ጊዶን ዲዛይቲ ኢታ ሃርጌን ሃይቃና።

ሂዚቄላ ቲንቢቴ 36:19

ታኒ ኢስታ ካዎቴታ ጊዶን ላላዲስ፤ ኢስቲካ ዴሬ ኡባን ላሌቲዳ፤ ታኒ ኢስታ ቦላ ኢስታ ካንዶ ማላኔ ኢስታ ኦሶ ማላ ፒርዳዲስ።

ሂዚቄላ ቲንቢቴ 43:8

ዋኒዲ ጊኮ፥ ኢሲ ጎዳ ጻላላይ ታናኔ ኢስታኔ ሻኪን፥ ባንታ ፔንጌ ታይሳ ሚሌን፥ ባንታ ፔንጌ ሚካ ታይሳ ሚሌን ዎዳ። ሂስቲዲ ባንታ ሼኔሲዛ ኦሶን ታ ጌሻ ሱን ቱኒሲዳ። ሄሳ ጊሻስ ታኒ ታ ሃንቆን ኢስታ ይሳዲስ።

ሂዚቄላ ቲንቢቴ 5:10

ሄሳፌ ዴንዲዳይሳን ኔ ጊዶን ኣዋቲ ባንታ ናይታ፥ ናይቲ ባንታ ኣዋታ ማና፤ ታ ኔ ቦላ ፒርዳ ኤሃና፤ ኔፔ ኣቲዳይታ ታኒ ጫርኮን ላላና።

ሂዚቄላ ቲንቢቴ 5:17

ታኒ ኮሻኔ ዎራ ዶኣታ ኢንቴ ቦላ ዬዳና፤ ኢስቲካ ኢንቴና ናይ ባይንዳይታ ኦና፤ ታ ኢንቴ ቦላ ኢታ ሃርጌ፥ ሱኔ ማሻ ኤሃና፤ ታኒ ጎዳይ ሃይሳ ዮታይስ» ጌስ።

ሂዚቄላ ቲንቢቴ 5:2

ኔ ዶዲዛ ዎዴይ ዉርሺን ኔኒ ሻኪዳ ቢናናስ ኢሲ ኩሼዛ ዬሩሳላሜ ካታማ ሚስሌ ጊዶን ጹጋ፤ ናምኣን ኩሼዛ ካታማይ ዩሾን ጊ ማሻን ቃንጼሬ ዬጋ፤ ኣቲዳ ሄን ኩሼዛ ጫርኮ ቦላ ላላ፤ ታኒ ኢስታ ማሻን ዬዴሬና።

ሂዚቄላ ቲንቢቴ 6:8

« ‹ታኒ ኢንቴፌ ማሻፌ ኬሲ ኤኪ ኣቲዳ ጉታ ኣሻና፤ ሄሳፌ ጉዬ ካዎቴታ ጊዶኒኔ ዴሬታ ጊዶን ኢንቴና ታ ላላና።

ሂዚቄላ ቲንቢቴ 7:15

« ‹ካሬራ ኦላይ ዴስ፤ ሶራ ኢታ ሃርጌይኔ ኮሻይ ዴስ፤ ካታማፔ ካሬን ዲዛይቲ ኦላን ዉራና፤ ካታማን ዲዛይቲ ኮሻኒኔ ኢታ ሃርጌን ዉራና።

ሂዚቄላ ቲንቢቴ 7:3

ሃኢካ ኔ ዉርሴ ጋኪዴስ! ታኒ ታ ሃንቆዛ ኢንቴ ቦላ ጉሳና፤ ኢንቴ ሃኖ ማላ ታ ኢንቴ ቦላ ፒርዳና፤ ሃራሲዛ ኤቃ ጾሳታስ ኢንቴ ጎይኒዛ ጊሻስ ታ ኔስ ቤሲዛ ቂጻቴ ኢማና።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ኣሞጼ ቲንቢቴ 9:4

ኢስቲ ባ ሞርኬታ ኩሼን ዲኤቲ ቢኮካ ሄን ኢስቲ ማሻን ሃይቃና ማላ ታ ኣዛዛና፤ ታኒ ኢስታ ቦላ ታ ኣይፌ ሎኦስ ጊዶንታ ኢታስ ዛራና» ጊ ኣዛዚዴስ።

ኣሞጼ ቲንቢቴ 9:9

«ቤኢቴ ካ ዛይዛሬን ዛይዛሪዛ ማላ ኢስራኤሌ ኣሳ ኣይዛቤ ካዎቴ ጊዶን ዛይዛራና ማላ ታ ኣዛዛና፤ ጊዶ ኣቲን ኢስታፌ ኢሳዴይካ ዎራ ዎ ዬና።

ዛካራሳ ቲንቢቴ 7:14

ኢስቲ ኤሮንታ ኣላጋ ዴሬ ጊዶ ጎቴ ጫርኮን ኢስታ ላላዲስ፤ ኢስታፌ ጉዬራ ሃራይ ኦኒካ ሄ ቦንታ ማላኔ ሃ ዮንታ ማላ ቢታያ ኣሲ ባይንዳ ቡላ ቢታ ጊዳዱስ፤ ኢስቲ ሎኦ ቢታዮ ቡላ ኦዳይ ሄሳ ማላና።»

ዛሬ ማጻፋ 28:65

ሄ ካዎቴታ ጊዶን ኢንቴ ዎፓ ዴሜኬታ፤ ኢንቴ ቶሆ ጫማይ ዬዛ ሶሆ ኬና ጋዴይካ ኢንቴስ ዴና፤ ሄሳን ጎዳይ ኢንቴስ ሜቶ ቆፋን ጻላ ኩሚዳ ሁኤ፥ ኣሞን ጻላ ዳቡርዳ ኣይፌኔ ሂዶታ ቃንጺዛ ዎዚና ኢማና።

ዮሃኒሳ ኣጁታ 6:8

ቃሴካ ጮሎሎ ፓራ ቤያዲስ፤ ፓራ ቶጊዳይሳ ሱን ሃይቆ ጌቴቴስ፤ ኢዛ ቃሴ ዱፎይ ካሌስ፤ ሃይቆይኔ ዱፎይ ቢታፌ ሳይሶ ኦላን፥ ጋፋን፥ ቦሻኒኔ ባዞ ዶኣን ዎና ማላ ጎዳቴ ኢስታስ ኢሜቲዴስ።