ሂዚቄላ ቲንቢቴ 30:2 - ጋሞ ማጻፋ

² «ሃይሶ ኣሳ ናዉ! ሃይሳ ማላ ጋዳ ቲንቢቴ ዮታ፡ ኡባ ሃሪዛ ጎዳይ፥ « ‹ዉ! ዉይ› ጋ ዋሳ፤ ‹ሄ ጋላሳይስ ኣዬ ኣና!› ጋ።

Geeshsha Maxaafa

² «Haysso asa nawu! Hayssa mala gaada tinbite yoota: Ubbaa Haariza GODAY, « ‹Wu! Wuy› ga waassa; ‹He gallassays aayye ana!› ga.

ሂዚቄላ ቲንቢቴ 30:2 ပူးပေါင်းရင်းမြစ်များ

ኢሳያሳ ቲንቢቴ 13:6

ጎዳ ጋላሲ ማቲዳ ጊሻስ ዬኪቴ! ሄ ጋላስ ኡባ ዳንዳይዛ ጾሳ ማታፔ ባሺ ያና።

ኢሳያሳ ቲንቢቴ 14:31

«ኔኖ ፔንጌዞ! ዉ! ዉይ ጋ፤ ኔኖ ካታማዞ! ዋሳ፤ ኢንቴኖ ፊሊስጼሜ ኣሳቶ! ኢንቴ ኡባይካ ሂርጋን ሴሪቴ! ጋሶይካ ፑዴሃ ባጋፌ ጩዋይ ኢንቴ ቦላ ዪዴስ፤ ሄ ጪፍራፔ ዱጺ ኣታናይ ዴና።

ኢሳያሳ ቲንቢቴ 15:2

ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

ኢሳያሳ ቲንቢቴ 16:7

ሄሳ ጊሻስ ሞኣቤቲ ዋሳና፤ ኢሲ ቦላ ሞኣቤስ ዬካና፤ ቂሬ-ሄሬሴቴ ካታማ ኣሳ ጊሻስ ዩሺ ቆፒዲ ካዮቲሼ ዬካና።

ኢሳያሳ ቲንቢቴ 23:1

ጺሮሴ ቦላ ዮቴቲዳ ሚኖ ዮኦ፤ ጺሮሴይ ዲፒ ጊ ይዳ ጊሻስ ታርሴሴ ማርካቤቶ ዋሲቴ፤ ኬኔ ዎዴቤይ ባይንዳሶ ጊዳዱስ። ቆጲሮሴ ቢታፌ ዎሬይ ኬዚዴስ።

ኢሳያሳ ቲንቢቴ 23:6

ኢንቴኖ ሃሩሮቶ! ዚላሊቴ፤ ታርሴሴ ፒኒቴ።

ኢሳያሳ ቲንቢቴ 65:14

ታ ኣሽካራቲ ዎዚናፔ ኡፋይሳን ዬጻና፤ ኢንቴ ጊዲኮ ዎዚናይ ሜቂን ኢንቴ ዋሳና፤ ኢንቴ ኣያናይ ሜቂዳ ጊሻስ ኢንቴ ዎ ዎ ጊዲ ዋሳና።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ቲንቢቴ 47:2

ጎዳይ፥ «ቤኢቴ፥ ፑዴሃ ባጋን ሃ ኩሚ ኩሚ ቤስ፤ ዎልቃማ ዲኦ ጊዳና፤ ዴሬዮኔ ኢዚ ጊዶን ዲዛይታ ኡባ ኢዚ ካታማታኔ ካታማታን ዲዛ ኣሳ ኡባ ሚታና። ዴሬዚካ ባ ቃላ ቁ ሂስቲ ዋሳና፤ ሄ ቢታን ዲዛ ኣሳይ ኡባይ ጫሞ ዬሆ ዬካና።

ሂዚቄላ ቲንቢቴ 21:12

ሃይሶ ኣሳ ናዉ! ሃይሲ ታ ዴሬ ቦላ ኢስራኤሌ ዳናታ ኡባ ቦላ ዪዴስ፤ ሄሳ ጊሻስ ዬሆኔ ዋሶ ሲሳ፤ ኢስቲ ታ ዴሬዛራ ኢሲፌ ማሻስ ኢሜቲዳ፤ ሄሳስ ኔ ጊሻስ ኔ ቲራ ኢጫ።

ሂዚቄላ ቲንቢቴ 30:1

ጎዳ ቃላይ ታኮ ዪዲ፥

ኢዩኤሌ ቲንቢቴ 1:11

ጊስቴይኔ ባንጋይ ሃራይካ ቦኔ ካ ዉሪካ ይዳ ጊሻስ ኢንቴኖ ጎሻንቻቶ ጬጪቴ፤ ኢንቴኖ፥ ዎይኔ ሚታ ጎዳቲካ ዬኪቴ።

ኢዩኤሌ ቲንቢቴ 1:5

ሄሳፌ ጉዬ ዎይኔ ኡሹ ኢንቴ ዴሞንታ ጊሻስ ዬኪቴ፤ ኢንቴኖ ማቲዛይቶ! ኢንቴ ስኪዛሶፔ ቤጊዲ ዋሲቴ፤ ኢንቴኖ ዎንታን ዎንታን ዎይኔ ኡሹ ኡዪዛይቶ! ጫሞ ዬሆ ዬኪቴ።

ሶፎናሳ ቲንቢቴ 1:11

ኢንቴኖ ማኪቴሻ ጊያን ዲዛይቶ! ዋሲቴ፤ ጋሶይካ ኢዛን ዛልኢዛ ዛልኣንቻቲ ኡባይ ዉራና፤ ቢራን ዛልኢዛይቲካ ኡባይ ሃይቃና።

ዛካራሳ ቲንቢቴ 11:2

ጺዳቶ! ዚጋ ሚይ ኩንዲዳ ጊሻስ ዬኪቴ፤ ቦንቼቲዳ ሚቲ ይዳ፤ ባሳኔ ዎላቲ «ዉ! ዉይ» ጊ ዋሲቴ፤ ፒ ጊዳ ዎራይ ቄጼቲዴስ።

ያቆቤ ኪታ 5:1

ሂስቲኮ ኢንቴኖ ዱሬ ኣሳቶ! ኣኔ ሲዪቴ። ቡሮ ኢንቴ ቦላ ጋካና ሜቶዛ ጊሻስ ዬኪቴ፤ «ዉ! ዉይ» ጊ ዋሲቴ።

ዮሃኒሳ ኣጁታ 18:10

ኢዚ ዋዬዛስ ባቢዳ ጊሻስ ሃሆን ኤቂዲ፥ «ሃኔ ጊታ ካታማዬ! ሃኔ ሚኖ ካታማዬ ባቢሎኔ! ኔ ፒርዳይ ሜጺ ኢሲ ሳቴ ጊዶን ዪዳ ጊሻስ ኔስ ኣዬ ኣና! ኣዬ ኣና!» ጋና።