ሂዚቄላ ቲንቢቴ 26:3 - ጋሞ ማጻፋ

³ ኡባ ሃሪዛ ጎዳይ፡ ሃኔ ጺሮሴ ታ ኔ ቦላ ዴንዳዲስ፤ ኣባ ዳምባላይ ዴንዲዛ ማላ ታ ኔ ቦላ ዳሮ ዴሬ ዴንና።

Geeshsha Maxaafa

³ Ubbaa Haariza GODAY: hanne Xiroose ta ne bolla dendadis; abba dambalay dendiza mala ta ne bolla daro dere denththana.

ሂዚቄላ ቲንቢቴ 26:3 ပူးပေါင်းရင်းမြစ်များ

ዬ ማጻፋ 107:25

ኢዚ ኣዛዚን ጎቴ ጫርኮይ ዴንዲዴስ፤ ሂስቲን ኣባ ዳምባላይ ቃጺዴስ።

ኢሳያሳ ቲንቢቴ 5:30

ሄ ጋላስ ኢስቲ ጊታ ኣባ ዳምባላ ማላ፥ ኢስራኤሌ ቦላ ጉማና፤ ኦኒካ ዱጌ ዛሪ ቢታ ጼሊኮ ማኔ ሜቶ ቤኣና፤ ፖኦይካ ሻራን ካሜታና።

ኤርማሳ ቲንቢቴ 21:13

‹ሃኔ ሾባፌ ፑዴ ባጋራ ሹቺ ዳሪ ዲዛሶን ዲዛ ዬሩሳላሜ! ታኒ ኔ ቦላ ዴንዳዲስ፤ ኑ ቦላ ኦኔ ዴንዳናይ? ኑ ኬ ኦኔ ጻሊ ጌላናይ?› ጊዛሬ!

ኤርማሳ ቲንቢቴ 25:22

ጺሮሴኔ ሲዶና ኣባፌ ሄ ፒን ጋጻን ዲዛ ካዎታ፥

ኤርማሳ ቲንቢቴ 50:31

ጎዳይ ኡባፌ ዎልቃማ ጾሳይ፥ «ኔኖ ኦቶራንቻዞ! ታኒ ኔ ቦላ ዴንዳዲስ፤ ኔኒ ቃጻዬታና ዎዴይኔ ጋላሳይ ጋኪዴስ።

ኤርማሳ ቲንቢቴ 50:42

ኢስቲ ዎንዳፌታኔ ማሻታ ኦይኪዳ፤ ኢስቲ ማሮንታ ሜንጼ ኢታታ፥ ማሮካ ኦቴና፤ ኢስቲ ፓራታ ቶጊሺን ኢስታ ጊሪሳይ ኣባ ዳምባላ ማላ ጉሜስ፤ ሃኔ ባቢሎኔ ማጫ ናዬ! ኦላስ ጊጌቲዳ ኦላንቻታ ማላ ኔ ቦላ ያና።

ኤርማሳ ቲንቢቴ 51:42

ኣባይ ባቢሎኔ ቦላ ኬዛና፤ ዳምባላይካ ጉሚሼ ኢዞ ሚታና

ኤርማሳ ቲንቢቴ 6:23

ኢስቲ ዎንዳፌኔ ቶራ ኦይኪዳ። ኢስቲ ሜንጼ ኢታታኔ ቃታይ ባይንዳይታ፤ ኢስቲ ባንታ ፓራታ ቶጊዛ ዎዴ ኣባይ ጉሚዛ ማላ ጉሜቴስ። ኢንቴኖ ጺዮኔ ማጫ ናይቶ! ኢስቲ ጊጌቲዲ ኢንቴና ኦላናስ ዬቴስ» ጌስ።

