ሂዚቄላ ቲንቢቴ 28:7 - ጋሞ ማጻፋ

⁷ ካዎቴታ ጊዶን ኬሂ ሜንጼ ኢታ ጊዲዳ ኣላጋታ ታ ኔ ቦላ ኤሃና። ኢስቲ ኔ ኣ ኤራቴ ፑላቴ ቦላ ባንታ ማሻ ሾዳና፤ ጊታ ኔ ቦንቾዛካ ቱኒሳና።

Geeshsha Maxaafa

⁷ Kawoteththata giddon keehi menxe iita gidida allagata ta ne bolla ehana. Istti ne aadho erateththa puulateththa bolla bantta mashsha shoddana; gita ne bonchchozakka tunisana.

ሂዚቄላ ቲንቢቴ 28:7 ပူးပေါင်းရင်းမြစ်များ

ሂዚቄላ ቲንቢቴ 31:12

ካዎቴታ ጋርሳን ኬሂ ሜንጼ ኢታ ኣላጋቲ ኢዛ ቃንጼሬ ዬጊዳ፤ ኢዛ ኡንቁሎቲ ዙማታኒኔ ዙሌታን ኩንዲዳ፤ ኢዛ ሃጋቲካ ሜቄሬቲ ሃ ዛራታን ዎዳ፤ ቢታን ዲዛ ካዎቴቲ ኡባይ ኢዛ ኩዋ ጋርሳፌ ኬዚዲ ዬጊ ቢዳ።

ሂዚቄላ ቲንቢቴ 32:12

ካዎቴታ ኡባፌ ኬሂ ሜንጼ ኢታ ጊዲዳ፥ ዎልቃማ ኣሳታ ማሻን ኔ ሺሺዳ ኦላንቻቲ ኩንዳና ማላ ታ ኦና፤ ጊብጼ ኦቶሬቴ ኢስቲ ኩንዲሳና፤ ኢዚስ ጮራ ኦላንቻታካ ይሳና።

ሂዚቄላ ቲንቢቴ 30:11

ካዎቴታ ኡባፌ ሜንጼ ኢታ ጊዲዳ ኢዚኔ ኢዛ ኦሳንቻቲ ቢታዮ ይሳናስ ያና ማላ ኦና፤ ባንታ ማሻ ጊብጼ ቦላ ሾዲዲ ቢታዮ ኣሃ ጻላ ሂስታና።

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ዳኔላ ቲንቢቴ 7:7

«ሄሳፌ ጉዬ ኦይዳን ዶኣዛ ታ ቤያዲስ፤ ኢዚካ ኬሂ ባቢሲዛ፥ ዳጋንዛዚኔ ዎልቃማ ዶኣ፤ ሄ ዶኣዛስ ፑዜሬዛኔ ሜንሬዛ ቢራታ ሚሳቲዛ ጊታ ኣቻቲ ዴቴስ። ኢዚ ሚሺን ኣቲዳይሳ ባ ቶሆታን ዬቴስ፤ ካሴ ኣዳ ዶኣታ ኡባፌ ኢዚ ዱማ፤ ኢዛስ ታሙ ካጬቲ ዴቴስ።

ዬ ማጻፋ 89:44

ኔኒ ኢዛ ካዎቴ ጉፋ ኢዛ ኩሼፔ ዎ ኤካዳሳ፤ ቃሴ ኢዛ ካዎቴ ኣራታ ቢታን ኦላዳሳ።

ሂዚቄላ ቲንቢቴ 7:24

ካዎቴታ ጋርሳፌ ዳሮ ኢታታ ኤሃዳ ኢስታ ኬን ዲዛ ኣቆታ ታ ቦንቂሳና፤ ዎልቃማታ ኦቶሬቴ ታኒ ይሳና፤ ኢስቲ ጎይኒዛሶሆታ ቱኒሳና።

ሂዚቄላ ቲንቢቴ 28:17

ኔ ፑላቴ ጋሶን፥ ኔ ዎዚናይ ኦቶሬቲዴስ፤ ኔ ቦንቾ ጊታቴፌ ዴንዲዳይሳን፥ ኔ ኣ ኤራቴ ቱኒሳዳሳ፤ ሄሳ ጊሻስ ታኒ ኔና ዱጌ ቢታን ኦላዲስ፤ ሃራ ካዎታ ሴራናስ ማላታ ኦዲስ።

ሂዚቄላ ቲንቢቴ 30:10

ኡባ ሃሪዛ ጎዳይ፥ «ባቢሎኔ ካዎ ናቡካዳናጾሬ ኩሼን ቆዳይ ባይንዳ ጊብጼ ዴሬ ኣሳ ታ ይሳና።