ሂዚቄላ ቲንቢቴ 38:13 - ጋሞ ማጻፋ

¹³ ሳባ ኣሳይ፥ ዳዳኔ ኣሳይ፥ ታርሴሴ ዴሬ ዛልኣንቻቲኔ ኢዚ ጉታቲ ኡባይ ኔና፥ ‹ኑና ቦንቃናስ ያዲ? ኔኒ ኔ ኦላንቻታ ሺሺዳይ ዳፋ ኤካናስ፥ ዎርቃኔ ቢራ ሺሻ ኤፋናስ፥ ሜሃኔ ሻቃጫ ቡራ ኤፋናስ፥ ዳሮ ሚሽ ዲኣ ኤካዳ ሲማናሴ?› ጋና።

Geeshsha Maxaafa

¹³ Saaba asay, Dadaane asay, Tarseese dere zal7anchchatinne izi gutati ubbay nena, ‹Nuna bonqqanaas yadii? Neni ne olanchchata shiishshiday dafa ekkanaas, worqqanne bira shiishsha efanaas, mehaanne shaqacaa buura efanaas, daro miish di7a ekkada simmanaassee?› gaana.

ሂዚቄላ ቲንቢቴ 38:13 ပူးပေါင်းရင်းမြစ်များ

ዬ ማጻፋ 57:4

ታኒ ታ ሞርኬታ ጊዶን፥ ኣስ ፑዚዲ ሚዛ ጋሞ ሚሳቲዛይታ ጊዶን ዳይስ። ኢስታ ኣቻይ ቶራኔ ዎንዳፌ ዪሻ ማላ፤ ኢስታ ኢንጻርሳይካ ቃራ ማሻ ማላ።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 33:23

ኔ ቶሌ ዎዶሮይ ሌፒዴስ፤ ቱሳይ ሚኒ ኤቂቤና፤ ሻራዚ ቶሌቲቤና፤ ሄ ዎዴ ዲኤቲዳ ጊታ ሚሺ ጊሼታና፤ ዎቤይካ ኣቶንታ ዲኦ ኤካና።

ኤርማሳ ቲንቢቴ 15:13

ኔ ዴሬ ኡባን ኦሴቲዳ ናጋራ ጊሻስ ኔ ኣቆታ ኡባ ዲኢዛይታስ ጮ ኣ ኢማና።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 51:38

ኢዚን ዲዛ ኣሳይ ዎዳላ ጋሞ ማላ ጻጌስ፤ ጋሞ ማራ ማላ ዳሬስ፤ ኢስቲ ሆኤቲ ዴንዴቲሺን ታ ኢስታስ ጊቢራ ጊጊሳና፤ ኢስቲ ማታና ማላ ኦና።

ሂዚቄላ ቲንቢቴ 25:13

ኡባ ሃሪዛ ጎዳይ፡ ታኒ ታ ቄሴ ኤዶሜ ቦላ ዴንና። ኢዛ ኣሳኔ ሜሃ ታ ዎና፤ ታ ኢዛ ቡላ ሂስታና፤ ቴማኔፔ ቢዲ ዳዳኔ ጋካናስ ኢስቲ ማሻን ዉራና።

ሂዚቄላ ቲንቢቴ 27:12

«ኬሂ ዳሮ ጊዲዳ ኔ ዱሬቴ ጋሶን ታርሴሴይ ኔናራ ዛልኤን ጋይታዱስ፤ ኢዛ ቢራኔ ቢራታ፥ ቆርቆሮኔ ኢርሳሴ ኤሃዳ ኔ ሻቃጬታ ላሜ ኤካዉስ።

ሂዚቄላ ቲንቢቴ 27:15

«ኤሮዶሴ ኣሳቲ ዛልኤን ኔናራ ጋይቲዳ፤ ዳሮ ሃሩሮ ዴሬቲ ኔ ሻቃጬታ ዳንጋርሳ ዛሌኒኔ ዞጴ ጌቴቲዛ ሚን ላሜቴስ።

ሂዚቄላ ቲንቢቴ 27:20

«ዳዳኔይ ኔ ሻቃጬ ጊላሴራ ላማዉስ።

ሂዚቄላ ቲንቢቴ 27:25

«ታርሴሴ ማርካቤቲ ኔ ሻቃጬ ጫኒ ጫኒ ኤፊዳ፤ ኔኒ ኣባ ጊዶን ዴጾ ጫና ጫኔታዳ ዳሳ።

ሂዚቄላ ቲንቢቴ 32:2

«ሃይሶ ኣሳ ናዉ! ጊብጼ ካዎ ፓሮኔስ ዚላላሼ፥ « ‹ኔኒ ካዎቴ ጊዶን ጋሞ ማላ፤ ኣባ ጊዶንካ ሚሚንቴ ማላ፤ ኔኒ ሻፋታን ቦቦልጩ ጋሳ፤ ሃታ ኔ ቶሆን ዋሳ፤ ፑልቶታ ኡሎሳሳ።

ኢዩኤሌ ቲንቢቴ 3:8

ኢንቴ ማጫ ናይቲኔ ኣቱማ ናይቲ ዩሁዳ ኣሳስ ባይዜታና ማላ ታ ኦና፤ ኢስቲካ ሃሆ ዴሬን ዲዛ ሳባኔ ኣሳስ ኣ ባይዛና፤ ሃይሳ ዉርሳ ዮቲዳይ ታና ጎዳ።

ዛካራሳ ቲንቢቴ 11:3

ሄን ናይታ ዋሶ ሲዪቴ፤ ኢስታ ቦንቾይ ቃሬቲዴስ፤ ዮርዳኖሴ ሻፋ ዶናን ዲዛ ፒ ጊዳ ዎራይ ዉሪዳ ጊሻስ ጋሞታ ጻጎ ሲዪቴ።