ሂዚቄላ ቲንቢቴ 4:2 - ጋሞ ማጻፋ

² ሂስታዳ ዎታዳራይ ጊዶዛ ማላ ኢዞ ጊዶ፤ ሚጻ ኢዚን ጊጊሳ፤ ቢታ ሺሻ ዶራ፤ ኦላ ዎሳናታ ኢዚ ዩሾን ጊጊሳ፤ ጊምቤዛ ላሊዛ ዱሩማ ኢዚ ዩሾን ዋጻ።

Geeshsha Maxaafa

² Histtada wottadaray giddoththiza mala izo giddoththa; miixa izin giigsa; biitta shiishsha doora; ola wosanata izi yuushon giigsa; gimbeza laalliza duruma izi yuushon waaxa.

ሂዚቄላ ቲንቢቴ 4:2 ပူးပေါင်းရင်းမြစ်များ

2ሳሜላ ማጻፋ 20:15

ኢዮኣቤራ ዲዛ ዎታዳራቲ ዪዲ ኣቤሊ-ቤቲ-ማኢካን ሼባኤ ጊዶዳ፤ ካታማፔ ካሬ ባጋራ ዩዪ ኣናስ ጊምቤዛስ ፑዴ ጼራ ጋካናስ ቢታ ዶሪዳ፤ ኢስቲ ጊምቤዛ ላላናስ ኬሂ ሾጪዛ ዎዴ፥

ኢሳያሳ ቲንቢቴ 22:7

ሎኦ ዙሌቲ ፓራ-ጋሬታን ኩሚዳ፤ ቶጋ ኣሳቲ ካታማይ ፔንጌን ኤቂዳ።

ኤርማሳ ቲንቢቴ 32:24

«ሄኮ ባቢሎኔቲ ካታማዮ ኦይካናስ ጊምቤ ዩሾን ቢታ ዶሪዲ ጊዶዳ፤ ኦላፔ፥ ኮሻፔኔ ኢታ ሃርጌፌ ዴንዲዳይሳን ካታማያ ኢስታራ ኦሌቲዛ ባቢሎኔታ ኩሼን ኣ ኢሜታና ሃናዉስ፤ ኔኒ ሃኢ ቤኢዛይሳ ማላ ኔ ዮቲዳ ኡባይ ፖሌቲሼ ዴስ።

ኤርማሳ ቲንቢቴ 33:4

ጎዳ ኢስራኤሌ ጾሳይ ባቢሎኔታራ ዲዛ ኦላን ቢታ ዶሪዲ ማሻን ቆሂዛ ኦላ ቴቃናስ ላሌቲዳ ሃ ካታማይ ኬታሲኔ ዩሁዳ ካዎቴ ኬታ ጊሻስ፥

ኤርማሳ ቲንቢቴ 52:4

ሄሳ ጊሻስ ሴዴቂያሲ ካዎቲዳ ኡዱፉን ላይን ታማን ኣጊናን ታማን ጋላስ ባቢሎኔ ካዎ ናቡካዳናጾሬይ ባ ኦላ ዎታዳራታ ኡባ ሺሺ ኤኪዲ ዬሩሳላሜ ቦላ ዎራጂዴስ። ካታማዮካ ጊዶዴስ፤ ዩዪ ኣናስ ኬላ ኬሊዴስ።

ኤርማሳ ቲንቢቴ 6:6

ኡባፌ ዎልቃማ ጎዳይ፥ «ሚታ ቃንጺቴ። ዬሩሳላሜ ጊምቤ ላንቄን ቢታ ዶሪቴ፤ ሃ ካታማይን ቆሆይ ኩሚዳ ጊሻስ ኢዚስ ቂጻቴይ ቤሴስ።

ሂዚቄላ ቲንቢቴ 21:22

ኢዚ ቢዲ ጊምቤ ፔንጌ ላሊዛ ዱሩማታ ኤሃና ማላ፥ ዎናስ ኣዛዛና ማላ፥ ጬቄቴ ሲሳና ማላ፥ ጊምቤ ፔንጌዛ ላሊዛ ዱሩማታ ካታማታ ፔንጌን ኤሳና ማላ፥ ቢታ ሺሺ ዶራና ማላኔ ሚጻታ ጊጊሳና ማላ ዬሩሳላሜ ሳማይ ኢዛስ ኡሻቻ ኩሼን ኬዚዴስ።

ሂዚቄላ ቲንቢቴ 21:27

ቡላሳና! ቡላሳና! ኣዋቴ ቤሲዛዴይ ያና ጋካናስ ኢዛ ቤኒ ማላ ሃኑኩ፤ ታ ኢዛስ ኢዞ ኣ ኢማና› ጌስ።

ሂዚቄላ ቲንቢቴ 5:2

ኔ ዶዲዛ ዎዴይ ዉርሺን ኔኒ ሻኪዳ ቢናናስ ኢሲ ኩሼዛ ዬሩሳላሜ ካታማ ሚስሌ ጊዶን ጹጋ፤ ናምኣን ኩሼዛ ካታማይ ዩሾን ጊ ማሻን ቃንጼሬ ዬጋ፤ ኣቲዳ ሄን ኩሼዛ ጫርኮ ቦላ ላላ፤ ታኒ ኢስታ ማሻን ዬዴሬና።

ዳኔላ ቲንቢቴ 11:15

ሄሳ ጊሻስ ፑዴሃ ባጋ ካዎይ ኢሲ ጊምቤይ ዩዪ ኣዳ ካታማዮ ጊዶዲ ኢዞ ኦይካና፤ ዱጌሃ ባጋ ዎታዳራቲ ኢስታራ ኤቄታናስ ዳንዳዬቴና፤ ኢስታ ጋርሳፌ ዶሬቲዳ ሚኖ ኦላንቻቲካ ኢዛራ ኤቄቲ ዳንዳያና ዎልቃይ ኢስታስ ዴና።