ሂዚቄላ ቲንቢቴ 12:2 - ጋሞ ማጻፋ

² «ሃይሶ ኣሳ ናዉ! ኔኒ ማካላንቻ ዴራ ጊዶን ዳሳ። ኢስቲ ማካላንቻ ጊዲዳ ጊሻስ ኢስታስ ኣይፌይ ዴስ ሺን ዴሜቴና፤ ኢስታስ ሃይ ዴስ ሺን ሲዬቴና።

Geeshsha Maxaafa

² «Haysso asa nawu! Neni makkallanchcha deraa giddon daasa. Istti makkallanchcha gidida gishshas isttas ayfey dees shin demmettenna; isttas hayththi dees shin siyettenna.

ሂዚቄላ ቲንቢቴ 12:2 ပူးပေါင်းရင်းမြစ်များ

2ካዎታ ማጻፋ 17:14

ጊዶ ኣቲን ኢስቲ ሲዪቤቴና፤ ኢስቲ ጎዳ ባንታ ጾሳን ኣማኔቶንታ ኢጺዳ ባንታ ኣዋታ ማላ ባ ዎዚና ሙሚሲዳ።

2ካዎታ ማጻፋ 17:15

ኢዛ ማራ፥ ኢዚ ኢስታ ኣዋታራ ጌሊዳ ጫቆ ቃላኔ ኢዚ ኢስታስ ሚን ዮቲዳ ቃላ ካዳ፤ ሃዳ ጊዲዳ ኤቃ ጾሳታ ካሊዳ፤ ባንታስካ ሃዳ ጊዲዳ፤ ጎዳይ ኢስታስ፥ «ኢስቲ ኦዛይሳ ኢንቴ ኦፍቴ» ጊዲ ኣዛዚንካ ኢስቲ ባንታ ዩሾን ዲዛ ካዎቴታ ካሊዳ፤ ኢስቲ ኦንታ ማላ ጎዳይ ዲጊዳይሳ ፖሊዳ ኣቲን ኣጊቤቴና።

ዬ ማጻፋ 78:40

ኢስቲ ባዞን ኣፑንቶ ኢዛ ቦላ ማካሊዶ! ሜላ ባዞን ኣፑንቶ ኢዛ ላንጪሲዶ!

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ኢሳያሳ ቲንቢቴ 30:1

ጎዳይ፥ «ማካላንቻ ጊዲዳ ናይታስ ኣዬ ኣና! ታፔ ጊዶንታ ቆፋ ካሌቴስ፤ ታ ኣያናፔ ጊዶንታ ጫቆ ጫቄቴስ፤ ናጋራ ቦላ ናጋራ ጉጄቴስ።

ኢሳያሳ ቲንቢቴ 30:9

ሃይቲ ጎዳ ኣዛዞ ሲያና ኮዮንታይቲ፥ ማካላንቻ ዴሬኔ ባሌዛ ናይታ።

ኢሳያሳ ቲንቢቴ 43:8

ኣይፌይ ዲሺን ቆቂዳይታ፥ ሃይካ ዲሺን ቱሊዳይታ ኬሳ።

ኢሳያሳ ቲንቢቴ 44:18

ኢስቲ ኣይኮካ ኤሬቴናኔ ኣኬኬቴና፤ ኢስቲ ጼሎንታ ማላ ኢስታ ኣይፌይ ጎዜቲዴስ፤ ኢስቲ ዩሺ ቆፖንታ ማላ ኢስታ ዎዚናይ ጎርዴቲዴስ።

ኢሳያሳ ቲንቢቴ 6:5

ሂስቲን ታኒ፥ «ታኒ ዶናይ ቱኒዳ ኣሳ፤ ቃሴ ዶናይ ቱኒዳ ኣሳታ ጊዶን ዴኣይስ፤ ታኒ ካዎዛ፥ ኡባፌ ዎልቃማ ጎዳ ጾሳ ታ ኣይፌን ቤኢዳ ጊሻስ ታስ ኣዬ ኣና! ታ ያዲስ» ጋዲስ።

