ሂዚቄላ ቲንቢቴ 26:12 - ጋሞ ማጻፋ

¹² ኔ ኣቆታ ኢስቲ ቦንቃና፤ ኔ ሻቃጬ ኢስቲ ቦንቂ ኤካና፤ ኔ ዲርሳ ኢስቲ ላላና፤ ኔ ሎኦ ኬታካ ኡባ ይሳና፤ ኔ ሹቻኔ ኔ ሚ፥ ኔ ዲርሳ ላሌ ዱጌ ኣባን ዬጋና።

Geeshsha Maxaafa

¹² Ne aqota istti bonqqana; ne shaqace istti bonqqi ekkana; ne dirsa istti laallana; ne lo7o keeththatakka ubbaa dhayssana; ne shuchchaanne ne miththa, ne dirsa laaleththaa duge abban yeggana.

ሂዚቄላ ቲንቢቴ 26:12 ပူးပေါင်းရင်းမြစ်များ

2ታሪኬ ማጻፋ 32:27

ሂዝቂያሳስ ኬሂፔ ዳሮ ዱሬቴኔ ቦንቾይ ዲዛ ጊሻስ ቢራስ፥ ዎርቃስ፥ ኣልኦ ሹቻስ፥ ሳዎስ፥ ጎንዳሌሲኔ ሃራ ኣልኦ ሚሻ ኡባስ ሚንጃ ኬ ኬጺዴስ።

2ታሪኬ ማጻፋ 36:10

ኦፊን ዎዴ ካዎ ናቡካዳናጾሬይ ኣስ ኪቲዲ ኢዮኣኪኔኔ ጎዳ ኬን ዲዛ ኣልኦ ሚሻታ ኢዛራ ኢሲፌ ባቢሎኔ ኤፊሲዴስ፤ ሂስቲዲ ኢዛ ኣዋ ኢሻ ሴዴቂያሳ ዩሁዳ ቦላኔ ዬሩሳላሜ ቦላ ካዎዴስ።

ኢሳያሳ ቲንቢቴ 23:11

ጎዳይ ባ ኩሼዛ ኣባ ቦላ ሚጪዴስ፤ ኢዚ ካዎቴታካ ዳጋንዴስ፤ ካናኔ ሚጻቲ ላሌታና ማላ ኣዛዚዴስ።

ኢሳያሳ ቲንቢቴ 23:8

ካላቻ ጎጺሲዳሪ ቦላ፥ ባ ዛልኣንቻታ ዳናሲዳሪ ቦላ፥ ቢታ ቦላ ቦንቼቲዲ ባይዚዛይቲኔ ላሚዛይቲ ኢዚን ዲዛ ጺሮሲ ቦላ ሃይሳ ቆፒዳይ ኦኔ?

ኢሳያሳ ቲንቢቴ 32:12

ኣራዳ ቢታ ጊሻስ ኢንቴ ቲራ ኢጪቴ፤ ኣይፊዛ ዎይኔ ሚ ጊሻስ ጬጪቴ፤

ኤርማሳ ቲንቢቴ 25:34

ኢንቴኖ ሄንንቻቶ! ዬኪቴኔ ዋሲቴ። ኢንቴኖ ዉዳ ሄሚዛይቶ! ቢዲንን ጌንዴሬቲቴ። ኢንቴ ሹኬታና ዎዴይ ጋኪዳ ጊሻስ ሎኢ ሜቲዳ ማና ሚሺ ቲንቼቲዛ ማላ ኢንቴ ኩንዲ ቲንቼታና።

ኤርማሳ ቲንቢቴ 52:14

ካዎዛ ቦንቾ ናጊዛ ዎታዳራታ ሃላቃፔ ጋርሳራ ዲዛ ባቢሎኔ ኦላንቻቲ ኡባይ ዬሩሳላሜ ዩሾን ዲዛ ጊምቤዛ ኡባ ላሊዳ።

ሂዚቄላ ቲንቢቴ 26:5

ታኒ ኡባ ሃሪዛ ጎዳይ ሃይሳ ዮቲዳ ጊሻስ ኢዛ ኣባ ጊዶን ጊቴ ሚጪ ሜሊሲዛሶ ጊዳና፤ ካዎቴቲ ኢዚስ ዲዛዝ ቦንቃና።

ሂዚቄላ ቲንቢቴ 28:8

ኔና ዱጌ ኦላን ዬጋና፤ ጪማ ሃን ኣባ ጊዶን ኢታ ሃይቆ ኔ ሃይቃና።

ዳኔላ ቲንቢቴ 11:8

ኢስታ ኤቃ ጾሳታ ሚስሌታ፥ ቢራፔኔ ዎርቃፌ ኦሴቲዳ ሚሻታ ዲኢ ኤኪዲ ዱጌ ጊብጼ ኤፋና፤ ጉ ላይታስ ዱጌሃ ባጋ ካዎይ ፑዴሃ ባጋ ካዎራ ኦሌቴ ኤሳና።

ሆሴኤ ቲንቢቴ 13:15

ኢዚ ባ ኢሻታ ጊዶን ዱሬ ጊዲኮካ ጎዳፔ ኪቴቲዳ ጫርኮይ ኣርሼይ ሞኪዛ ባጋራ ባዞ ቢታፌ ዴንዲዲ ያና። ፑልቶይ ቶኣና፤ ሃ ኦላይካ ሜላና፤ ኢዛስ ዲዛ ኣልኦ ኣቆታይ ሚንጃ ኬፌ ቦንቄታና።

ኣሞጼ ቲንቢቴ 5:11

ማንቆታ ኡንኤታ፤ ኢስታ ዎልቃራ ካ ጊሪሴታ፤ ኢንቴስ ማሴቲዳ ሹቻፌ ኬ ኬጺዴታ ሺን ሄ ኬን ዴኬታ። ኣራዳ ቢታን ዎይኔ ሚ ቶኪዴታ ሺን ኢዛፔ ኣጌቲዳ ዎይኔ ኡሹ ኡዬኬታ።

ናሆሜ ቲንቢቴ 2:9

ኢዛ ሚንጃ ኬን ዳጋቲዳ ኣቆታስ ቆዳይ ዴና፤ ቢዲ ቢራካ፥ ዎርቃካ ቦንቂ ኤኪቴ።

ዛካራሳ ቲንቢቴ 7:14

ኢስቲ ኤሮንታ ኣላጋ ዴሬ ጊዶ ጎቴ ጫርኮን ኢስታ ላላዲስ፤ ኢስታፌ ጉዬራ ሃራይ ኦኒካ ሄ ቦንታ ማላኔ ሃ ዮንታ ማላ ቢታያ ኣሲ ባይንዳ ቡላ ቢታ ጊዳዱስ፤ ኢስቲ ሎኦ ቢታዮ ቡላ ኦዳይ ሄሳ ማላና።»