ሂዚቄላ ቲንቢቴ 21:3

ኢስታስ ጎዳይ፥ ‹ታ ኔ ቦላ ዴንዳዲስ፤ ታኒ ታ ማሻ ኮሆፔ ሾዳዳ ጺሎ ኣሳኔ ኢታ ኣሳ ኔ ጊዶፌ ዲጋና።

ሂዚቄላ ቲንቢቴ 26:19

«ኡባ ሃሪዛ ጎዳይ፥ ‹ኢስታን ኣሲ ባይንዳ ካታማታ ማላ ታኒ ኔና ካይዚሲሺን፥ ዎጋ ጊታ ኣባን ታኒ ኔና ዬጋዳ ካሚሺን፥

ሂዚቄላ ቲንቢቴ 27:26

ማርካቤ ሶሎሊሲዛይቲ ጪማ ኣባ ጊዶን ኔና ኤፊዳ፤ ጊዶ ኣቲን ኣርሼይ ሞኪዛ ባጋ ጫርኮይ ኣባ ጊዶን ኔና ሜንሬዴስ።

ሂዚቄላ ቲንቢቴ 28:22

ኔኒ ዴራስ ኡባ ሃሪዛ ጎዳይ ኔና፥ ‹ሃኔ ሲዶና ታኒ ኔ ቦላ ዴንዳዲስ፤ ኔ ጊዶን ታኒ ቦንቼታና፤ ቂጻቴ ታኒ ኢዚ ቦላ ኤሂሺን፥ ታ ጌሻቴካ ታ ኢዚ ጊዶን ቆንጪሲሺን፥ ታኒ ጎዳ ጊዲዳይሳ ኢስቲ ኤራና።

ሂዚቄላ ቲንቢቴ 29:10

ሄሳ ጊሻስ ታኒ ኔ ቦላኔ ኔ ሻፋታ ቦላ ዴንዳዲስ፤ ጊብጼ ቢታ ሚጊዶሌፔ ቢዲ ኣሲዋ ጋካናስ፥ ሄፔካ ቢዲ ቶጵያ ዛዋ ጋካናስ ላላዳ ታኒ ቡላሳና።

ሂዚቄላ ቲንቢቴ 38:3

ኔኒ ኢዛስ ኡባ ሃሪዛ ጎዳይ፥ ‹ሜሼኬሲኔ ቱባሌስ ዋና ሃላቃ ጊዲዳ ሃይሶ ጎጌ ታኒ ኔ ቦላ ዴንዳዲስ።

ሂዚቄላ ቲንቢቴ 5:8

ሄሳ ጊሻስ ኡባ ሃሪዛ ጎዳይ፥ «ሄኮ፥ ታኒ ታ ባጋራ ኔ ቦላ ዴንዳዲስ፤ ካዎቴታ ሲንን ታኒ ኔ ቦላ ፒርዳ ኤሃና።

ሚኪያሳ ቲንቢቴ 4:11

ሃኢ ቃሴ ዳሮ ሃንኮ ዴሬ ኣሳይ ኔ ቦላ ሺቂዴስ፤ ኢስቲካ፥ ‹ሃና ቱኒዳዝ ጊዱ! ኑ ኣይፌይ ጺዮኖ ቂን ጼሎ› ጋና።

ናሆሜ ቲንቢቴ 2:12

ጋሞይ ባ ማራታስ ጊዳናይሳ ኬና ዎዴስ፤ ማጫሳታስካ ጩሊ ዎዴስ፤ ባ ዎዳይሳ ባ ሼምፒዛሶን፥ ባ ቦንቂ ሺሺዳይሳ ባ ጎንጎሎ ኩንዴስ።

ናሆሜ ቲንቢቴ 3:5

ኡባፌ ዎልቃማ ጎዳይ፥ «ሃኔ ታኒ ኔ ቦላ ሞርኬቴን ዴንዳዲስ፤ ታኒ ኔ ቃሚሳ ቃራ ኔ ኣይፌሶ ካማና፤ ኔ ካሎቴ ዴራስ፥ ዬላቴ ካዎቴታስ ታ ቤሳና።

ዛካራሳ ቲንቢቴ 14:2

ዬሩሳላሜ ኦላና ማላ ካዎቴታ ኡባ ታ ሺሻና፤ ካታማያካ ኦይኬታና፤ ኬ ጊዶን ዲዛ ሚሺ ቦንቄታና፤ ማጫሳታራካ ዎልቃን ኢቻና፤ ካታማ ኣሳፔ ባጋይ ዲኤታና፤ ኣቲዳ ዴሬይ ቃሴ ካታማይፔ ኬዜና።

ዛካራሳ ቲንቢቴ 9:4

ጊዶ ኣቲን ጎዳይ ኢዛ ጉፒዳይሳ ዎ ኤካና፤ ኢዚስ ኣባ ጊዶን ዲዛ ዎልቃ ኡባ ይሳና፤ ኢዛካ ታማን ጹጌታ ያና።

ሉቃሳ ሚሺራቾ 21:25

«ኣርሼ ቦላ፥ ኣጊና ቦላኔ ጾሊንቴ ቦላ ማላታይ ቤታና፤ ኣባፌኔ ኣባ ዳምባላ ጊሪሳፌ ዴንዲዳይሳን ቢታ ቦላ ዲዛ ዴሬይ ሂርጋናኔ ሜቶታና።