ኢሳያሳ ቲንቢቴ 65:2

ማካላንቻ ዴሬታስ፥ ኢታ ኦጌራ ቢዛይታስ፥ ባንታ ዎዚና ኣሞ ካሊዛይታስ፥ ታ ኩሼ ጋላስ ኩሜ ሚጫዲስ።

ኤርማሳ ቲንቢቴ 4:17

ኢዛ ታ ቦላ ማካሊዳ ጊሻስ ካ ናጊዛ ኣሳ ማላ ኢስቲ ዩሁዳ ጊዶና› ጊቴ።

ኤርማሳ ቲንቢቴ 5:21

ኢንቴኖ ኣይፌይ ዲሺን ዴሞንታይቶ! ሃይ ዲሺን ሲዮንታይቶ! ኤያኔ ዩሺ ቆፖንታይቶ! ሃይሳ ሲዪቴ!

ኤርማሳ ቲንቢቴ 5:23

ጊዶ ኣቲን ሃ ዴራስ ሙሜኔ ማካላ ዎዚናይ ዴስ፤ ኢስቲ ኦጌ ኣጊ ዎራ ቢዳ።

ኤርማሳ ቲንቢቴ 7:26

ዴሬዚ ጊዲኮ ታ ጊዛዝ ሲዪቤና፤ ዎዚናን ዎ ሲያናስካ ኮዪቤና፤ ኢስቲ ባንታ ሞርጌ ሚንዳኔ ኢስታ ኣዋቲ ኦዳ ኢታ ሚሻፌ ኣዛ ኢታ ሚሽ ኦዳ።

ሂዚቄላ ቲንቢቴ 12:1

ጎዳ ቃላይ ታኮ ዪዲ፥

ሂዚቄላ ቲንቢቴ 12:25

ታኒ ጎዳይ ሃሳያና ኮዪዳይሳ ሃሳያና፤ ታ ሃሳይዳ ቃላይካ ጋምኦንታ ፖሌታና፤ ኢንቴኖ ማካላንቻ ኣሳቶ! ታኒ ዮቲዳይሳ ኡባ ኢንቴ ላይን ታኒ ፖላና› ጌስ ኡባ ሃሪዛ ጎዳይ» ጊዴስ።

ሂዚቄላ ቲንቢቴ 17:12

«ሃይሳ ማካላንቻ ኬ ኣሳስ፥ ‹ሃይታ ሌሚሶታ ቢርሼ ኣዛኮኔ ኢንቴ ኤሬኬቲ?› ሄሲካ ባቢሎኔ ካዎይ ዬሩሳላሜ ዪዲ ኢዚ ካዎዛኔ ኢዚ ዳናታ ዲኢ ኤኪ ባቢሎኔ ሲሚ ቢዴስ።

ሂዚቄላ ቲንቢቴ 2:3

ኢዚካ ታስ፥ «ሃይሶ ኣሳ ናዉ! ታ ቦላ ማካሊዳ ማካላንቻ ዴሬ ኢስራኤሌ ኣሳኮ ታ ኔና ኪታይስ፤ ኢስቲኔ ኢስታ ኣዋቲ ሃች ጋካናስካ ታ ቦላ ማካሊዳ።

