ሂዚቄላ ቲንቢቴ 16:53 - ጋሞ ማጻፋ

⁵³ «ታኒ ጊዲኮ ሶዶሞኔ ኢዚ ማጫ ናይታ፥ ሄሳካ ሳማሪያፔኔ ኢዚ ማጫ ናይታፔ ኤኬቲዳ ዲኦ ታ ዛራና፤ ኢስታፌ ዲኤቲዳይሳ ታ ዛሪዛ ዎዴ ኔፔ ዲኤቲዳይሳካ ዛራና።

Geeshsha Maxaafa

⁵³ «Tani gidikko Sodoomonne izi macca nayta, hessaththoka Samaariyappenne izi macca naytappe ekettida di7o ta zaarana; isttafe di7ettidayssa ta zaariza wode neeppe di7ettidayssaka zaarana.

ሂዚቄላ ቲንቢቴ 16:53 ပူးပေါင်းရင်းမြစ်များ

ኢዮቤ ማጻፋ 42:10

ኢዮቢ ባ ሄ ላጌታስ ዎሲዳፔ ጉዬ ጾሲ ኢዚ ዛሪ ዱሬታና ማላ ኦዴስ። ካሴ ኢዛስ ዲዛይሳፌ ኣዲ ዳኮ ኢዛስ ኢሚዴስ።

ዬ ማጻፋ 126:1

ጎዳይ ኑና ዲኤቲዳይታ ዛሪዲ ጺዮኔ ኤሂዳ ዎዴ ኑስ ኣጉሞ ሚሳቲዴስ።

ዬ ማጻፋ 14:7

ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

ዬ ማጻፋ 85:1

ኣቤት ጎዳዉ! ኔኒ ኔ ቢታስ ኪያቴ ቤሳዳሳ፤ ያቆቤ ዲኤቲዳሶፔ ዛራዳሳ።

ኢሳያሳ ቲንቢቴ 1:9

ኡባፌ ዎልቃማ ጎዳይ ኑስ ዜሬ ኣሾንታኮ፥ ኑኒ ሶዶሜ ማላኔ ጋሞራ ማላ ጊዳናኮሺን።

ኤርማሳ ቲንቢቴ 12:16

ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

ኤርማሳ ቲንቢቴ 20:16

ሄሳዴይ ጎዳይ ቃታይ ባይንዳ ሺሬቺ ዬጊዳ ካታማታ ማላ ጊዶ፤ ማላዶ ዋሶ፥ ጋላሳ ሴታን ኦላ ሺሮ ሲዮ።

ኤርማሳ ቲንቢቴ 31:23

ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።

ኤርማሳ ቲንቢቴ 46:27

«ታ ኦሳንቻ ያቆቤ ያዮፋ፤ ኢስራኤሌ ሺሮቶፓ፤ ታ ኔና ሃሆ ቢታፌ ኔ ዛሬካ ዲኤቲ ቢዳሶፔ ኣሻና። ያቆቤይካ ሲሚዲ ሳሮቴን ዎፑ ጊ ዳና፤ ኢዛ ባቢሳና ሚሺካ ዴና።

ኤርማሳ ቲንቢቴ 48:47

«ጊዶ ኣቲን ዉርሴን ሞኣቤፔ ዲኤቲ ቢዳይታ ታ ዛራና» ጌስ። ሞኣቤ ቦላ ፒርዴቲዳ ፒርዳይ ሄሳ።

ኤርማሳ ቲንቢቴ 49:39

«ጊዶ ኣቲን ዉርሴ ዎዴታን ታኒ ኤላሜ ዛራ ኢሻልሳና» ጌስ።

ኤርማሳ ቲንቢቴ 49:6

«ሄሳፌ ጉዬ ታኒ ኣሞኔ ኣሳፔ ዲኤቲዳ ሚሻ ዛራና» ጌስ።

ሂዚቄላ ቲንቢቴ 16:52

ኔኒ ኔ ሚቼታ ጺሎ ማላ ቆዲዳ ጊሻስ ዬላ ማይኣ፤ ኔ ናጋራይ ኢስታይሳፌ ኬሂ ኢታ ጊዲዳ ጊሻስ ኢስቲ ኔፔ ጺሎ፤ ኔኒ ኔ ሚቼታ ጺሊሲዳ ጊሻስ ዬላ ቁማኣ።

ሂዚቄላ ቲንቢቴ 16:54

ኔ ኦዳ ኡባን ኔ ካዉያናኔ ኬሃ ዬላታና፤ ሄሳን ኔ ሚቼቲ ሚኔታና።

ሂዚቄላ ቲንቢቴ 26:6

ሄ ቢታን ኣባፌ ሃኪ ዲዛ ጉታቲ ማሻን ዉራና፤ ታኒ ጎዳ ጊዲዳይሳ ኢስቲ ሄ ዎዴ ኤራና።

ሂዚቄላ ቲንቢቴ 29:14

ታኒ ኢስታስ ዛራ ኢሻሎ ዴኦ ኢማና፤ ካሴ ኢስታ ኣዋታ ቢታ ጳጺሮሴ ታ ኢስታ ዛራና፤ ኢዛካ ካዎቴታ ኡባፌ ላፋ ጊዳና።

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ኢዩኤሌ ቲንቢቴ 3:1

ጾሲ፥ «ሄ ዎዴ ታኒ ዬሩሳላሜፔኔ ዩሁዳፔ ዲኤቲ ኤኬቲዳ ሚሽ ኡባ ዛራና።