ሂዚቄላ ቲንቢቴ 18:8 - ጋሞ ማጻፋ

⁸ ኢዚ ዲቻስ ታልኤና፤ ቡቴ ዳሮ ዲቺካ ኤኬና፤ ባ ኩሼ ሞሮፔ ናጌስ፤ ኣሳስ ሱሬ ፒርዳ ፒርዴስ።

Geeshsha Maxaafa

⁸ Izi dichchas tal7enna; buute daro dichchika ekkenna; ba kushe mooroppe naagees; asas suure pirda pirdees.

ሂዚቄላ ቲንቢቴ 18:8 ပူးပေါင်းရင်းမြစ်များ

2ሳሜላ ማጻፋ 22:24

ኢዛ ሲንን ቦሬይ ባይንዳ ዴኣዲስ፤ ታናካ ናጋራፔ ናጋዲስ።

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ዬ ማጻፋ 15:5

ባ ሚሻ ዲቻስ ታልኦንታይ፥ ጺሎ ኣስ ቆሃናስ ማታኤ ኤኮንታይ፥ ሃ ዮኦታ ፖሊዛዴይ ሜርናስካ ሂርጌና።

ኬሳ ማጻፋ 22:25

«ኢንቴ ጊዶን ዲዛ ታ ኣሳስ ኢሲ ማንቆ ኣሳስ ሚሼ ታልኢኮ፥ ባ ሚሽ ዲቻስ ኢሚዛ ኣሳ ማላ ሃኖፒቴ፤ ኔኒ ዬሎ ኢዛ ኦይቾፋ።

ሌሚሶ ማጻፋ 28:8

ቤሶንታ ዲሾን ባ ኣቆታ ዳጋሲዛ ኣሲ ሄ ኣቆታ ሂዬሳስ ኪዪዛ ኣሳስ ሺሼስ።

ኢሳያሳ ቲንቢቴ 1:17

ሎኦ ኦሶ ታማርቴ፤ ሱሬ ፒርዳ ኮዪቴ፤ ቆሄቲዳይታ ሚንቴ፤ ዪኦታስ ኤቂቴ፤ ኣምኤታስ ሞቴቲቴ» ጊዴስ።

ኢሳያሳ ቲንቢቴ 33:15

ጺሎቴን ሄሜቲዛይ፥ ሱሬ ሃሳይዛይ፥ ባሌን ቤቲዛ ዎ ካዛይ፥ ጉቦ ኤኬናፔ ባ ኩሼ ሺሺ ኤኪዛይ፥ ኣስ ዎና ዙፔቲዛይታ ዞሬ ሲያናፔ ባ ሃይ ቱጪዛይ፥ ኢታ ቤያናፔ ባ ኣይፌ ቂሊምኢዛይ፥

ኤርማሳ ቲንቢቴ 15:10

ታ ኣዬ! ሃኖ ፖራ! ታኒ ኣስ ኡባስ ኦሻሲኔ ፓላማስ ጊዳና ማላ ኣይስ ታና ዬላዲ? ታኒ ኦናስካ ታልኤ ኢማቤኬ፤ ኦናፔካ ታልኤ ኤካቤኬ፤ ጊዶ ኣቲን ኣሲ ኡባይ ታና ቃንጌስ።

ሂዚቄላ ቲንቢቴ 11:12

ታኒ ጎዳ ጊዲዳይሳ ኢንቴ ሄ ዎዴ ኤራና። ኢንቴ ኢንቴ ዩሾን ዲዛ ካዎቴታ ዎጋ ካሊዳ ጊሻስ ታ ኣዛዞ ፖሊቤኬታ፤ ታ ዎጋካ ናጊቤኬታ» ጊዴስ።

ሂዚቄላ ቲንቢቴ 18:13

ዲቻስ ታልኢኮ፥ ቡቴ ዳሮ ዲች ኤኪኮ፥ ሄሳ ማላ ኣሲ ሼምፖራ ፓጻ ዳኔ? ሙሌካ ዴና! ኢዚ ሃይታ ሃራሲዛ ሚሻታ ኦዳ ጊሻስ ኢዚ ቱሙካ ሃይቃና፤ ባ ሱን ባርካ ኦይሼታና፤ ቱሙካ ሃይቃና።

ሂዚቄላ ቲንቢቴ 18:17

ባ ኩሼ ኢታ ኦሶፔ ሺሺ ኤኪኮ፥ ዲች ዎይኮ ቡቴፔ ዳሮ ዲች ኤኮንታ ኣጊኮ፥ ታ ዎጋ ናጊኮ፥ ታ ማራ ካሊኮ፥ ኢዚ ሼምፖራ ፓጻ ዳና ኣቲን ባ ኣዋ ናጋራን ሃይቄና።

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ሌዌታ ማጻፋ 19:15

« ‹ኔኒ ፒርዳ ፒርዲዛ ዎዴ ፒርዳ ጌላሶፓ፤ ማንቆ ኢዛ ማንቆቴ ጊሻስ ማዳ ፒርዶፋ፤ ጊታ ኣሳታስ ዱማ ቦንቾ ኢሞፋ፤ ዴሬ ኣሳካ ዱማ ማዳ ፒርዶፋ፤ ኣሳ ኡባስ ቱሙ ፒርዳ ፒርዳ።

ሌዌታ ማጻፋ 19:35

« ‹ማካ ሚሼን ጊዲን ዎይኮ ሜዛኔን ዎይኮ ዋ ሚሻን ኣስ ጪሞፍቴ።

ዛካራሳ ቲንቢቴ 8:16

ኢንቴ ኦናስ ቤሲዛ ሚሻቲ ሃይታንታ፤ ኢንቴ ኢንቴ ጋርሳን ኢሶይ ኢሳራ ቱሙ ሃሳዬቲቴ፤ ኢንቴ ዱቡሻንካ ቱማኔ ሱሬ ፒርዳ ፒርዲቴ።

ዛካራሳ ቲንቢቴ 8:19

«ኦይዳን ኣጊናን፥ ኢቻሻን ኣጊናን፥ ላፑን ኣጊናኒኔ ታማን ኣጊናን ኢንቴ ጾሚዛ ጾማይ ዩሁዳ ዴራስ ኡፋይሳ ጋላሲኔ ባኣሌ ጋላስ ጊዳና፤ ሄሳ ጊሻስ ኢንቴ ቱማቴኔ ሳሮቴ ኮዪቴ።»

ዛሬ ማጻፋ 23:21

ጎዳ ኔ ጾሳስ ኔ ኢማና ጋዳ ኣዲኔቲዳ ሚሽ ጋናስ ጋምኦፋ፤ ኔ ጊዳ ቃላ ኔ ፖላና ማላ ጎዳ ኔ ጾሲ ኮዬስ፤ ኔ ኣዲኔቲዳ ቃላ ጋንታ ኢጺኮ ሄሲ ኔስ ናጋራ ጊዴስ።