ሂዚቄላ ቲንቢቴ 24:3

ሃ ማካላንቻ ኬስ ሃይሳፌ ካሊ ዲዛ ሌሚሶዛ ዮታ፤ ኡባ ሃሪዛ ጎዳይ፥ « ‹ቢራታ ዲስቴ ታማ ቦላ ዎ፤ ሄሳፌ ጉዬ ኢዛን ሃ ጉጃ።

ሂዚቄላ ቲንቢቴ 3:9

ታኒ ኔና ዬላይ ባይንዳዴኔ ዛላፌካ ኣዳ ሚኖ ሂስታና፤ ኢስቲ ማካላንቻ ዛሬ ጊዲኮካ ኢስታስ ባቦፋኔ ኮኮሮፓ» ጊዴስ።

ሂዚቄላ ቲንቢቴ 44:6

ማካላንቻ ኢስራኤሌ ኣሳስ ኡባ ሃሪዛ ጎዳይ፥ ‹ኢንቴኖ ኢስራኤሌ ኣሳቶ፥ ኢንቴ ኦዛ ቱና ኦሶይ ኤቆ።

ማርቆሳ ሚሺራቾ 4:12

ሄሲካ ካሴ፥ ‹ኢስቲ ቤኢዲ ቤኢዳይሳ ኣኬኮንታ ማላኔ ሲሞንታ ማላ፥ ቃሴካ ኢስታ ናጋራይ ማሬቶንታ ማላኮ› » ጊዴስ።

ሉቃሳ ሚሺራቾ 8:10

ኢዚካ ኢስታስ፥ «ጾሳ ካዎቴ ጹራ ኤሮይ ኢንቴስ ኢሜቲዴስ፤ ሃራታስ ጊዲኮ ሌሚሶራ ዮታይስ ቃሴካ ሃራቲ ቤኢዲ ዎዚናን ዎንታ ማላኔ ሲዪዲ ዩሺ ቆፖንታ ማላ ሃኒዴስ።

ዮሃኒሳ ሚሺራቾ 12:40

«ኢስቲ ባ ኣይፌን ቤኢዲ፥ ባ ዎዚናን ዩሺ ቆፒዲ፥ ሲሞንታ ማላኔ ኢዚ ኢስታ ፓንታ ማላ ጾሲ ኢስታ ኣይፌ ቆቂሲዴስ፤ ኢስታ ዎዚናካ ሙሚሲዴስ» ጊ ጻፊዳ ጊሻሳ።

2ቆሮንቶሴ ኣሳስ 3:14

ጊዶ ኣቲን ካሴ ጋልኣ ጫቆ ቃላይ ናባቤቲሺን ሄ ዎዴ ጎሳዚ ሃች ጋካናስ ኪቾንታ ጊሻስ ኢስታ ዎዚናይ ዶጪዳ ማላ ዴስ፤ ሄ ጎሳይ ሃኢካ ኪቺቤና፤ ኢዚካ ኪቻናይ ኪርስቶሳን ጻላ።

ኤፌሶኔ ኣሳስ 4:18

ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ።

ዛሬ ማጻፋ 29:3

ሄ ኢታ ሜቶታ፥ ጊታ ማላታታኔ ማላሊሲዛ ሚሻታ ኢንቴ ኢንቴ ኣይፌራ ቤኢዴታ።

ዛሬ ማጻፋ 29:4

ጊዶ ኣቲን ሃች ጋካናስ ጎዳይ ኢንቴስ ኣኬኪዛ ዎዚና፥ ጼሊዛ ኣይፌኔ ሲዪዛ ሃይ ኢሚቤና።

ዛሬ ማጻፋ 31:27

ኢስራኤሌ ኣሳይ ኣይ ማላ ማካላንቻኮኔ ዎዚና ሙሜኮ ታ ኤራይስ፤ ታኒ ሼምፖራ ፓጻ ኢስታራ ዲሺን ኢስቲ ጎዳ ቦላ ማካሊዛይቲ ታኒ ሃይቂዳፔ ጉዬ ኬሂ ማካላንቻታ ጊዳና።

ዛሬ ማጻፋ 9:24

ታ ኢንቴና ኤሮሶፌ ሃኖ ጋካናስ ኢንቴ ጎዳ ቦላ ማካሊዳ ማላ ዴታ።

ዛሬ ማጻፋ 9:7

ጎዳ ኢንቴ ጾሳ ባዞን ኢንቴ ዎስቲ ሃንቄዳኮ ባሎፒቴ፤ ኢንቴ ጊብጼፔ ኬዚዳ ጋላሳፌ ዶሚዲ ሃኖ ጋካናስ ኢንቴ ጎዳ ኢንቴ ጾሳ ቦላ ማካሊዴታ።